اعلان 1 اعلان 1 اعلان 1 اعلان 1 اعلان 1 اعلان 1


من قصايد الملك فيصل آل سعود رحمه الله

الموضوع في 'ملتقى بــوح الأقــلام' بواسطة عطر الكون, بتاريخ ‏2009-02-09.


حالة الموضوع:
مغلق
  1. عطر الكون

    عطر الكون مراقبة إدارية مراقبة عامة

    15,600
    8
    0
    ‏2009-01-17
    كل يوم نتعلم شيء جديد
    بسم الله الرحمن الرحيم



    السلام عليكم ورحمة الله وبركاته

    قصيده للمرحوم الملك فيصل بن عبدالعزيز ال سعود
    وهذه القصيده لا يعرفها الكثيرين لأنه لم تنشر


    فقدقالها في شبابه رحمة الله عليه(يا جعله للجنه )

    وهي من ضمن القصائد المحفوظه في مكتبة الملك فهد باالعليا الرياض

    ومدونه في كتاب خاص في المكتبه بإسم اللي جمعها وهو( منصور ناصر علي العواجي)


    نرجع للقصيده واللي تقول::


    ياعشيري لفاني منك ماحس بالي
    شايف الجفا من عقب هاك اللباقه


    صعب رد الجزاء في وقتنا ياحلالي
    كيف تقدر فراق اللي عناكم افراقه


    كان قلبك تنكر والهوى عن هزالي
    اصفها لك من العربان غيري عشاقه



    نت تلقى وانا القى من يمضي الليالي
    كلها عبر دنيا مابها راس طاقه


    سالم راس مالك لك وانا راس مالي
    سالم لي وبعض الزود مر مذاقه


    من جفاني جفيته ياحسين الدلالي
    فان مابتبع المقفين كود العلاقه







    وهذه القصيده من أورع ماقال الملك فيصل أيضاً ويقول فيها




    الا يامل قلب ٍ كل ماجا الليل جاه خلاج ....
    يلوج ويجتلد بالصدروالعربان ممسيني

    أنا متحير مدري عن المدخـال والمخراج ......
    ألا واعمس رايي مالقيت اللي يقدينــي


    الا يامجيب دعوة من تـصافق فوقه الامواج .....
    أنا بحماك ياوالي الخلايق لاتخلينـــي


    الا ياوجد روحي وجد منخلــوه بالمسهاج ......
    كسير الساق بنحور المعادين المغليني


    إلا من دك هوجاسي ولو انــي على ديباج ......
    ولو جالي جميع البيض غيره مايسليني


    الا واهني مخلوق ٍ يفرج ضيقتـــــــــه لاداج ......
    إلا منه دخل بالسوق غاد له ميادينــي


    ترى بعض العرب عمله بروحه مثل عمل سراج ......
    يضوي للعرب والنار في جوف المسيكيني


    المحاورات


    اكثرمحاورات الملك فيصل رحمه الله كانت مع الشاعر الكبير عبدالله بن عبدالرحمن العنقري المعروف بـ (لويحان)

    لانه كان خوي له رحمهما الله واليكم احداها :



    لويحان

    الليله الليلـه الليلـه نبـا الطـاروق طـرقٍ غريـب
    مثـل الدراهـم الـى قامـوا صيارفـهـا يعدونـهـا



    والله مـا ادري يطيـب لسيـدي والا مـا يطـيـب
    ان كان ما ناسبت لك ياسنادي جـزت مـن دونهـا


    الملك فيصل


    الليلـه الليلـه الليلـه شواريـبٍ تـحـد الشـريـب
    والاجنبيـه الـى وردت علـى الـمـارد يحدونـهـا



    ياذيب ياذيب ياللي جر صوتـه فـي علـو الشذيـب
    ذكرت عيني وهلت واهملـت مـن عقـب مظنونهـا


    لويحان


    عندي خبر بك جروحٍ مايسر بهـا عـلاج الطبيـب
    مير انحـروا روضـة التنهـات ساكنهـا يداوونهـا



    من قال ابا اصبر وابا اكنا الجرح لين انه يجيه العزيب
    يصيـر بيـن الرجـا واليـاس باعوهـا ويشرونهـا


    الملك فيصل


    ما نيب زملٍ عليهـا مـن بعيـد ولا قريـبٍ طنيـب
    يا عسرها وانت تحسبهـا ولـو صديـت يـا هونهـا
    تراي لو صرت عنه ابعيد مرجاعـي عليهـم قريـب


    وايضا جرت محاااورات بين الملك فيصل رحمة الله ولويحاااان

    لويحان


    هاضني براق ليليٍ تسارا
    ...........................لاح برقة واعترض في كل ديرة


    يالطويل العمر كنا بالنهارا
    ..........................الله اعلم بالبيان وبالسريره



