اعلان 1 اعلان 1 اعلان 1 اعلان 1 اعلان 1 اعلان 1


حب فوق السطوح ..!

الموضوع في 'ملتقى إستراحة الأعضاء' بواسطة مـنـاحـي, بتاريخ ‏2012-05-15.


  1. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    .
    .
    تأليف وسيناريو واخراج ( ... )


    أبطال القصة ( مفرح ) .. ( منيره )


    مكان أحداث القصة ( ديرةً ما )
    .
    .


    يحكى أنه في حاضر هذا العصر وهالأيام يوجد(دابه سليمه ) يقاله ( مفرح ) همه الوحيد هو الأكل والجلوس أمام بقالة ( أبو ملوح ) ..!



    مفرح دبشه من النوع المفهي لا يعتمد عليه في شئ أبداً ما يدري وين الله قاطه فيه يسكن مفرح مع أبوه وأمه الي تبيع دخون لحريم الحاره ..!



    يوم من الأيام كان مفرح ( منسدح = منكشح ) فوق السطح الضحويه في ظلال صندقة الحمام حقته الي فاضيه لأنه ماجلسولا حمامه بالصندقة والسبب معروف لأن مفرح قضى عليها كلها ..!



    وبينما مفرح منسدح ورافع اصبعه للسماء يعد النجوم ( مدري أي نجوم تناشف هالحزه يامفرح ) الا ويسمع صوت وحده تغني وهو يغير وضعية الانسداح الى الانبطاح ويدقق بالصوت من وين جاي لين وصلت لجهة بيت جارتهم ( أم منيره ) وهو يويز ( يطل ) على سطح جارتهم الاهو يشوف منيره تنشر الغسيل وتغني وتردح دوسري بالطشت وياغافلين لكم الله يامنيره ماتدري أنه الدابه السليمه يراقبها وهي الي تزيد من الردح لين وصلت عند أخر السطح وتختمها بردحه شاميه قبل ماتنزل مع الدرج ..!


    ومفرح مازال ( يويز ) ويتابع بصمت وسعابيله مسحت بوية الجدار من كثر ما هو مفهي بمنيرة . ومفرح الدلخ للحين مكانه ولا أنتبه الا على صوت أمه تناديه وهو ينقز من مكانه بغى يطب فوق سطح جارتهم ويروح ركض لميمته ويقبل رأسها والسعابيل على بخنق أمه ولاتدري العجيز عن شئ وتقوله وش تسوي بالسطح يالسربوت قاعدن تتن فوق ؟!! أشوف خلني أشم ريحتك مامعك ريحه أجل وش تسوي فوق هاه علمني يالتسلب ؟



    ومفرح ماهو مع أمه وهواشها رايحن بوادي ثاني يفكر بمنيره وهي تصكه على جبهته يالمفهي ماقلت لي وش عندك بالسطح قال اشوف الحمام قالت تسذوب الحمام كليته كله يالرامه ماخليت شئ ابد ..!



    حط رجله مفرح وانحاش من امه وراح لمكانه المعتاد الجلوس به الي هو رصيف بقالة ابو ملوح وقعد والهواجيس تلعب في حسبته وتلعن ابو خيره .. جاه ابو ملوح يبي يسولف معه يكلمه يسلم عليه ما احد حولك الولد مفهي قام ابو ملوح وجاب كيك وعصير وحطهم قدام خشم مفرح وبقق عيونه مفرح واخذ الكيك والعصير وبدا بسرد قصته ومعناته الي ما كملت الساعة وعلم ابو ملوح بلي شافه وانه وقع بالحب .


    ضحك أبو ملوح ( ملئ شدقيه ) ضحكة أهتزت منها ثلاجة العصيرات الي ببقالته وقال أووخصيامفرح أنت وخشتك وسعابيلك تحب أقول هات الكيك والعصير وقم تقلع يالله ..!



