اعلان 1 اعلان 1 اعلان 1 اعلان 1 اعلان 1 اعلان 1


لـــــــــــقـــــــــــاء مـــــــــــــــع مــــعـــلمة تـعهد على الطاير من باب الوناسه

الموضوع في 'ملتقى النقل الخارجي والتعيين' بواسطة نواف العقيل, بتاريخ ‏2012-06-04.


  1. نواف العقيل

    نواف العقيل موقوف موقوف

    381
    0
    0
    ‏2012-01-10
    موظف
    المقدم
    السلام عليكم
    المـــــــــــــعــــــلــــــمـــــة
    وعليكم السلام
    المقدم
    نتعرف على الاسم
    المـــــــــــــعــــــلــــــمـــــة
    معلمة تعهد
    المقدم
    كم عمرك
    المـــــــــــــعــــــلــــــمـــــة
    قبل التعين ولا بعد
    المقدم
    وش تفرق
    المـــــــــــــعــــــلــــــمـــــة
    لا تفرق كثير قبل التعين 30سنه وبعد التعيين اضرب السنه بعشره ويله عليك الحساب مثل الحسنه السنه بعشرة امثالها
    اللهم هنا اجر وهنا عقاب
    المقدم
    وش هوايتك
    المـــــــــــــعــــــلــــــمـــــة
    النقل على الرغبه الاولى
    المقدم
    وش اكلتك المفضله
    المـــــــــــــعــــــلــــــمـــــة
    النقل على الرغبه الاولى
    المقدم
    اختي كل شى الرغبه الاولى
    المـــــــــــــعــــــلــــــمـــــة
    ايه عندك مانع
    المقدم
    لاعادي اتمنالك الرغبه الاولى
    المـــــــــــــعــــــلــــــمـــــة
    تعرف احد بالوزاره
    المقدم
    لا والله ماأعرف احد ليش
    المـــــــــــــعــــــلــــــمـــــة
    نبي نعرف متى حركة النقل وكم نسبة النقل
    المقدم
    والله لو اعرف لا اقولك بس ما اعرف احد
    المـــــــــــــعــــــلــــــمـــــة
    حاول الله يخليك
    المقدم
    ممكن اختي اعرف النادي المفضل لكي
    المـــــــــــــعــــــلــــــمـــــة
    نادي وادي الحصنه
    المقدم
    اول مره نسمع بها النادي
    المـــــــــــــعــــــلــــــمـــــة
    انتبه الا الغلط هذا نادي القريه الى انا فيها
    المقدم
    او مره نسمع بهالقريه
    المـــــــــــــعــــــلــــــمـــــة
    وبعدين معاك مازلت تغلط هذه قريه مافيها اي خدمات
    ولا فيها حتى كهرباء ولا طريقها80كيلوا جلدو120اسفلت
    وعدد طالباتها20ورغم ذلك هم صابرين على الخدمات
    واحنا صابرين على هم الوزاره الى فاتحه هالمدرسه لعشرين طالبه
    ولازم يكون عندنا انتماء لهذه القريه
    المقدم
    وش احلامك في الحياه
    المـــــــــــــعــــــلــــــمـــــة
    النقل على الرغبه الاولى
    المقدم
    من تحبين اكثر امك ولا ابوكي
    المـــــــــــــعــــــلــــــمـــــة
    احب الرغبه الاولى وبعدين احبهم
    المقدم
    اختي طيب وش همك في الحياه
    المـــــــــــــعــــــلــــــمـــــة
    همي نقلي
    المقدم
    لو سمحتي اختي هذا اخونا محمد القطاني
    هو همي نقلي وش السالفه
    المـــــــــــــعــــــلــــــمـــــة
    ياخي همي نقلي اسم اختاره محمد القحطاني
    وهو معبر عن هم جميع معلمات التعهد
    المقدم
    طيب سؤال وبكل صراحه ابي الاجابه
    لو خيروكي بين امرين
    اما النقل على الرغبه الاولى
    ولا شغالتك وش تختارين
    المـــــــــــــعــــــلــــــمـــــة
    اممممممممممم ياخي مافي سؤال غير السؤال
    هـــــــــــــــــــــــــــــــــــــذا
    المقدم
    لازم الاجابه
    المـــــــــــــعــــــلــــــمـــــة
    شوف رغبه اولى بدون شغاله مالها طعم
    لكن راح اختار الشغاله والرغبه الاولى
    المقدم
    شخصيه دايم تفكرين فيها
    المـــــــــــــعــــــلــــــمـــــة
    الرغبه الاولى عفوا اخوى د سعد الفهيد
    المقدم
    وش رايك في الاوضاع في سوريا
    المـــــــــــــعــــــلــــــمـــــة
    عندنا بوزارة التربيه اكثر من كذا
    بس بهدوووووووء وبدون اعلاااام
    المقدم
    معقوله
    المـــــــــــــعــــــلــــــمـــــة
    قسم
    المقدم
    شخصيه ودك الوصول لها
    المـــــــــــــعــــــلــــــمـــــة
    خادم الحرمين الشرفين حفظه الله
    المقدم
    طيب حاولتي
    المـــــــــــــعــــــلــــــمـــــة
    حاولت بس ما قدرت
    المقدم
    طيب ليش تبين توصلين له
    المـــــــــــــعــــــلــــــمـــــة
    لانه هو بعد الله راح يحل الموضوع
    المقدم
    طيب معاملتكم وش صار فيها الى تحولت من الديوان الملكي
    المـــــــــــــعــــــلــــــمـــــة
    وش اقولك انا اول نفس الاوضاع بسوريا
    ياخي ماتفهم اللهم الى بسوريا الضحايا الشعب
    اما في الوزاره الضحايا معلمات التعهد فقط
    المقدم
    افااااااااااااااااا
    ليش
