اعلان 1 اعلان 1 اعلان 1 اعلان 1 اعلان 1 اعلان 1


مهم اللي عندها حساب بتيوتر

الموضوع في 'ملتقى الخريجات الجامعيات القديمات' بواسطة عاطلة بجدارة, بتاريخ ‏2012-04-19.


  1. عاطلة بجدارة

    عاطلة بجدارة تربوي جديد عضو ملتقى المعلمين

    40
    0
    0
    ‏2012-04-14
    عاطلة
    السلام عليكم

    والله موضوعي يمكن يزعل البعض لكن يعلم الله ماكتبته الا لمصلحتهم ولان شي يقهر اللي جالس يصيير

    التجمعات اللتي تصير والعالم اللي ماتقدر تطلع بحكم الاهل نقدرها

    انا مثلا اهلي رافضين فكره التجمع لكن مع هذا ماجلست وقلت خلاص مالي دور

    والله اني مالي بتويتر وفتحته عشان الخدمه وترشيحاتها الظالمه وكل تغريدياتي كذا


    يعني ماهي صعب نوصل صوتنا ومن خلال هالتغريد يابنات قدرت انسق واطلع وحده من البنات في برنامج الزير وبنت في قناة الدانه

    واليوم نسقنا عشان برنامج قناة المرقاب يعني مستستهلين بتيوتر ليش

    امس صلحت هشتاق وغردنا انا وبعض الاخوات هم قله للاسف لكن بنات رجال تواصلوا معاي بالتغريد وصار لنا كلام

    وصرنا سنوي لبعض فولو واليوم ابتداء الشاعر محمد النفيعي افتتتاح للهشتاق وصار يطالب الشعراء يكتبون فيه وماقصروا كل هذا بيساعدنا نوصل صوتنا

    ونرد على كلام الحميدي اللي ماسمع فينا وصراحه معاها حق من اللي اشوف من البنات انه يسمع فينا

    انا كنت بمنتدى البطاله وكان فيه بنات شعله لكن للاسف ملوا وهجدوا وجيت هنا ادور عن شعله تحركني اكثر بعد

    احدى الاخوات واثناء تغريدنا ردت علينا وقالت انتم بس تتكلمون عن القديمات وتاركينا يالجدييدات قلت لها غردي انتي عنهم دامك منهم قالت انا ما اقصر

    والله يابنات دخلت حسابها وشفت تغريداتها مافيها وحده عن التوظيف ؟؟

    يعني الي متى الاتكاليه حتى التغريد ماتبي وتبي العالم يتكلمون عنها

    انا لي 9 سنوات متخرجه وادرس ماجستير الحين وباقي لي سنه واتخرج يعني هالشهادة راح تفتح لي افق جديد بالتقديم ماقلت لا وش علي انا ادرس مابي وظيفه كيف اتوظف وانا ادرس

    وانادي للقديمات دايم اللي وصلوا الي 16 سنه و20 سنه وتغريداتي تشهد بكذا ورب البيت لان انا عندي ثقه اذا توظفوا من هم اقدم مني راح تحل قضيتينا

    لكن نجي ونجلس ونتكل على الغير اليوم لما الشعراء يغردون كنت انتظر احد يغرد ماكان فيه الا انا وكم اخت ليش وين اللي يبون يتوظفوت وين اللي يقلون علمونا الطريق وحنا معاكم ؟؟

    الكلام ماينفع اذا مافيها فعل لما دخلت على احد المنتديات واحط لهم رابط الهشتاق واقول لهم غردوا يابنات تعرفون الرد كان ايش ؟؟؟

    قالت وحد غردنا لين ملينا ومافيها فايده ؟

    قلت لها جالسه عمرك كله صدى وتبين بكم شهر تغريد وتحصلين صدى استحاله احنا فرصتنا هي انو المكرمه راحت منا والكل يمنا هالحين

    لو ما استغلينا الفرصه معناها خلاص ادبلوا سنوات جلساتكم اكثر

    وشكر
     
  2. عاطلة بجدارة

    عاطلة بجدارة تربوي جديد عضو ملتقى المعلمين

    40
    0
    0
    ‏2012-04-14
    عاطلة
  3. انجل الغامدي

    انجل الغامدي تربوي جديد عضو ملتقى المعلمين

    267
    0
    0
    ‏2012-04-02
    متخرجه وبنتضار الوضيفه
    ولا يزعل ولاشي
    الله يعطيك العافيه والاجر على هذا المجهود
    ويوفقك في دراستك
    ويبشرنا ويبشرك با الوضيفه
    وانا اشتركت في الهشتاق
     
