اعلان 1 اعلان 1 اعلان 1 اعلان 1 اعلان 1 اعلان 1


مرثية الأميرة مهـا بنـت محمـد الأحمـد السـديري بزوجها فقيد الوطن نايف بن عبدالعزيز

الموضوع في 'ملتقى بــوح الأقــلام' بواسطة عطر الكون, بتاريخ ‏2012-07-06.


  1. عطر الكون

    عطر الكون مراقبة إدارية مراقبة عامة

    15,600
    8
    0
    ‏2009-01-17
    كل يوم نتعلم شيء جديد



    انتشرت قصيدة في مواقع التواصل الإجتماعي على الإنترنت نسبت للأميرة مهـــــا بنـــت محمــــد الأحمــــد الســــديري زوجة الفقيد الأمير نايف بن عبدالعزيز .


    في هذه القصيدة تخاطب أبنائه وتتذكر لحظات عاشتها مع الفقيد والأماكن التي جمعتهما مع بعض


    نص القصيدة :


    العام يا ام سعود كان الحزن ضيف


    واليوم دق اوتاده الحزن فينا ..


    الحزن غيمة غيبت نجمة الصيف


    وبااسباب جوره ياجواهر شكينا ..


    غاب الحبيب ولا بقى للهنا طيف


    والاه يانوره تهاوت علينا ..


    كن الظهر ياسعود فيه انغمد سيف


    والصدر صار لكل الاوجاع مينا ..


    اقول يا محمد متى فارق وكيف


    واصيح ياسارة متى هو بيجينا ..


    يانوف من عقبه ترى بسمتي زيف


    جف الفرح من حولنا وانطفينا ..


    أبوك يانواف ماله تواصيف


    وانشد مشاعل كان مثله لقينا ..


    والكون ياهيفا بلا ظله مخيف


    واعذر بكانا يافهد لو بكينا ..


    كان القمر كان البحر والمجاديف


    كان الحنان اللي بحضنه دفينا ..


    وكان الملاذ لشاكي الضيم والحيف


    كم شال عنا كم خذا عن يدينا ..


    عاش ورحل كله مهابة وتشريف


    جار الحرم فوق الحكي وان حكينا ..


    والله لو كان المقدر على الكيف


    ماغبت يا نايف ولا احنا ظمينا ..


    كل مارخيت الجفن جدت عواصيف


    والشوق ثار وفارقتني السكينة ..


    وشفتك مثل شمس بروس المشاريف


    نورك يناديني وانا اقول وينه؟ ..


    والقاك واصحى والمحك راقي النيف


    حي ولو صلت عليك المدينة ..


    أحسك بجنبي ماهي تخاريف


    ياساكن عيون المهاة الحزينة ..


    في ذا جلسنا بين صمت وسواليف


    وفي ذا الممر اثنينا كم مشينا ..


    وفي هالزوايا كم جمعنا مواليف


    وياما على ذيك المرايا ضوينا ..


    عشرة عمر ماتنتهي بالصواديف


    وذكرى تبي تحيا ولو مابقينا ..


    الموت يانايف كتاب وتصاريف


    وحنا بحكم اللي خلقنا رضينا ..


    مهـــــا بنـــت محمــــد الأحمــــد الســــديري




     
  2. نغم ح ـساس

    نغم ح ـساس عضوية تميز عضو مميز

    8,597
    9
    36
    ‏2009-05-06
    معلمة ريآض أطفآل ~
    رآآآئعة بحجم الآلم المنثور بين ثنآيآ السطور
    رووح
    دخلت القسم من اجل طرح القصيدة فوجدتك سبقتيني .. ^_^
    عوآفي عليك وسلم احسآسك
    واحلى تقييم لعيوونك ~ :icon30:

    بودي اطرح قصيدة رد (ام سعود) ..
    "

    ياحرةٍ بالصوت جرت تعازيف&
    بلحونها قامت تجر الونينا&
    تكتب بدمع العين من حرقة الطيف&
    يزورها مابين حينٍ و حينا&
    على عشيرٍ كاملٍ له تعاريف&
    سياسه وحكمه ودنياً ودينا&
    مالوم قلبك يا مهات التواصيف&
    لو تجرحه فرقا عشيرٍ ثمينا&
    الحزن عم ارجاء الوطن كنه السيف&
    والكون قام ينوح فقد العرينا&
    ان كان حزنك لغّم بقلبك و شيف&
    حنى تفجر بالحشاء كالكمينا&
    الشعب فجأة صار له صوتٍ مخيف&
    على الاسد "نايف" ذرانا نعينا&
    يبكيه من بيته سكن بأوسط الريف&
    ويبكيه من هم بالمدن ساكنينا&
    ستر العفيفات وذراهن عن الحيف&
    وحجابهم عن كل نذلٍ يجينا&
    أسد أسد ماهي سواليف تخريف&
    له مع أهل السنه مكانٍ حصينا&
    و يبكيه رجلٍ زاح عنه التكاليف&
    و انقذه من حد القصاص المكينا&
    و تبكيه شمس المملكه بأوسط الصيف&
    و جبالها كأنها تلج برطينا&
    والبحر هاج ولابقى فيه تجديف&
    والبر عجة ثار حزن وغبينا&
    منتيب وحدك والضنى والمضاريف&
    حنّى لفقد اميرنا ما سلينا&
    انا اشهد انه حزن ماهي سواليف&
    وانااشهد ان فقده بيبطي علينا&
    وطن وطن ماهوب ربع و معاريف&
    من غربه ل شرقه زجر ثايرينا&
    و من الطوال الين ماناصل طريف&
    كلن على "نايف" جريحٍ حزينا&
    لكن عزانا في سيوفٍ مراهيف&
    أخوان نوره عزنا و أعتزينا&
    ان راح "نايف" كلنا نايف النيف&
    و ان غاب اسد فأسودنا حاضرينارينا&
    عسى الجنان ل "نايف" تزف و تضيف&
    مع والدينه و أخوته و القرينا&
    و يجبر عزانا في عظيم المواقيف&
    والله ان نبطي عقبهم ماسلينا&

    ((طرفه بنت سعود السعدان ))
    ام سعود السياري ))
     
  3. عطر الكون

    عطر الكون مراقبة إدارية مراقبة عامة

    15,600
    8
    0
    ‏2009-01-17
    كل يوم نتعلم شيء جديد


    تسلمبن نغومة باذوق

    شكر ا للإضافة والتقييم