اعلان 1 اعلان 1 اعلان 1 اعلان 1 اعلان 1 اعلان 1


ضربت طالبه مشاغبه غير محترمه استفزتني كف وش العقوبه؟؟انا خايفه..

الموضوع في 'ملتقى حقوق المعلمين والمعلمات' بواسطة أنا روى, بتاريخ ‏2012-10-09.


حالة الموضوع:
مغلق
  1. أنا روى

    أنا روى تربوي جديد عضو ملتقى المعلمين

    389
    0
    0
    ‏2012-05-04
    معلمة
    أنا لمن أشرح أحب الهدوء ماأحب الإزعاج

    ومومعناته اني معلمه نكديه الحمدلله لدي قبول عند طالباتي وزميلاتي

    بس في طالبة ثانوي طلعت الشيب برأسي عجزت اهضمها
    صرت اكرهه دخول الفصل بسببها
    حركه زايده بالحصه تبغى تجنني تسولف على نفسها تبرطم ماأدري وش تتقول
    تتلفت تضحك لازم تسوي أكشن بالحصه لين اليوم طفح كيلي قلت لها اسكتي انطقي مافي فايده
    وقفتها بعد استمرت بحركاتها السخيفه قلت لها انتي لازم يودونك للشهار لأنك مختله عقليا" وعديمة التربيه يبغالك اعادة تربيه من جديد
    قالت وجع انطقي ياحقيره ياسخيفه يااااااااا...ويااااااا..وياااااا
    انتي الي ماانتي متربيه بصوت عالي ماتحملت ضربتها كف جلست تتلفظ وتصارخ بصوت عالي وتهدد وتتوعد انا رحت وتركتها

    بعدين سوت نفسها تعبانه ومغمى عليها ورفضت دخول الحصص واصرت ان ابوها يجي يأخذذها من المدرسه وراحت..الله يأخذ روحها

    هي مشاغبه عند كل المعلمات ابوها ضابط رتبته كبيره مدلعها هي الوحيده عنده الباقيين عيال
    مع انها حتى هي اشك انها بنت لاصوت ولاصوره يارب لك الحمد

    الحين وش تتوقعون يصير لي؟؟:no:
    انا ماني ندمانه على الكف لأنها تستااااااااااااااااهل
    بس ابي اعرف حسب النظام وش العقوبه
     
    آخر تعديل بواسطة المشرف: ‏2016-06-27
  2. وينك يادرب المحبة

    وينك يادرب المحبة تربوي جديد عضو ملتقى المعلمين

    305
    0
    0
    ‏2012-01-13
    معلمة
    اللي حصل حصل.. وما عليك إلا الدعاء والرجوع للكريم المستجيب واكثري الاستغفار...

    هذا كف بسيط.. ما أثر فيها ... وهي ايضا قلت أدبها ..

    كلمي أحد من أهلها أو قريباتها يتفهم الموضوع..



     
  3. بحر العطاء

    بحر العطاء تربوي جديد عضو ملتقى المعلمين

    41
    0
    0
    ‏2010-02-21
    معلمة أجيال
    والله ياأخت ماأعرف العقوبة بس إذا ابوها أشتكى بإدارة التعليم يجيك تحقيق ولفت نظر من المشرفة وينحط في الملف ............
    والله يعين على الطالبات والله ابغى أشرح الدرس ما أقدر كلام وضحك 20 دقيقة نسكت في الطالبات والأعداد من 50 وفوق والله بس ماسكين أعصابنا بعض الطالبات تستفزك وباين إنك معلمة جديدة حاولي ماتعصبين بعد كذا .......نصيحة وأعطي الدرس والفصل المشاغب حوليه للمرشدة الطلابية ورائدة الفصل والإدارة بتربيهم...لايستفزوك وحاولي ماتناقشين دفتر المتابعة واحسمي على الطالبة المشاغبة والله يعين
     
  4. أم فيصل

    أم فيصل مراقبة عامة مراقبة عامة

    3,695
    0
    0
    ‏2009-10-18
    جدي سيبويه
    كل هالكلام اللي قلتيه للطالبة وفوقه كف كمان !!