    فقال الملك فيصل

    شوفكم بالعين ولابالخبارا
    ...........................كود توهف لي على حروة غديرة


    خلنل باللوح بالماردخشارا
    ..........................والخشير ملزمٍٍ يخشرخشيــــــره


    فقال لويحان

    يا اشقر الجنحان يا طيرالحبارا
    ................................... انت تدري بالمضرة والسريره


    اتعذر منك زينات العذارا
    .................................اسمحوا لي بالكبيرة والصغيرة


    فقال الملك فيصل

    والله ان ودي مع الدرب انتبارا
    .................................والسبور اتروح قدام المغيره


    وش علامك تنحرف عني يسارا
    ..................................ماتبي مجراي والشسطة قصيره


    فغير الملك فيصل الطاروق بطاروق اخر..

    خفا ما علـــى مثل خفـــا
    ..........................ولـــو كان بتخفـــونها


    اعف القصير من الطويل
    ..........................عسى القصر يكهل من بناه


    وفاء اللوح ولا ما وفــا
    .........................لــــزا شـــدها يمتونهــا


    اناما ادعيك بلا دليــل
    .......................ولا اضرب طواريق الفلاه


    فقال لويحااان....

    طفا سوهــا عنـــي طفــــا
    ...........................مقـــالات لا تحيونــــها


    تســامح عســى عمرك طويل
    ............................ومن جاز له درب مشاه


    صفـاالوقت ولا ما صفــا
    ..........................صعيبات واقصــر دونها


    سبب حملهم حمل ثقيل
    .......................ولا كل من شاله قــــواه


    وهذه محاوره بين الملك فيصل رحمه الله وهذال المطيري

    والقصيدة تحكي عن نفسهااا


    الملك فيصل :

    هذال هذال يومنك سـرقت البعير
    انتم دريتوا عن الحكام و الا رقود



    وراك ما خفيتها واناا حسبنك بصير
    لين اقبضوك النشاما يالحصان العقود








    هذال المطيري




    يا فيصل الأمر لله ثم لك يالامير

    ياولدعبد العزيز الحاكم بن سعود


    انتم عفيتوا عن اللي شال حملٍ كبير
    ما هوبعير بلوا ني به عيال القرود


    وهناك شوارد أبيات من قصائد للملك فيصل رحمه الله لم تصل إلينا ,,,,ومنها :


    قول الملك فيصل:
    قولوا لنزال الحدودعن حدنا ينزح وراه


    عاداتنا قشع العمود والطير نرمي لـه عشاه


    ولـه أيضاً:

    يا طارشي للسيف قل لـه جوك العوادي بالحديد

    كم واحد قفوه ظلـه قريب والا من بعيــــد

    م ن ق و ل
     
  2. عذبة المعاني

    عذبة المعاني مراقبة إدارية مراقبة عامة

    24,873
    40
    48
    ‏2009-01-10
    أنثى
    ..............
    ياذيب ياذيب ياللي جر صوتـه فـي علـو الشذيـب
    ذكرت عيني وهلت واهملـت مـن عقـب مظنونهـا


    يسلم ذوقك يالغلا
    رائع مانقلتي سلمت يداك
     
  3. أمير اللييل

    أمير اللييل تربوي جديد عضو ملتقى المعلمين

    303
    0
    0
    ‏2009-01-31
    الله على الموضوع الروعة


    تسلمين ويسلم راسك


    تحيتي بالورد
     
  4. إبراهيم أبوعبدالعزيز

    إبراهيم أبوعبدالعزيز عضو سابق في مجلس إدارة الموقع عضو مميز

    5,520
    0
    0
    ‏2008-01-13
    تربوي وكاتب

    الفيصل

    شخصية نادرة في العصر الحديث

    فارقنا الفيصل جسداً ومازال بيننا روحاً

    ..

    شكراً لـ روح الياسمين

    هذا الإنتقاء الرائع

     
  5. عمر العتيبي

    عمر العتيبي تربوي جديد عضو ملتقى المعلمين

    3,089
    0
    0
    ‏2008-05-25
    معلم
    يسلمو على القصيدة النادرة لملك السيف والقلم رحمه الله
     
  6. اللؤلؤ المكنون

    اللؤلؤ المكنون مشرفة سابقة عضو ملتقى المعلمين

    7,287
    0
    0
    ‏2008-05-17
    ...
    رحم الله الملك فيصل

    .. روح الياسمين ..

    لك مني تحية اعجاب بهذا الاختيار

    :)
     
حالة الموضوع:
مغلق