    رجع مفرح لبيتهم وكان بنيته يكلم امه تروح تخطب منيرة ( ماعنده وقت مفرح ):biggrin: وجرت العاده أنه كل ضحويه تكون القهوه عند وحده من عجايز الحاره ..... أم مفرح كانت عند جارتهم أم عباس ( مصريه ) أنطق مفرح بالبيت لين ترجع امه ويقولها سالفته ..!



    بقهوه أم عباس يدور الحديث عن الحش بخلق الله تقول أم عباس ياقماعة الخير ماتعرفوشعملت أيه أم بخيت في عرس ولدها سألوها الحاضرات أم عباس وش صار قالت دا أم بخيت يالهوي يالهوي ياخواتي ام بخيت قايبه طئائه ( طقاقه ) بعشرين ألف ريال أيه البعزئه دي !! هو أنتوا بتقيبوا الفلوس دي منين !! لو ام بخيت آئلت ليأقي وطئ ( وطق ) بعرسهم بتلات ألآف ريال واللهي لأطئ ... وأطئ بلدي كمان ..!



    وتنقز ام مفرح وتقول ياوجه الله ياصيبي صيباااااااااه وش تقولين ابك تسيف عشرين ألف أنهبلت ام بخيت أجل وتدخل عليهن أم منيرة وتقول عيدوا السالفه من اول لا يفوتني شئ تكفون ترا تكفى تهز وسط المصريات ! وتنقز ام عباس وتجيب العيد وتقول مادريتي يا أم منيرة قالت وش فيه علميني قالت اليوم وأنا بنطف السطح بتعنا بصيت كدا الا وانا بشوف مووفرح بيبصبص على سطحوكو ومعرفشي ليه الواد سعابيلوه صارت بتنئط صاحت أم منيرة يافضحي فضحااااااااه وش هاالعلم الي ماهوب زين سمعتي يا ام مفرح وش سوا ولدك الدلخ والله لو أمسكه لأفقع عيونه الصغار الي كأنها زرار ثوب ..!



    وتقوم ام منيرة من المجلس وعلى طول لبيتها وتقعد تصايح يامنيره يامال الصمخ الله يفضحك فضحتينا وتجي منيره ونص وجها عجين طالعه من المطبخ خير يمه وش فيك قالت وش فيني وش الي مافيني يومنك بالسطح تنشرين الغسيل ماشفتي مفرح يويز عليك في هذه اللحظه تسمرت منيره مكانها ولا عاد قدرت تتكلم وامها يابنت ردي علي وهي مبققه عيونها في امها وتجيها حذوة امها تمشي الفين وعلى طول بالجبهه وتقوم ترقص منيره سامبا برازيليه وتردد يافضحي فضحاه .. يافضحي فضحاه . امها يعني ما تدري عن مفرح وهو يطل من سطحهم قالت يا يمه مفرح اكيد شافني وانا اردح فوق السطح واخاف انه مصورني بجواله ابو كيمرهوزدات الحالة مابين ام منيره ومنيره .. وحده تقول ياطر جيب طرااااه والثانيه تقول يافضحي فضحااااه ..!



    ام مفرح رجعت للبيت وهي معصبه وزعلانه وتلقى مفرح مستلقي بالصالة وهي تخمه بعصا المكنسه وهاتك تمحيط على ظهره وتقول يالتسلب يالسربوت ياليتك تتن ولا فضحتنا بجيرانا يلي فيك مايخطيك مالقيت الا منيرة بنت جارتنا .. ومفرح يهل العبيري ويدن الهاشمية ويقول يا يمه ابي اتزوج منيرة قالت تعقب وتخسى جالس تويز على البنت فوق سطحهم .. وفي هذه الاثناء يقرع باب بيتهم ويروح مفرح يبي يفتح الباب ويوم فتح الباب الا الردسه على بطنه برجل ام منيره وهي تمدوس ( تتوطئ ) ببطنه وتدعي عليه وتجي ام مفرح وتسحب ولدها من تحت ام منيرة وتقولها تعوذي من ابليس يابنت الحلال وش فيك على الولد توه صغير ولا يعرف العلم سامحيه والله ماعاد يعودها .. قالت ام منيره لا التسلب مصور بنتي بجواله .. وام مفرح تطالع لمفرح معاك جوال يالتسلب ولا تعلمني وهي تسطره ومفرح المسكين تغربل وتكسرت سنونه وهو مامعه جوال ولا عمره صار معه جوال ..!



