اعلان 1 اعلان 1 اعلان 1 اعلان 1 اعلان 1 اعلان 1


اخوتي الكرام نصائحكم ومشورتكم (بترك بنك الراجحي لغير رجعة)

الموضوع في 'ملتقى حقوق المعلمين والمعلمات' بواسطة راعي الأولة, بتاريخ ‏2013-03-08.


  1. راعي الأولة

    راعي الأولة تربوي جديد عضو ملتقى المعلمين

    144
    0
    0
    ‏2011-06-24
    معلم
    السلام عليكم ورحمة الله وبركاته

    منذ فتح حسابي لديهم وانا طالب جامعي قبل التخرج عام 2002 م تقريبا وحتى هذه اللحظة

    اخذت منهم عدة قروض وكسبتهم مئات الالاف من الرسوم والربح سواءا كان من مرتبي او اقساط

    لكن اتضح لي انه بنك لا بد من تغييره فهو لايحترم عملاءه البته واخرها ماحصل معي يوم الاربعاء

    الماضي معهم وقد تم الشكوى عليهم عشرات المرات دونما رد اعتبار :icon28:

    ......................................................................................نقطة من اول السطر


    الان متعلق عندهم بقرض اخذته قبل 6 شهور في عام 1433 هـ قبل علاوة 1434هـ

    المطلوب يا زملاء المهنة ابي الهروب من لاي بنك ترون فيه هالشروط التالية:


    1- نسبة الرسوم تكون اقل من الراجحي حيث اعطوني رسوم اخر مرة 2.55 م بالطلبات

    2-يسدد هالبنك البقالة ويفكني منهم واحول راتبي عليهم

    3-يعطيني على الراتب الاساسي

    4- ميزات اضافية ترونها في البنك ...الخ


    شوركم وهداية الله ترى حلفت قدام مديرهم اني لاخلي طرفي من عندهم واطلقهم بالثلاث:tears:
     
  2. راعي الأولة

    راعي الأولة تربوي جديد عضو ملتقى المعلمين

    144
    0
    0
    ‏2011-06-24
    معلم
    ابي الردود ياشباب .................ببدأ بالاجراءات من غدا
     
  3. lialic

    lialic تربوي جديد عضو ملتقى المعلمين

    302
    0
    0
    ‏2008-03-25
    معلم
    السلام عليكم ورحمة الله وبركاته

    الحمد لله اللي فكني من هالبنك الزبالة والله بعد ماجربت غيره عرفت أن أسوء بنك يمص دمك مص

    أنا مثلك أخذت من عندهم قرض تكميلي وبعده قرض إضافي وحسبوا على نسبة الإضافي ((( %9 )))

    قال لك بنك اسلامي لاتعامل ولاخدمة زي الناس

    ......................................................................................................نقطة من أول السطر

    إذا تبي بنك فائدته قليله عليك ببنك الإنماء نسبة الفائدة 1.85
    أنا أخذت قرض منهم بمبلغ 170000 والزيادة كانت 14200 شي لايذكر مع الحرامي الراجحي اللي أخذت منه 87000
    وأخذ علي فائدة 22000 شف الفرق

    بنك الإنماء ماعندهم سرقة مثل باقي البنوك يقول لك رسوم إدارية أبدآ غير موجوده عندهم قرضك والفائدة والسلام

    تخلص أي شغلة لك في البنك في حدود خمس دقائق أحلف لو تطيح ابره انك تسمع صوتها من الهدوء عكس الراجحي يبي لك يوم كامل تنهي موضوعك لا وتصف سرى مع الهندي والبنقالي وكل الجنسيات كأنك واحد منهم ما كأنك عميل مع أحترامي لهم جميع

    جميع الخدمات متوفرة في الأنترنت تسديد تحويل نفس اللي في الراجحي وأفضل حتى تداول الأسهم عندهم ممتاز

    عندهم الصرافة تسحب لحد 15000 دفعه وحده

    لو ضيعت البطاقة بإمكانك تسحب من الصرافة بدون البطاقة

    جميع الخدمات مجانية في بنك الانماء اللي هي في الراجحي ب 50 ريال واللي يقولوا لها (( أشعار ))

    إيداع الراتب تحويل خصم تحديث إضافة مستفيد

    أهم شي لازم لازم لازم لازم أنه مايكون عندك بطاقة إئتمانية عند الراجحي لأنهم يخيرونك إذا طلبت إخلاء الطرف بين دفع تأمين على البطاقة أو الإنتظار 45 يوم عمل


    دبر فلوسهم ولو سلف

    أتمنى أني أفدتك
     
  4. راعي الأولة

    راعي الأولة تربوي جديد عضو ملتقى المعلمين

    144
    0
    0
    ‏2011-06-24
    معلم

    والله صدقت في كلامك بخصوص بقالة الراجحي:bigsmile:

