اعلان 1 اعلان 1 اعلان 1 اعلان 1 اعلان 1 اعلان 1


كل معلمة تعهد بعد كتابة مبروك تم نقلك ماهى مشاعرها

الموضوع في 'ملتقى النقل الخارجي والتعيين' بواسطة المبدع1, بتاريخ ‏2013-02-08.


  1. المبدع1

    المبدع1 تربوي جديد عضو ملتقى المعلمين

    948
    0
    0
    ‏2012-07-08
    موظف
    السلام عليكم ورحمة الله وبركاته
    مبرووووووووووووووووووك تريلييييييييييييييييييييييييون
    الحمدلله على كل شي النقل بعد التعب حلو وله مذاق خاص

    كيف عرفتي نتيجتك؟
    وماهى مشاعرك؟
    ومن تهدين النقل له؟
    وماذا تفعلين بعد النقل؟
    وبماذا فاضت قريحتك به اكيد شعر؟


    نريد الشعر ينثر على السطور لان فيه شاعرات



    ناصر القحطاني
    ابو محمد
     
  2. المعلمة نونا

    المعلمة نونا تربوي جديد عضو ملتقى المعلمين

    123
    0
    0
    ‏2011-12-24
    معلمة
    عرفت نتيجتي المغرب بعد مالقيت جوالي كان ضايع وعالصامت شفته تفأجأت من الرسايل والاتصالات
    مشاعري وصلت للهستره من الفرحه وعدم القدرة على ترتيب الكلمات والنطق بها
    اهدي النقل لزوجي اولا واهلي واللي يحبوني
    ناوية اتصدق انشالله وافرح اي شخص قدامي باللي اقدر علية
    قصيدتي لم تكتمل بعد وسوف تكون عن الديرة اللي أشتغلت بها لأني أعشقها بجنون واحب أهلها

     
  3. ريم المها

    ريم المها تربوي جديد عضو ملتقى المعلمين

    135
    0
    0
    ‏2011-12-02
    معلمه
    عرفت النتيجة بعد ما صحيت لقيت رسائل ودخلت ع الاستعلام والحمد لله شفت مبررروك تم نقلك وطرت من الفرحة وسجدت ع طول
    وقلت ع طول أولى الناس بفرحتي أمي وابوي بشرتهم وفرحوا لي كثيييير


    والحمد لله تصدقت وباقي بعد بتصدق

    والله يكتب الخير ف ها النقل
    لي ولجميع خواتي المنقولات
     
  4. ريف

    ريف تربوي عضو ملتقى المعلمين

    928
    0
    16
    ‏2012-08-29
    معلمه
    اولا عرفت النتيجة الظهر وقت تصريح الدخيني في سبق الظهر فتحت الرابط مبروك تم نقلك بالأحمر الرغبه 1- الرياض
    ثانيا أكيد وقتها مشاعري الفرح مع الدموع
    ثالثا أهدي نقلي لامي الي كنت أشوف في كل لحظة وداع دموع الخوف علي واللهفة علي والحمد لله الله فرحها وفرحني برجعتي لها
    رابعا بعد النقل راح احتفل مع أهلي برجعتي للرياض
    خامسا بيت شعر قلته الي هو الله يمسي ديرة الخير بالخير ..قلت الرياض وطار من مهجتي طير ...
     