    الموهيم مفرح زعل على أمه وجيرانهم والديره كلها .. وقرر العزلة والسكن قريب من سطح منيرة حتى يتسنى له أن يويز إذا سنحت له الفرصة ونقل كل أغراضه من غرفته لصندقة الحمام وصار حبيس هذه الصندقة وصار يكتب أشعار وقصايد غزل وحب في منيرة ومن ضمن قصايده يقول مطلع وحده من القصايد :


    مفرح يحب منيرة && ومنيرة ماتدري عن مفرح ... إلى آخر القصيدة ..!



    ومنيرة ماعاد طبت سطح بيتهم خير شر وأمها جابت شغاله وخلت منيرة بشغل البيت والمطبخ بس ...!! والشغاله هي الي تنشر الغسيل ولكن مفرح تعلق بالشغاله من كثر مايشوفها وراح لأمه وقال يمه أخطبي لي شغالة أم منيرة وطبت ميته أم مفرح رحمه الله عليها ..!

    .
    .



    توته توته خلصت الخربوطه ..! :tongue:

    .
    .




    خارج النص :


    [​IMG]

    8
    88

    أخيرا أكتشفنا السبب الرئيسي لكبر جبهة البنات ..! :biggrin::tongue:

    .
    .


    خويكم

    موصاحي
     
  2. $ ~ سفانة ~ $

    $ ~ سفانة ~ $ مراقبة عامة مراقبة عامة

    2,355
    0
    0
    ‏2010-10-18
    معلمة
    ههههه ،،، إمحق من حب ّّ :bigsmile:

    القصة شكلها من الماضي الممزوووج بالحاضر !! :r3:

    يعني ماأخذت من الحاضر ،،، إلا الجوااال !!

    وإلا تبي عيال هالوقت هذا حاااالهم ،،، الله المستعااان !!! :tears:

    هذي تحكي حال الشاب قبل أربعين سنة !!! :tongue:


    يسلموا أخي ( الصــــاحي )


    .
     
  3. Ĝђẩ₫ắ

    Ĝђẩ₫ắ عضوية تميّز عضو مميز

    5,689
    3
    0
    ‏2011-03-02
    عاطله
    وآلله هآلمفرح حآآجه كويسه < خلى آم منيره تجيب لهآ شغآآله :evil_lol:
    بس حزني وآلله مفرح ضربوووه وهو نيته شريفه :no:
    خآآج آلنص حكآآآيه ثآآنيه < آهم شي آلبكله اللي في فم آمهآ [​IMG]
    آضحك آلله ضرسك آلعقل يآمو صآآحي < هذآ آذآ طلع [​IMG]
    يعطيك آلعآآآفيه موصآآحي :icon30:
     
  4. ليالي

    ليالي عضوية تميز عضو مميز

    6,301
    0
    0
    ‏2010-05-01
    إداريه
    قريت القصه البارح ..واليوم حكيت زميلتى في العمل فيها....
    على إنها قصه حقيقيه ...