    الأجدر بك تحويلها للمرشدة أو استدعاء المديرة بدون الشد معها ..

    أنت مخطئة ...

    الضرب ممنوع عن الصغار فمابالك بطالبة بالثانوي كبيرة على أن تضربيها ..

    والرسول نهى عن ضرب الوجه )


    ومعروف ردة فعلهم في هذه السن ..
    مستحيل يعترفوا بالخطأ ولازم يكونوا آخر من يرد ..




    الموضوع متوقف عند ولي أمر الطالبة ..
     
  5. arto

    arto تربوي جديد عضو ملتقى المعلمين

    377
    0
    0
    ‏2011-04-02
    معلم
    ريلاكس .. لو اشتكى ابوهااا راح يجيك لفت نظر .. والسلام .. ومثل ماقالن الاخوات .. لو قابلتي مثل

    هالنوعيات مباشره ارفضي تواجدها بالفصل الا بحضور ولي امرهااا واخذ تعهد خطي من الطالبه .. ولاترفعي

    ضغطك ولاهم يحزنون
     
  6. أنا روى

    أنا روى تربوي جديد عضو ملتقى المعلمين

    389
    0
    0
    ‏2012-05-04
    معلمة
    الله يريحك
    جد بس لفت نظرر معقول؟؟

    بعدين ليش الطالبات يتطاولون علينا وحنا نسكت؟؟
    يعني نداوم علشان ننهان من الطالبات؟؟؟
    سكتنا
    طنشنا
    مرره
    مرتين
    عشر
    بس الى متى؟؟
    بعدين حتى المرشده طفشت تقول لاتجيبون لي طالبات انا عجززت عنهم
    نتصلت على امهات المشاغبات قولون نفس الكلام عجزنا عنهم
    ننزل الطالبه للإداره دقيقتين ترجع الفصل ميته ضحك ننسألها وش سوت معك الاداره ترد بضحكه ولا شئ..
    اذاا كلفوا على انفسهم كتبوهم تعهد ماله قيمه تكتبه الطالبه وهي تضحك
    نرسبهم بالماده عااادي مايهتمون في ترفيع
    لاعت تسبدي منهم خلاص
     
  7. بايسن تلقيمه

    بايسن تلقيمه تربوي جديد عضو ملتقى المعلمين

    112
    0
    0
    ‏2010-03-28
    معلم
    الأمر بسيط ان شاء الله
    نفس المشكلة حصلت عندنا ولفت نظر والسلام
    أهم شيء يكون على الطالبة تعهدات واعرضيها للجنة في حالة الشكوى
    واطلبي نقل البنت من الفصل عشان ماتستعرض قدام الشلة
    وحاولي في المديرة تدخل في الموضوع وتصلح بينك وبين ولي أمرها
     
  8. jojoana

    jojoana تربوي جديد عضو ملتقى المعلمين

    396
    0
    0
    ‏2012-04-18
    معلمه
    اهم شي بردتي قلبك خليهم يحطون لفت نظر لاتندمين ولا تخافين خليك جامده انتي على حق اهم شي لما تجي أمها اويتصل أبوها حاولي تمتصين غضبهم ووضحي لهم الي صار او بادري بالاتصال على ولي أمرها وفهميه وضع بنته انو غلطت عليك امام الطالبات وبشهادة المعلمات عن سلوكها أكيد دام اهو ضابط انو متعلم ومايحوب التسيب خليك قويه ولا تعيدينها مرا تانيه مرا صار معايا نفس الي صار معاكي رحت جبت المرشدة الي لاشغله ولا عمله وتهاوشت معها بدالي أتوقع هذي شغلتها وقولي ماراح ادخل وهي بالفصل تصرفوا معاها مع انو بعد هالكف اتوقع ماراح تعيدها
     