  5. الجازي2011

    الجازي2011 تربوي جديد عضو ملتقى المعلمين

    1,095
    0
    0
    ‏2011-04-23
    لايوجد
    يالله ياالمبدع شعور كانك بحلم ماني مصدقه انا قلت ماراح تطلع الخميس ابدا خلاص تطلع السبت ونمت وانا تعبانه من انتطار الاربعاء لها بلا نتيجة نمت ولا اصحى الا الساعه 2 وربع وعلى طول اشوف معلمات جده للتعهد عندي بالوتس اب كل وحده تقول للثانيه مبروك نقلت والا اقوم زي المجنونه وزجي صاحي اقوله طلعت وانا امسح عيني من النوم وعيالي نايمين جنبي المهم اخذالايباد من زوجي وافتح بوابه التكامل ويدي ترتجف الا مبروك تم نقلك انزل بشويش واشوف جده اطير من الفرحة واسلم واحضن زوجي وبعدها ادخل سجل اختي وتطلع مبروك تم نقلك وارجع لزوجي كسرته ماعندي الاهو خلصت من زوجي رحت لعيالي معايا برحلة الشقاء كانو واصحي فيهم واحد عمره 4 سنين والثاني سنتين واسلم وانقز فيهم واقولهم خلاص جدة جدة واغني مبروك مبروكواطلع على بره (( طبعا قصدي الديره اللي كنت فيها )) قلبي من امثالك لابد يتبرا*
    واخيرا اهدي نقلي لابوي حبيب قلبي ولزوجي واخواني واخواتي*
    ماذا افعل بعد النقل راح ادخل ولدي مدرسة على شوال تمهيدى كنت شايله هم يدخل مدرسه وانا ماني عنده
    يارب لك الحمد كما ينبغى لجلال وجهك وعظيم سلطانك*
    اشكر كل من سعى بنقلنا من (( المبدع والقحطاني وابو رانيا ونواف العقيل وجنان سلطان وكل من له يد في نقلنا *لولا الله ثم هم كان مانقلنا الله يخليكم لعيالكم ويسعد ايامكم زي افرحتوا قلوب معلمات التعهد*
     
  6. Safoo80

    Safoo80 تربوي جديد عضو ملتقى المعلمين

    51
    0
    0
    ‏2012-07-18
    Kمعلمة
    وأنا أخذت غفوة بعد ما صليت الظهر لأني قطعت الأمل وصحيت على صوت رسائل زميلاتي واتصالاتهم إلا ادخل عالرابط والاقي الحمد لله مبرووووك تم نقلك ،طرت من الفرحة واولادي كمان وزوجي وبشرت امي وأوبوي والله مشاعر يعجز الشعر عن وصفها ،الحمد لله حمدا يليق بجلاله وعظمته،جزاكم الله خير الجزاء ورزقكم من حيث لا تحتسبون وجعل الجنة من تصيبكم أبو محمد وأبو رنيا وهمي نقلي والجمييييييع، مبروووووك لكل معلماااات التعهد
     
  7. ذات الصواري

    ذات الصواري تربوي جديد عضو ملتقى المعلمين

    356
    0
    0
    ‏2011-09-17
    معلم
    والله فرحة بنكهة البكاء الله يوفقك انت وابورانيا وهمي نقلي لن ننسى اكم بدعاء
     
  8. حسن الذكر

    حسن الذكر تربوي جديد عضو ملتقى المعلمين

    470
    0
    0
    ‏2012-03-17
    معلمة
    أما انا حالة مختلفه بحكم اني مغتربة في مكان بعيد وكنت بعد إجهاد يوم الربوع قطعت الأمل بعد الظهر جهزت حالي انزل البقالة في المحافظة اللي اعمل فيها وعند الباب بنزل خلاص تتصل علي أختي من جده وبعدها زميلاتي يقولون نقلتي او لاشوفي عاد ام الركب ايش يرجعني من باب الشقه الى الغرفة وافتح اللاب توب والايفون معلق والاهم يدي تترتعش من الخوف لكن الحمدلله نقلت ع الرياض طبعا اتصلت ع زوجي اولا أكيد بعده أمي الله يخليها لي ويمد في عمرها كانت شايله همي ووالدي العزيز هو في السلك التعليمي ماكان متوقع أبدا انه الوزارة راح تلتفت لنا ولكن الحمد لله
     
