اعلان 1 اعلان 1 اعلان 1 اعلان 1 اعلان 1 اعلان 1


وش معنى مسار شامل؟

الموضوع في 'ملتقى النقل الخارجي والتعيين' بواسطة سلسبيل11, بتاريخ ‏2012-08-08.


  1. سلسبيل11

    سلسبيل11 تربوي عضو ملتقى المعلمين

    153
    0
    16
    ‏2009-03-30
    معلمة
    السلام عليكم


    من ضمن الرغبات في النقل اخترت إبتدائي

    وخبرتي في تدريس هالمرحلة صفر:tears:


    بسأل:

    كيف يتم توزيع التخصصات على المعلمات في المرحلة الإبتدائية !!؟؟

    وش معنى مسار شامل!؟؟


    يعني أنا تخصصي لغة عربية

    هل يعقل بمسك رياضيات وإلا علوم وإلا اجتماعيات مثلا؟؟

    وشكراً مقدمًا
     
  2. أم فيصل

    أم فيصل مراقبة عامة مراقبة عامة

    3,695
    0
    0
    ‏2009-10-18
    جدي سيبويه
    وعليكم السلام ورحمة الله وبركاته

    مبروك النقل ربي يكتب لك الخير والخيرة



    بالنسبة للابتدائي لايوجد شي اسمه امسك تخصصي
    أنتِ وحظك
    إذا تخصصك شاغر تمسكيه
    إذا مافي بيمسكوك أي تخصص بدءا من الفنية والاقتصاد انتهاء بالرياضيات والعلوم
    ولأي صف من أول لسادس
    يعني ممكن تمسكي معلمة صف من الصفوف المبكرة
    او مواد متفرقة
    تبغين نصيحة مجربة

    امسكي لغتي وقرآن ثالث
    مريح وحوافز والبنات حلوين بهالمرحلة ..

    يارب يوجهوني ابتدائي عشان بإذن الله ناوية امسك هالمنهج وارتاح تعبت من العليا ..
    بالتوفيق لك ...
     
  3. مناوووي

    مناوووي تربوي جديد عضو ملتقى المعلمين

    50
    0
    0
    ‏2011-09-18
    معلمه
    للاسف الابتدائي ما يعرفون شي اسمه تخصص توقعي كل شي خاصه اذا مسارك شامل يعني كل شي
     
  4. سلسبيل11

    سلسبيل11 تربوي عضو ملتقى المعلمين

    153
    0
    16
    ‏2009-03-30
    معلمة
    جهينة

    الله يبارك فيك وشكرا لردك

    خوفتيني ياجهينة ....حتى الصفوف الأولية احتمال أمسكهم !!!

    مو لازم يمسكونهم مسار صفوف أولية!؟



    هلا مناوي مشكورة لردك


    أنا تعليم عام بكالوريس لغة عربية

    وشفت في النقل كاتبين لي مسار لغة عربية

    أنا سألت عن مسار شامل لأني ماني فاهمة وش معناه...



    جاني إحباط و هلع من قرار اختياري للابتدائي....​
     
  5. أم فيصل

    أم فيصل مراقبة عامة مراقبة عامة

    3,695
    0
    0
    ‏2009-10-18
    جدي سيبويه
    بالعكس بترتاحين بالابتدائي خاصة الصفوف المبكرة
    صحيح إزعاج طول الحصة ( اول وثاني) لكن ثالث حلوين
    والتقويم متعب ومقرف
    لكن اهون من وضع الأسئلة والتصحيح والخروج متأخرة خاصة للمتزوجات والأمهات اللي عندهم أبناء وبنات يدرسون ويختبرون تحريري تطلعي بدري وتلحقي يومك وتدرسي عيالك
    أما الثانوي تأخير الخروج أكبر طامة بالنسبة لي
    والمتوسط يجيبون الزهايمر لا ملحقين طفولة ولا مراهقة ..

