اعلان 1 اعلان 1 اعلان 1 اعلان 1 اعلان 1 اعلان 1


أطباق تشرفك أمام ضيوفك..

الموضوع في 'ملتقى مطبخ حواء' بواسطة عذبة المعاني, بتاريخ ‏2013-09-09.


  1. عذبة المعاني

    عذبة المعاني مراقبة إدارية مراقبة عامة

    24,882
    40
    48
    ‏2009-01-10
    أنثى
    ..............
    [​IMG]


    السلام عليكم ورحمة الله وبركاته...

    انا جبت لكم اطبق بصراحة شكلهم رائع جدا




    [​IMG]


    شكولاته الشوفان

    [​IMG]






    بقلاوة البينت بتر
    [​IMG]


    كوفي كب كيك
    [​IMG]

    حلا الكاسات
    [​IMG]




    مكعبات التوست
    [​IMG]



    كب كيك التشيز المالح


    [​IMG]

    =================
     
  2. عذبة المعاني

    عذبة المعاني مراقبة إدارية مراقبة عامة

    24,882
    40
    48
    ‏2009-01-10
    أنثى
    ..............
    و الآن الطريقة:

    1


    كيكة المخمل الحمراء
    نجي للمقادير - بالاكواب المعياريه -
    :: ك/كوب .. م ك/ملعقة طعام .. م ش/ملعقة شاي

    أولا : 1 ونصف ك سكر ../.. اصبع زبده لين ../.. بيضتين
    ثانيا : 2 وثلث ك دقيق ../.. 1 م ش بيكنج باودر ../..1 م ش بيكنج صودا ../.. نصف م ش ملح
    ثالثا : 1 ك بتر ميلك * ../.. 1 م ش خل ../.. 1 م ش فانيليا ../.. 1 ونصف م ك ملون طعام أحمر

    *بتر ميلك : اذا ماكان متوفر عندك - وهذا الغالب - تقدرين تعملينه بإنك تخلطين كوب حليب مع م ك خل وتتركينهم ربع ساعه مغطيين برا وبس ..

    الطريقه ::
    اخلطي السكر والزبده بالعجانه او الخلاط اليدوي حتى يمتزجون تماما
    بعد كذا اضيفي البيض بالتدريج مع الحرص على كشط الاطراف حتى يمتزج الخليط زين
    المقادير اللي بثانيا انخليها سوا ، واللي بثالثا اخلطيهم مع بعض ..
    بعدين اضيفيهم بالتناوب على اللي بالعجانه مع الانتباه الى انك تختمين الاضافه بالمواد الجافه
    ولا تبالغين بالخلط مجرد مايمتزجون وقفي حتى مايصير الكيك مطاطي شوي [​IMG]

    [​IMG]

    وزعيهم في قوالب الكب كيك ودخليهم الفرن بتاخذ حول الثلث الساعه او اكثر شوي

    [​IMG]

    بعد ماتطلعينهم اتركيهم يبردون برا بعدين طلعيهم من قوالبهم وقصي راسهم <== [​IMG]
    اخفقي كريمة خفق لحد ماتثقل واضيفي عليها شوي سكر بودره وبقمع التزيين حطيها بوسط الكب كيك
    قصي راس الكب كيك بالنصف ورجعيهم بشكل مقلوب فوق الكيك حتى تصير مثل اجنحة الفراشه .. وقدميه بالهناء والعافيه





    [​IMG]

     
  3. عذبة المعاني

    عذبة المعاني مراقبة إدارية مراقبة عامة

    24,882
    40
    48
    ‏2009-01-10
    أنثى
    ..............
    2
    شكـولاتـه الشـوفـان

    المقادير ::
    1 ونصف كوب شوفان - كويكر - ../.. 1 وربع كوب جوز هند ../.. ربع كوب حليب بودره
    تحمس مع بعض لغاية ماتشقر ..