  9. نسمة هواء

    نسمة هواء تربوي جديد عضو ملتقى المعلمين

    569
    0
    0
    ‏2012-04-17
    معلمة رياض اطفال
    بصراحة كنا ناوين نطلع للبحر عندنا خالي ابو زوجي زياره وبنطلع حنا وياه نتغدى

    فتحت المنتدى ولقيت الاخت جود السنين كاتبه ان الحركه بتطلع اليوم طبعا انقلبت وحده ثانيه ما ادري مين اللي يكلمني وايش يقولي

    بعدها قلت وش رايكم نتغدى بالبيت ونطلع بعد الغداء المهم مدري كيف تغديت

    قمت من الغداء قلت بكلم اختي واقولها انتبهي لوطلع شي وهي ايضا معلمة تعهد بس هي بديره وانا بديره

    المهم مسكت جهاز إلا هي تدق علي قالتي مبروك. قلت وشو قالت طلع نقلنا المهم قعدت اصرخ وبناتي يلتفونون حولي. و
    وش فيك ياماما واصيح واسجد واختي تكلمني المهم قلت كيف عرفتي قالت من المنتدى. فيه وحده نزلت موضوع مكتوب فيه طلع النقل وحاطه رابط جديد انتهت المكالمه

    رحت ادور زوجي مالقيته رحت لخالي وطحت عليه وحبيت راسه. خال خال خال نقلت نقلت

    قال بسم الله عليك وش فيك يابنيتي قلت خال نقلت للرياض طلع النقل

    وقعد يصيح ويحمد ربه

    دخل زوجي وشفيكم قلت نقلت. ياعبدالله نقلت نقلت. وأنا اناقز من الفرحه

    بعدها كلمت اختي الكبيره وبشرتها ثم كلمت ابوي ولا رد شكله كان نايم


    بالنسبه شعوري لايوصف ولله الحمد كل ماتذكرت اني ناقله اتنفس بعمق

    اللهم لك الحمد اللهم لك الحمد

    وكل شوي افتح الرابط واشوف النتيجه احس بيطلع لي واحد يقولي تراكي ابلشتينا مافيه غيرك. كل شوي نفتح صفحتك خلاص فكينا يابنت الحلال نقلتي

    اهدي نقلي لكل من حس بغربتي وتألم من أجلي وفرح أمس من أعماق قلبه من أجلي



    واهديه لبنوتاتي وولدي الله يحفظهم قد ماحزنوني امس وانا ساجده واصيح بنتي الكبيره بأولى أبتدائي تقولي ماما وش فيك خايفه علي تقولي دموع الفرح صح ياماما وبنتي الثثانيه تقولي ماما تصيحين عشان نقلنا وولدي الصغير حاط يدينه على خده مايدري ليش اصيح


    اللهم لك الحمد
    اللهم لك الحمد
    اللهم لك الحمد

    وبعد النقل ادعي الله ان يعطينا من خيره ويكفينا شره
    واحتفال بسيط مع اطفالي
    واعمال خيره اسأل الله ان يتقبلها شكر لله تعالى
     
  10. حسن الذكر

    حسن الذكر تربوي جديد عضو ملتقى المعلمين

    470
    0
    0
    ‏2012-03-17
    معلمة
    موضوعك جميل أستاذ ناصر
     
  11. موووج الشوق

    موووج الشوق تربوي جديد عضو ملتقى المعلمين

    10
    0
    0
    ‏2013-01-07
    معلمة
    لما شفت نتيجة النقل تضاربت عندي المشاعر
    ابكي واضحك بنفس الوقت سجدت لربي بدون شعور حسيت ان ربي عطاني الكون
    عطاني فرحة لو اوزعها للدنيا كلها توسعها وتزيد
    ركضت لأبوي هو اللي معاي بالغربه وقلت له يبه نقلت صار يصفق ويضحك ويبكي ويرفع يدينه يدعو
    مشاعر غريبه تضاربت بنفس الوقت
    اول شخص اتصلت عليه امي اكلمها وانا ابكي واضحك
    سبحان الله من قوة الفرحه عبرت عنها بالبكاء


