اعلان 1 اعلان 1 اعلان 1 اعلان 1 اعلان 1 اعلان 1


خبر مهم يارب مايكون كلامهم صح

الموضوع في 'ملتقى المعلمات البديلات المثبتات ومحو الأمية' بواسطة ماتهنيت بحياتي, بتاريخ ‏2012-03-21.


  1. ماتهنيت بحياتي

    ماتهنيت بحياتي تربوي جديد عضو ملتقى المعلمين

    73
    0
    0
    ‏2012-03-19
    عاطلة
    السلام عليكم ورحمة الله وبركاته

    خواتي البنات كيف حالكم ؟ انا ماني بخير لان توني واصله من السفر رحت للقويعيه عشانابي صوره عقد حقي الي من عام 1429 الي كان لمده سنه بس استمريت فيه 5 شهور وداومت في مدرستين وتخصصي انجليزي وماكملت باقي العقد بسبب ظروف عائليه المهم لما طلبت العقد من مكتب الاشراف قسم الرجال قالو كل العقود راحت لاداره التعليم ورحت لادارة التعليم وبحثو عن عقدي مالقو عقود عام 1429 وبحثو عنه في الارشيف وكل مكان ومالقيوه بس لقو الاثبات الوحيد اني على سلم الرواتب وبس قالو روحي لقسم الحريم واسالي ورحت وياليت مارحت قالت لي المسؤله عن عقود ومحو الاميه عقود عام 29 مو موجوده واكثر من بنت طلبوها ومالقيناها واساسا بنات عام 1429 مو مطلوبين في المفاضله الجايه الي مطلوبات الي عام 30 و31 بس قالت لي كذا بالحرف الواحد وقالت مالك حل الا تروحي للمدرسه وتطلبي صوره للعقد حقك والله يعينك ومن الكلام ذا
    بنات الي قهرني ادراة التعليم بكبرها اسمي مو موجود فيها اني بديله مع اني كنت مداومه في مدرستين ولمده 5 شهور الحين وش اسوي العقد كلمت المديره وقالت لي ابشري بعد الاجازه برسله لك وش اسوي بخصوص ان اسمي مارفع ضمن الحصر وهل هو صدق بنات عام 1429 مو مطلوبات واذا كذا وش الحل وش اسوي ترا مالي الا الله ثم انتم والله اني تعبانه وطول اليوم اتحسب عليهم ساعدوني تكفون طلبتكم الي تعرف خبر او شي تقول لي تريحيني او طريقه اقدر ارفع فيها اسمي مع البديلات المستثنيات :tears:
     
  2. بديلة_منسية

    بديلة_منسية تربوي جديد عضو ملتقى المعلمين

    593
    0
    0
    ‏2012-03-12
    بديلة ليست على راس العمل
    يابنت الحلال السبت لاحد يتاخر مطلبنا تثبيت الجميع بدون شروط بس لازم نكون بالعدد نفس الي علي راس العمل معبين الشوارع ومسكرين الطرق ما صدقوا يروحوا وتفك الزحمه بالشارع
     
  3. أميرة الورد

    أميرة الورد مشرفة سابقة عضو مميز

    9,526
    1
    36
    ‏2011-10-03
    معملة
    ياجماعه ماهو معقول تتخصص السنتين هذي بس مستحيل
    يعني بيفتحون لأنفسهم باب من 26 الى 29 أدارات التعليم دائما تسألينهم يقولون ماجانا
    شي وهو الصحيح مابعد يتعمم اي شي لأنه مافي شي او قرار نهائي تام حاسم الى الآن
    كيف هم عرفو وعلى اي اساس والله هذا من رداهم ضيعو عقود الناس والفو لهم كذبه
    ان هي عندها صور عقودها او خبرتها مايضيع حقها ومفروض هي والي معها يشتكون
    على ادارة تعليمهم اوراق رسمية فيها تحديد مصير كيف بحثو مالقوها الدنيا سايبة
    الكلام كله تصريفه من ادارة التعليم ولو انا مكانها وربي مايردني عنهم الا لجنة تحقيق من الوزارة
    خلاص ملينا سكوت وظلم
    ياجماعه ماهو كل ماينقل صحيح هذا الكلام لا يدخل العقل مادام مافيه قرار ايش عرفهم بالله
    وعاشت التصريفة بس لاحولا ولاقوة الابالله صرنا كرة الكل يركله على كيفه ومزاجه
     