    [​IMG]

    وبعدين اضيفي عليهم :
    ربع كوب سكر بودره ../.. علبة قشطة ../.. نصف اصبع زبده مذوب
    اعجنيهم سوا زين .. وبعدين خذي شوي من الخليط وباستخدام يدك واي شي مسطح عندك
    حاول تسوين قالب مستطيل
    بالصوره واضح وش اقصد ، وبسكين حاد قطعيهم مكعبات متساويه وحطيهم على ورق زبده ودخليهم الثلاجه او الفريزر لغاية ماتجمد .

    [​IMG]

    [​IMG]

    الحين ذوبي اي شكولاته خام عندك بحمام مائي ..
    واعتقد حفظتوا طريقتي من كثر ما ارددها بالمجلس واللي هي شكولاته خام غامقه مع شوي جالكسي
    وغطسي المكعبات فيهم ..

    [​IMG]

    ولما تجمد ذوبي شكولاته بيضاء وسوي فيها خطوط فوق المكعبات
    ورتبيهم بصينيتك وقدميهم[​IMG]

    [​IMG]

    هالحلا تقدرين تعملينه براحه قبل مناسبتك بيوم ماراح يتغير
    وممكن قبل ماتحطين عليه الشكولاته تفرزنينه لأسابيع ومتى مابغيتيه طلعيه قبل بشوي وكملي الخطوات نفسها ..
     
  4. عذبة المعاني

    عذبة المعاني مراقبة إدارية مراقبة عامة

    24,882
    40
    48
    ‏2009-01-10
    أنثى
    ..............

    بقـلاوة البيـنت بـتـر
    حلى لذيييييييييذ وطعمه نفس طعم الحلا المغربي اللي طاحوا فيه
    ومن الحلايات اللي تتفرزن بالراااااحه



    المقادير :: 3 ونصف ك دقيق ../.. 2 اصبع زبده لين ../.. ربع كوب زيت ../.. ثلثين كوب ماء
    تعجنينهم سوا ، بس ترى هالمقدار مره كبير ، اللي بتشوفونه بالصور انا مسويه نصف المقدار و طلع كميه محترمه





    [​IMG]




    بعد ماتنعجن افرديها وقطعيها دوائر -ماتحتاج تخمير -
    ادهني جهه من الدوائر بالبينت بتر ويفضل الخشن ولفيها رول واقفليها من الطرفين مثل الصوره



    [​IMG]




    [​IMG]




    وصفيهم بصينيه ودخليهم الفرن بس خليك عندهم تراها ماتاخذ وقت ابد


    [​IMG]




    من تشوفينها حمرت من تحت حمريها من فوق ..
    وأول ماتطلعينها وهي حاره صبي عليها شيره تكون خفيفه وخليهم شوي بالصينيه حتى يشربون الشيره
    لانه بتلاحظين ان الشيره على طول بتنزل تحت ماراح تشربها من فوق
    لما تترطب من تحت اقلبيهم وخليهم بالصينيه حتى تشرب شيره من الجهه الثانيه



    [​IMG]




    بعدين رشيهم بفستق مطحون ورتبيهم بصحن التقديم ..
    مقرررررررمشه ولذييييييييذه ... وبالعااااااااافيه عليكم



    [​IMG]






    كـوفـي كـب كيـك



    الطريقه الاصليه عباره عن كيك بصينيه عاديه وخلطه فوقه بس صرت اعمله بقوالب الكب كيك وازينه بالكريمه احلى


    مقادير الكيك :: 4 بيضات ../.. 1 ونصف كوب سكر ../.. نصف كوب زيت ../.. 2 كوب دقيق ../.. 1 م ك بيكنج باودر ../.. 2 م ك نسكافيه ../.. كوب حليب
    الطريقه :: نخلط البيض والسكر لغاية ماتثقل وتبيض بعدين نضيف الزيت وقت الخلط
    نخلط المواد الجافه لحال ونضيفها بالتناوب مع الحليب على خليط البيض
    نلبس قوالب الكب كيك بالورق ونحط عليه شوي من الخليط وندخلهم الفرن مثل الكيك العادي



    [​IMG]