    الحمد لله الحمد لله حتى يبلغ الحمد منتهاه
     
  12. *ام البراء*

    *ام البراء* تربوي جديد عضو ملتقى المعلمين

    327
    0
    0
    ‏2012-04-16
    معلمة
    ببكي وبعد البكى ببكي

    من الفرحة طبعا
     
  13. ما احبك

    ما احبك تربوي جديد عضو ملتقى المعلمين

    22
    0
    0
    ‏2012-09-04
    معلمه
    انا حالتي حالة تحلمت ليلة الخميس ان ماجاني نقل وانا زعلت ولما جاء الظهر. وقلت لزوجي ما بأنقل بس الحمدلله نقلت وأول ماقريت الخبر صحت وانط من الفرحه واصيح واصيح والمشكله حامل خخخخخخخخ
    الحمد لله الذي بنعمة تتم الصالحات
    امي وابوي بكوا من الفرحة ....

    اهدي نقلي لكل من سعى بنقل المتعهدات
     
  14. فرح وحلا

    فرح وحلا تربوي جديد عضو ملتقى المعلمين

    63
    0
    0
    ‏2012-05-06
    معلمة
    والله انا كانت الخميس والجمعه يومين مختلفة تماما الخميس قضيته بالهم والحزن وكل ماتذكرت اني مانقلت تجيني غصة
    ويوم الجمعه المبارك يوووم مختلف فتحت المنتدى ولقيت موضوع ان النقل فيه اخطا ورجع لي شي من الامل جت الساعه 11 ونصف ولقيت جووود الله يسعدها منزله الرابط الجديد بعد التصحيح واستعلمت وكانت المفاجاة مبروك تم نقلك دقيت على امي وبشرتها ودقيت على زوجي وبشرته وخواتي وصاحباتي المعلمات والكل يهنيني يووووم جميل جدا
    اللهم كما اكرمتنا بالنقل
    اكرمنا بالمدارس الزينه ياااااارب
     
  15. جيونة حياتي44

    جيونة حياتي44 تربوي جديد عضو ملتقى المعلمين

    1,334
    0
    0
    ‏2012-05-24
    معلمة
    انا معرف اوصف بليدة في التعبير
    الحمد لله ماني مدرسة عربي
    المهم بعد يوم الربوع قلت خلاص مابيطلع النقل الا السبت او الاحد
    فتحت تويتر لقيت انه ممكن تطلع اليوم
    وكل شوي اشيك على المنتدى مالقيت شي
    انشغلت شوي وجاني اتصال على الساعة 2 من زميلتي
    عرفت انه بخصوص الحركة رفضت المكالمة طبعا
    وادخل على المنتدى عرفت ان النتيجة طلعت
    خفت من الرابط شوي وترددت بس قلت شر لابد منه
    وادخل السجل وموافق طبعا
    وثواني يطلعلي مبروك تم نقلك
    طرت من الفرحة صحت زي الصغار سجدت شكر لله
    وطلعت من الغرفة اجري واضحك وقفت في الصالة شوي ورجعت الغرفة قالواا اهلي وش فيك
    ولدي الصغير قال اكيد ماما نقلت
    قلت ايوة نقلت والكل قام يصرخ ويضحك ونزلنا احضان في بعض
    واختي تغطرف فرحة فرحة ماتوصف
    وطول الوقت اقول
    ياهوووه ياهووه وارفع يدي حسيت اني في ملعب وقاعدة اشجع
    المهم جننت اللي في البيت والشغالة تسئل وش فيه طنشت كيف افهمها
    واتصل على ابو الشباب وبشرته
    واحتفلنا بطريقتنا
    ههههههههههههه
     
  16. جيونة حياتي44

    جيونة حياتي44 تربوي جديد عضو ملتقى المعلمين

    1,334
    0
    0
    ‏2012-05-24
    معلمة
    يارب اكرمنا بمدارس ادارتها رائعة متعاونة
     