  9. عبدالناصر المالكي

    عبدالناصر المالكي تربوي عضو ملتقى المعلمين

    463
    0
    16
    ‏2010-06-25
    معلم
    اذا شكوى عادية لادارة التعليم او للشرطه راح تحال لادارة التعليم ومثل ماقال الاخوان يمكن يسوقونها لفت نظر وفي اسوأ الأحوال لو ما انساقت لهم في صالحك راح تكون خطاب لوم

    لكن المشكلة لو والدها ثبت القضية بمحضر وطالب بالقضاء , للأسف وزارتنا تخلي مسؤليتها في مثل هذي الأمور وبيكون بينك وبين الطالبة الشرع , غالبا ماتحاول ادارة التعليم حل المسألة ودياً ونادرا جدا ماتوصل للشرع , خصوصا اذا الاب تفهم في النهاية خطأ بنته وكان متعقل
     
  10. أنا روى

    أنا روى تربوي جديد عضو ملتقى المعلمين

    389
    0
    0
    ‏2012-05-04
    معلمة
    طيب كيفهم انا ماني ندمانه على تصرفي ولو يرجع الموقف راح اتصرف نفس تصرفي
    المهم الحين ابوها اكيد راح يشتكي
    طيب وانا بعد مايحق لي اشتكي خايفه يجيني ضغط من بنته الله يأخذها
    هي ماقصرت تلفظت علي بألفاظ بذيئه هذي بعد مالها عقوبه؟
    ولا العقوبه بس على المعلمه؟
    يعني عادي سبحان الله الطالبه تمسح بكرامة المعلمه الأرض!!
     
  11. Saяah

    Saяah مراقبة إدارية مراقبة عامة

    6,978
    18
    38
    ‏2011-04-19
    معلمة
    من البداية
    كان طلعتيها مو تهزئيها و تعطيها كف بعد
    ترا هم مراهقات
    ويبلهم من يفهمهم .. وحركة اسكتو ولا كلمه
    ماعاد تمشي
    ع قولتهم راحوو الطيبين
    ربي ييسر امرك
     
  12. Arisa

    Arisa عضوية تميّز عضو مميز

    1,481
    0
    0
    ‏2012-06-30
    معلمة
    الله يهديك يالطيبة ويصلح بالك يارب
    التصرف اللي سويتيه خطأ بغض النظر عن أي شي الرسول عليه الصلاة والسلام نهى عن ضرب الوجه
    وانتم بارك الله فيكم اللي قاعد يشجعها من الاخوة والاخوات غلط ماهكذا الدعم ..
    اللي صار صار والله يكفيك شرهم انتي رددي اللهم ( اكفنيهم بماشئت ) و ( سلام قولا من رب رحيم )
    بالنسبة للمشاغبات ياقلبي فيه عدة حلول :
    1- اذا شاغبت خليها تقوم تشرح وراح يكتب على السبورة الدرس مشروح بكذا الطالبات نفسهم راح يتصدون لها لانها راح تضرهم .
    2- توقع تعهد وتنبه انه اذا وصل التعهد ثلاث مرات يُستدعى ولي الامر وتحول منازل فورا .
    4- في حالة تجرأت بالفاظ سيئة يُفتح محضر بشهادة الطالبات ويوضع في ملف الطالبه .
    5- ممكن ماتدخلين الفصل لحد ما تطلعها المرشدة .
    6- والاهم من هذا كله اقترح تجلسين مع الطالبه وتتكلمين معاها يبدو إنها تعاني من مشاكل في البيت وتفرغها في المدرسه وخاصة اللي اكبر منها تحس انو اسلوب تنفيس
    ترا صار معي مره طالبه اصطدمت معها كثيييير لدرجة مليت بعدين صرت اسايرها وتفاجأت انها طفله !!!! ماتتخيلين لدرجة مره اضطريت ارسلها الوكيله توقع تعهد بسبب الواجب قالت ابشري وبكل ادب بعدين اكتشفت ان عندها مشاكل اسريه لدرجة صارت تبكي بالمدرسه احيانا ..
    صدقيني راح تلاقين طريقة باذن الله لكن حذاري من الضرب الله يسعدك
    موفقه
     