  4. احلام ورديه

    احلام ورديه تربوي جديد عضو ملتقى المعلمين

    173
    0
    0
    ‏2012-02-10
    عاطله
    حبيبتي مو على كيفهم انت عندك عقد عند المدرسة خدية وصورية وخلي ولي امرك يرفعه بعد الاجازة والله يرزقنا ويرزقك
     
  5. بديلة راحت عليها

    بديلة راحت عليها تربوي جديد عضو ملتقى المعلمين

    849
    0
    0
    ‏2011-12-28
    انتظر الاعانة

    لا تخافي عزيزتي روحي للمدرسة الي كنتي فيها

    واطلبي صورة العقد هوا لوحدو اكبر اثبات ...وبالنسبة

    للسنواااات الي يشملها التثبيت ما اعطو قرار نهائي

    فيه وعلى كلام احب الزين حايجتمعو يوم الاحد

    وانتظري القرار النهاااااائي وكثير بناااااااااات بشرو

    انه حايشمل الجميع تفاااائلي بالخيرررررررر
     
  6. بديلة_منسية

    بديلة_منسية تربوي جديد عضو ملتقى المعلمين

    593
    0
    0
    ‏2012-03-12
    بديلة ليست على راس العمل
    انا والله العظيم من قبل تجمعنا الاخير سمعت ان التثبيت لعدد قليل حتي ما يجي عام 31 عدد قليل
     
  7. تفاحه نيوتن

    تفاحه نيوتن تربوي جديد عضو ملتقى المعلمين

    550
    0
    0
    ‏2012-02-25
    عاطله
    مفاضله ايش لا يكون قصدك البديلات اللي مو على راس العمل ؟؟

    وبالنسبه لموضوعك يالغلا خليك من الموظفات والله ما عندهن الا الدجه وكل وحده تقول كلام من راسها

    الا من رحم ربي لكن يا أختي أنتي شوفي اذا الاداره فيها قسم رجالي خلي احد محارمكم يكلمهم و يشوف

    الوضع وان شاء الله يلقون عقدك ويفرج عليك هالغمه عاجلاً غير اجل
     
  8. تفاحه نيوتن

    تفاحه نيوتن تربوي جديد عضو ملتقى المعلمين

    550
    0
    0
    ‏2012-02-25
    عاطله
    ما شاء الله رأي اختي بديله حلو فعلا المدرسه والمندوبيه يكونون اخذين صوره من العقد

    ا
     
  9. ماتهنيت بحياتي

    ماتهنيت بحياتي تربوي جديد عضو ملتقى المعلمين

    73
    0
    0
    ‏2012-03-19
    عاطلة
    ابوي ر اح لقسم الرجال ادراة التعليم بكبرها مافيها عقدي يقولون كل الي عندنا من عام 30 ورا مافيه 29 واساسا ليش اسمي مو مثبت في الكمبيوتر اني كنت بديله في مدرستين بنفس الوقت ؟ حسبي الله عليهم ضيعو حقي
     
  10. أميرة الورد

    أميرة الورد مشرفة سابقة عضو مميز

    9,526
    1
    36
    ‏2011-10-03
    معملة
    لالالالالالالالالالالالا مايضيع حقك انتي روحي مدرستك واخذي منها صورة عقدك ملفك
    موجود عندهم مازال وصور العقود فيه
    وان رموه لأن البعض يتساهل اذا ادارات التعليم رمتهم خذي منها خبرة
    طيب انتي ليه مااخذتي شهادة خبرة عندك والا لا ان كان عندك مايقدرون ينكرونك
    وانا اقول لك اشتكي انتي وكل من معك في الوزراة خليهم يجبون لهم لجنة تهزهم هز
    حتى يعرفو ان الله حق ولا ضاع حق وراه مطالب انتي هدي
    مافيه شي عند ربك يضيع راجعي للمدرسة بعد اسبوع الأجازة واخذي منها على طول
    وتعالي طمنيني يالغلا هنا
     