    المـــــــــــــعــــــلــــــمـــــة
    في الحركه الاولى تم استبعادنا وفي الحركه الجديده الاولويه للمعلمات القديمات وشرط سد العجز وتثبيت البديلات داخل المدن وتعين المعلمات الجدد داخل المدن اقلك بس خليها على الله
    المقدم
    وانتم
    المـــــــــــــعــــــلــــــمـــــة
    لنا الله
    المقدم
    الله لا يبلانا هذا ابتلاء الحمدلله ماني معلمة تعهد
    المـــــــــــــعــــــلــــــمـــــة
    كيف وش قلت
    المقدم
    لا ما قلت شئ
    بس عندي سؤال
    وش اهدافك
    المـــــــــــــعــــــلــــــمـــــة
    ياخي خلينا بس ننقل على الرغبه الاولى والله يا انت بتشوف اهداف
    يحلفون بالله منها حتى الوليد بن طلال ما يسويهاوالله لسوي شئ ما احد سواه
    المقدم
    طيب انتي وش تسوين من اول ما تفتحين عينك في
    الصباح
    المـــــــــــــعــــــلــــــمـــــة
    اقول يالله صباح خير
    ويكون عندي امل اني راح اسمع خبر حلوا
    واطمن على شغالتي واهلي وعيالي
    وبعدين اروح للملتقى اطمن هل فيه اخبار نقل ولا شغله
    وبعدين كالعاده تطفي الكهرباء علينا ونقعد نسولف مع انفسنا
    ونقول يالله اهالينا زمان كانوا عايشين كذا يعني نقنع انفسنا
    اصلا حتى الحيوانات صارو يشفقون علينا والحراميه وقطاعين الطرق
    لما يعرفون اننا معلمات تعهد ما يسوون شئ لنا يقولون هذولا ما كلين هوى ما كلين وش نبي فيهم تخيل كل
    هذول اشفقوا علينا وزارة التربيه والتعليم باقي الى الان ماهي فارقه معاهم
    المقدم
    طيب ليه ما تفصلين
    المـــــــــــــعــــــلــــــمـــــة
    ما سبق وان جربت كف على الهواء مباشره في لقاء
    المقدم
    لا والله
    المـــــــــــــعــــــلــــــمـــــة
    اجل انتبه لنفسك
    المقدم
    ابشري الا على طاري الكف
    شخصيه ودك تصفقينها
    المـــــــــــــعــــــلــــــمـــــة
    ودي اعرف من جاب قرار التعهد والله ياهو راح يتصفق
    وبعدين ودي اخذ عقالك ذا واصفق البديلات
    الين اثبتها مكانها الصحيح قال ايش قال تثبيتي مكاني
    المقدم
    طيب وين بتروحين هالاجازه
    المـــــــــــــعــــــلــــــمـــــة
    لو نقلت ماليزيا ولو ما نقلت الديره
    المقدم
    طيب وش صار عندك فايده من هالسنين الى مرت عليكي
    في المعتقل عفوا في المكان الى تعينتي فيه
    المـــــــــــــعــــــلــــــمـــــة
    ابد اصبحت اراجع الاطباء النفسيين وعلى وشك اني اخسر بيتي لا قدر الله بسبب قرار ظالم
    المقدم
    وش رايك بقيادة المراءه للسياره
    المـــــــــــــعــــــلــــــمـــــة
    والله شوف بقلك شغله انا بفضل من الله هنا اسوق السياره
    بهالقريه وافحط كمان تخيل وما حولك احد
    المقدم
    ماتخافين من الشرطه
    المـــــــــــــعــــــلــــــمـــــة
    قلتلك لما يعرفون اني معلمة تعهد ما يقولون شئ عادي الحين
    معلمة تعهد صار يعني عدم تعرض واذا تبي تصدقني روح اشتكيني في اي مكان او شرطه او محكمه خلني اشوف تقدر توصلني
    بدري عليك
    المقدم
    والله من جد تتكلمين
    المـــــــــــــعــــــلــــــمـــــة
    صدق تدري انا صرت كل شئ سباكه حداده سواق
    المقدم
    ما شاءالله عليكي
    المـــــــــــــعــــــلــــــمـــــة
    ممكن خدمه بسيطه
    المقدم
    امري
    المـــــــــــــعــــــلــــــمـــــة
    تعرف احد يقلك عن حركة النقل في الوزاره متى وكم نسبتها
    المقدم
    سلامات اختي الظاهر حالتك ميؤس منها قلتلك
    ما اعرف الظاهر ما عاد تجمعين
    المـــــــــــــعــــــلــــــمـــــة
    اوه اسفه معليش نسيت اني سالتك
    المقدم
    تتوقعين انهم راح ينقلونك على الرغبه الاولى
    المـــــــــــــعــــــلــــــمـــــة
    عندي امل في الله كبير
    المقدم
    عندك امل عام كم
    المـــــــــــــعــــــلــــــمـــــة
    عام المعلم والمعلمه
    المقدم
    ومتى هالعام
    المـــــــــــــعــــــلــــــمـــــة
    مدري والله يقولون انه الحين هذا العام وللحين ما شفنا شئ
    المقدم
    نسيت اسألك اختي انتي موظفه
    المـــــــــــــعــــــلــــــمـــــة
    وش احنا قاعدين نقول من الصباح
    المقدم
    قاعدين نتكلم عن شئ مستحيل
    المـــــــــــــعــــــلــــــمـــــة
    لا مافي مستحيل كل ماهو بعيد عن الانسانيه
    موجود لدى وزارة التربيه والتعليم
    فهي ظلمت معلمات التعهد وما زالت تمارس العدوان
    وحسبى الله ونعم الوكيل
    المقدم
    شكرا اختى على اللقاء
    وكان الله بعونك
    يمكن لو رحتى تحاربين في العراق كان اصرف
    من ظلم وزارة التربيه والتعليم وفمان الله