    بعد ماتطلع نتركها شوي تبرد ونجهز الخلطه اللي فوق
    المقادير :: علبة قشطة ../.. 2 م ك نسكافيه ../.. 1 دريم ويب ../.. ثلثين اصبع زبده مذوب
    نخلط هالمقادير سوا زين حتى تتجانس بعدين نضيف عليهم سكر بودره مقداره حسب الرغبه
    يعني حطي سكر بودره وذوقي لغاية ماتوصلين درجه الحلا اللي تبين ، بس حطي براسك بتحتاجين اكثر من كوب من السكر وخليها حاليه افضل



    [​IMG]




    جيبي الكيك بعد مايبرد وجيبي مصاص العصير وسوي فيه فتحات بالكيك حتى تدخل الخلطه جوا
    وشربيهم بالخلطه وكلما طلعت الفتحات ارجعي عبيها وبعدين دخليهم الثلاجه يبردون زين



    [​IMG]




    [​IMG]




    اخفقي شوي من كريمة الخفق ولما تثقل حطي عليها من خلطة النسكافيه وقلبي شوي شوي بالملعقه


    وبقمع التزيين صلحي الكيك من فوق ورشي شوي نسكافيه وقدمي اطلق كب كيك بالدنيا


    [​IMG]




    [​IMG]





    اذا بتصلحينها بصينيه عاديه لازم تكبرين حجم الصينيه لانه مقدار الكيك كبير
    وأول ماتطلعينها من الفرن وهي حاره سوي فيها فتحات بالسكين وصبي عليها الخلطه وهي حاره حتى تتشربها الكيكه ...
     
  5. عذبة المعاني

    عذبة المعاني مراقبة إدارية مراقبة عامة

    24,882
    40
    48
    ‏2009-01-10
    أنثى
    ..............
    حـلا الكـاسـات
    الطبقه الأولى :: علبة بسكوت شاي مطحون ../.. علبة قشطه ../.. فنجان شاي ماء ../.. فنجان قهوه سكر بودره ../.. ظرف كريم كراميل
    اخلطيهم سوا وحطيهم بالكاسات


    [​IMG]




    الطبقه الثانيه :: 3 مارس ../.. 3 سنكرس
    سخنيها شوي بالمايكروويف حتى يسهل خلطها
    بعدين اخلطيها بالخلاط مع : علبة قشطه .. وصبي شوي فوق الطبقه الاولى


    [​IMG]




    الطبقة الثالثه :: 6 حبات جبن كيري ../.. علبة نستله كبيره
    تخلط بالخلاط وعالكاسات ودخليهم بالثلاجه لوقت التقديم


    [​IMG]




    وتزين بالشكولاته المبشوره .. وبالعااااااااااااافيه


    [​IMG]


    نجي الحين لطبقين الموالح فموضوعي ...

    مـكعـبـات التـوسـت
    المقادير :: توست طري ../.. مايونيز ../.. اي حشوة عندك - انا صلحتها بحشوة دجاج حقت السمبوسه
    لبنه ../.. وللزينه تفنني من عندك : جزر مبشور ../.. زعتر ../.. بقدونس مفروم ../.. سماق ...... الخ

    الطريقه :: قطعي التوست اما دوائر وانا استخدمت علبة البيكنج باودر لقيت حجمها هو الانسب
    او مربعات مع قطع اطراف التوست

    [​IMG]

    ادهني طبقتين بالمايونيز وحطي بالوسط شي خفيف من الحشوه ورصيهم فوق بعض - يعني بيكون المكعب ثلاث ادوار -

    [​IMG]

    بعدين ادهنيهم بلبنه من الاطراف الجانبيه وقلبيهم بالزينه اللي تبغين

    [​IMG]

    وارجعي ادهني باللبنه من فوق وحطيهم بورق البليسيه وزينيهم من فوق
    واذا كنتي عاملتهم بدري غلفيهم زين مره ودخليهم الثلاجه وطلعيهم قبل التقديم بساعه تقريبا
    وبالعاااااااااااااافيه

    [​IMG]


