اعلان 1 اعلان 1 اعلان 1 اعلان 1 اعلان 1 اعلان 1


الشيطان الرجيم يعمل في وزارة التربيه والتعليم

الموضوع في 'الملتقى العام' بواسطة ابو زيـَــاد, بتاريخ ‏2008-03-08.


  1. ابو زيـَــاد

    ابو زيـَــاد تربوي جديد عضو ملتقى المعلمين

    1,329
    0
    0
    ‏2008-03-02





    الكل يعرف الشيطان ولكن لم يسبق له ان شاهده بعينه
    ولكي تشاهد هذا المخلوق على هيئته فما عليك عزيزي القاري الا ان تقرأ اخبار التعيين
    ولكي تشاهده وهو في كامل اناقته فما عليك الا ان تنظر في تحسين المستويات
    ولكي تشاهده وهو على مكتبه فانظر الى حركة النقل ولم الشمل
    ولكي تشاهده وهو يبتسم من خلف نظارته ذات السماكه العاليه فشاهد التعاميم الصادره من الوزاره

    لناخذ هذه النقاط واحده تلو الاخرى ونشاهد مع بعضنا البعض هذا المخلوق

    التعيين:
    هو بداية المرحله يعني قبله ما كان فيه شي يربط فيهم يعني حر طليق لكن اذا وقعت فالشبك الله يخلف عليك
    بعد ما تتخرج من الجامعه او الكليه تقعد تنتظر متى ينزل الاحتياج واذا كنت من اصحاب التخصصات الادبيه مثل الدين
    او اللغه العربيه الله يكون بعونك يبيلك كم سنه الين يقبلونك واهم شي يكون معك شهاده خبره( الظاهر الاخوان متاثرين بالشركات )
    يعني بعد ما يبدا الشيب يطلع براسك
    طبعا قبل تقدم عليهم لازم تسوي اختبار القدرات اللي للحين مو مستوعب ليش حاطينه يعني انت معك شهاده جامعيه ليش يختبرونك
    الظاهر ما يثقون بجامعاتنا وكلياتنا هذا من وجهة نظري
    طبعا مستحيل يقبلونك بدون هالاختبار يعني تبي والا مع السلامه
    وللي جرب الاختبار راح يشوفه شامل لجميع التخصصات يعني الغوا شي اسمه تخصص
    بالمصري عاوزينك بتاع كلوا
    (الظاهر ابليس ماخذ دوره هناك ومتاثر في بعض افكارهم)
    والمشكله الاحتياج دائما ينزل بالقطاره مع انهم محتاجين لكن ابليس يقول وشلكم بدوخ الراس مدرس عربي يدرس
    دين ومدرس رياضيات يدرس كيمياء وكلو ماشي ( موقلت هالشيطان دارس في مصر)
    وبالنسبه للمعلمات انا بصراحه اجهل نظامهم ا وبالعربي نظامهم معقد التعيين عندهم على مدار العام والتعيين يكون على مستوى المناطق
    يعني لا تستغرب معلمه تباشر بالترم الثاني ومعلمه باخرالسنه وكل شي جايز يعني نظامهم مفلوت ولا فيه تنظيم ومع هذا
    كله تلقى عدد الوظائف اسوء حالا من وظائف الرجال مثلا يكون الاحتياج 60 معلمه على مستوى ادارة التعليم واللي يتقدم سته الالف
    يعني ما في امل تنقبل الوحده الا اذا معها واسطه من فئة VIP
    ما اقول الا يا خسارة تعبهم مسيكينات الوحده تطلع عيونها واهي تدرس وبالنهايه تقعد بالبيت يعني ما قدامها الا التعليم وبس
    مو مثل الشباب اذا خربت معه على الاخر راح للعسكريه وسجل جندي

    تحسين المستويات:
    والشيطان بهالموضوع مكشوف وسياسته واضحه
    يعني ابي افهم معلم يستحق المستوى الرابع او الخامس ليش تحطه بالمستوى الثاني لا والادهي من
    هذا كله تصل فيه الوقاحه الى ان يتم تعيينك على البند او التعاقد
    طبعا دور الشيطان هنا يعتمد على الاقتصاد
    وبعلم الاقتصاد يقولون (اذا كثر الطلب زادت الاسعار واذا قل الطلب انخفضت الاسعار)
    وتحسين المستويات يعتمد على التعيين بالدرجه الاولي فالمعلم او المعلمه اللي حصل الوظيفه بعد ما طلعت روحه اكيد راح يقبل بأي شي
    انشاء الله تحطه على بند العمال اهم شي انه يحصل وظيفه يعيش منها وما يكون عاله على اهله اللي ماصدقوا خبر انه حصل وظيفه

    في هذا الموضوع لا يسعني الا ان اذكر بالحيث الشريف (اعطوا الاجير اجره قبل ان يجف عرقه) او فيما معناه
    انا اختصرت هذا الموضوع لان من اهم اهدف المنتدى المطالبه بتحسين المستويات وسوف يكون هناك مواضيع اخرى بهذا الخصوص