  13. مكنونات

    مكنونات قلم مميز عضو مميز

    4,729
    0
    0
    ‏2011-07-11
    تدريس
    ماهي غبية تقول لابوها اني طفشت الاستاذة وضربتني كف
     
  14. أمة البارىء

    أمة البارىء <font color="#4CC417">مبدعة الاستراحة </font> عضو مميز

    4,074
    0
    36
    ‏2011-05-19
    English Teacher
    الله يصلحك هذا اللي تبي توصله تنرفزك
    كان طنشتيها
    عسي عمرها ماهجدت ولا درست
    مرة مرتين عشر
    بعدها بتعرف مامنها فايدة


    انا اخس منك مابي اسمع صوت الورق
    لكن بالطقاق
    اقعدلهم بالاختبارات
    احوسهم حوس
    اطلع حرتي فيهم
    وغير كذا في الكلاس
    ااشر لهم
    وحالفه لهم بالله ماكو مراجعات
    اشري معي
    وذاكري المؤشر
    الحين وش يصير معك
    يعتمد ع البنت وكلاسها
    ممكن تهجد وماتعلم ابوها بس تشوشر عليكم بالمدرسه وبعدها كم كلمة من المديرة ولفت نظر
    او تقلب الدنيا لو ابوها تافه ومايقدر التعليم
    وعنده واسطات وغيره
    يسوون لك اكشن


    اعرف وحده في رنية صفقت بنت كف ومن اليوم الثانيمن الصبح جت الام تبي تعطي المعلمة كف ترد اعتبارها والمعلمة خااافت واندست تحت مكتبها والادارةعجزو يهدون الام
    كم يوم وماصار شي
    وفي يوم جت الام وفي نص الدرج
    صفقت المعلمةكف والبنات حولها
    وانا اختك عسي عمرهم ماتعلمو
    اهم شي خلك في السيف سايد
    اذا طنشتيها البنات بيقومون عليها*
     
  15. ProfessionaL

    ProfessionaL تربوي جديد عضو ملتقى المعلمين

    206
    0
    0
    ‏2008-09-15
    معلم
    أي طالبة تسبب شوشرة داخل الفصل امسكيها على جنب وانصحيها وقولي انا انصحك واذا تبيها بيننا بالنظام مافي مشكلة


    بعدها اذا ضبطت زين ماضبطت تاخذيها معك للمديره وقولي هذي ماتدخل حصتي الا لما توقع على تعهد بحضور والدتها وفي حال تكرار ذلك تطبيق العقوبة بحقها وتحول ليلي

    حطيها براس المديرة وانفكي منها ومن شرها وكل ماصار شي انزلي للمديرة وهي معك
     
  16. نايل

    نايل موقوف موقوف

    3,730
    0
    0
    ‏2011-07-05
    مثلكم
    اولا. . وانعم فيك يابنت الرجال
    ثانيا. . لو كان بيدي كان اصدرت امر فوري بطباعة صورت يدك
    واتخاذها ختم رسمي لوزارة التعليم.

    ثالثا . . دائما ياسيدتي الفاضلة المحترمه القديرة . . انتي على حق لأنك انتي المعلمه
    رابعا . . نأتي لما سئلتي عنه . . وانتبهي لما اقول حرف حرف . . هذه نقطة تحول
    مهمه ستجعل منك معلمة مضطهدة او معلمة بمرتبة وزيره
    اختى انتي صح لايوهمونك بعكس كذا وظيفتك لاتخافين عليها الا من الغياب
    قضيتك تختص بشرفك وكرامتك دافعي عنها والمبدا (اكون او لا اكون )
    لاتعترفي ووووولا تعتذري . . . سيحاولون اثبات الواقعه بالضرب لاتتعاوني
    معهم حتى يثبتون حالة تهجم الطالبه عليك بأعتراف مكتوب من الطالبه وموقع منهم
    بعد تنفيذ ذلك لك بعد اصرارك عليه سيتوقعون منك اعتذار اوتبرير منك عن ضرب
    الطالبه (اوهميهم بذلك ) في تلك اللحظة فاجئيهم بتقديم شكوى في ادارة التعليم
    على الطالبه انها قد تهجمت عليك والتحقيق قد اثبت ذلك وانك تطالبين بحقك وبتطبيق
    العقوبة على الطالبة . . هنا نكون وصلنا لعقدة وهي قضية بقضية والبادي اظلم
    سيتم التوسل اليك وتقبيل قدميك وبأمكانك طلب اي طلب ومنها النقل داخل القطاع
    ولمدرسة ابتدائية . . . انصحك بذلك وستحصلين عليه . . تحياتي لك ​
     
