اعلان 1 اعلان 1 اعلان 1 اعلان 1 اعلان 1 اعلان 1


لاتهاون في التجمع يوم السبت

الموضوع في 'ملتقى المعلمات البديلات المثبتات ومحو الأمية' بواسطة أميرة الورد, بتاريخ ‏2012-03-27.


  1. أميرة الورد

    أميرة الورد مشرفة سابقة عضو مميز

    9,526
    1
    36
    ‏2011-10-03
    معملة
    اخواتي انا لن اكذب احد ولن اصدق احد الا شيء واحد
    تعميم من وزارة التربية والتعليم يعمم يااخوات التثبيت امس قالوها
    في الصحف رفع للأمير نايف بأنهم انهو اعمالهم واحنا خبر خير
    ماجابو لنا طاري نجلس نسمع من هنا ومن هناك الى متى طيب
    كل الي عندهم اخبار من اخواتنا هي من مصادر في الوزارة
    وهي خصمنا الآن لم قلنا في تجمع وفيه قلب للطاولة عليهم
    قالوا الأمور بخير واحنا نجتمع سري ياجماعة مهما يكن لا تؤمنون لهم
    موضوعنا سنة كاملة واخوات واولهم ماما ماقالت لكم مافيه الا فيه
    لكن قالت لازم يطلعون القرار من الأدارج ويعلنونه
    عموما التجمع مازال قائم يوم السبت الي تحب تطمن وتجلس مكانها
    وتدخل متاهة من جديد والتثبيت ملفة قريب ينهي تجلس
    والي تحب تروح طالب وتاخذ حقها بيدها وتجبرهم يطلعونه تتجمع
    ماتعبتوا مامليتوا من الكلام مسائلة انهم يقولون الوضع بخير بعد ماقلنا
    تجمع هنا فهموها خليهم يطلعون القرار وبدون استثناء احد يطلعونه
    قبل تطير الطيور برزاقها وبعدها بيقولون لكم مع السلامة مالكم عندنا شي
    اكرر الحصر مازال باقي وطلعت السبت مازالت لا تتهاونون هنا منال قالت لكم انها بنفسها مراجعه الوزارة ومعها مسؤولين وحلفت لكم من ارض واقع
    اكرر مااكذب احد انا اكذب الوزارات وخداعهم ماهو جديد علينا
    وتخديرهم يحصل قبل كل تجمع لسبب الكل عارفة اي تجمع الآن تحضره
    الداخلية وتتسائل فيه عن سبب التجمع وترفع فيه للداخلية
    اللهم بلغت اللهم فاشهد ماراح اتكلم بعدها وكلكم عقولكم في راسكم
    تعرفون تقدرون الأمور وتوزنونها ومثل ماقلت التجمع باقي السبت بأذن لله
    والهدف اقل شي 100 تحسم الموضوع وتريحون انفسكم من هم الأنتظار
    والترقب يوافقون ولا مايوافقون يمنون علينا وحنا اصحاب حق
     
  2. يسودالصمت

    يسودالصمت تربوي جديد عضو ملتقى المعلمين

    116
    0
    0
    ‏2011-05-22
    معلمة(بديلة)
    يالله يا بنااااااااااااااات كل وحدة تنفض عنها الظلم وتطالب بحقها وعشان تحصلين هالحق لاااازم يكون لك سند وظهر وعشان تلقين هالسند لااااازم تحطين يدك بيد اللي جنبك وتشاركك نفس الهم وتعاني معك نفس المعاناة
    يابنااات حقنا مايجي بس بإنتظار الاخبار من ورى الشاشات ولا بمراقبة وش صار مع فلانه حقنا يبي له وقفة واااحدة وترررررابط واتحاااد في المواقف والارااااء الأخت 1500 تعبت وهي تنااادي وتحذر زمن الاتكاااليه راااااح وزي ماقلنا لكم اللي برى الرياض لا تفك الاتصالات والبرقيااات والمراسلات ومو بس كذا مستحيل مافيه أحد مننا ماله معارف في الرياض دوري لك وحدة تنوب عنك وتحضر حتى لو عطيتيها دراهم أنا عن نفسي بأسوي كذا وقد سويتها بس الهمه الهمه الهمه الوضع أخطر مما تتوقعوون
    1500 الله يوفقك ويفرحنا جميييييعا وياااك باللي نتمنى ياااااارب
     