    كـب كيـك التـشيـز المـالـح

    المقادير :: 2 ك دقيق ../.. 1 م ك خميره ../.. 1 م ك سكر ../.. 1 ك نعناع مفروم ../.. 1 ونص ك جبنه مالحه -انا استخدمت الجبن الهنغاري -
    ../.. ربع ك زيت ../.. ماء دافيء للعجن -ماله مقدار محدد -
    اول شي نخلط الجافه سوا بعدين السوائل وتعجن زين وتترك تخمر مدة ساعه تقريبا

    [​IMG]

    كوريها وحطيها بقوالب الكب كيك واضغطي عليها بس لا تكثرين الكميه تراها تنتفش بقوه

    [​IMG]

    ودخليها الفرن لغاية ماتتحمر من تحت وحمريها شوي من فوق
    بعد ماتطلعينها بتلقينها قاسيه كأنها حجر بس لا يضيق صدرك ، غطيها فورا بمنشفه واتركيها تبرد براحتها
    بعدين ادهنيها من فوق بلبنه وزينيها بأوراق النعناع والطماطم الصغيره وحطيها باوراق البليسيه وقدميهم وبالعاااااااافيه

    [​IMG]

    برضه ممكن تتصلح قبل بيوم بس بدون الزينه اللي فوق لانها تذبل
    حطي القوالب بعد ماتطلع من الفرن بالثلاجه وهي مغلفه زين وطلعيها من بكرا بدري وزينيها ...

    ========
     
  6. 123456

    123456 تربوي جديد عضو ملتقى المعلمين

    16
    0
    0
    ‏2008-02-10
    مديرة
    شىء رائع جدا بارك الله فيك
     
  7. Arisa

    Arisa عضوية تميّز عضو مميز

    1,481
    0
    0
    ‏2012-06-30
    معلمة
    يسلم قلبك على هالجمال : )
     
  8. CHANEL..

    CHANEL.. مراقبة عامة مراقبة عامة

    3,262
    0
    36
    ‏2009-03-17
    معلمة
    تسلمييييييييييين عذبه اطباق تفتح النفس

    فين الدله بس الحين
     
  9. أحلام مبعثرة

    أحلام مبعثرة <font color="#4CC417">نجمة الاستراحة</font> عضو مميز

    2,162
    0
    36
    ‏2011-07-19
    معلمة






    يعطيك العاافية عذووبه




     
  10. رَذَاذ

    رَذَاذ مراقبة عامة مراقبة عامة

    7,506
    0
    36
    ‏2010-01-27
    ارشادية
    يمي يمي بحفظها عندي

    روووعه .. سهله وخفيفه ..

    بسويها لحمودي فديته :)

    شكرا عذوووبه
     
  11. عذبة المعاني

    عذبة المعاني مراقبة إدارية مراقبة عامة

    24,882
    40
    48
    ‏2009-01-10
    أنثى
    ..............
    فديتكم الله لايحرمني طلتكم
    وتعطر المتصفح بمروركم العذب
     
  12. سعوديه والفخرليه

    سعوديه والفخرليه مراقبة عامة مراقبة عامة

    4,280
    17
    38
    ‏2012-03-27
    معلمة
    من جد أبداع راق لي كثيراً
    تسلمين ي كل الذوووق
    تحياتي لكِ
    ...
     
  13. عذبة المعاني

    عذبة المعاني مراقبة إدارية مراقبة عامة

    24,882
    40
    48
    ‏2009-01-10
    أنثى
    ..............
    سعوديه والفخرليه

    فديتك يااغلاي

    مرورك أسعدني يااقمر
     
  14. :: عطر المطر ::

    :: عطر المطر :: تربوي مميز عضو مميز

    2,347
    0
    0
    ‏2012-11-06
    _
    أطباق جداً رائعة
    يسلمو عزيزتي
     
  15. عذبة المعاني

    عذبة المعاني مراقبة إدارية مراقبة عامة

    24,882
    40
    48
    ‏2009-01-10
    أنثى
    ..............
    :: عطر المطر ::


    عطرتي المتصفح بمرورك العذب يااغلاي