اعلان 1 اعلان 1 اعلان 1 اعلان 1 اعلان 1 اعلان 1


الجدد .. القدامى .. تعالوا نتناقش حول سنة التقديم

الموضوع في 'ملتقى النقل الخارجي والتعيين' بواسطة يـارب توفيقك, بتاريخ ‏2012-05-26.


  1. يـارب توفيقك

    يـارب توفيقك تربوي جديد عضو ملتقى المعلمين

    95
    0
    0
    ‏2012-05-13
    معلمة
    بسم الله الرحمن الرحيم


    أولا أنا معلمة قديمة تعينت منذ سنوات كثيرة
    في قرية مالها الا طريق واحد صحراوي ( الحين جته سفلته )
    مليان مطبات تسمعين صوت حديد السيارة يصك براسك
    تنزلين من السيارة ماتدرين باب المدرسة وينه من الصوت الحلو بعد المطبات
    والحمدلله وقتها ماكنت متزوجة ولا حامل وإلا كنت ماجبت عيال

    فتحوا حركة النقل قدمت ونقلوني لمدرسة لها طريق مسفلت ولأني جديدة
    ماحطوني جنب البيت بس قربوني منه كثر الله خيرهم
    وبسوي حركة اكشن شايفتها بالمنتدى منتشرة ابقهر الجديدات ( كنا في الرئاسة العامة لتعليم البنات ):bleh:
    مالها دخل وزارة التربية والتعليم صاحبة الاقتراحات السديدة سنة التقديم والتعهدات والحركات الحلوة
    عام المعلم ومنع الاجازة الاضطرارية والتقارير الطبية في الاختبارات وعدم التأمين الطبي

    المهم مالكم بالطويلة

    أنا باقي لكم سنة وبقدم تقاعد مبكر ( بهج يعني )

    ناقصني مرمطة على تالي العمر لا يقدرون سني ولاخدمتي
    خير إن شاء الله ( حاطين لي سنة تقديم )
    من الأولى سنة التقديم والا سنوات الكرف والخطوط والتعهدات والرواتب المنقوصة

    بيجي معلم توه متعين ولحق على رفاهية الباصات المكيفة والطرق المسفلته والدرجة والمستوى المستحق وإن كانت معلمة ماكتبت تعهد

    وتقول بقاء سنة التقديم

    ليه ياماما واقفين قدام كاشير والا مخبز !
    من مبدأ من سبق لبق

    طيب بيقول أنا ابي انقل تعينت بعيد
    طيب اصبر مثل ماصبر غيرك وجرب مثل ماجرب غيرك

    يقولون المعلمين يتنقلون يغيرون
    واقولكم ماحد يبي التغيير في النقل
    اترك اهلي وديرتي وزميلاتي عشان اغير !

    لكن متزوجة من رجال وظيفته كل كم سنة ترميه في ديرة
    وش بتسوين
    تتركينه والا تتركين وظيفتك
    والا تمسكين سرى سنة التقديم

    وبينفقع قلبك لو طالبة من طالباتك نقلت معك وفاضلتها سنة التقديم عليك
    لانها من جت وهي مقدمة بحركة النقل وانتي زوجك جاك وفجعك كل نقلوني
    ( انقلي)
    ابكي انتي وياها لا رجليك تتحمل كرفسة السيارة للقرى ان نقلوك ولا خدمتك نفعتك ولاقدروا كبر سنك وان ماقدمتي نقل واخترتي الوظيفة تزوج عليك ابو الشباب وحدة صغنونة ماهي موظفة
    مايبون الموظفات رجال هاليومين
    لهم حق من اللي شافوه من التعذيب اللي حنا فيه وليت هالراتب يبقى لنص الشهر


    صوتكم أمانة لكم وللي من بعدكم
    ماراح يستفيد منه أحد غيركم

    وكل جديدة بتنضم لقائمة القديمات وبتعرف معنى كلامي ذا
    بس بعد فوات الأوان واقرار بقاء سنة التقديم


    اللي عندها راي تحطه
    واللي عندها شتيمة توفرها
    واللي عنده انتقاد يصيغه بشكل لائق يخليني اوقف اصفق لك احتراما وتقديرا

    كنت اقدر اصيغ الموضوع بالفصحى بس ثلاثة ارباع اللي هنا متأزمين منها
    دمتم بعطاء لاينقطع​
     
  2. جود السنين

    جود السنين مشرفة سابقة مميزة عضو مميز

    3,006
    0
    0
    ‏2011-04-30
    معلمة
    لا بد من سنة التقديم تحفظ ترتيبك : في النقل :icon30:.. وبلاش احد ياخذ حق احد في التقديم على النقل :no:~> وجهة نظر .
     