  17. جود السنين

    جود السنين مشرفة سابقة مميزة عضو مميز

    3,006
    0
    0
    ‏2011-04-30
    معلمة
    اقول والله يابعض البنات مو يستاهل كف .. يستاهل يتعلق في الساحة الى نهاية الحصص .. اتركو عنكم بعض الردود

    الوهمية .. فيه ناس ماتنفع معهم اسلوب اني اعاملها بلطف ونصح .. تستاهل مايجيها وليت يدي مع يدك على هذي الاشكال ..؟

    بعدين لو ابوها وزير .. يربي بنته او يوديها مدارس تدللها ( اهلية ) .. اما الوزارة التربية قبل التعليم الي مو متربي يستاهل عقابه ..

    واكثر شي يجيك مشرفه تشوف الوضع عندكم وتقدم لك بعض النصائح تقول لك مايصلح تمدين يدك ومايصلح تطلعينها

    من الحصه وتعرفين غثاء المشرفه اذا مسكت عليك دليل .. بس اكثر شي ممكن تسويه تعهد عليك بس فقط مافيه شي ثاني ..

    واذا قالت المشرفه انتي ضربتي البنت كف قولي لا ماضربتها .. اجحديها بس . ماعليك منها !! ماتقدر تثبت عليك شي ؟

    وخلي البنت تضرب لك الف حساب هي وغيرها بلا دلع بس .. ؟

    وبيض الله وجهك فيها ..
     
  18. مها الهاجري...

    مها الهاجري... تربوي جديد عضو ملتقى المعلمين

    345
    0
    0
    ‏2012-08-30
    معلم
    ممنوع تجاوز على جميع الطالبات
    عند عدم نضباط الطالبة تخذي اجراءت النظام وهي اخراج الطالبة للمرشدة او الوكيلة حتى يتم مخاطبة ولي امرها بذالك يتولى امرها المديرة
    والله يعينك عليهااا
     
  19. ♥ حنان ♥

    ♥ حنان ♥ موقوف موقوف

    7,037
    0
    0
    ‏2009-01-16
    .
    عفوآ اختي ..

    هناك طرق واساليب بعيدآ عن العنف والشتم والضرب ..

    عندي طالبات اسوأ من طالبتك هذي مو وحده ولاثنتين اول وثالث ثانوي

    بس اكره اسلوب رفع الصوت .. اسلوبي نظرة طويلة بصمت حتى تشك في نفسها وبعدها اجراءات ادارية

    وحسب علمي ان الضرب ممنوووووع
     
  20. الهاشمي1122

    الهاشمي1122 تربوي جديد عضو ملتقى المعلمين

    102
    0
    0
    ‏2011-03-25
    معلم
    يقال أن أفضل وسيلة للدفاع هي الهجوم

    بكرة روحي للمديرة وقدمي شكوى ضد الطالبة وبكل ما تسوية في الحصة مع توثيقها من المعلمات وخذي صورة منه وخليها معاك وكذا تحمين نفسك وتكون ورقة رابحة في يدك وأنتي خليك قوييييييييييييييية لان المسؤولين يخافون من القوي ويتسلطون على الضعيف
     
حالة الموضوع:
مغلق