طيب ملف الانجاز عليه درجات
لان بنتي بالصف الاول ابتدائي وانا ماعندي خلفيه بالمدارس انا معلمة روضة
والطالبة اللي ماعنده ملف انجاز ممكن تاخذ بالمهارات 4 إذا ماجابت ملف
آذا كانت الاجابه لا بتنجح وتاخذ 1 انا اقول وشوله الغثاء وهو مثل الصفر على الشمال
ملف الانجاز ذكرني ببحث مادة المكتبة يوم كنا بالثانوي نكتب واخر شي يجدع بمستودع المدرسة
وزارتنا وزارة التقليد الاعمى معهم معهم عليهم عليهم تعمل بلا تخطيط
يجتمعون هالمسؤولين بالدوريه بالاستراحة كل ثلوث واللي تطري عليه فكره يقولها ويقولون له تم
أنتي متأكده إنها دوريه ؟! .. أخاف ان السالفه كلها قروب بالواتس اب :z1: عموما ما أدري بصراحه بس بعض المعلمات يحطونها تبع درجات المشاركه بس ما أدري عن وضع الابتدائي
بالنسبة لتخصصي الانجليزي المنهج جدا عقيم و مافيه اي تمرين فعلي للغة و لهذا السبب مع اغلب الدروس اوراق عمل و وملخصات و تمارين تجمعها الطالبة بملف و بعد حذف الدفتر صار الملف هذا اهم و ابسط من كتبهم الجامدة و استغرب من المعلمات انهم يطلبون من الطالبة ملف و ودفتر و نشاط وماادري ايش. والمناهج المطورة زادت الطين بله لان الكتب صارت مجلات و الطالبة محتاجة كتاب ثاني يشرح المنهج
زميلتي معلمة انجليزي اقترحت عليها تسوي ملزمه زيي جمعت فيها كل أوراق العمل انجليزي صراحه ارتاحت أحسن من الدفتر وتحط فيها المعلمه كل الاشياء اللي تحتاجها أنا شكلي الترم الثاني راح اكتفي بالكتاب يحلون فيه وممكن ارتب فيه صفحات فاضيه للكتابه والحمد لله الله يعين بس