  3. يـارب توفيقك

    يـارب توفيقك تربوي جديد عضو ملتقى المعلمين

    95
    0
    0
    ‏2012-05-13
    معلمة
    يابعدي أنتي اقدر رايك وفالك النقل يارب
    والله لاينقل زوجك بعد اربع سنين وتمسكين سرى سنة التقديم
    لا يأثر عليك وضعك الان فكري لبعدين

    بتجيك طالبة تقولك وفري تعبك مع تعهدك اللي وقعتيه وسنوات خدمتك لنفسك
    انا سبقتك على النقل روحي دوري لك قرية تنقلين فيها :tears:
     
  4. همي نقلي

    همي نقلي موقوف موقوف

    1,409
    0
    0
    ‏2011-04-27
    معلمة عربي
    الافضل ان تختلف مفاضلة المعلم عن المعلمة
    يجب أن ينظر للمعلمة بمنظور اخر تماما
    هناك معلمة عزباء وهناك معلمة متزوجة ( ويجب النظر الى عمل زوجها ) وهناك معلمة مطلقة

    الافضل ان تجد الوزارة الية لمفاضلة المعلمات واذا ماعندهم عقول تفكر يخلون المعلمات يسون مجلس استشاري بمشاركة هيئة الخبراء ويطلع نظام عادل للمعلمات

    اما المعلمين فالافضل بقاء سنة التقديم .,,,, سلامات كل سنة وهو طالب مدينة غير ويقول انا معلم قديم
    الهدف من وجود حركة النقل هو الاستقرار ,, ولازم ينظر للاستقرار من عدة زوايا , هذا اذا الوزارة مهتمة بمالمعلمين والمعلمات فعلا
     
  5. محرومه من النقل

    محرومه من النقل تربوي جديد عضو ملتقى المعلمين

    655
    0
    0
    ‏2011-05-18
    معلمه
    سنه التقديم زينه وشينه بنفس الوقت

    زينتها تحفظ حقك

    وعيبها انك ماتقدرين تغيرين الرغبات
     
  6. يـارب توفيقك

    يـارب توفيقك تربوي جديد عضو ملتقى المعلمين

    95
    0
    0
    ‏2012-05-13
    معلمة
    على فكرة بزيدكم من الشعر بيت

    بقاء سنة التقديم لو عدلتي على رغباتك
    تروح عليك وتبدين من أول وجديد
    من قالك أنها تحفظ ترتيبك والا حقك في النقل
    واسألوا من جربها
     
  7. أبوعبدالرحمن1

    أبوعبدالرحمن1 تربوي جديد عضو ملتقى المعلمين

    238
    0
    0
    ‏2011-06-22
    1
    للعلم فقط..

    إبقاء سنة التقديم .. يعني لا تستطيع التعديل على الرغبات نهائياً ..

    وأي تغيير يحرمك النقل وتبدأ من الصفر ويكون دورك الأخير حتى لمن تعين بنفس العام ..

    لا أجد مبرر إطلاقاً لمن يوافق عليه ..

    بل يجب أن يصوت الجميع ب ضد ..

    وفقكم الله.
     
  8. يـارب توفيقك

    يـارب توفيقك تربوي جديد عضو ملتقى المعلمين

    95
    0
    0
    ‏2012-05-13
    معلمة
    اقدر رايك يا استاذي الفاضل
    وترانا المعلمات مضطهدات جدا

    الحين راتب المعلم اللي مثلي يفرق عني
    ليه خير إن شاء الله
    هو يكرف وأنا مسوية مرجوحة بالمدرسة
    نفس ساعات الدوام والحصص وله حرية انه يطلع ويرجع
    هذا لو الوزارة تفكر بالعدل بين موظفيها

    تقدير لمروك ورايك يليق بك
     
  9. يـارب توفيقك

    يـارب توفيقك تربوي جديد عضو ملتقى المعلمين

    95
    0
    0
    ‏2012-05-13
    معلمة
    للأسف ماقلته صحيح
    والقدامى نايمين
    والجدد مايدرون وش الطبخة ووضعهم مأثر عليهم
    واظن الاستطلاع بالوقت ذا حركة ذكية من الوزارة
    تحل أزمة النقل للمعلمات ويستقر وضع البديلات بالاول
    وبعدين تحط استطلاع عشان الناس تفكر صح بعدين عن تأثير ضغط النقل والزحمة اللي صايرة حوله
     
  10. رذاااذ المطر

    رذاااذ المطر عضوية تميّز عضو مميز

    1,660
    0
    0
    ‏2012-05-25
    Teacher
    شكرا لك لطرح الفكرة للحوار

    بصراحة انا أؤيد ابقاء سنة التقدم بشدة
    لأن النقل حالة خاصة للجميع خارجة عن الارادة بسبب الظروف لذا الاحق بالنقل من لديه ظروف
    اللي اقصده بيتضح بهذا المثال : معلمة خبرتها خمس سنوات استجدت عندها الظروف وطلبت نقل هالسنة
    ولم يتحقق وهكذا لمدة ثلاث سنوات وبالسنة الثالثة قدمت معلمة خبرتها عشر سنوات فمن المنطق ان يتم
    نقل صاحبة الظرف الأسبق ولو تم العمل بهذا النظام سنقلل من المعلم والمعلمة المتجولة (ابن بطوطة)
    اما لو التغت سيمرح ويسرح البعض بحجة انه له الافضلية بالنقل! !


    اامل من الوزارة ان تبقى على هذا البند من المفاضلة :)


    تقبلوا احترامي. .​
     
  11. hosam1007

    hosam1007 موقوف موقوف

    785
    0
    0
    ‏2009-02-04
    معلم
    يووووووووووووووه اسلوبك في الطرح يخوف يا وووووووووووويل الوزارة منك
     
  12. جود السنين

    جود السنين مشرفة سابقة مميزة عضو مميز

    3,006
    0
    0
    ‏2011-04-30
    معلمة
    انا اتكلم من وجهة نظري متعينه لي بس سنه يعني مو في صالحي انا لني مو قديمة لو الغيت سنة التقديم مستحيل انقل بعدين .. اي وحده اقدم مني احق مني فانا انظر من الزاوية التي تصب فـ مصلحتي فقط .. !؟
     
  13. يـارب توفيقك

    يـارب توفيقك تربوي جديد عضو ملتقى المعلمين

    95
    0
    0
    ‏2012-05-13
    معلمة
    رايك احترمه
    لكن اختصيت به فئة معينة وقليلة وهم احفاد بن بطوطة فلاتعمم بارك الله فيك
    كل انسان يسعى للاستقرار وخاصة حنا السعوديين
    يبني بيت ويدخل عياله مدارس خاصة
    مايبغون الحكومية
    فبيترك ذا كله عشان يتجول !
    إن كانت عند قله فهم فئة المعلمين بس
    والمرفهين منهم والا الباقي مديون وطفران ومنتف
    تقول غير الشقة لاوسع بياكلك
    اجل لو تقوله انقل بيذبحك
     
  14. يـارب توفيقك

    يـارب توفيقك تربوي جديد عضو ملتقى المعلمين

    95
    0
    0
    ‏2012-05-13
    معلمة
    من جد !
    اجل ياويلي أنا من الوزارة
    تهقين بتنقلني !:bigsmile:
     
  15. يـارب توفيقك

    يـارب توفيقك تربوي جديد عضو ملتقى المعلمين

    95
    0
    0
    ‏2012-05-13
    معلمة
    شفتي شلون
    لكن بعد ست سنوات بيكون رايك عكس رايك ذا
    ومااحد يحرم عليك التفكير بمصلحتك من حقك
    انا اقول اعملوا لبعدين
    فكروا في بعدين
    يعني هالسنة بامر الله بتنقلين
    لان الوزارة تعمل على قدم وساق لحل قضية النقل
    لا تساعدوا على تردي حالنا
    كفاية اللي حنا فيه
    ماحد بيستفيد غير من كان مستجد ومتعين جديد
    وماحد بيطلب النقل الا عنده ظروف او عينوه مكانك بعد ماتنقلين ويبي ينقل بس
     
  16. أبوعبدالرحمن1

    أبوعبدالرحمن1 تربوي جديد عضو ملتقى المعلمين

    238
    0
    0
    ‏2011-06-22
    1
    ^^^
    عطفا على كلامك ..

    عمركم شفتو شخص يسرح ويمرح بالتعليم وينتقل من منطقة لأخرى ..!!!

    الموضوع استقرار.. وما فيه شخص ينقل كل سنة بديره.. وكل سنة يضف العفش ويدور سكن ..!

    قليل من الإنصاف ..!

    لكن لو حصل للواحد ظرف أو تطور امر عنده ويريد البقاء أو طلب منطقة جديدة سيعرف حجم الكارثة ب سنة التقديم..

    أيضاً

    بعد تطبيق هذا النظام .. زادت الأرقام على المناطق .. لأن من كان غير مستعجل على النقل، قرر النقل لأنه خشي على دوره بالنقل..