    توي قفلت مع الجزيرة وماعجبني عرضهم ابدا

    المشكلة وانا اخوك علي مديونية هل بنك الانماء يسدد المديونية

    ويعطيك كم راتب+ على الراتب الاساسي ولا الاجمالي

    اشكرك على مرورك واسهابك ونصائحك اخوي

    ننتظر باقي الاعضاء لعل هناك عروض او امور لا نعلمها يفيدونا بها
     
  5. lialic

    lialic تربوي جديد عضو ملتقى المعلمين

    302
    0
    0
    ‏2008-03-25
    معلم
    لطريقة حساب الفائدة عند أي بنك كالتالي

    (( المبلغ اللي تبيه x نسبة البنك ÷ 100

    يعني لو نفرض تبي 100000

    100000 المبلغ x نسبة البنك ((1.85 )) ÷ (( 100 )) = 1850 ربح البنك في السنة

    ربح البنك x في عدد السنين اللي تبي تسدد فيها البنك + المبلغ المطلوب = الإجمالي

    1850 × 5 سنوات + 100000 = 109250 (( الإجمالي))

    الإجمالي ÷ عدد الشهور = مبلغ القسط الذي سوف تدفعه للبنك

    109250 ÷ 60 = 1820 ريال


    بالنسبة هل يسددون المديونية ماعندي علم لكن اتصل على رقمهم المجاني 8001208000

    يعطونك بالتفصيل الممل بس ترى الجزيرة نصاب يأخذ نسبة تراكمية يعني يزيد القصد كل سنة
     
  6. abu lyan

    abu lyan تربوي عضو ملتقى المعلمين

    929
    0
    16
    ‏2009-03-16
    ذكر
    معلم
    مصرف الإنماء
    لكن لا اعتقد يسدد المديونية
    فمالك الا تشوف حل مثلاً احد يسلفك المديونية
    وتاخذ تمويلك من الانماء وتسدده
     
  7. أم فيصل

    أم فيصل مراقبة عامة مراقبة عامة

    3,695
    0
    0
    ‏2009-10-18
    جدي سيبويه
    بالنسبة لي راتبي عالأهلي
    باحكي لكم ايش صار معي لماطلبت تمويل عقاري منهم ومن بنك الرياض ومن مصرف الانماء

    الأهلي :
    التمويل 800000
    على 19سنة
    ارجعه مليون و300الف






    الرياض تمويل عقاري بمبلغ 1200000 على 19سنة ونصف
    القسط الشهري 6900
    ارجعه لهم 1500000

    النسبة 2.80


    الانماء
    التمويل أعلى سقف 1044000
    ارجعه لهم 1700000
    القسط الشهري 6900
    على 21سنة
    النسبة 3.80
    قلت لهم يقولوا الانماء بنك المعلمين والمعلمات وتاخذون ربح 700الف حرام عليكم

    قال نسجل لك طلب وتشوف يكلموك وممكن تكون هناك استثناءات لك
    انتظري الاتصال خلال 48ساعة

    بصراحة نصابين
    أفضل عرض كان من بنك الرياض
    المفاجأة

    بنك الرياض غيروا كلامهم


    اليوم كلمتهم مرة ثانية تغير كلامهم

    الرياض

    التمويل مليون ريال
    ارجعه مليون ونص
    النسبة 2.90
    القسط 6900
    على 19سنة ونص


    يقولوا النسبة السابقة كانت عرض وانتهى


    الزبدة كلهم نصاااابين الله يغنينا من فضله
     
  8. راعي الأولة

    راعي الأولة تربوي جديد عضو ملتقى المعلمين

    144
    0
    0
    ‏2011-06-24
    معلم
    لياليك ....مادري ترى انا والانجليزي ماحنا حبايب هههههههههههههه اشكرك اخوي

    ماقصرت وضحت لي في ردين جزاك الله كل خير


    ابو ليان

    ماقصرت وانا اخوك وجاري النظر ====== بالموضوع لكن صعب احد يعطيك مبلغ كبير ويصبر عليك

    السلفة فيها اخلاء طرف ويطول .........والراجحي اكثر بنك يحقد على العميل اذا كان رايح ويمرمطة لين يتعبه


    الاخت ام فيصل

    جزاك الله خير وانا اخوك والله يرزقك البيت الفسيح واحنا بعد الله يرزقنا عما قريب

    لكن بقولك كلام اخ وانتبهي له زين

    حدثني بعض الاصدقاء عن احد تجار العقار انه طلب نصيحته بخصوص شراء عقار وقاله اصبر العقار متضخم وبيصير

    عليه مثل ماصار بالاسهم فلا تستعجلون يلي تبغون اراضي وبيوت يمكن بكرة العقار يهجد وينزل من قمته ترانا

    الان بقمة



    ننتظر بعض الاراء .وفيما يبدو ان الجزيرة البنك الوحيد اللي يسدد المديونيات لان حتى الرياض سمعت انه مايسدد
     
  9. عكس التيار

    عكس التيار موقوف موقوف

    630
    0
    0
    ‏2012-05-14
    إداري
    جرب البنك العربي على أقل تقدير بنك واضح ولديهم مرونة وتقدير للعميل . وشكاوي العملاء لها اهتمام خاص . بقية البنوك مجرد دكاكين صرافة وموظفيها يحاكون موظفي البلديات في ثقالة الطينة وسوء التعامل والوجيه المغسولة بمرق . تمنياتي لك بالتوفيق .
     
