اعلان 1 اعلان 1 اعلان 1 اعلان 1 اعلان 1 اعلان 1


ما يحلها غير ابو متعب.... الفهيد رفض استقبال المعلمات...

الموضوع في 'ملتقى النقل الخارجي والتعيين' بواسطة البرنسيسة 31, بتاريخ ‏2012-07-03.


  1. البرنسيسة 31

    البرنسيسة 31 تربوي جديد عضو ملتقى المعلمين

    724
    0
    0
    ‏2012-04-22
    معلمة
    [​IMG]


    يا معلمات ماعندنا غير حل واحد وهو تدخل ولاة الأمر بالموضوع

    ابو متعب وولي العهد

    فهم لا يرضون بالظلم
    وكم وصى ملكنا على المواطن القائمين على خدمة المواطن

    من الظلم يا الفهيد ان تتحقق رغبات النقل لجميع معلمات المملكة في كل مدينة وقرية ومحافظة ماعدا الـ 70000 معلمة تعهد

    انت حققت رغبة النقل في هذا العام لكل معلمة راغبة في النقل ( الـ 28 ألف القديمات - الـ7500 معلمة قديمة في الحركة الاخيرة قليل من معلمات التعهد تسكيت لنا )

    لم يهضم حق غير حقنا

    حتى اللواتي لم يحصلن على ارقام وظيفية تحقق لهن الأمان النفسي والمكاني على حسابنا

    العام القادم سيكون عدد المتقدمات خيالي وسيكون عدد لم يحدث في تاريخ الوزارة

    يجب تدارك الأمر قبل الفوات


    أبو متعب ..أبو متعب
     
  2. الصلح خير

    الصلح خير تربوي جديد عضو ملتقى المعلمين

    235
    0
    0
    ‏2011-12-22
    معلمة
    انا معاك بكل الي قلتيه يابنات لازم التجمع والدخول للملك فيه وحده تعرف الطريقه صدقوني الخطابات مو ماتنفع بس حبالها طويله واحنا ماعندنا وقت
     
  3. أمل معلمة تعهد

    أمل معلمة تعهد تربوي جديد عضو ملتقى المعلمين

    493
    0
    0
    ‏2012-05-16
    معلمة تعهد
    الله ينتقم منهم حسبي الله عليهم جميعااا

    الله ينصرنا عليهم جميعااا

    تكفى يابو متعب املنا بك بعد الله في نصرتنا

    حسبي الله ونعم الوكيل
     
  4. سنام989

    سنام989 تربوي جديد عضو ملتقى المعلمين

    43
    0
    0
    ‏2012-07-02
    معلمة
    بنات الرياض حددو بس يوم التجمع وباذن الله بحاول قدر ما استطيع
     
  5. دايمة السيف

    دايمة السيف تربوي جديد عضو ملتقى المعلمين

    660
    0
    0
    ‏2012-04-26
    معلمة
    انتم متخيلين الدخول على الملك حاجة سهله

    فكروا زين ..

    لاتتهورون فكروا بالعقل ..
     
  6. صوت الغربه

    صوت الغربه تربوي جديد عضو ملتقى المعلمين

    126
    0
    0
    ‏2011-07-25
    معلمة
    والله ما تتخيلون وضعي من يوم طلعت الحركة بس دمعتي على خدي ما ني متخيلة ارجع مرة ثانية للخوف وعدم الراحة حسبي الله ونعم الوكيل
     
  7. حروفي

    حروفي عضوية تميّز عضو مميز

    1,610
    0
    0
    ‏2009-01-28
    معلمة
    يابنات التنسيق راح يتم ان شا ءالله المهم تابعوا الموقع جيدا

    http://www.molmataltahod.com/vb/index.php

    التنسيق قريب جدا فقط نتهي من ارسال الخطابات
     
  8. معلمة متعلمة

    معلمة متعلمة تربوي جديد عضو ملتقى المعلمين

    346
    0
    0
    ‏2011-12-29
    معلمة

    يعني اش بيصير لو راحو للملك !!!!!!!!!!!!!!!
     