  17. أجمل إحسـاس

    أجمل إحسـاس تربوي جديد عضو ملتقى المعلمين

    153
    0
    0
    ‏2012-07-02
    معلمة
    أنا يوم الأربعاء فقدت الأمل تطلع النتيجة ويوم الخميس شيكت الصباح وماطلعت

    الخميس العصر فتحت المنتدى لقيت النتيجة وسجدت لله شكر وبشرت أختي

    وبعدين أمي الحبيبة ثم زوجي واختلطت المشاعر طول اليوم واستقبلت التهاني

    اهدي النقل لأمي الحبيبة وأختي الغالية بعد النقل بفرح القلوب بعد فرحتي 4 سنوات
     
  18. ام فييصل

    ام فييصل تربوي جديد عضو ملتقى المعلمين

    199
    0
    0
    ‏2012-08-07
    معلمه
    شعـــــــــــــور لايوصف ابدآ

    طبعا انا عندي خبر احتمال كبير انها الأربعاء بحكم اني مغتربه اخر الدنيا ومامعي الا بنتي فقط
    انا وهي بالشقه المهم أنتظرت للساعه تقريبا 11 صبح الخميس مانزل شي وحطيت راسي ونمت وجوالي
    صاامت من كثر مافيني مت تعب ارهاق المهم على الساعه 3 تقريبا الظهر جوالي افتحه احصل فوق الــ16
    اتصال 6 مسجات الواتس اب يمكن حدود 9 اول شي سويته فتحت الاتصال ادور على الارقام مالقيت رقم الوالد لقيت اتصال من زوجي وخوياتي واخواتي قلت دام ابويا ماله اتصال اجل ماني ناقله بحكم انه متكفل
    بكل شي تعيني واجراءت الحركه ومتابع لمستجدات النقل طبعا ساعتها لمى مالقيت رقم الوالد جاني
    احبااط وخمول مو طبيعي دخلت الواتس قروب خويااتي لقيتهم يباركون لوحده نفس دفعتي واشوفهم يسالون عن سجلي المدني مايعرفونه طبعا انا ما احرك ساكن وقتها تمالكت نفسي وفتحت الرابط
    وادخل السجل المدني وانزل بشويش لتحت والله العظيم اصابعي تشنجت من الخوف شوي الا طلع مبروك تم نقلك هنا من قوة الفرحه بحكم محد عندي لا اهلي ولا زوجي نظرا لظروف العمل امسك بنتي وتمسكني هي وانواع البكاء والصياح بعدها سجدت لله شكر الحمد لله وكلمني زوجي مبسوط بعدها كلمت الوالد
    قلت له ليش مالقيت رقمك وابكي وهو يضحك طلع مسكين كمبيوتره خرب فجأه وبالشارع يدور مقهمى للانترت مالقى ولا زحمه والله دمعت عينه الله يسعده يقولي كنت اتمنى انا الي ابشرك ربي يخليه لنا
    امي هنا حاله خاصه تبكي اكثر من انها تكلمني ولدي صغير طبعا وبحكم الغربه بعيد عني وعدم توفر مدرسه للاولاد يقولي ماما يعني بنام جنبك ماتخليني

    طبعا اهدي النقل لزوجي والوالد والوالده واخواتي
    كل تفكيري الان بالشقه ان شاء الله اكمل باقي شغلي اثاثي ان شاء الله للجمعيه الخيريه

    والحمد لله ماهما وصفت من مشاعر ولحظه ظهور النتيجه مستحيل بكتابه اوفيكم بكل شي


    اخيرآ اسأل الله العلي القدير كل من سعى بنقلنا ان يفتحها عليهم من اوسع ابوابه ويبارك لهم في ذريتهم
    وهنيئآ لهم كم من شخص بيدعي لهم اتوقع مانقدر نحصي العدد كانت وقفت رجال قول وفعل
    ايضا اشكر كل من ساهم وتعب من اخواتي المعلمات ربي يجزاهم الف خير
     
