اعلان 1 اعلان 1 اعلان 1 اعلان 1 اعلان 1 اعلان 1


تخبطات إدارتنا,,,,,,

الموضوع في 'ملتقى النقل الخارجي والتعيين' بواسطة toooty_girl, بتاريخ ‏2012-06-22.


  1. toooty_girl

    toooty_girl تربوي جديد عضو ملتقى المعلمين

    2
    0
    0
    ‏2012-06-22
    معلمة
    تخبطات إدارتنا,,,,,, شوفو بس ايش قالت الموظفه وياريت اخ مثعر يفيدني

    مساء الخير على جميع اعضاء المنتدى,,,,,,
    اول شي انا سجلت في المنتدى عشان انقل لكم موضوع صار معايا امس ،،،
    اول شي انا قدمت على الظروف الخاصة وعلى الحركة الالحاقية لمعلمات التعهد.....
    أوراقي للظروف الخاصة رفعتها للادارة قبل الاختبارات بشهر واتصلو فيا الاسبوع الثاني من الاختبارات وقالو لازم احضر قلتلهم عندي اختبار وملاحظات رفضو لازم احضر طبعاً المكان يبعد عن القرية اللي انا فيها ساعتين ومافيه احد يوديني دورت حتى لقيت شخص يوديني بمبلغ 1000 وللعلم أني اديتهم خبر انه ماعندي احد يوديني الادارة لكن لاحياة لمن تنادي ..... رحت الموظفة طالعت في وجهي قالتلي خلاص روحي قلتلها ماتبو شي مني قالتلي لا خلاص أوراقك كامله >>>>>طيب لو أوراقي كامله ليه الاستدعاء
    سألتها متى ترفعو الاوراق قالتلي الأربعاء حتكون في الرياض مع العلم أني رحتلهم يوم الأحد
    دقيت عليهم بعد كذا مافي لأحس ولا خبر
    المهم في الموضوع اللي بأوصل له امس لما كلمت الموظفه سألتها قالتلي مأجزين ...قلتلها كيف واوراقي قالتلي أكيد الادارة رفعتها يوم الثلاثاء ....قلتلها كيف تأجزو قبل المدارس ماردت عليا قلت طيب ومتى تصدر أسماءنا قالتلي لاتستنو اي حاجه في الإجازة قلتلها لانقل ظروف خاصه ولا الالحاقية قالتلي كلهم مافي شي اصلا أجزنا ,,, مع العلم أني سألتها قبل كذا قالتلي كلكم ناقلين اتطمنو
    *انا طبعاً مستحيل اصدق كلامها لأني متفائلة ان الحركة الاسبوع ذا بس ايش معنى كلامها تقول أجزنا محيرتني واللي قاهرني اكثر ليه يبغون يحبطونا ايش التخبطات دي ومافي حتى مرونة في التعامل غربونا ولا حتى فيه مراعاة لظروفنا يقولو انتي طلبتي دي القرية صح انا طلبتها طلبتها لأني درست وتعبت عشان اتوظف إحنا والله مابنطلب غير حقوقنا
    سامحوني حبايبي طولت عليكم بس والله من القهر اللي فيا والفوضى ياريت ياريت لو فيه إخوان من الوزارة ينظرولنا في دا الموضوع يحطو ناس يستاهلو أماكنهم في الإدارات
    يارب بحق اليوم الفضيل دا تنقل جميع المعلمات على الرغبة الاولى وتريحهم وتريح بالهم امييين يارب العالمين
     
  2. Raina

    Raina تربوي عضو ملتقى المعلمين

    619
    0
    16
    ‏2012-01-06
    تيتشرة
    معظم الإدارات من العينات هذي ,
    بيروقراطية مقيته و فغير مكانها.
    هم إذا يداومون من الساعة 9 الصباح زي المنطقة إللي أنا فيها
    أكيد بيأجزون قبلنا ,
    بعدين كويس إنهم مأجزين هذا محفز كبير للبزوطة :clap:
    أجزوا حتى أنتم .. و ما أحد أحسن من أحد.
     
  3. مكنونات

    مكنونات قلم مميز عضو مميز

    4,729
    0
    0
    ‏2011-07-11
    تدريس
    الله يعينك ... أغلب المشرفات نفسيات ....
     
  4. كعشاان

    كعشاان تربوي جديد عضو ملتقى المعلمين

    214
    0
    0
    ‏2012-04-18
    معلمه
    ماشاااااااااااء الله مأجزيت حضراتهم ؟؟

    زي إداراتنا منسقين بينهم والغياب بالهبل وإذا بغوا ينكدوا على المعلمات نزلوا منابعه إذا داوموا

    حسبنا الله ونعم الوكيل على ذي الأشكال