  4. عاطلة بجدارة

    عاطلة بجدارة تربوي جديد عضو ملتقى المعلمين

    40
    0
    0
    ‏2012-04-14
    عاطلة
    واصلي يا انجل وجزاك الله الف خير
     
  5. املى بربي

    املى بربي عضوية تميّز عضو مميز

    503
    0
    0
    ‏2012-01-25
    اتمنى اكون معلمه
    معك حق كأنك تقرين افكاري الليوم جالسه أفكر كيف التويتر اصبحت وسيله اتصال مهمه جداا
    بس والله عجزت اهضم هاالتويتر بس بتعلمه بإذن الله
    خليني اخلص هاالامتحانات على خير
    وينتهي تجمعنا عند القصر وبعدها ماراح أقصر
    علي فكره فيه بنات معنا كل شغلهم بتويتر
    عندك اميرة البحور
    حلو المعاني
    قطرات
    وكثير بنات بأبلغهم عن موضوعك تغردون سوا
    موفقه
     
  6. عاطلة بجدارة

    عاطلة بجدارة تربوي جديد عضو ملتقى المعلمين

    40
    0
    0
    ‏2012-04-14
    عاطلة
    املي انا مثلك ما اهضمه بس يوم عرفته روعه وسهل توصلين صوتك

    وبالتوفيق باختياراتك

    واميره البحور انا سويت لها انفولو والله ينصرنا
     
  7. غدي أملي

    غدي أملي مراقبة عامة مراقبة عامة

    1,204
    2
    38
    ‏2011-10-24
    معلمة
    الله يوفقك بدراستك ويرزقك بما تتمني ..

    بالنسبة لتويتر أنا حطيت روابط صفحة الحملة وهاش تاق من قبل كم يوم ليش ما تجون فيه خريجات قديمات فيه من زمان .. طالما كل وحدة بتحط لنفسها صفحة وهاش تاق أكيد ما أحد راح يعرف عنها .. مثبته الموضوع للكل علشان تعرفون الصفحات وألقاكم بالأخير كل وحدة لوحدها وزعلانين علشان ما أحد دري عنكم ..

    غردي هنا مع باقي زميلاتك وتكونون يد وحدة..

    #الخريجات_القديمات

    وهذي الصفحة

    https://twitter.com/#!/Old_bg
     
  8. عاطلة بجدارة

    عاطلة بجدارة تربوي جديد عضو ملتقى المعلمين

    40
    0
    0
    ‏2012-04-14
    عاطلة
    يالغلا ماقصرتي بس لو لاحظتي صفحة الخريجات القديمات ميته مافيها تغريدات من كم يوم انا ضايفتها عندى

    وبالنسبة للهشتاق الهشتاق مكتوب بس خريجات قديمات وبكذا مازلنا يكون خلط بينا وبين الكليه المتوسطه وهم قديمات لذلك تم تحديد الهشتاق بجامعيات
     
  9. غدي أملي

    غدي أملي مراقبة عامة مراقبة عامة

    1,204
    2
    38
    ‏2011-10-24
    معلمة
    ما فيه خلط هذا أحنا فيه لوحدنا .. ولما تجي تكتبي التغريدة ضيفي كلمة الجامعيات .. أنا أسوي كذا .. وإذا كانت الصفحة ميته أحيوها بتغريداتكم.

    وعلى فكرة الكلية المتوسطة لهم صفحة وهاش تاق خاص بهم .
     
  10. أم ميرااال

    أم ميرااال تربوي جديد عضو ملتقى المعلمين

    23
    0
    0
    ‏2012-04-03
    عاطلة
    التويتر أهم وسيلة حديث نقدر نوصل فيها صوتنا
    الله يعطيك العافيه ونوصل لحل قضيتنا
     
  11. حبيبة اهلها

    حبيبة اهلها تربوي جديد عضو ملتقى المعلمين

    17
    0
    0
    ‏2012-04-12
    عاطــله
    جاري التغريد وتعميم الهشتاق لمن يهمه الامر
    جزاك الله خير عزيزتي عاطله
     
  12. Mone

    Mone تربوي جديد عضو ملتقى المعلمين

    67
    0
    0
    ‏2012-04-18
    عاطلة
    معاكم عتويتر ..
    على فكرة تغريداتي يا ما بكيت فيها وطريت الوطن الغالي ..
    يا بنــــات داوود الشريان يدري عنا ولا ..

    الله كريــــــم ..
     
  13. ام الذيب

    ام الذيب تربوي جديد عضو ملتقى المعلمين

    183
    0
    0
    ‏2012-04-02
    عاطله
    انا اغرد كل يوم عساني اغرد وازغرد في يوم تعيني انا وكل من في المنتدى
     
  14. مرسى الأماني

    مرسى الأماني تربوي جديد عضو ملتقى المعلمين

    12
    0
    0
    ‏2012-04-03
    أبحث عنها من 11 سنة
    غردنا وصرخنا وصوتنا بس وين اللي ينتبه ويستجيب
    يالله ياكريم أنك تنصرنا على من ظلمنا وتاخذ حقنا منهم
    وعلى قولة الأخت ام الذيب
    عسانا نغرد ونزغرد ونلووووولش على توظيفنا كلنااااااااااااااااااااا ياااااااااااااااااااااارب ياكريم ..