اعلان 1 اعلان 1 اعلان 1 اعلان 1 اعلان 1 اعلان 1


قصة غريييييبة صاااارت معاي أمس !!!!!!!!

الموضوع في 'ملتقى المعلمات البديلات المثبتات ومحو الأمية' بواسطة الحس المرهف, بتاريخ ‏2013-10-01.


  1. الحس المرهف

    الحس المرهف تربوي جديد عضو ملتقى المعلمين

    149
    0
    0
    ‏2013-05-30
    معلمة
    بقولكم قصة صارت معاي أمس اللي هو يوم الاثنين وأتمنى كل من يقراها يرد ..

    أنا بديلة كانت مطابقتي يوم اﻷحد قبل أمس طابقت وانتهيت وكل شيء تمام.. وأمس الاثنين جاني رسالة نصية على جوالي الساعة ثمانية الصباح من رقم جوال هذا نصها :
    ( السلام عليكم ورحمة الله وبركاته....أرجو ارسال بيانات المعلمه التي سبق ان قدمت طلب تعيين على فاكس رقم 0114056258 أو ارسال الاسم والسجل والتخصص وسنة التخرج ورقم الطلب برساله نصيه انا باللجان اخلص الساعه 2 سعود العتيبي اللجان الثلاثيه المشتركه_الخدمه المدنيه المدنيه )
    أنا قريت الرسالة تقريبا الساعة 2 وربع بعد الظهر واتصلت على الرقم اللي مرسل الرسالة رد علي واستفسرت عن الموضوع قال دقايق بسألهم وأرد عليك ورد علي برسالة يقول : اختي كنتي مرشحه لوظيفه رسميه المستوى الخامس وتأخرت البيانات واستبعدوك.. أنا هنا انفجعت واتصلت عليه قلت ياخوي أنا توني مطابقة بياناتي أمس مايمديني ترشحت وجدارة ماقدمت عليها ﻷني مااختبرت قياس ..قال عاد هذا اللي جانا كنتي مرشحة واستبعدوك قلت كيف يستبعدوني على أي أساس ووش تأخرت البيانات أصلا بياناتي موجودة عندهم قال عاد هم يدورون العذر قلت لا هذا ماهو كلام قال والله ياأختي واللي يحرمني بنيتي انهم استبعدوك قلت كذا يستبعدوني بدون سبب قال تبغينها بصريح العبارة طلعوك وحطوا وحدة معها واسطة بدالك ﻷنك انتي مسكينة ماعندك واسطة.قلت طيب أنا من أراجع ألحين أي جهة مين هم اللي استبعدوني .قال وش بتقولين ليش استبعدتوني بيقولون وش دراك انك مستبعدة وكذا بتفتحين علينا أبواب لكن حنا عندنا لجنة بعد العصر بستفسر وأشوف ليش استبعدوك وفيه واحد بكلمه وأرد لك .قلت خلاص العصر بدق عليك ..
    يوم جاء بعد العصر دقيت عليه جواله يعطي مقفل مع إنه يشوف اتصالاتي مسوي خدمة ..المهم أنا أتصل وهو مايرد بس يرسل رسايل كل مااتصل يرسل وهذا نص رسايله على التوالي :

    - أشوف اتصالاتك لكن انتظري مشغول باللجان
    - دقايق ربي يسعدك خلاص فهمت ليش استبعدوك بس اذا سمح الوضع راح ابلغك
    - وسعي صدرك صح استبعدوك لكن بإذن الله إني أرجعك أنا وأرفع اسمك ترشيح
    - أنا مابي أطنش وأنا أشوف رقمك لكن شكلك تبغيني أسويها قلت إذا فضيت دقيت
    - خلاص تم إعادة الاسم للترشيح وللتثبيت بالتوفيق
    اتصلت عليه بعد اخر رسالة ورد قال خلاص مشت اﻷمور قلت طيب ممكن تقولي اسم المعلمة ﻷنه يمكن ماتكون أنا ويمكن فيه خطأ باﻷرقام قال خلاص طيب شوي ألحين مو فاضي قلت لا عطني الاسم ألحين قام قفل السماعة .. وانتهت القصة وماعاد اتصلت عليه ولا هو اتصل
    أنا من البداية قلت هذا واحد يطقطق ويلعب علي ولا من متى نرسل بياناتنا الخاصة على أرقام جوالات لكن بيني وبينكم ماعاد أثق ف الوزارة بكبرها ولا في أنظمتهم وماأستبعدها عليهم..ثاني شيء أقول كيف عرف رقمي وإني أنتظر وظيفة ووش عرفه باللجان الثلاثية .. بس اللي مطمني أني ماعندي رقم طلب والمسج مطلوب فيه رقم طلب وأنا تقديمي مو عن طريق جدارة وبرضو لسى اجراءات البديلات ماخلصوها وباقي ناس يطابقون فكيف يروح اسمي أنا وغيري ماخلصوا وين المفاضلة ..
    اااااسفة حبيباتي على اﻹطالة والله كنت أمس في عاااالم ثاني وحالتي حالة الله لايحطكم بها الموقف.. أتمنى كل من تقرأ موضوعي ترد علي وتقولي لو كانت مكاني وش بتسوي يمكن يكون اﻷمر واضح عندكم أكثر مني ﻷن أنا الشيطان يلعب براسي مرة كذا ومرة كذا .... ولكم جزيل الشكككككر
     
