اعلان 1 اعلان 1 اعلان 1 اعلان 1 اعلان 1 اعلان 1


تعالو اخبركم عن قراري الجديييييد وابغى مشورتكم

الموضوع في 'ملتقى المعلمات البديلات المثبتات ومحو الأمية' بواسطة نووور الحق, بتاريخ ‏2014-02-19.


  1. نووور الحق

    نووور الحق تربوي جديد عضو ملتقى المعلمين

    636
    0
    0
    ‏2011-05-26
    عاطله
    يابنات مين شافت حلقة الشريان مع المعلمات المغتربات والله حالتهم تحزن يخرجون من بيوتهم نص الليل ومايرجعون الا العصر وفي منهم تاركين عايلتهم وساكنين مع معلمات ويبكون على اولادهم الي مايشوفونهم وكأنهم ايتام

    انا احس بعد ماشفت الحلقه انه الوظيفه الاداريه ارحم اذا في نفس مدينتي احسن من التشتت والضياع وفرق الفين اصلن كان بيروح على الباص الي بيوديني للقريه البعيده ويمكن اضطر اسكن فيها وادفع ايجار

    لكن سته الاف للاداريه طيبه وفيها البركه شاركووووني بأرائكم هل كلامب صحيح
     
  2. حلمي المنتظر

    حلمي المنتظر عضوية تميّز عضو مميز

    2,875
    0
    0
    ‏2011-07-03
    عاطلة
    قرارك موغريب قرار اكثر البديلات مع وجود الاحتياج حسبي الله ونعم الوكيل
    حتى زوجي جالس الحين يزن فوق راسي والله محتارة ..حلم عمري التدريس..
     
  3. سنو وايت

    سنو وايت تربوي جديد عضو ملتقى المعلمين

    136
    0
    0
    ‏2013-10-29
    م
    استخيييييري وربي يكتب لك الخيييييير

    اكيييد الإستقرار مهم ربي يعين المغتربات
     
  4. احلى جوري

    احلى جوري تربوي مميز عضو مميز

    3,421
    0
    0
    ‏2012-09-11
    عاطله
    من رأيي إذا صدرت الآليه فكري مره ومرتين وثلاث و استخيري

    أنا اشوف السكن أفضل طبعا للي تقدر أما روحه ورجعه يوميا احسها مررره صعبه

    أما الراتب اللي يجي من وراه تعب وقلق وارهاق ونفسيه دمار وش الفائده منه الاستقرار مطلوب


    للأسف الكثير قدم تنازلات وضاع حلمه في يوم وليله بسبب قياس والاحتياج

    اللي على رأس العمل ولو عقدها يوم ويومين تجيها الوظيفه على طبق من ذهب ماشاء الله ـ اللهم لا حسد ـ لكن ليش التفريق !!

    بالررغم انو أغلب البديلات قديمات ومعاهم خبره سنوات غير انهم اتلفو اعصابنا 4 سنوات ووين العدل ؟؟

     
  5. :: عطر المطر ::

    :: عطر المطر :: تربوي مميز عضو مميز

    2,347
    0
    0
    ‏2012-11-06
    _
    انتظروا بنشوف آليتهم وش ترسي عليه
    يمكن يسقط الاحتياج
    وإذا ماسقط كل وحده حسب ظروفها
    وتحملها الغربة لمدة لاتقل عن سنتين
     
  6. حكـاية ألـم

    حكـاية ألـم تربوي جديد عضو ملتقى المعلمين

    813
    0
    0
    ‏2012-12-02
    معلمه قيد التنفيذ
    معاك حق يااحلى جوري للأسف ضاع حلمنا وتعبنا ايام التعاقد وتغربنا انا كان عقدي في مدينه غير مدينتي وتمرمطت وفي الاخير
    شرطي الاحتياج وقياس تحكمنا كأنا ماخدمنا التربيه سنين
     