  3. أميرة الورد

    أميرة الورد مشرفة سابقة عضو مميز

    9,526
    1
    36
    ‏2011-10-03
    معملة
    يسود الصمت والله اني لكن ناصحه تعبنا اخبار ونتائج الأمر لازم يحسم بوقفة منا
    بديلات على راس العمل لولا الله ثم تجمعهم كانو من صيد امس ورموهم في القرى
    لا تسكتون ماقلنا مافيه تثبيت لكن الله العالم متى وتخدير واضح لاحظو الوقت متى قالوا
    اجتمعوا والا لا احنا ماشفنا شي على ارض الواقع ومتى بيخلصون اجتماعهم بيحلون قضية فلسطين
    الأمر الحاقي مايحتاج دراسة ماحصل لمن هن على رأس العمل والي على راس العمل فيهم
    الدبلوم وفيهم محوالأمية وفيهم الغير تربوي مادرسوهم وخلصو يعني القرار جاهز ليه
    احنا بيدؤسونهم من جديد وهو نفس الأمر ونفس كل شي وعقولكم تحكم يااخوات
    يسود الصمت مااجمل كلامك غاليتي اتمنى ان لا نتهاون انتهى وقت اللعب من الوزارات
     
  4. pink sugar

    pink sugar تربوي جديد عضو ملتقى المعلمين

    1,324
    0
    0
    ‏2012-03-23
    عاطله
    نفسي اكون معكم واطالب بحقي بس الله وحده يعلم بالظروف
    اللي تقدر لاتتكاسل وتعتمد على غيرها
    تكفوووووووووووووووووون روحوا خذوا اجر بأنفسكم وبالبنات اللي مايقدرون يجون
     
  5. أميرة الورد

    أميرة الورد مشرفة سابقة عضو مميز

    9,526
    1
    36
    ‏2011-10-03
    معملة
    اتمنى الكل يستوعب الحاصل ويكون فيه عدد يخدم
    القضية ويجبر الوزارة تطلع القرار وتعلنه ماهو تقول صبروا ماعاد فيه صبر
    خلاص يطلع الحميدي طيب ويصرح للصحف انه بيصير كذا وكذا
    او يصرحون على الأقل بتجمعاتهم بالله اجتماع سري ليه
    هم بيعطوننا شي ماحد يدري عنه الكل داري عن قضيتنا
    والكل عارف ايش حاصل فيها مافيه شي يستدعي السرية ابد
     
  6. سلام جامعة

    سلام جامعة تربوي جديد عضو ملتقى المعلمين

    99
    0
    0
    ‏2012-03-20
    معلمة
    بنات ترى اللي على راس العمل تثبيتهم في اماكنهم صعب مرررره
    ومع ذلك يوم راحوا بعدد كبير ثبتوووهم في اماكنم مع ان عددهم اكثر منا بكثير
     
  7. أميرة الورد

    أميرة الورد مشرفة سابقة عضو مميز

    9,526
    1
    36
    ‏2011-10-03
    معملة
    صح عددهم 40000 الف بين معلمة وادارية وحنا مانجي نص العدد لكنهم قلب واحد
    وحنا قلوب شتى الكل يحكم من راسه حتى ضعنا وضاعت القضية
     
  8. ادارية بديلة

    ادارية بديلة تربوي جديد عضو ملتقى المعلمين

    997
    0
    0
    ‏2012-01-09
    8 سنوات من البحث عن وووظيفة
    بارك الله فيك اختي 1500
     
  9. أملي بالله كبير7

    أملي بالله كبير7 تربوي جديد عضو ملتقى المعلمين

    129
    0
    0
    ‏2011-10-02
    لايوجد
    الله يجزاك خير ي1500 واتمنى من الجميع عدم التخاذل ولاننهي التجمع الا بالقرار ان شاء الله
     
  10. مــشــاعــر

    مــشــاعــر تربوي جديد عضو ملتقى المعلمين

    21
    0
    0
    ‏2010-11-02
    انا مو من اهل الرياض والا كان جيتك أول وحدة

    والسفر مقدر عليه لأن ماعندي احد يروح معي الا اخوي متوسط


    والله يوفقكم وان شاء الله ربي يكتب على يدكم الفال الزين
     
  11. رغم الجراح

    رغم الجراح تربوي جديد عضو ملتقى المعلمين

    675
    0
    0
    ‏2012-03-21
    :)
    الهمممممه الهممممه الهممممه يابنااااات تكفووون
     
  12. h h

    h h تربوي جديد عضو ملتقى المعلمين

    417
    0
    0
    ‏2011-10-04
    لايوجد
    يالله يبنات الرياض بيضوا وجيهنا

    وفقكن الله
     
  13. السعاده حلمي

    السعاده حلمي تربوي جديد عضو ملتقى المعلمين

    315
    0
    0
    ‏2012-02-29
    عاطله
    اختي الغاليه 1500 ... انا عندي مقترحات بسيطه واتمنى انها تتفعل .. وهي اكيد انها متفعله

    حملتين مع موضوعين ...

