اعلان 1 اعلان 1 اعلان 1 اعلان 1 اعلان 1 اعلان 1


(( معايد قريتين ))

الموضوع في 'ملتقى بــوح الأقــلام' بواسطة ساري عسكر, بتاريخ ‏2013-04-28.


  1. ساري عسكر

    ساري عسكر موقوف موقوف

    10
    0
    0
    ‏2013-01-27
    متسبب


    محمد الدحيمي


    (( معايد قريتين ))


    إييه راجع .. مثـل ماقالـوا \ معايـد قريتيـن
    اتفق همّه مع \ عاثـر حظوظـه \ واخذلـوه



    والا انا.. ماساقني لك غير شوقي والحنيـن
    مثل من ساقوه ربعـه .. للمنايـا واتركـوه



    عذري اني ماني أول من رجع صفر اليدين
    ولاني آخر خلّ \ خلانه \على الزلّـه \ حـدوه



    لاني بعابر سبيل .. ولاني بطـلاب ديـن
    شاعرٍ \خاوى هجوسه \ للنشايب وانشبـوه



    والله اني كنت ناوي قطع شكـي باليقيـن
    لكن اجروحي تخاوت كل جرحٍ باثر اخـوه




    وانت تحسب ساعة \ تمحي تجاعيد السنين
    او توفي حق من ضحى بعمره \ كـلبـوه



    تدري ان العشق ما يمرح ديار العاذليـن
    والهوى ماله وطن بقلوب ناس عذربـوه



    ولوع كبدي \ كلما تطري \ علي الطرقتين
    لوع كبد ام الحوار اللي تشوفه لأنحروه



    وغبن عيني .. لا طواني الليل بين الديرتين
    غبن منهو في حرى احبابٍ .. مع الدنيا نسوه



    وجد حالي وجد من حدّوه يحلف باليمين
    او على غفله \ في الغدراء \ تمالوا واغدروه



    إلاّ وجوووودي



    ياوجودي وجد من وقفت بعينه دمعتيـن
    بين ناسٍ \ لو يباع الضيم \ بالمال اشتـروه



    وجد من كله تنثّر .. من شمال ومن يميـن
    والعـواذل كلمـا لملـم شتاتـه .. بعثـروه



    الزمان استكثر الفرحه على وجهٍ حزين
    والليالي \ ماتعدّت كونها \ حلم امعتوه



    بيننا صار الهوى .. طفل يتيم الوالديـن
    لا تهنا من حليب امه .. ولا من وجه ابوه!
     
  2. ماجد السليمان

    ماجد السليمان عضو شرف مجلس الإدارة عضو مجلس الإدارة

    23,169
    10
    0
    ‏2009-07-11
    معلم
    قصيدة تعتبر من روائع الكلم

    شكرا ً لك على النقل المميز

    وصح لسان شاعرها
     
  3. Arisa

    Arisa عضوية تميّز عضو مميز

    1,481
    0
    0
    ‏2012-06-30
    معلمة
    رائعه بحق
    الله يعطيك العافيه