  11. فوفو2727

    فوفو2727 تربوي جديد عضو ملتقى المعلمين

    2,104
    0
    0
    ‏2011-09-10
    معلمة ان شاء الله
    وش مفاضلته بعد ؟؟؟؟؟
     
  12. لمار2011

    لمار2011 تربوي جديد عضو ملتقى المعلمين

    684
    0
    0
    ‏2011-06-08
    معلمة بإذن الله
    1500 ابي اراسلك بسرعة
     
  13. ماتهنيت بحياتي

    ماتهنيت بحياتي تربوي جديد عضو ملتقى المعلمين

    73
    0
    0
    ‏2012-03-19
    عاطلة
    ماخذت شهاده خبره لان الي في المندوبيه تقول لازم تكملي مده عقدك وانا تركت عقدي بسبب ظروف عائليه وماكنت اعرف ان لي شهاده خبره الا لما دخلت منتداكم قبل كم يوم
     
  14. أميرة الورد

    أميرة الورد مشرفة سابقة عضو مميز

    9,526
    1
    36
    ‏2011-10-03
    معملة
    بشري الآن ارسل لك ايميلي
     
  15. أميرة الورد

    أميرة الورد مشرفة سابقة عضو مميز

    9,526
    1
    36
    ‏2011-10-03
    معملة
    ايش نظامكم ايش هاالأدراة انتي كملتي لو شهر تاخذين عليه شهادة
    انتي كم جلستي في العقد طيب كم المدة لو كملتي شهر
    خلاص لك شهادة هي ماتعتبر في الخبرات صح لأنها لازم تكون 9 شهور
    لكن في التثبيت لا بدليل ان الي على رأس العمل تثبتت من لها يوم
     
  16. مهرة الخيال

    مهرة الخيال تربوي جديد عضو ملتقى المعلمين

    62
    0
    0
    ‏2012-03-10
    معلمه مع وقف التنفيذ
    يا عزيزتي

    مالقيتي اسمك لانك ما كملتي عقدك

    لان العقد محدد بمده لو اخليتي بمدة العقد لا يحتسب

    الله يسهل امورك

    بس صدقيني للحين ما فيه تصريح رسمي باللي قالوه لك

    نصبر ونشوف
     
  17. الامل بالله*

    الامل بالله* تربوي جديد عضو ملتقى المعلمين

    697
    0
    0
    ‏2011-05-15
    معلمة تنتظر
    الله يفرج همك وهم كل مهمومة يارب ...
     
  18. ماتهنيت بحياتي

    ماتهنيت بحياتي تربوي جديد عضو ملتقى المعلمين

    73
    0
    0
    ‏2012-03-19
    عاطلة
    وش اسوي معهم حتى اسمي مو عندهم ابوي كلم مدير اداره التعليم بنفسه وقال له مالها اي شي عندنا يثبت انها درست غير وجود اسمها في سلم الرواتب يعني انسى انهم حصرو اسمي مع البديلات المستثنيات يعني لو نزل قرار تثبيت البديلات انا مو معهم لان اسمي مو موجود والله بموت قهر ومحترقه مدري وش اسوي ابوي سمع كلام الرجال وقال سواة الله مشينا نرجع ديرتنا بس واذا لك نصيب بتاخذينه اهلي مره ماهمهم يقولون مافيه شي بالغصب قهرتني ذي الكلمة وياما دمرت حياتي
     
  19. ماتهنيت بحياتي

    ماتهنيت بحياتي تربوي جديد عضو ملتقى المعلمين

    73
    0
    0
    ‏2012-03-19
    عاطلة
    يعني الحين مالي حق اطالب انهم يثبتوني لو نزل القرار بتثبيت البنات المستثنيات ؟
     
  20. تفاحه نيوتن

    تفاحه نيوتن تربوي جديد عضو ملتقى المعلمين

    550
    0
    0
    ‏2012-02-25
    عاطله
    لا تسكتين يا أختي وهالخطاء خطاء اداره التعليم وانتي شوفي المدرستين اللي درستي فيهن او

    المندوبيه وان شاء الله يكون عندهم صوره من العقد اانا لمن كنت بديله اخذت المدرسه صورة من العقد

    ونفس الشيء لمن رحت اختم عند المندوبيه ـ قسم الرجال ـ اخذوا صورة من العقد وان شاء الله ان

    المدرسه تكون مطلعه لك شهاده خبره و بلغينا ايش يصير معك