    و أول ماوصلت لمقطع اللي فيه منيره تقول لأمها
    صورني بالجوال..طوالي زميلتي بققت عيونها .:eek: وقالت ينصابه يامنيره ...ليه فاكره نفسها نانسي عجرم .
    .تظلم المسكين ذا:tears:
    متحمسه الأخت :tongue:
    المهم كملت لها القصه ...ولما وصلت لمطقع الضرب تعاطفت جدآ:tears: وقالت وربي حريم نصابات حتى امه تقهر .:crazy:
    كملت القصه ووصلنا للشغاله ومقطع لما يقول لأمه زوحيني الشغاله...
    بحلقت فيا من جديد مع الكثير من الاحباط ...:sad_1:
    وقالت ....وبس هذي اخرتها حب الشغاله ..رجاجيل عقولهم ناقصه . :crazy:
    :biggrin::biggrin::biggrin:

    مو انا اللي قلت هيا اللي قالت ...:icon30: :tongue:

    خارج النص ... فيه بعض الرجال جباههم كبار .... من ايش ياتر وش التفسير؟؟
     
  5. سعدsad

    سعدsad عضو سابق في مجلس إدارة الموقع عضو مميز

    3,941
    0
    0
    ‏2009-01-28
    معلم
    مسكين مفرح جاته صدمة عاطفية
    والسبب ام مصطفى مدري عباس [​IMG]
    اما لو مفرح يدري [​IMG]



    الله يا منيرة قالت ايش قالت يا فضيحتي بس يا سندريلا [​IMG]
    الولد ما فرق بينها وبين الشغالة

    الصاحي انا اول واحد شفت الماضوع [​IMG]
    لكن ما عرفت ارد قهرتني ام مصطفى

     
  6. Rodina

    Rodina مراقبة إدارية مراقبة عامة

    4,215
    0
    36
    ‏2012-01-03
    معلمة
    بــخخخخخخخخخخخخخخخخخخخخخخخخخخخخخخخخخخخخخخخخ

    خخخخخخخخخخخخخخخخخخخخخخخخخخخخخخخخخخخ

    كاآآآآآآآآآآكككككككككككككككككككككك

    يا حراااام يا مفرح ما أمداه يحب لا وآخرتهاا بالشغالة

    أضحك الله سنك يا المو صاحي ووسع الله صدرك

     
  7. زهرة اللوتس

    زهرة اللوتس تربوي جديد عضو ملتقى المعلمين

    290
    0
    0
    ‏2009-02-26
    معلمة
    سرد ممتع سفرتنا من خلاله للزمن الماضي

    مع الكوميديا العفوية

    يعطيك العافية ع الابداع





     
  8. أم الفهود

    أم الفهود طاقم الإدارة مراقبة عامة

    2,624
    0
    0
    ‏2009-11-06
    مشرفة تربويه في قسم رعاية الموهوبات
    مو سهل هالمفرح على طول حب البنت وقرقع قلبه لها
    وش ذا الحب السريع البائس
    دائما مبدع أبو قلب زاكي شكرا لك
     
  9. سديم فرح

    سديم فرح عضوية تميّز عضو مميز

    5,557
    0
    0
    ‏2009-03-11
    معلمة
    المشكله هالمفرح عينه بحر وقلبه مشرع بابه
    ما عنده مشكله مره منيرة مره الشغاله
    مدري احد حالف عليه يحب
    لكن اعجبني التعاون في تأديبه:harhar1:


    اعجبني كثيرا الترجمه مابين الاقواس :harhar1:
    وخارج النص أثار لدي تساؤل
    لماذا نسبة الصلع في الرجال اكثر :bleh:


    تشكرااات الصاااحي ...
     
  10. Saяah

    Saяah مراقبة إدارية مراقبة عامة

    6,980
    18
    38
    ‏2011-04-19
    معلمة
    حراام كسر خااطري
    يلاقيها من ام منيره والا من امه
    الله لايعيده حب
    عيدوا السالفه من اول<< دايم بمجالسنا والمشكله لاعادوها تتطلع لك جمل
    منصوبة ومجرور هههههههه
    الف شكر لك استاذنا الصااحي
    اضاافه رااائعه وتستحق عليها احلى تقييم
     
  11. بديلة صابرة 1430

    بديلة صابرة 1430 مراقبة عامة مراقبة عامة

    1,650
    0
    0
    ‏2012-04-10
    بدون
    هههههههه حالة صعبة
     
  12. شذى الورد.