  7. ليان

    ليان تربوي جديد عضو ملتقى المعلمين

    407
    0
    0
    ‏2012-04-10
    عاطله
    انا كنت اطلع من البيت الساعه 4الفجر عشان أروح للجله وما ارجع إلا الساعه 2'ونص الظهر والله لا يوريكم الطريق يخوف:tears:
     
  8. منال المرشد

    منال المرشد تربوي جديد عضو ملتقى المعلمين

    510
    0
    0
    ‏2011-10-06
    معلمة
    اختي نور الحق اسعد الله اوقاتك بكل خير .
    ...وفتح لك ابواب رزقه من كل مكان ,,,
    ,بما انك طرحتي الموضوع للنقاش ....فدعيني ادلوا بدلوي .
    ....لكن راح اتكلم عن رأي الشخصي فقط ..
    ..وكل وحده فيكم اكيد لها رأي ممكن تخالفني وممكن تؤيدني

    .................المهم من واقع تجاربي الشخصية ,,
    ,,وتجربتي للغربه ,,
    ,وخبرتي في التدريس مع الانظمة الجديدة هاليومين ,,,,,

    اجد واحبذ العمل الاداري ,,,,تدرين ليه

    طبعا انا احب واعشق التدريس ,,,ولي خبرات سابقه فيه ....لكن انظمة الوزارة الجديدة كلها ضد المدرس والان انا اعاني منها اشد العناء ,,,لدرجة انهم كرهوني في التدريس ,,,,

    تخيلي ..
    1-.فصل فيه 35 طالبة سواء ابتدائي او متوسط او ثانوي ,,,وكل الانظمة تقول لو تسبك الطالبة او تشتم لا تقولين لها ولا شي ,,,غير جزاك الله خير ,,,ولا حوليها للمرشدة والمديرة تكتبها تعهد وترجع لك تضحك ,,,,

    وبنات هاليومين تكلمينها بهدوء ولا بطريقة تربوية والله ما تسمع منك ,,,جربتها وحاولت لكن البنات كبرت روسهم بقوة واكثر من زمان

    2- فيه تعاميم تقول ما تعطين الطالبة في المشاركه اقل من 7 يكفي انها جات المدرسة ,,,ولو تحطين لها اقل ...جاتك الام مع قسم المتابعة في الاشراف يحققون في الموضوع ,,,ويكفي انك تدورين اجابة وحده بس لسوالهم ((( اثبتي بالاوراق الرسمية ان البنت تستاهل اقل )وعلامة اكس اللي تحطينها في دفتر المتابعه بليها واشربي مويتها ,,,يقولون عنك مترصده لطالبة ,,,,لدرجة اني انا وزميلاتي اصدرنا سجل متابعه جديد يخصنا ,,,فيه اسم الطالبة ونوع المخالفة وتاريخها ,,,وتوقييييييييييع الطالبة ,,لضمان حقوقنا ,,,