     
  2. @وهج الشموس@

    @وهج الشموس@ عضوية تميّز عضو مميز

    1,385
    0
    0
    ‏2012-05-03
    معلمه
    هههههههههههههههه الله يسعدك نواف

    موضوع يهبل


     
  3. المعلمة نونا

    المعلمة نونا تربوي جديد عضو ملتقى المعلمين

    123
    0
    0
    ‏2011-12-24
    معلمة
    ههههههههههه يجنن اللقاء



    الله يونس صدرك ونست صدورنا بهالوقت بالذات
     
  4. hosam1007

    hosam1007 موقوف موقوف

    785
    0
    0
    ‏2009-02-04
    معلم
    ياليتهم رقدوا ذيك الليلة
     
  5. أم فيصل

    أم فيصل مراقبة عامة مراقبة عامة

    3,695
    0
    0
    ‏2009-10-18
    جدي سيبويه
    على أنه يحتوي على مفارقات مضحكة

    لكنه لا يخلو من نكهة الشحناء المقيتة التي ندعو لتركها والانشغال بقضايانا عن الغير



    كهذه الردود :

    المـــــــــــــعــــــلــــــمـــــة
    في الحركه الاولى تم استبعادنا وفي الحركه الجديده الاولويه للمعلمات القديمات وشرط سد العجز وتثبيت البديلات داخل المدن وتعين المعلمات الجدد داخل المدن اقلك بس خليها على الله


    وهذا

    المـــــــــــــعــــــلــــــمـــــة
    ودي اعرف من جاب قرار التعهد والله ياهو راح يتصفق
    وبعدين ودي اخذ عقالك ذا واصفق البديلات
    الين اثبتها مكانها الصحيح قال ايش قال تثبيتي مكاني



    أستاذ نواف نصيحة
    أقلع عن هذا بارك الله فيك فما تزرعه ستحصده عاجلا أو آجلا

    أصلح الله حالك
     
  6. مكنونات

    مكنونات قلم مميز عضو مميز

    4,729
    0
    0
    ‏2011-07-11
    تدريس
    والله ما ألوم هالمعلمة يوم يضرب عقلها.....

    سواليفي صارت عن النقل .... اووووووووف..... من هالسيرة اللي عيت تنتهي ..... اووووف