  19. نسمة بحر جدة

    نسمة بحر جدة تربوي جديد عضو ملتقى المعلمين

    18
    0
    0
    ‏2012-11-04
    معلمة
    والله ياأخ ناصر موضوع رائع من شخص أكثر من رائع

    أنا لأني بقرية وزوجي بمدينة تبعد عني قرابة 4 ساعات طلبت منه بعطلة نهاية الأسبوع هدي مايجي
    وقلت له النقل مانزل ونفسيتي مررررة تعبانة وطبعا هو ماسمع الكلام وجا يشاركني تعبي وقبل الظهر يوم الخميس صحيت وشفت خبر نزول الحركة اليوم وقلت اكيد تتأخر أو اشاعة ماتنزل ورحت اصلي الظهر ولما رجعت لقيت اتصالات كثير من المديرة وصاحباتي وخفت احسب صار شيء ولما رديت عرفت ان الحركة نزلت وفتحت الموقع الي نزل بالملتقى ودخلت السجل ولفيت الجهاز على زوجي وقلت له فرحني وإلا موتني وقام يقرأ بكل هدوء مبرووووووووك تم نقلك:clap:

    أنا بس سمعت مبرووو سحبت اللابتوب اتأكد والحمدلله فرررررحت مرررة وقمت أنا وهو نصارخ من الفرح وعلى طول سجدت سجود شكر بكيت فيه بكاء الفرح وبشرت أمي وأبويا وكل الي شالوا همي

    وبعدها فتحت الملتقى أنا وزوجي وكتبت خبر نقلي هنا وشكرت كل الي ساهموا بنقلنا سواء بالقليل او بالكثير لأن لهم الفضل بعد الله في اسقراري خصوصا أني اتزوجت وأتعينت على طول يعني ماعرفت لسى معنى الأستقرار

    وراح أتذكر كل الي تعبوا لراحة معلمات التعهد ( ناصر ومحمد وابو رانيا وطبعا الفهيد ) وادعي لهم من كل قلبي ان الله يرزقهم سعادة الدارين ولكل الي ساندوا قضيتنا ودعموها وأعطونا أمل
    ومانسى معلمات الملتقى الي كنت افرح معاهم وازعل معاهم

    والحمدلله ربي عوض صبرنا خير ..

    اهدي فرحتي لزوجي الي صبر ورضي يعيش عريس بدون عروسة
    وحاول يخفف آلامي ويمسح دموعي ويهون مصابي :in_love:
     
  20. متعهده مليت

    متعهده مليت تربوي جديد عضو ملتقى المعلمين

    221
    0
    0
    ‏2012-06-06
    معلمه
    كيف عرفتي نتيجتك؟

    انا في احد قطاعات حائل التعليمية وكنت رايحه خوالي مخيمين في القصيم واتصل على زوجي عديله وكانت زوجته ناقله الحمد لله وسأله عن رقم السجل المدني حقي حفظه زوجي من كثر استخدامه ههههه وطلب منه بشارة وطلعت النتيجة مبروك تم النقل واتصل زوجي فيني وخبرني


    وماهى مشاعرك؟

    مشاعر لا توصف تندمج دموع الفرح ومشاعر الفرحه اسأل الله ان يريها اخواتنا وخواننا المسلمين في كل مكان


    ومن تهدين النقل له؟


    هديه لزوجي ووالدتي ووالدة زوجي فهم اكثر الناس اهتمام بموضوعي


    وماذا تفعلين بعد النقل؟


    اتفقت مع زوجي يا نخرج سجين مديون ليفرح بخروجه بين اهله او سنتبرع في بركس " غرفه " لإخوتنا اللاجيين السوريين



    وبماذا فاضت قريحتك به اكيد شعر؟

    لست شاعره