    3 - تجين الصباح قبل الخط الاحمر واذا تاخرتي تحسب الدقائق ,,,وبعدها اوقفي في الطابور ,,وياويلك ما تجين تعبانة ولا لا لازم تنزلين ,,,بعدها خذي فصلك واطلعي فيه ,,,واوقفي ناحليهم 45 دقيقة ,,واطلعي ادخلي الفصل الثاني ,,,واياك تجلسين لو تجيك المديرة كتبتك مخالفة ,,,وهكذا عاد انتي وحظك من الحصص اللي 20 او 22 او 18 ,,,,وبعدها اجباري الاحتياط ولازم تفعلينه حسب التعميم الجديد ,,,يعني كانك تحضرين درس جديد ,,,,واذا عندك مناوبة ,,,انسي غرفة المعلمااات وانسي ترتاحين الفسحة ,,,,وتراها صارت فسحتين ,,,يعني لا تفطرين ,,,وترابطين في الاسياب بين الفصول ,,غير لما تتاخرين مع اخر طالبة لحد الساعة 3 او 3ونص واحيانا 4 ,,,,,وترجعين البيت هلكااااانة
    4- نظام الغياب الجديد ....ترا نزل تعميم لجميع مستشفيات المملكة ما يعطون ولا يوم اجازة الا الوحده الصحية المدرسية ...او حالة تنويم
    5- حصة الريادة وما ادراك ما حصة الريادة ,,,فعليها وزيني فصلك وادفعي الف ولا الفين ,,,ولا تطلبين من البنات ولا ريال ,حتى بنات هالجيل ما عاد يشاركونك حتى بالشغل وربي نتحايلهم يساعدوننا نعلق لوحة ..اللي تقول مقدر واللي تقول مو شغلي ,,,وبعضهم تقول ليش نزين فصلنا وانتي اللي يكرمونك في الطابور ,,,وتطلعين انتي مع زميلتك تعلقين لوحه وهو جالسين يتفرجون ويضحكون وينقدون بعد
    6- حصة النشاط ,,,فعليها ...يا بنات اشتغلوا ...والله ما يشتغلون ,,,انا مجربه الثانوي ومدري عن باقي المراحل ,,,,اشغل الروجكتر ابيهم ينتبهون ,,,وهم سواليف الله وكيلك ,,,,وشاركي في اليوم الوطني والجنادرية وحفلات التخرج ويوم الشجرة ويوم الدفاع المدني ويوم المعلم ويوم الجدات ,,,وراتبك كله راح عند الخطاطين والمطويات والتوزيعات
    7- غير مشاكل المعلمات ,,,هذي راحت هذي سوت هذي ما اشتغلت هذي تنقل حكي وهذي تنقل اخبار غرفة المعلمات لطالبات ولا للادارة ,,,,وشي ينرفز
    8- غير التحضير (مطلوب منك سجل انجاز وسجل تحضير وسجل متابعة وسجل ريادة وسجل نشاط وسجل المعامل
    9- غير متابعة الطالبات مطلوب سجل لطالبة كل درس وعلية اوراق عمل ,,,يعني الالفين الزيادة عن الادارية تروح في تصوير الاوراق لان اغلب المديرات ما بتسمح تصورين بالمدرسة ....عن مدرستي تقول صوري لكن 5 اوراق بريال غير تصحيح الدفاتر غير المناهج الطويلة يدق الجرس ولا خلصتي درسك
    10 - استراتيجيات التعليم الجديييدة ,,,,يقول لك اجباري الكتاب مفتوح لطالبة اثناء الشرح ولازم انشطة مهارية ,,,يعني اطرحي المعلومة برسم بالاناشيد بالعرض بالفيديو ,,,مو بشكل تقليدي ابدا ,,,,وكل درس لازم تجهزين وسائلة التعليمية والمهام اللي بتطرحينه ,,,,هذي النقطة ما بتفهمون عليها لين تجربونها ,,,,يا زين التعليم التعاوني زمان ,,,هالمره مو تعليم تعاوني ,,,,تعليم ذاتي لكن بمتابعتك انتي ,,,يعني بختصار ,,,,اطرحي الدرس على شكل لغز والطالبة تبحث عن الحل ,,,تجاوبك ودونية على الصبورة وخلاص ,,,وياويلك لو قلتي المعلومة لها ,,,,والبروجكتر اجبااااااري
    11- لما تجين البيت ,,,,المفترض مع عيالك وزوجك وخلاص ,,,,لااااااااااا ,,,,,اكتبي اسئلة وصححي اوراق عمل وجهزي وسائل ويذن العشاء ما خلصتي ,,,,وعلى عيالك وبيتك وزوجك ونفسك السلام ,,,ما تفضين تحطين كريم ولا حتى روج ولا حتى تمشطين شعرك ,,,واليوم الثاني نفس الشي قومي مع اذان الفجر .....وتبدء قصة جديدة
    12- اسئلة الاختبارات ,,,وتصويرها على حسابك ,,,الشهرية نموذجين للحاضرة وللغايبه ,,,لان البنت تغيب وبتجيب عذر واجباري تعيدين الاختبار ,,,,وتحسبون كتابة الاسئلة سهلة ,,,غير الاسئلة النهائية نموذج حاضرات نموذج غائبات نموذج راسبات نموذج راسبات غائبات نموذج شامل ,,,,غير المراقبة ايام الاختبارت وتكسر ارجولك 3 ساعات في القاعة ,,,غير بعدها استلمي تصحيح لحد الساعة 4 اعصر ,,,,غير احتمال يكون عندك مناوبة ذاك اليوم والله يعينك
    .................................................وحتى لو كنتي حامل محد بيرحمك