    وبذلك اللي كان يعتقد أنه سيستفيد من سنة التقديم .. خسر .. لأنه زادت الأرقام عن المعتاد.
     
  17. أم فيصل

    أم فيصل مراقبة عامة مراقبة عامة

    3,695
    0
    0
    ‏2009-10-18
    جدي سيبويه
    يارب توفيقك ياويلك ياسواد ليلك فتحت على نفسك بوابة .......*

    والله ياغالية الحال من بعضه*
    سنين العمر راحت لا شفنا حقنا ولا حتى سمعنا بخبر يبشر به*
    وبالاخير ينقزون لك جديدات( لا تطامر وحدة وتقول قصدك المتعهدات ) ماني حولكم*
    *يقولون احنا أولى بالنقل من القديمات ( على بالها بتتحنط الجديدة بكرتونها)*

    لا .. آحب آن أتشمت بـــ أحد ولـــــــكــــــن"
    يعجبني ؛؛ الـــزمـــان عنــدمـــــــا " يدور*

    نرجع لموضوعنا*
    يعني أنا مغتربة عن أهلي 16 سنة مع زوجي العسكري*
    جاته ترقية ونقل*
    قدمت بالحركة اللي سبحان الله قدرها الله فجأة ولا يعلم بحالي قبل صدورها إلا هو عز وجل*
    يعني بلاش أقدم عشان فلانة وفلانة مقدمات ومصرات إن حركة النقل خاصة بهم*
    ولسن مقتنعات بأن الرزق مقسوم*
    اللي زوجها عسكري بتجرب اللي جربناه*
    لما زوجك ينقل وانت اصلا بديرة مالك فيها احد وش تسوين تقعدي تطقطقي اصابعك تقولين لا والله ماراح اقدم عشان مااضيع فرصة على زميلة أخرى؟؟*
    والله الزميلة الاخرى لو هي مكاني ماطقت لي خبر ولا فكرت إلا بنفسها*
    أنا مع إلغاء سنة التقديم للمعلمات كافة*
    لأن الظروف مفاجأة لايعلم بها إلا الله*
    وكمان اللي زوجها يجيه نقل مجرد تجيب ورقة اثبات من عمله بأنه نقل المفروض ينقلوها بدون حركة وخرابيط*
    يارب توفيقك*
    فالي وفالك التوفيق*
    إلا وش أخبار بند 105 والدرجة*
    مازالوا نايمين عليهن*
    لنا الله هو نعم المولى ونعم النصير*


    ((كنت اقدر اصيغ الموضوع بالفصحى بس ثلاثة ارباع اللي هنا متأزمين منها ))


    هو انت شايفة اللي *انا شايفاه ؟؟؟*
     
  18. يـارب توفيقك

    يـارب توفيقك تربوي جديد عضو ملتقى المعلمين

    95
    0
    0
    ‏2012-05-13
    معلمة
    أحسنت يا ابا عبدالرحمن
    بارك الله فيك وفي عبدالرحمن
    نطقت فافحمت
     
  19. رذاااذ المطر

    رذاااذ المطر عضوية تميّز عضو مميز

    1,660
    0
    0
    ‏2012-05-25
    Teacher


    هالفئة القليلة قدد تؤثر كثير على الفئة الاكثر باحثي الاستقرار
    لانك ماتقدرين تمنعينهم من النقل مرة اخرى! !

    عزيزتي حفظا لحقوقنا بالنقل من تقدم اولا المفروض هو الاحق
    او احداث شرط جديد ان من تم تلبية رغبته بالنقل يحرم ثلاث سنوات من التقديم
    وهالشرط يحفظ للأقل خبرة حقه بالنقل ويضايق من تم نقله واستجدت لديه ظروف
    لذا يمسك سرا ودور افضل من الحرمان من الدخول بالحركة!


    لك ودي واحترامي...
     
  20. يـارب توفيقك

    يـارب توفيقك تربوي جديد عضو ملتقى المعلمين

    95
    0
    0
    ‏2012-05-13
    معلمة
    ياويلي من مين !
    إذا لك لسان فللناس ألسن
    ومن دق بابي بيسمع جوابي
    وأنا حاطه تنبيه باخر الموضوع
    اللي ماتعرف تتكلم وماعندها قدرة تقول كلمتين على بعض وبتشمت توفر شتميتها وسبها
    ولا تهزأ نفسها ..


    والله يابعدي لاجديد
    منقوص من الخدمة اربع سنوات

    والعوض من رب كريم

    اقدر لك رأيك ومرورك

    واكيد شايفه بس بعض الاحيان نغض الطرف