  10. o25

    o25 تربوي عضو ملتقى المعلمين

    315
    0
    16
    ‏2009-01-27
    معلم
    في بنك الراجحي شريت منه سلعة واخذه عليك ربح فيها اما. شراء البيانية فهو مال بمال والخوف الوقوع في الرباع الافضل تسلق وسدد ثم قسط المبلغ على نفس الشخص
     
  11. lialic

    lialic تربوي جديد عضو ملتقى المعلمين

    302
    0
    0
    ‏2008-03-25
    معلم
    http://www.youtube.com/watch?v=YX-BjjhS4UE
     
  12. هشام العابر

    هشام العابر تربوي عضو ملتقى المعلمين

    591
    0
    16
    ‏2009-10-19
    طبعا نحن شعب مضطهد مسروق مغلوب على أمره .
    الجهات الحكومية تحمي اللصوص فقط
    مثال البنوك فوائدها عاالية وتراكمية ويزعمون إسلاميتها وظاهرها كذب
    االبنوك تخالف انظمة مؤسسة النقد والمؤسسة ساكتة ليه ؟!!!!
    الاتصالات دبلت فواتير العالم وهيئة الاتصالات سكتت وغضت الطرف ليه ؟؟؟؟!!
    جاء خافز وطبق نظام الكتروني دقيق يتابعك حتى لو سافرت خارج البلد ويحرمك من حافز
    واذا ماحدثت يحسم عليك 200 للابد
    قبلها امر الملك بصرف راتبين وقبلها صدر امر ملكي بثبيت بدل غلاءىالمعيشة والعساف تلاعب وصرف الراتبين بدون بدل غلاء المعيشة اللي صدر امر تثبيته قبل امرىالراتبين وهذا مخالفة نظامية صريحة
    جاء ساهر وصاروا يحددون سرعة متدنية جدا واحيانا لايضعون لوحات تحدد السرعة ومخالفة ساهر عالية جداً وتدبل خلال شهر طيب من وين اسدد لك خلال شهر وانا طفراااان عطوني من التريليون قطرة بس وجربوني

    المهم
    انا سامبا ضامني مرتين اعدت تمويل الفائدة للاساسي كانت 7٪ وللتمويل الاول 5.75٪ وللثاني 5.75٪
    تصدقون طلعة الفايدتين 49 الف ريال واللي صفالي 13000 المرة الاولى والثانية 16000

    جيت بقدم ع بنكةالتسليف للزواج قالوا مدرس راتبك سبعة
    جيت بقدم ع قرض اسرة الان قالوا راتبك فوق الثمانية

    طيب تريليون ياخي قال الاردن واليمن والمغرب وطرق الفلبين ووو احوج منك


    الان نرجع للبنوك

    افضل عرض ااستثمار 174٪ بس مدري يسدد مديونية او لا
    لكن يسبون خدماته وتعامله
    الانماء لكن عيبه مايسدد مديونية ولا عنده برض اضافي لاحقا لو احتجت

    الجزيرة الافضل 1،99٪
    ويسدد مديونيتك وعنده اضافي
    وخدماته حليوه

    انا بروح له وامري لله
     
  13. cocarasha

    cocarasha تربوي جديد عضو ملتقى المعلمين

    616
    0
    0
    ‏2009-01-27
    ابعد عن الراجحي حتى لو تروح بنك الرياض
    الراجحي مستولين علية الهنود والبنقاله والشغلة ام خمس دقايق تاخذلك ساعه عندهم
     
  14. الســراب

    الســراب تربوي جديد عضو ملتقى المعلمين

    153
    0
    0
    ‏2008-01-28
    معلم
    في الوقت الراهن اجد أن بنك الانماء هو المتفوق عليهم كلهم خاصة في المميزات والقروض
     
  15. Eng. Teacher

    Eng. Teacher تربوي جديد عضو ملتقى المعلمين

    62
    0
    0
    ‏2013-01-27
    معلم
    يارجال كلهم اخس من بعض من ناحية القروض ... لكن ربما الانماء يعد افضل السيئين من ناحية القروض ...

    لكن قبل كذا خذ لفة على البنوك ...

    من ناحية الخدمات الالكترونيه اشوف الراجحي الافضل ... وبالتوفيق ..
     
  16. &بثينه&

    &بثينه& تربوي جديد عضو ملتقى المعلمين

    675
    0
    0
    ‏2011-10-17
    معلمة
    الحمد الله تخلصت من الراجحي غير مأسوف عليه

    وحولت راتبي على الإنماء ... احترام .. نسبه منخفضة وبدون رسوم إدارية .. يعطونك البطاقة الذهبية وفيزا في نفس الوقت .
     
  17. &بثينه&

    &بثينه& تربوي جديد عضو ملتقى المعلمين

    675
    0
    0
    ‏2011-10-17
    معلمة
    بالنسبة لشراء المديونية

    إذا ما حصلت عند الإنماء

    أعتقد بنك البلاد يسددها