  9. Computer dept

    Computer dept تربوي عضو ملتقى المعلمين

    219
    0
    16
    ‏2012-01-08
    معلمه
    عرفت ليه مابيستقبل النساء
    تطمن مو بمكتبك :bleh::bleh:<<<
    بإذن الله عند باب بيتك على يمينك مبااااشرة:dunno:<<<مجبورة ماعاد باليد حيله
    ونورة ان شاء الله بمكتبها لكن حزنت على اللي تاركتها تحرسها برا مكتبها انا لها بالمررررصاد
    :harhar1::harhar1::harhar1:
     
  10. نيوب الليث

    نيوب الليث تربوي جديد عضو ملتقى المعلمين

    236
    0
    0
    ‏2011-06-19
    معلمة
    أصلاً ليش يروحون له المعلمات

    النقل بيجي من فوق خمشمه مو برضاه

    و هو بيصير في خبر كان هو و ظلمة الخاسر
     
  11. الصابرة المحتسبة

    الصابرة المحتسبة تربوي جديد عضو ملتقى المعلمين

    837
    0
    0
    ‏2011-03-08
    معلمة
    توة الحين يرفض يستقبل نساء....طيب يوم انة يروح من مبناة اللي يداوم فية ويركب سيارتة ويروح للمبنى الثاني الرئيسي عشان يقابل البديلات واصلا البديلات ماراحو لة في مبناة هو اللي جاي طاير ويراكض لهم؟؟..وش تسمونة...اجل البديلات مو نساء ؟؟؟وش يكونون اجل....اصلا قابلني انا ومعي نجمة في سماي والعيطموسة....وجاي يركض لنا يحسب ان حنا بديلات....قلت لة مااحنا بديلات حنا معلمات نبغى نقل...تغير وجهة؟؟؟


    ماعليكم منة...روحو ووقفو عند باب مكتبة...او روحو للمبنى الريئيسي اللي فية مكتب الوزير اللي جنب وزارة الصحة اللي يداوم فية الحميدي زي البدييلات وزينا انا والمعلمات اللي نقلنا في الحركة السابقة...ووقفو في الشارع وسووو ربكة وشوشرة...وهو بيركب سيارتة ويجيكم زي ماجاء للبديلات
     
  12. الصابرة المحتسبة

    الصابرة المحتسبة تربوي جديد عضو ملتقى المعلمين

    837
    0
    0
    ‏2011-03-08
    معلمة
    روحو لة....وروحو للملك...وروحو لمكافحة الفساد....



    وروحو عند مبنى جريدة الرياض
     
  13. آه1431

    آه1431 تربوي جديد عضو ملتقى المعلمين

    59
    0
    0
    ‏2012-07-02
    معلمه
    محنا خدامات عند الفهيد احنا في خدمة هذا الوطن غصبن عنه ننقل ماهو ماهو إلا موظففف لايقعد لبنات خلق الله عقبه في نقلهن
     
  14. عاشقه الرياضيات

    عاشقه الرياضيات تربوي جديد عضو ملتقى المعلمين

    559
    0
    0
    ‏2012-04-14
    معلمة
    الصابرة ياليت تساعدينا
    وفالنا النصر
     
  15. Hypatia

    Hypatia تربوي جديد عضو ملتقى المعلمين

    143
    0
    0
    ‏2012-06-25
    معلمة
    فعلا مايحلها الا ابو متعب

    فقط العزيمة والهمة والعدد الكافي للوقوف امام قصر الملك

    (بإذن الله الاستثنائية من ملك الانسانية )
     
  16. غلا الرياض

    غلا الرياض تربوي جديد عضو ملتقى المعلمين

    414
    0
    0
    ‏2012-04-22
    معلمة
    ما لنا بعد الله الا ابو متعب ...
     