    الحمله الاولى : إعلاميه وتكون قويه يعني كل وحده منا اكيد ماهي عجزانه من الارسال
    نخليها قويه ولها مسمى ( مطالبه بحقوقنا " بديلات مستثنيات " ) ونضرب ضربتنا
    وله موضوع ومحد يحيد عنه

    الحمله الثانيه : التجمع عند الديوان وضروري يكون فيه محامي وياليت تستعينون بمحامي بديلات على راس العمل

    ادري موضوعي مكرر .. بس خلاصه كلامي حمله لها شعار حتي مايلتبس على الجميع انها اللي قبل
    ووزارة الخدعه ووزارة الهم .... لاعاد تروحون لهم خلااااااااااااااااااااااااااااص بح منهم

    وجهتنا للديوان

    وعساكم على القوه ... اكيد محد راح يقصر

    واللي تبي حقها بالحياه السعيده ... الوعد عند الديوان السبت
     
  14. شاطىء الأمل

    شاطىء الأمل تربوي جديد عضو ملتقى المعلمين

    477
    0
    0
    ‏2012-03-27
    معلمه
    معكم والله يوفقكم
     
  15. شموخ السعودية

    شموخ السعودية تربوي جديد عضو ملتقى المعلمين

    404
    0
    0
    ‏2012-03-10
    تعلم و تعليم
    انا أوافقك الرأي التجمع مهم واضح من الي يظهر بالصحف ان مالنا اي مكان ... البديلات وموظفات العقود من زمان ثبتوهم خير يرجعون يعلنون بالصحف عنهم !! واضح انها رساله مبطنه لنا يعني انتو مالكم مكان بالتثبيت لكن ماراح نسمح لهم ولا راح نسكت وحقنا راح ناخذه ماطلع قرار وزير التربيه من فراغ ماطلع الا بعد ما أقروا حقنا بالتثبيت بسبب الظروف الي تتعرض لها المراه ...بس احب اشدد على نقطه التجمع يكون خاص بالبديلات لان وضعهم يختلف تماما عن وضع محو الاميه شفت بنات هنا مافرحو بالي راح يصير من قرارات ايجابيه تجاهنا وكانو محو اميه !! وحده منهم ذكرت بردها على احد البديلات ...ان التثبيت كان لكل العقود مو بس البديلات حجتها تقول ان القرار ماقال جميع البديلات !! يظهر استسلامها لمشاعر الحسد واضح في هذي العباره وهي تعرف نفسها ..طيب انتي ذكرتي من غير ماتعين ان في فرق ...وانتي ذكرتيه قالت نوره الفايز مارح نثبت محو الاميه لان وظيفتهم مؤقته تنتهي بانتهاء الاميه ..اوكي..الوضع يختلف عن البديلات البديلات راح تكون وظائفهم بالتعليم الرسمي وتثبيتهم يضمن تحقيق العداله الاجتماعيه بسبب ماتتعرض له المرأه من ظروف رجاء بلا تخريب ...التجمع خاص للبديلات ...الله يكون معانا ويرجع كيد الكائدين والمخربين عليهم..التجمع للبديلات لانريد التشتت مع العقود الاخرى..تحياتي للجميع
     
  16. *فنن*

    *فنن* تربوي عضو ملتقى المعلمين

    488
    0
    16
    ‏2011-12-28
    بديلة لست على رأس العمل :(
    الله بجزاك خير
    وفعلا شبعنا تخدير
     
  17. بديلة مغبرة

    بديلة مغبرة تربوي جديد عضو ملتقى المعلمين

    62
    0
    0
    ‏2012-03-22
    ربة منزل
    ليش التخاذل معا يد واحده هكذا نستطيع أخذ حقنا
     
  18. بديلة مغبرة

    بديلة مغبرة تربوي جديد عضو ملتقى المعلمين

    62
    0
    0
    ‏2012-03-22
    ربة منزل
    يابنات أناحاضرة أجتماع البديلات على رأس العمل كان الحميدي والفهيد يضحكون عليهم ويقولون لهم إنشاء الله خير ولحظة ماشافوهم كلمتهم وحدة وماراح يستسلمون وافقوا لهم على اللي يبونه
     
  19. gohara

    gohara تربوي جديد عضو ملتقى المعلمين

    873
    0
    0
    ‏2011-10-09
    عاطلة
    لاتهاونون بالطلعة صدقوني اذا ماضغطنا عليهم هذي الايام
    يوم قضيتنا معروفة اعلاميا ولها صدى راح ينسون تثبيتنا لأن الاخبار الي قالوها
    بالمنتدى الثاني
    عن الحميدي اشوف انها غير مطمئنة يقولون على شهر 10 يعني بعد الاجازة هذا اذا عرفونا اصلا

     
  20. gohara

    gohara تربوي جديد عضو ملتقى المعلمين

    873
    0
    0
    ‏2011-10-09
    عاطلة

    اختي الله يعافيك خطاب الوزير واضح يشمل البديلات ومحو الامية تقدرين ترجعين له يعني الحين انتي تنهين عن شي وتاتين بمثله