    شذى الورد. عضوية تميز عضو مميز

    7,469
    0
    0
    ‏2010-05-29
    معلمة
    منور مناحي

    كما عودتنا اسلوب رائع في سرد القصص

    بس خارج النص مأساة

    بس على فكره ما تكبر الجبهه لا لا بس تنشحط العيون ونطبق موش ح تأدر تغمض عينك هههههههههه
     
  13. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!



    لا تقول أمحق من حب .. هذا يسمى زمان الحب العفيف :tongue:

    وش قصدك قبل أربعين سنه يعني أنا شايب وتسذا << الي على راسه بطحا يحسس عليها :tongue::tears:

    عيال هالوقت ما يعرفون الحب .. همهم كم تعرف يا فلان :no:

    تشكرات سفينة النجاة ..!
     
  14. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!


    هو يجي منه هالمفرح لكن نوب يخربها الدبشه ويورط عمرها ..!
    هو صحيح نيته شريفه ويبي منيره حليله له لكن سوء الظن عند بعض العجز يخليه يصير بقائمة التجاهل :tongue:
    ولا حصل لا منيره ولا حتى الشغاله .. يعوضك ربك يا مفرح بالجنة ..!
    وخارج النص واقع مؤلم لكم يالنسوان :tongue:
    وابشرك ضرس العقل طلع وطاح بعد ..!

    تشكرات غاده..!
     
  15. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    اهااا بئا تسه يعني ..!
    تعلمين زميلتك بالقصة وتحشون فينا والحين تبين تنحاشين ..!
    ماهوب على كيفك يا ليالي أنتي مشتركه معها بالحش لذا وجب عليك انتي وزميلتك تجيبون الحق وتراضوني << انزلع بس :tongue:
    بالنسبه للرجال الي جباههم كبار هذولي ضحية مثل الضحيه الي بالصورة ..!
    اكيد هذولي مالهم خوات والبيت كله عيال والام حطت حرتها فيهم وصارت تمشطهم :tongue:

    تشكرات ليالي..!
     
  16. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!


    ماهيب صدمه عاطفيه وبس الا جاه إنهيار عاطفي :tears:
    وأم عباس ماتنلام يوم تحرش عليه .. عرق فيها هي وجماعتها :tongue:
    ومنيره مالها بالطيب نصيب ولا وش فيه مفرح شقردي وهب ريح :tongue:

    أجل أنت موظف الجمرك الي سمح للموضوع بالمرور :tongue:

    تشكرات سعد..!
     
  17. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!


    هذا الحب وعمايله .. هماهم يقول الحب أعمى ..!
    هذا مفرح آخرتها حب الشغاله ..!

    تشكرات ردينه ..!
     
  18. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!


    ربي يسلمك ويسعدك زهرة اللوتس ..!
    وكل الشكر لك على طيب حضورك وتواجدك ..!
     
  19. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    لا تلومينه يا أم فهد ..!
    قلبه خضر والظاهر أنه مطحلب بعد ..!
    مايصدق يشوف زول حرمه الا حبها << والله من زود الفغاره بقلبه :tongue:

    تشكرات أم الفهود ..!
     
  20. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!



    والله مفرح ما لقى من يساعده وعلى قولتك تعاونوا على تحطيمه مو تأديبه :no::tongue:
    عاد نسوان وحصلوا لهم شغله .. ولا طاحوا الا بالضعيف مفرح ..! :tears:
    تساؤلك في محله طال عمرك :tongue:
    الصلع يعتبر حالات نادره فينا .. حتى وإن وجدت فهؤلاء هم العباقره بالعالم :tongue:
    لكن انتم ياكافي ما فيه امل تحصل وحده مالها جبهه كبيره والسبب مثل الي بالصوره ..!:tongue:

    تشكرات سديم الفرح..!