  2. Dmar

    Dmar تربوي جديد عضو ملتقى المعلمين

    33
    0
    0
    ‏2013-07-18
    بديله

    تبغين الصراحه واحد يطقطق ومو غريبه يكون من موظفين الادارة اللي بيانتك عندهم عشان كذا اتصل

     
  3. زهور الحديقه

    زهور الحديقه تربوي جديد عضو ملتقى المعلمين

    1,850
    0
    0
    ‏2012-04-29
    معلم تربوي
    هل كنتي من المرشحات المنسيات 6000
    حتى انا كنت منهم واستبعدوني اعتقد كان قبل سنتين
     
  4. ام يزن 6

    ام يزن 6 تربوي جديد عضو ملتقى المعلمين

    441
    0
    0
    ‏2013-09-07
    بديله مستثناه
    والله واحد فاضي وتلقينه لقى بياناتك في الجهاز
    في البداية خوفك
    وبعدين بين انه مافي احد بيوقف بجنبك الا انا يعني انه الفارس المغوار
    انا قد حصلت معاي لكن في المستشفى
    كنت متنومه
    ودق التلفون وعلى بالي اهلي طلع رجال يقول اسمي فلان الفلاني وعلى فكره اختار لقبه نفس لقبي وانا دكتور
    وانتي المريضه فلانه بنت فلان الفلاني صح تشكي من اﻷمراض التاليه وعددها وشرح لي مخاطر مرضي وقال لازم نسوي اختبار بأسألك اسئله يمكن يكون المرض يزداد بالنفسيه المهم انا صدقت وقام يسأل اسئله مالها داعي وخرج عن النظام الطبي ولما انفعلت قال للالا لاتنفعلي هذا مو في صالحك ذحين برسل لك سستر تقيس الضغط والسكر وزعلت وطلبت في ذاك اللحظه خروج على حسابي وسألت سستر وقلت لها لوسمحتي اعطيني الوصفه اللي كتبتها لي الدكتوره الصباح
    قالت طيب ماما ذحين اشوف في الملف
    ويدورو على الملف يمكن ساعه ومالقوه
    بعدها سألت عن اسم الدكتور وقالوا مافي بهذا اﻷسم
    المهم ان بعض الموظفين ماعندهم امانه
    وملفي كان عند هذاك الكذاب
     
  5. منصورة بنت ابوي

    منصورة بنت ابوي تربوي جديد عضو ملتقى المعلمين

    322
    0
    0
    ‏2011-05-29
    تحت الانشاء
    هذا لعاااااااااااااااااااااااااااااااااب لان انا حصل لي موقف مشابه اه تماما ونفس رقم الفاكس

    اتصل على الوالد وقاله انا فلان العتبيي من الخدمه وقال بناتك لاحظي بناتك ترشحوا لوظيفه بمستوصف وانا ابي معلومات سكنكم علشان احطهم جنب البيت ولا تتعب ياعم !!!!!!!! وارسل بيانات بنات على فاكس (...........ولا تنسانا ياعم وهذا رقم حسابي
    قال له ابوي انتظر اذا رجعت للبيت اتصل عليك واكتب رقم الفاكس ورقم الحساب لاني بالشارع طبعا الوالد فهمها وتركناه


    اولا ذاك الوقت ماكان احد مقدم على جدارة الا انا ومقدمه تعليمي وذاك الوقت مستحيل التوظيف داخل المدن
    وانا كنت كاتبه رقم المحرم رقم جوال ابوي
    فشكله فعلا لقي الرقم ودق
    وسالنا عن رقم الفاكس لقيناه تابع لمصنع تخيلي !!!!!!!!!!
    ورقم الجوال سوا بدون اسم


    فاقول حسبي الله ونعم الوكيل على كل لعاب وعلى كل واحد يستغل بيانات الناس المحتاجه
    وعلى كل مسؤؤل مهمل لمعلومات شخصيه للمتفدمين
    اجل ملفات الناس بالحراج


    وقرايت نفس السيناريوا حصل لوحده بمنتدى التربيه بس هذا متابع الوضع وحط اللجنه الثلاثيه ووو

    وياليت تتاكدين من بيانات الرقم اللي جاك وحتى رقم الفاكس لاي جهه تابع

    وحطي ببطنك بطيخ صيفي
     
  6. منتظره فرج الله

    منتظره فرج الله تربوي جديد عضو ملتقى المعلمين

    204
    0
    0
    ‏2013-07-29
    عاطله
    حسبي الله ونعم الوكيل فيهم
    والله الله رحم بحالش ولا كان استجنيتي لعب بأعصابش صح مالقى احديتسلى عليه غيرهالبديلات هالي اعصابهم اتلفت وينطرون هالوظيفه على نار قال خل اتسلى عليها
     