    والله يا اخواتي اهم شي بالدنيا عيالي ,,,,ما عاد ادري عنهم شي ,,,,,فقررت اني احول اداري ,,,بعد عدة مباحثات مع اداريات صاحباتي ,,,,يقولون شغلهم كله بالمدرسة ملفات سجلات وبالتنظيم تخلصينها بدري ...لا مناوبة لا احتياط لا نشاط لا ريادة لا كرف في البيت لا مناقر مع الطالبات لا قطات في تزين الفصول والحفلات ولا مصاريف زيادة .....وراتبها لعيالها ولكشختها ...والسجلات اجباري توفرها المديرة من ميزانيتها ,,,والتصوير للاوراق في الادارة ,,,ومكاتب فخمة توفرها الوزارة ,,,مو انتي اللي تشترين لك مكتب .وسجلاتك تشترينها وفصلك تزينينه والانشطة تفعلينها وتدفعين مبلغ وقدرة ...

    لكن المشكلة قالو لي ما تحولين اداري ابدا ,,الا بتقرير طبي بمرض لا يمكن شفائة ,,,عافانا الله اياكم


    اخواتي والله لو اعلم ان كرامة المعلمة محفووووظة رغم كل هالمتاعب كان صبرت وتحملت واحتسبتها لله ,,,,,لكن المشكلة الطالبة تذلك وعدم احترام وتتلفظ عليك ....والانظمة معاها ضدك والمديرة والاشراف والوزارة معاها ضدك ,,,,ولو تضربك محد بيعطيك حقك ابدا ,,,,,,الى هنا اقف عااااجزة واقول عيالي اهم وزوجي اهم وبيتي وراحتي اهم من بنات الناس ,,,واني اجلس واطبق التعليم والتربية الصحيحة مع عيالي ...مع راتب الادارية ,,,واشتري راحتي ...احسن لي بكثير لانهم الامانة والمسئولية الاولى لي واللي ربي بيحاسبني عليها ,,,,اما اني اضيع عيالي وبيتي وانهلك بالشغل ليل ونهار عشان بنات مالي اي صلاحيات في طريقة تربيتهم ولا اصلاحهم ...فلا


    ....فلو يدور الزمن ويرجع بي ,,,اكيد بختار العمل الاداري في ضل هالظروووووف

    اسفة على الاطالة ,,,,لكن من حرقة بداخلي على التعليم وما وصل اليه ,,,,مع شكري لنور الحق ,,,اللي سمحت لي بهالفضفضة
     
  9. ابي اتثبت

    ابي اتثبت تربوي جديد عضو ملتقى المعلمين

    185
    0
    0
    ‏2012-03-18
    معلمه
    حتى انا ودي بالاداري من اول بس بعد كلام منال صرت ابيه اكثر واكثر واهم شي انه مكاني
     
  10. نووور الحق

    نووور الحق تربوي جديد عضو ملتقى المعلمين

    636
    0
    0
    ‏2011-05-26
    عاطله
    الله يجزاك الجنه يامنال المرشد على ردك الي نابع من قلب المعاناه
    الله يفرج همك وغمك ويرزقك راحه البال وييسرلك وظيفه اداريه تريحك ياقادر ياكريم

    ماتدرين قد ايش ردك هذا وضحلي الطريق انا اذكر لما كنت بديله كنت ارجع البيت كل يوم دمعتي على خدي وماكان مهونها علي الا انه مده العقد اربع شهور وتنتهي هالمعاناه
     