    النقل ولم الشمل:
    وفي هذه المرحله اعتماد على ما سبق ذكره يعني التنظيم واضح من قبل الوزاره وهذا يعود للمستشار حقهم اللي يقدم
    لهم النصائح والدراسات المفيده
    ولكي يستفيد الوطن من المعلم او المعلمه فجيب ان ننشرهم في جميع انحاء البلد الغالي لكي نحرك العجله الاقتصاديه
    نخلى اهل الشمال بالجنوب واهل الجنوب بالشمال واهل الشرق بالغرب وبالنسبه للمنطقه الوسطى نحاول نحطهم
    بالشمال الشرقي او الجنوب الغربي
    او أي بقعه اهم شي يكونون بعيدين عن منطقتهم
    ولازم المعلم او المعلمه يصرف الراتب في وجهه الصحيح
    ولان المعلم او المعلمه جاهلين في كيفية صرف هذا الراتب فان الوزاره قررت تولي هذه المهمه
    الخطوط السعوديه: تعاني من خسائر ولازم نزيد ارباحها او اقل شي ما يكون فيه خسائر
    شركة النقل الجماعي او كما يحلو للبعض تسميتها (ناقة الجماعه): باصاتهم قديمه ويبون يشترون باصات جديده
    الشقق,المطاعم,المستشفيات الخاصه فقط ,محطات البنزين,......................الخ
    محتاجه لدعمكم فلاتبخلوا عليهم بشي

    يجي واحد يقول وش دخل هذي بحركه النقل

    انا اقولك:
    الشيطان في دراسته اللي قدمها للوزاره يقول اول شي عينوهم في مناطق بعيده عن اهلهم وبعدين ابدوا في التدرج في نقلهم
    وخلوهم كل سنه بديره يعني اذا ما صرف راتبه بالديره الاولى لان مافيها خدمات من كهرباء وماء واتصال و و و الخ
    اكيد راح يصرفها في الديره الثانيه واكيد راح يعوض سنة الحرمان اللي عاشها
    ومن هنا الين يوصل للمنطقه اللي يبيها يكون قد صرف رواتبه كلها (هذا اذا ما كان عليه ديون او اسلاف)
    (مهوب صاحي المستشار مدري من وين يجيب هالافكار )

    التعاميم:
    نجي للتعايم اللي كل يوم وهي جايه المشكله بكل التعاميم اللي تجي تلقاها تحتوي على عبارات تبدا بلا الناهيه
    وتنتهى بعبارات التهديد والوعيد والويل والثبور ......وبصراحه بعضها ما عرفته عشان كذا ما كتبته

    ومستحيل تلقى تعميم في صالح المعلم او المعلمه
    واذا حاولت تلعب بذيلك ياويلك والله ليقصونه لك (لذلك عزيزي المعلم وعزيزتي المعلمه حافظوا على اذيالكم
    ولا تحاولوا ان تلوحوا بها امام تعاميم الوزاره لانها ستكون معرضه للبتر وتصير مثل بعض
    القطاوه اللي نشوفها في شورعنا وخصوصا اوقات البرد)

    احس فيه دكتاتوريه بالتعاميم ( يعني نفذ وانت ساكت)
    وبالمناسبه اغرب تعميم شاهدته في حياتي المهنيه
    التعميم الاخير اللي يحدد الاجازه بصراحه تعميم شيطاني 100%
    ياعالم دور المعلم ينحصر في منهج وطالب
    فاذا انتهى المنهج وغاب الطالب ليش تلزمه بالجلوس
    (ابليس قاعدلكم على كل كبيره وصغيره)

    ++++++++++++++++++++++++++++++++++++++++++++++++++++++++++
    بالنهايه احب اوضح نقطه مهمه وهي ان هذا الموضوع ليس المقصود به
    شخص ما او ما شابه ذلك وانما المقصود به بعض الافكار التي طرحت ولا تزال تطرح داخل
    اروقة الوزاره والتي اعتبرها افكارا شيطانيه
     
  2. عبــدالله الشــريف

    عبــدالله الشــريف إدارة الملتقى إدارة الملتقى

    3,471
    1
    0
    ‏2008-01-03
    معلم
    يعطيك العافية أبو زياد على هذا الموضوع

    فعلاً نحن نتقد أفكار الأشخاص وليس ذاتهم .

    والأفكار الشيطانية منتشرة ها اليومين في كل شيء ... !!
     
  3. سلطان الشريف

    سلطان الشريف إدارة الملتقى إدارة الملتقى

    5,093
    1
    36
    ‏2008-01-03
    معلم
    ما شاء الله عليك ابو زياد اسلوب رائع .بارك الله فيك .
    مناقشة موضوعات كلها في الصميم .
    اتفق معك ابو زياد ان النقد يوجه السلوك بغض النضر عن من صاحب السلوك .

    اسمحلي ابو زياد ان اختلف معك في نقطة معينة
    ( واسطه من فئة VIP )

    تقبل مروري وتقديري
     
  4. رتانيا

    رتانيا مشرفة سابقة عضو ملتقى المعلمين

    4,662
    0
    0
    ‏2008-01-13
    ما شاء الله,,,,أبدعت وأوجعت قلب الشيطان وأفكاره,,,

    يبغالنا ندور شيخ يقرى على مبنى الوزاره يمكن تروح الوساوس الشيطانية,,,

    الله يعطيك العافية يابو زياد,,,
     
  5. المتحاور

    المتحاور تربوي عضو ملتقى المعلمين

    568
    0
    16
    ‏2008-03-04
    معلم
    مشكور أخي ابو زياد على الطرح الرائع ولكن ياحبذا لو ذكرت حركة النقل المعلمين من حملة البكالريوس الجامعي وتعقيد الوزارة لشروط نقل الظروف الخاصة
     
  6. ابونواف

    ابونواف تربوي جديد عضو ملتقى المعلمين

    24
    0
    0
    ‏2008-01-19
    أعوذ بالله من الشيطان الرجيم
     
  7. ابو زيـَــاد

    ابو زيـَــاد تربوي جديد عضو ملتقى المعلمين

    1,329
    0
    0
    ‏2008-03-02
    للجميع شكرا للمرور

    بالنسبه للاخ الحنان الدائم
    حركة النقل اللي تكلمت عنها تشمل الجامعيين والكليات
    ونقل الظروف الخاصه انا ماعندي عنه تصور كامل

    شكرا للجميع مره اخرى