  7. جراده مضطهده

    جراده مضطهده تربوي جديد عضو ملتقى المعلمين

    263
    0
    0
    ‏2011-11-02
    بديله عاطله
    واضحه مثل عين الشمس

    يبي رشووووه
     
  8. جراده مضطهده

    جراده مضطهده تربوي جديد عضو ملتقى المعلمين

    263
    0
    0
    ‏2011-11-02
    بديله عاطله
    هذا اذا فعلاً موظف بالوزاره
     
  9. :: عطر المطر ::

    :: عطر المطر :: تربوي مميز عضو مميز

    2,347
    0
    0
    ‏2012-11-06
    _
    انتبهي أختي

    انسي أن جاك هذا الاتصال

    لعب في لعب في لعب
     
  10. الامل والمستقبل

    الامل والمستقبل تربوي جديد عضو ملتقى المعلمين

    80
    0
    0
    ‏2013-07-15
    معلمه
    فاضي
    واعتبري نفسك ما سمعتي شي
     
  11. بديله 3 شهور

    بديله 3 شهور تربوي جديد عضو ملتقى المعلمين

    186
    0
    0
    ‏2012-10-14
    ربه بيت
    ام يزن انتى في مدينه والله وربي نفس الموقف صار لي في مستشفى الهدا في الطايف 1420

    حسبي الله ونعم الوكيل ناس ماتخاف الله ....

    احمدي الله ياختى انجاك الله من واحد لايخاف الله ....
     
  12. حروف من نور

    حروف من نور تربوي جديد عضو ملتقى المعلمين

    115
    0
    0
    ‏2012-01-15
    معلمة
    ومين الي خلانا لعبة في يد ضعاف النفوس الا المسؤولين ومماطلتهم لو من زمان مثبتيننا وحاسمين موضوعنا كان موهذا حالنا حسبي الله ونعم الوكيل فيهم
     
  13. احلى جوري

    احلى جوري تربوي مميز عضو مميز

    3,421
    0
    0
    ‏2012-09-11
    عاطله
    طنشي يا عسل
    لا تثقي بأي أحــد كائناً من كان
     
  14. مليت الانتظار

    مليت الانتظار تربوي جديد عضو ملتقى المعلمين

    264
    0
    0
    ‏2012-05-28
    بديله تربويه مستثناه
    حسبي الله ونعم الوكيل
    وين عايشنا احنا ؟؟؟؟؟؟
     
  15. بدون أسم

    بدون أسم تربوي جديد عضو ملتقى المعلمين

    94
    0
    0
    ‏2013-07-11
    ؟؟
    رشوووووة صدقيني منهم وفيهم
     
  16. اناهنا

    اناهنا تربوي جديد عضو ملتقى المعلمين

    633
    0
    0
    ‏2012-07-17
    لا يوجد
    ياخوفي انه من موقع حصر جدة
    خذ بياناتك ويطقطق عليك وبيجينا الدور
     
  17. محترمة

    محترمة تربوي جديد عضو ملتقى المعلمين

    1,310
    0
    0
    ‏2010-02-23
    يا اختي هذا يقيس النبض بساعدك بس برشوه واضحه انا حصلت عل رقم وحده اسمها ام علي زوجها يشتغل في الوزاره بس بملغ كان 5000طالبه من عام 1419بس انا خفت يوم قالت ادفعي قلت ساعديني لوحه الله لان هذا حرام قفلت ومازاد ردت 7الي يضحك في الامر انها تقول تبغين معلمه او مديره عل كيفي اختار الوظيفه
     
  18. بديله مغتربه محتاره

    بديله مغتربه محتاره تربوي جديد عضو ملتقى المعلمين

    520
    0
    0
    ‏2013-09-07
    محو اميه مستثنى
    فعلا هو بيحسسك انه هو المنقذ ولمح لك بالرشوه بس مافهمتيه هههههههه
     
  19. بديله مغتربه محتاره

    بديله مغتربه محتاره تربوي جديد عضو ملتقى المعلمين

    520
    0
    0
    ‏2013-09-07
    محو اميه مستثنى
    انا والله خاطري بوزيره تهقون يمديها توظفني هههههههههه
     
  20. التثبيت القادم

    التثبيت القادم تربوي جديد عضو ملتقى المعلمين

    585
    0
    0
    ‏2012-10-05
    معلمة مع وقف التنفيذ
    الحمدلله ربي نجاك منه
    المهم يا قمر لو ارسل لك او اتصل طنشييييييه بأقوى ما عندك
    واضح انه لعّااااب ومن إدارة منطقتك ومنتحل اسم وهمي بعد ..


    التثبيت أموره واضحه وضوح الشمس ماله داعي توسوسين الله يهديك
    وكلنا بنفس المركب