اعلان 1 اعلان 1 اعلان 1 اعلان 1 اعلان 1 اعلان 1


اذا لك شف في شوفي .. ترانـي على شوفتك .. صحيـت الأمانـي

الموضوع في 'ملتقى بــوح الأقــلام' بواسطة الأخت الحنونة, بتاريخ ‏2012-05-06.


  1. الأخت الحنونة

    الأخت الحنونة عضوية تميّز عضو مميز

    7,981
    0
    0
    ‏2008-06-06
    معلمة
    إذا لك شف في شوفي .. ترانـي
    على شوفتك .. صحيـت الأمانـي

    زرعت الشـوق كلـه بـ انتظارك
    و أخذت الانتظار و جيت عانـي

    نسيت الناس لكن .. مـا نسيتـك
    عجزت أنساك حتـى لـو ثوانـي

    مليت الكون و أشغلت الجوارح
    نظر عيني .. سماع أذني .. لساني

    عطيتك شيء ما هو عند غيـرك
    و لا قصـرت .. لكنـك أنـانـي ...!

    أنا أحبـك .. و إذا ودك تـأكـد
    شف الله كيف بـ يدينـك هدانـي ..!

    غيابك صعب و الأصعب وجـودك
    وأنا فـ الحالتين .. أتعـب و أعانـي

    حبيبـي لا تواخذنـي .. و لكـن
    أبيك تحـط نفسـك فـي مكانـي

    إذا جيتـك و أنا مشتـاق تقفـي
    تجاهلنـي و كنّـك مـا تـرانـي

    و إذا صديت عنك و قلـت أبرحـل
    وقف قلبك على البـاب و دعانـي

    و لو سويت نفسـي مـا أشوفك
    يميل القلـب صوبـك و يحدانـي

    أنا يا ابن الحلال أصعـب حكايـه
    كتبني الوقت .. لكن مـا قرانـي ...!

    مضى عمـري وتقـدر تعتبرنـي
    غريب .. وفي زمن ما هو زماني

    زماني راح مع نصفي .. ونصفي
    نسى نفسه مع الوقـت و نسانـي

    أسافر حزن .. والصحبـه ثلاثـه
    أنا .. والصبر .. وسهيل اليماني

    و إذا مريـت فـ بـلاد الطفـولـه
    فتحت الصدر للحـزن و طوانـي

    هنا .. دمعه جرت من عين جاهل
    هنا .. لاقيـت هـمـي و الـتـقانـي

    هنا .. باعتنـي الديـرهـ وأهلهـا
    هنا .. ضحيت لـ فـلان وجفانـي

    هنا .. حاولت أصيح وما سمعني
    سوى بعض الشوارع والمبانـي

    أنا يـا سيـدي .. دقـه قـديمـه
    بغيت أخذ من الوقت .. وخذانـي

    على الأنقاض واقـف دون حيلـه
    أشوفك وجهتـي بيـن الموانـي

    تعال .. و طـف بـ يدينـك حنينـي
    تملكني .. و أنا أشعل لك حنانـي

    تعال .. و ضمني يـا تـاج قلبـي
    دخيلـك لا تخلينـي .. عشـانـي

    أنا شاعـر عيونـك يـا حبيبـي
    مع التحريف في بعـض المعاني

    ( و ما نيـل المطالـب بالتمنـي
    و لكن شوفتـك كـل الأمانـي )

    محبة صـادق النيـه .. قصايـد
    و محبة ساقـط النيـه .. أغانـي

    قسـم بـ الله لـو موتـي بـيـدك
    و أموت ألفين مرهـ مـا كفانـي

    و إذا باقي من الطلقات .. طلقـه
    دخيلك .. حطهـا بيـن المحانـي!!​
     
  2. أمة البارىء

    أمة البارىء <font color="#4CC417">مبدعة الاستراحة </font> عضو مميز

    4,074
    0
    36
    ‏2011-05-19
    English Teacher


    :tears:الله كريم الله كريم :tears:
     
  3. ماجد السليمان

    ماجد السليمان عضو شرف مجلس الإدارة عضو مجلس الإدارة

    23,169
    10
    0
    ‏2009-07-11
    معلم
    أسافر حزن .. والصحبـه ثلاثـه
    أنا .. والصبر .. وسهيل اليماني



    بيت في غاية الروعة

    ال1000 شكر على روعة الانتقاء



     
  4. jole

    jole مراقبة عامة مراقبة عامة

    287
    3
    18
    ‏2012-05-27
    لا يوجد
    لا اله الا الله