  11. فله يا رنو

    فله يا رنو تربوي مميز عضو مميز

    2,241
    0
    0
    ‏2012-01-10
    بديلة لسنا
    نور الحق قرارك صائب جداً

    لكن عن نفسي أبداً ما راح أحول إداري مستحيل لأن ثقتي بربي كبيرة عندي احساس يقين إن الجميع ادارية او معلمة مكاني ودفعة واحدة
    لأن الألية لسى ماصدرت على ماذا نقرر ؟
    أمور مبهمة علمها عند ربي لكن كل وحدة تختار مايناسب لها

    وربي يوفق الجميع

     
  12. عطر نايس

    عطر نايس تربوي جديد عضو ملتقى المعلمين

    685
    0
    0
    ‏2011-10-01
    معلمة مع وقف التنفيذ
    عزيزتي منال ،،، كلامك نابع عن تجربة وأكيد انتِ أدرى ،،
    لكن بصراحة المشكلة بالاداري انهم الآن صاروا كثيرااات بالمدرسة ومالهم وظيفة محددة تلقين كلن يرمي عليهم
    شغل ،،، وجودهم في بعض المدارس أصبح فوضوي وطبعا هذا حسب الادارة و حزم المديرة ،،
    كثيير اداريات من اللي تعينوا جديد يشتكون من معاملة بعض المعلمات والاداريات الكبيرات لهم بازدراء ،،وكأنها تقول انتِ أقل مني ،،
    وأكيد هذا مو بكل المدارس .
    تو أنا و زوجي نتكلم ويقول ياشيخة خليكي اداري ايش لك بالتدريس ووجع الراس >> هو مدرس
    قلتله خل الآلية تنزل أول شي بعدين أقرر ،
     
  13. دنياااا@

    دنياااا@ تربوي جديد عضو ملتقى المعلمين

    178
    0
    0
    ‏2012-12-29
    بدون
    موضوع محير لنا

    التدريس حتى لو كان قريب متعب جداً
    وكثير صرت أفكر بالأداري بس أرجع وأقول بما أني أجتزت خليني ع التعليمي

    ياااارب تقدم لي وللجميع الخير وترضينا فيه

    بس عندي سؤال يا منال

    كم راتب التعليمي والعلاوه السنوية وراتب الأداري والعلاوه



    وأحيانا أقول هذا الموضوع يحسمه شئ واحد


    الشخصية وحطي تحتها مئة خط إذا كان لك حضور قوي وصوت عالي ونباهة ولباقه

    وتعرفي تردي على البنات >> إذا توكلي على الله وأختاري تعليمي ورغم ذلك ترى ماراح تسلمي أبدا

    بس أقلها تعرفي تأخذي حقك يعني نص البلا ولا كله

    أما إذا الشخصية مش ولا بد أو ضعيفة أختاري إداري أستر لك مئة مره من الشرشحة والبهذله وأشتري راحة بالك

    لأني أثناء التعاقد شفت بعض المواقف اللي يندى لها الجبين من قلة أدب البنات مع المعلمات

    آسفه على الأطاله بس أبغى أفضفض

    لأني تعبت من التفكييير :no:
     
  14. ابي اتثبت

    ابي اتثبت تربوي جديد عضو ملتقى المعلمين

    185
    0
    0
    ‏2012-03-18
    معلمه


    موشررط الاداري تكون شخصيتها اقل من اللي تتوظف معلمه بس فيه ناس ماتبي الغربه والممرمطه حقت النقل ابي اشري راحتي وليش نخلي غيرنا ينظر هالنظره للاداريه والله محدد قاعد يدفع راتبي من جيبه
     
  15. نووور الحق

    نووور الحق تربوي جديد عضو ملتقى المعلمين

    636
    0
    0
    ‏2011-05-26
    عاطله
    يا دنيااا راتب المعلمه اول ماتتوظف ثمانيه الاف والعلاوه السنويه خمسميه

    والاداريه سته الاف والعلاوه ثلاثميه

    والله مايهمني فرق الراتب مع راحتي

    يعني سته الاف نعمه كبيره بالنسبه لوحده عاطله ومافي في جيبها ولا ريال