اعلان 1 اعلان 1 اعلان 1 اعلان 1 اعلان 1 اعلان 1


رح مراح " مقيط " واطلع من قليبه!!

الموضوع في 'ملتقى بــوح الأقــلام' بواسطة نهرجاري, بتاريخ ‏2012-03-05.


  1. نهرجاري

    نهرجاري عضوية تميّز عضو مميز

    1,541
    0
    0
    ‏2011-04-01
    معلم

    عذري اللي كل ما جيت ابتدي به
    طوّلت بي سيرته واخلف مساره!!

    فـ آخر المشوار والطرقة تعيبه

    طلّع المهموم همٍ في مغاره!!

    ضاع ابو سلطان واسرف في صحيبه!

    " يوم خصّه بالسراير واستشاره

    ذكّره بالجرح .. والمولى حسيبه

    حرّك الهوجاس والقلب إستثاره

    وجرحي المدفون وصّاني طبيبه

    مستحيل يطيب .. والموت انتشاره!


    وانت شنّيت الهجوم بكل طيبه

    ما دريت ان الحريقه من شراره!

    ياصويب العشق .. لا تنخى صويبه!‍

    كيف تنخى واحدٍ ما جاب ثاره؟‍

    صاحبك من عام الاول تعتزي به

    " والفهيم يقال يفهم بالإشاره

    معجبٍ هالناس واحوالي عجيبه

    من سبايب فتنة الجيل ودماره!

    ما تعلّمت الخفاره في الكتيبه

    صالبٍ في الليل كنّي في خفاره!!

    اتذكّر كل ليلٍ مهتني به

    يوم خلّي محتسيني بالزياره

    والمصيبه لا تعدّت حروتي به

    ما يبرّد صدري الليل وخصاره

    واحدٍ عرش العذراى معتلي به

    مالكٍ هالزين ليله مع نهاره!‍‍

    إن تبسّم .. صار لي ياناس هيبه!‍‍

    وان تكلّم ضاع (خرّيج الإداره)!!

    ابدويٍ والبداوه ما تعيبه

    علّم الحضران .. وش معنى الحضاره!‍‍

    مسكنه فالبيد.. والمولى رقيبه

    والغيوم ترافقه والعشب جاره

    ما تشكّى من محلٍ مختلي به

    نازحٍ مرباه يسوى كل حاره!

    كم تبادلنا السوالف في شعيبه

    الشعيب اللي يذرّينا خضاره

    اللقا محلاه .. والفرقا صعيبه

    وآخرة فرقاه في كبدي مراره

    الصغيّر يوم يفطم عن حليبه

    يلعن ايام المراجل وافتخاره!!‍‍

    غاب عني .. والقمر طوّل مغيبه

    يوم حطّيت القمر للزين شاره!


    ما بقى لي في حياتي بـ اكتفي به

    دام خلّي ما تراجع عن قراره

    واعتبر هالضيم للعاشق ضريبه

    وابني اللي طاح .. واجهد في عماره

    وان نخاني صاحبٍ معروف طيبه

    حالفٍ بالله .. لـ ارد اعتباره!

    مير مطلوبك دخلني فيه ريبه

    شنّت الأفكار يمي الف غاره!!

    لو حلال القوم يوخذ بالغصيبه

    كان قلب اخوك ما تِشتَبّّ ناره!

    يارفيقٍ فالليالي ينغزي به

    ما يطيق الشمس شكّاي الحراره!

    لا تمدّ الشوف والهقوه قريبه

    فـ أول دروب العشاشيق استداره!

    ولا تبيع بسوقك .. اللي تشتري به

    فقر بعض الناس بأسباب التجاره!!

    المحبّه جمرها ما ينوطي به

    تتعب الرجّال .. مافيها شطاره!

    رح مراح " مقيط " واطلع من قليبه!!

    كانك ترد المنايا بالصقاره!!

    رح مراحي .. كان دربي ينمشي به

    كل حرٍّ عاش حرٍّ بـ اختياره

    بس انا لي عام .. واطباعي غريبهََ!

    ضايقٍ ماغير اردّد هالعباره..

    ( ياعسى من لام من فارق حبيبه

    يلحقه ما حلّ بـ "اطفال الحجاره" )
    :

    :


    :

    ~~~ لـــ عبد الله الجزلا ني

     
  2. عذبة المعاني

    عذبة المعاني مراقبة إدارية مراقبة عامة

    24,860
    40
    48
    ‏2009-01-10
    أنثى
    ..............
    أبياات راائعه
    سلم أحسااسك على الطرح
     
  3. نهرجاري

    نهرجاري عضوية تميّز عضو مميز

    1,541
    0
    0
    ‏2011-04-01
    معلم
    اشكرك اختي الفاضله عذبة المعاني
    على مرورك الراقي

    تقديري لكـِ