  17. همى الرغبه الاولى

    همى الرغبه الاولى تربوي جديد عضو ملتقى المعلمين

    532
    0
    0
    ‏2012-04-18
    معلمه
    والله ابو متعب مايدرى عن هالغطرسه والله لو تاصله المعلومه صح لطيره من وزاره التربيه في دقيقه


    لاوصيكم بالتكاتف خاصه المعلمات الي بروحو للقصرر تكفون لايهمكم احد حتى تاصلو الملك وتخبرونه بالفهيد وشلته
     
  18. مستشار222

    مستشار222 تربوي جديد عضو ملتقى المعلمين

    65
    0
    0
    ‏2012-07-01
    مستشار
    كلام100/100
     
  19. معلمه عابره

    معلمه عابره تربوي جديد عضو ملتقى المعلمين

    227
    0
    0
    ‏2011-08-24
    معلمه
    متعودين ان المواطن صامت ولايطالب بحقوقه عشان كذا الفساد في كل مكان لكن الحين والله مايردنا احد عن مطالبة حقوقنا حسبي الله عليهم ونعم الوكيل ..
     
  20. قوتي بالله

    قوتي بالله تربوي جديد عضو ملتقى المعلمين

    242
    0
    0
    ‏2012-07-01
    معلمة
    ياليتني رجال و الله ما يردني إلا قصر طويل العمر ..

    ظلم و أنظلمنا تعذيب و تعذبنا و بعد وش تبي الوزارة ليه يستمر الظلم مو معقولة حركة استثنائية و لا ينقل فيها إلا 49 % و اللي نقلوهم ينتظرون ترم كامل ليه؟؟؟


    ما يسمعون عن الحوادث ؟؟؟

    ما يدرون أنا شفنا الموت بعيونا أكثر من حادث صار لزميلاتي ..

    ما راح أنسى زميلاتي اللي صار عليه حادث و توفيت فيه زميلتنا ..

    و لا راح أنسى يوم صار حادث على سيارة زميلاتنا الباص اللي صار عليهم حادث قدامنا ..

    و لا راح أنسى لما تعطلت سيارة نقلنا في البر يا عالم في البر على طريق زراعي ..


    إلى متى هالظلم إلى متى الوزارة ترمينا في الخطر ..

    يا نآآآآآآآآس فكروا في الصعوبات اللي نمر فيها ..

    يعني وزيرة مثل نورة الفايز جالسه بمكتبها تصدر قرارات تعذبنا فيها لآنها وزيرة طيب أنتِ يا نورة الفايز لو تتعرضين للخطر اللي نتعرض له ما تأخرين نقلت و لا دقيقة ..

    و الله الوضع في الوزارة ما يطمن كأننا معلمات منبوذات الكل من اصحاب الكراسي و المناصب يظلمنا و ظلمه لنا على قلبه مثل العسل ..

    يعني أحنا وش نسوي خطابات و أرسلنا ..

    و لا رد واحد وصلنا من بدينا ..

    ترا على فكرة سألت عن الخطابات اللي أرسلناها للوزير ..

    أذا مكتب معالي الوزير ما أتصلوا على الرقم اللي ندخله بالرسالة فمعناه أن الخطاب ما أخذ مساره الصحيح و تم تجاهله من الموظف المختص و لا راح يعرض على الوزير و متأكدة من كلامي ...

    أجل وش فايدة الخطابات ...؟؟؟!!!


    لنا الدعاء و ربي يستجيب دعواتنا و ربي ينصرنا ...

    و ربي ينصرنا و ينتقم من كل واحد عذب هالمسكينات اللي أنا منهم و الله أنهم يكسرون خاطري أذا عرضوا معاناتهم هنآ ...

    أي قلوب اللي تمسك المناصب في هالوزارة ..

    أذا ما رحمتوا الناس كيف تعيشون كيف تتهنون في حياتكم ...

    كيف ما تخافون من نزول غضب الله عليكم ...

    يا نوره الفايز أرحمي يرحمكم الله ...


    الظاهر بفتح موضوع عن أفضل دعوة على من ظلمنا .. و بحط عليها جوائز هذا أذا نزل راتبي هالشهر ..