    انا مثلك بكالوريوس تخصص لغة عربية جربت المتوسط متعبين
    وارتحت في الابتدائي .. مافي منهج مامسكته .. تخصصي وغيره ..
    الابتدائي حلوين عالاقل بكلمة ولعبة وحلاوة تسيطري عليهم ..
    وتقدري تمشي أي منهج تمسكيه إذا كنت من المطلعات واللي عندهم حب تجديد وتطوير مستمر ..
     
  6. Arisa

    Arisa عضوية تميّز عضو مميز

    1,481
    0
    0
    ‏2012-06-30
    معلمة

    بس ياجهنيه بالنهاية أيام الاختبارات تتوزعون على متوسط وثانوي للملاحظة هذا لحالة يرفع الضغط
    والدوام حلو يعني من سته وربع او سته ونص لحد 12.30 مو وقت طويل بالعكس حليو
    أتكلم عن الثانوي طبعا

    البلا بالمشاوير اللي تقطعينها للمدرسه إذا كنتي بعيده هنا المشكله ...!
     
  7. مناوووي

    مناوووي تربوي جديد عضو ملتقى المعلمين

    50
    0
    0
    ‏2011-09-18
    معلمه
    الملاحظة تطلعين يومين فقطً واذا خلصت اللجنه تطلعين بيتك لو تسع وتاخذين عليها حافز غياب يووم يعني حلو
     
  8. أم فيصل

    أم فيصل مراقبة عامة مراقبة عامة

    3,695
    0
    0
    ‏2009-10-18
    جدي سيبويه
    ولا عمري رحت ملاحظة
    ماهي اجباريه عندنا
    من اول كانوا يجبروا معلمة الفنية والاقتصاد ومعلمات ثاني وثالث
    الحين اللي تحب تروح
    وخاصة الآن مع الفصول العلاجية أيام الاختبارات نكون مشغولات في تقويم الضعيفات ومعظم المعلمات يخلوا كم بنت من الضعيفات يتحججون بهن للعلاجي عشان ماينتدبوهن
    كان زمان وجبر الغصب على الندب يهددون المعلمة بالحوافز والحرمان منها
    الآن صاروا يترجوا المعلمات عشان يروحوا مااحد يوافق لأن الحوافز طارت عن العليا ..
    ماعادت تفرق معاهم ..
     
  9. سلسبيل11

    سلسبيل11 تربوي عضو ملتقى المعلمين

    153
    0
    16
    ‏2009-03-30
    معلمة
    يعطيكم العافية جميعا

    والله يوفقكم

    جربت الثانوي متعب تحضير وتأخير في الدوام ووقت التصحيح مجهد مره ...
    وبصراحة أغلب بنات هالجيل مو حول الدراسة أبدا

    وجربت المتوسطة ( لغتي الخالدة) روعة وبنات المتوسط ينأخذون بالسياسة

    وبإذن الله يكونون الإبتدائي أريح مرحلة (إذا مسكت تخصصي)
     
  10. أم فيصل

    أم فيصل مراقبة عامة مراقبة عامة

    3,695
    0
    0
    ‏2009-10-18
    جدي سيبويه
    نصيحة خذي مثل ماقلت لك لغتي ثالث ( تخصصك) وقرآن ( تكسبين أجر حفظ السور )
    ولو المدرسة فيها نقص معلمات ا بيعطونك معه توحيد وفقه وسلوك لنفس الصف( يعني معلمة صف ..)
    وكذا نصابك كامل ماأحد يقرب لك ..

    جربي مابتخسري ونهايتها حوافز (إجازة قبل العليا ب20 يوم وزيادة) .. :icon30:
     
  11. Arisa

    Arisa عضوية تميّز عضو مميز

    1,481
    0
    0
    ‏2012-06-30
    معلمة

    مدري أنا أشوفهن عندنا زعلانات أحسهم مغصوبات صراحه :bigsmile:

    أجل دام ذا كلامك بحول أنا بعد ابتدائي بلاتخصص بلاهم كل شي عندنا حنا الحاسب بالدبل نظري وعملي :blow: