اعلان 1 اعلان 1 اعلان 1 اعلان 1 اعلان 1 اعلان 1


يارب انت نصيري وعضدي لكل من تريد قطع رزقي

الموضوع في 'ملتقى النقل الخارجي والتعيين' بواسطة ديه مثل الريشة, بتاريخ ‏2012-07-03.


  1. ديه مثل الريشة

    ديه مثل الريشة تربوي جديد عضو ملتقى المعلمين

    4
    0
    0
    ‏2012-06-01
    بديلة بدون حظ
    السلام عليكم لجميع من في الملتقى أنا بديلة مستثناه من التثبيت لي 14 سنه متخرجه واربع سنوات تعاقد من قرية لقرية مغتربة أنا واطفالي للزوج ولا اهل زوج سكار خمار والأهل مايبون عيالي كنت راضية بالعقد في اي مكان طمعا بالتثبيت وحلا لمشاكلي الحين معلمات التعهد طالبوا بحقوقكم لكن ماتجيبوا سيرتنا ليه مسويتم الاعتراض هذا لما تجمعوا المثبتات طالبين تثبيت مكاني ووافقوا عليه أنا أخذوا عقدي مني بحجة ان المعلمه قطعت اجازتها وبعدها عرفت انه اعطوه وحده غيري ترى حصل فساد كبير بموضوع التثبيت هذا واغلب اللي تثبتوا معهم. دبلوم بعد الثانوي وتوهم متخرجين يعني طالبوا بالتحقيق بهذا الموضوع مو موضوعنا أغلبنا من زمان متخرجات وماثبتونا وانظلمنا انتم تحمدوا ربكم عندكم راتب فوق 8000 ريال ماشا الله وانا حالتي مايعلم بها الا الله احيانا اروح لإمام المسجد يعطيني ماتجود به نفسه او اجلس بالشارع انتظر المصلين انتم ماحسيتم بالحاجة تحمدوا ربكم اذا مانقلتم هالسنه يتنقلون السنه الجاية لكن انظري لحالتك من طريقه ثانية عندك عافيه عندك زوج متفهم عندك راتب ماتشيلي هم بكره والله كنت اروح قريه القروود أشوفها من الشباك كانت تجي الإجازة وانا بقريتي لاروحه ولا جيه وتفضى من المعلمات اللي يسافرون لأهاليهم وأقعد لحالي بعيالي اكبرهم عمره عشر سنين حامده شاكره وأقول بكره بتثبت والحال يزين الحين ماقلت. قصتي شفقة او تعاطف اشكي لحالي لله لكن علشان تعرفون انه في ناس مظلومين ودعوة المظلوم مستجابة يااارب أشكوا لك ضعفي وقلت حيلتي وهواني على الناس يارب من وقفت في طريق قضيتنا اللهم أحرمه العافية وراحة البال ولابارك لها برزق ولابعيال وهاذي دعوتي لكل من قطع رزقي بجدارة وحافز والضمان وآخرها التثبيت اللي هو أملي الوحيد بعد الله رحت بنفسي لبراك اشكي حالي وأبكي قال ربي عيالك احسن لكن تأكد يالبراك والحميدي أني كل يوم اجلس علي سجادتي وادعوا عليكم والله شاهد أني لن أنساكم بليلة القدر الله يفرج همكم يامعلمات التعهد وينصركم لكن تكفوووون لاتجيبوا سيرت قضيه المستثنيات فذنبي وذنب بعيالي برقبتكم أنا الحين داخله عنطريق جوال زميلتي ولاعرف يمكن هذا اخردخول لي لعدم امتلاكي للنت واعتذ عن الأخطاء
    *​
     
  2. hss

    hss تربوي جديد عضو ملتقى المعلمين

    90
    0
    0
    ‏2009-01-28
    معلمة
    لا حول ولا قوة إلا بالله

    وزارتنا مثل الحوله ناس تطلب ومقهوره من سنوات تقوم تعطي ناس بارده مبرده ، قهرت المعلمين القدامى لما طالبوا بحقوقهم عطوا اللي بعدهم ولا عطوهم !!!
    اليوم الظلم يتكرر ناس بالقرى من سنوات وناس تتثبت جنب بيتها !!!
    وناس ما خذوا شي ابدا منقعين شهاداتهم وشاربين مويتها الحمد لله على كل حال
     
  3. ثلجة

    ثلجة تربوي عضو ملتقى المعلمين

    980
    0
    16
    ‏2012-03-19
    معلمة
    يا اختي لا تسكتين عن حقك حنا في غابة القوي يمشي والضعيف يأكل هوا نصحية تري الساكت عن حقة شيطان اخرس ، لا تخافي لومة لايم
     
  4. نسمة هواء

    نسمة هواء تربوي جديد عضو ملتقى المعلمين

    569
    0
    0
    ‏2012-04-17
    معلمة رياض اطفال
    ياختي الله يوفقك

    إذا طالبنا بنقلنا لداخل المدن

    لا يعني ذلك اننا نطالب بقطع رزقك

    اتي تثبيتك وظيفي يعني بآذن الله راح تجيك الوظيفه

    نحن نطالب فقط بالمكان وليس الوظيفه

    والارزاق مقسمه من الله ليس لاحد ان ياخذ رزق احد

    وكل انسان يأخذ اللي كاتب له الله

    والحقوق يا اختي يبي لها حلوق

    اطمئني وقري عينا اختي نحن نطالب في المكان وليس الوظيفه
     
  5. أم فيصل

    أم فيصل مراقبة عامة مراقبة عامة

    3,695
    0
    0
    ‏2009-10-18
    جدي سيبويه
    صحيح
    من رأى مصيبة غيره هانت عليه مصيبته

    اللهم انصرها على من ظلمها وفرج همها ويسر أمرها وارزقها من حيث لاتحتسب

    لاحول ولا قوة إلا بالله
     
  6. دانتيل

    دانتيل تربوي جديد عضو ملتقى المعلمين

    222
    0
    0
    ‏2010-02-21
    :$
    لاحول ولاقوة الا بالله
    الهم رد كيدهم في نحورهم...يقطعون برزقك ويعطونه غيرك وانت ساإاكته ؟!!
    خذي اوراقك واطلعي لحقوق الانسان وهيئة مكافحة الفساد
     
  7. ابو المجد والعز

    ابو المجد والعز تربوي جديد عضو ملتقى المعلمين

    228
    0
    0
    ‏2011-03-26
    معلم
    لا حول ولا قوه الا بالله
     
  8. الصابرة المحتسبة

    الصابرة المحتسبة تربوي جديد عضو ملتقى المعلمين

    837
    0
    0
    ‏2011-03-08
    معلمة
    الله يرزقك يارب وينصرك....إن شاءالله تتوظفين وجنب بيتك ...




    ياحبيتي بعد معلمات التعهد فية منهم مثل ظروفك وفية منهم اصعب....وش تبغينهم يسوون ...تبغينهم يسكتون؟؟؟مستحيل.....كل واحد يدور مصلحتة ويسعى لنفسة...

    انا مع الحق والعدل...تاريخ المباشرة في الدولة هو الفاصل....

    وانتي يااختي ليش ساكتة ؟.؟؟؟ليش ماقدمتي شكوى على اللي خذو منك العقد وعطوة لغيرك....؟؟؟؟لانهم قطعو رزقك وعطوة غيرك...روحي لمكافحة الفساد وقدمي شكوى,,,,وياليت تكون الاوراق والادلة معاك...
    بصراحة مهزلة وظلم وقهر يوخذ العقد ويعطى لغيري؟؟؟وبعدها اجي احاسب معلمات التعهد واهم مالهم دخل في قطع رزقك...

    وكلامك يثبت ان اغلب البديلات اللي على راس ..العمل بواسطة وغش وتزوير....


    الله يرزقك الوظيفة الحلال اللي تفرج همومك ويشفي زوجك ويهدية لطريق الصواب