اعلان 1 اعلان 1 اعلان 1 اعلان 1 اعلان 1 اعلان 1


@@@ من روائع الشعر - مختارات على ذوقي @@@

الموضوع في 'ملتقى بــوح الأقــلام' بواسطة عبدالله الشمري, بتاريخ ‏2009-02-22.


حالة الموضوع:
مغلق
  1. عبدالله الشمري

    عبدالله الشمري أبو دانه عضو مميز

    2,110
    0
    0
    ‏2008-01-13
    معلم مناضل
    @@@ ياحدود @@@

    @@@


    ياحدود وبالوفا مالك حدود
    ........................................ وين ابهرب منك فيني يابعدي
    كل ماهب الشعر لك فاح عود
    ........................................ وكل ماجيت انتهي .. فيك ابتدي
    إنتي اصدق من سكن هذا الوجود
    ........................................ وإنتي اغلى من تسبب بجهدي
    الليالي يالعيون السود.. سود
    ........................................ تشبه أحلام ٍ تجيبك وتغدي
    القمر والليل ونجومه شهود
    ........................................ إني اسهر فيك حتى بمرقدي
    جيت عندي أسئله تبغى ردود
    ........................................ يانظر عيني ترى طال اسهدي
    أسألك بالله وش معنى(الصمود)
    ........................................ لاغدى (مي البحر) جمر بيدي
    أسألك بالله وش معنى الصدود
    ........................................ لاغدى موتي يساوي مولدي
    دام حتى النقص صار اليوم زود
    ........................................ ما ألومك لانسيتي .. موعدي
    ياسحابه مزنها دايم يجود
    ........................................ كيف ابروى والثرى خان ابردي
    يأول حدود الوفا وآخر حدود
    ........................................ لو يغيب سهيل وش ذنب الجدي؟
    جيت شاعر ضايقنٍ فيه الوجود
    ........................................ جيت اكحل فيك عيني برمدي
    جيت ابقطف لك من اغصانك ورود
    ........................................ جيت اظلك تحت ضلك واهتدي
    ياطموحي .. حطمي كل القيود
    ........................................ لاتخليني ... دخيلك بوْحَدِي
    يحرسك ربي من عيون الحسود
    ........................................ ولعي نارك بصدري وارقدي
    داخلي صيحه كما ( صيحة ثمود)
    ........................................ ورث من جدي وابعطيه ولدي
    والله اني ماني انسانٍ جحود
    ........................................ لكن همومي حدتني لك حدي
    وياحدود المسأله ماهي حدود
    ........................................ البلا لاضعتي وانتي في يدي


    @@@

    للشاعر :

    منصور الرويلي


     
  2. عبدالله الشمري

    عبدالله الشمري أبو دانه عضو مميز

    2,110
    0
    0
    ‏2008-01-13
    معلم مناضل
    " ذبحني الشوق بغيابك "

    @@@


    أنا وشلون أعيش اليوم باقي العمر من دونك
    ............................ حبيبي لا تطوّلها ذبحني الشوق بغيابك


    عسى ماشر وش الي صار ؟ علمني وانا عونك
    ............................ ولكن لا تخليني فديت أهلك .. ومن جابك

    عيوني ما تنام الليل .. ألا يا حظّها عيونك
    ............................ تنام الليل ما تدري وش الي صار بأسبابك

    غديت فـ غربتك قاسي طغى طغيان فرعونك
    ............................ تركني غيمك الماطر ألا يالله على بابك

    يقولون فـ غيابك : تاركك وآكيد بيخونك
    ............................ وأقول آبوك يالعاذل على آبو من تعزوا بك

    فديتك بس علمني وش الي مغيرن لونك
    ............................. وأنا برضي غرورك بس تبقى لي وانا أبقى بك

    أبيك تصير سجّاني وأنا باصير مسجونك
    ............................. أبيك تحطني نخلة .. وأنا باعيش بترابك

    أبيهم يكتبوني في سطور الحب مجنونك
    ............................. أبي أصبح رواية عشق في صفحات بكتابك

    أنا فيني خليط من الغلا والشوق يرثونك
    .............................. أنا ودي أكون أول ... وآخر حب ينتابك

    حبيبي ضحكتي ودمعه لقاك اليوم يدعونك
    .............................. وتشقيني هموم مفارقك والبعد وأشقا بك

    وأنا ما ظنتي أقدر أكمّل يومي بدونك
    ............................... كفااااية لا تطولها .. "ذبحني الشوق بغيابك"

    @@@

    منقولة

    هذه بعض مما يحفظه الشاعر الرائع ثامر الشعيفان من قصيدته الجميلة
     
  3. عبدالله الشمري

    عبدالله الشمري أبو دانه عضو مميز

    2,110
    0
    0
    ‏2008-01-13
    معلم مناضل
    الحظ عوّدني على .. قفلة الباب !

    @@@


    والله شاعر ! داخلي خافق ٍ ذاب !
    ....... أدور اللي ... يستحقه .... ويغليه !


    تعبت ادور بين الاحباب .. أحباب !
    ....... تعبت أنادي " ياترى وينهم فيه " !!

    الحظ عوّدني على .. قفلة الباب !
    ....... والعمر يجري بي ولااقدر أجاريه !

    قالوا : ولايسوى الأمل حفنة تراب !
    .......هو فيه أمل جاني وانا قلت : مابيه !؟

    شاعر واعرف الحرف وشلون ينساب
    ....... واعرف بعد وشلون اهذّب .. معانيه !

    عاشق ولااعرف للهوى .. أيّه اسباب !
    ....... معطيه قلبي قبل لاهو .... يعطيه !

    اذا عطيت اعطي ولاأحسب حساب !
    ....... واعطي بعد روحي إذا .. مايكفّيه !

    ياهيه ياللي ماخذك عنّي .. اغياب
    ....... القلب بعدك ياترى ..... وين اوديه !؟

    اليّا متى حنّا مع الناس .... أغراب !؟
    ....... والحب .. يدعينا ولااحد ٍ .... يلبّيه !؟

    أسألك باللي حط بك سحر الأهداب
    ....... واللي رسم في مبسمك سالفة تيه !

    ودي نكون بعالم الحب .... أحباب !
    ....... واليا سألتك ( ودك نكون ؟) قل: إيه !

    @@@


    منقولة

    للشاعر بركات الشمري

     
  4. عبدالله الشمري

    عبدالله الشمري أبو دانه عضو مميز

    2,110
    0
    0
    ‏2008-01-13
    معلم مناضل
    " له وحشة ٍ بين الحنايا ليا غاب "

    @@@

    وش صوت ام كلثوم والحان وهاب
    لـه قبلـةٍ صوتـه وياخـف دمـه
    وليا ندهني سيد تلعـات الأرقـاب
    ومن زين صوته قلت : وش دين امه؟
    لامن جلس غصبٍ لبس عيني اعجاب
    ولامن وقف يدري وعرف ليه أخمـه
    ولامن زعل دمعه نزل حب وعتـاب
    ولا من رضى عيا الفضـا لا يلمـه
    لا واهنيي مجلسـي بيـن الأهـداب
    وليا عهد في وسـط قلبـه وذمـه
    لاسولف بقلبـي سواليفـه حـراب
    في ذمتي كـل كلمـةٍ منـه قمـه
    مرات أحسه من حلى الحكي كذاب
    بلسانه اليـا قـال أحبـك مطمـه
    له وحشةٍ بيـن الحنايـا ليـا غـاب
    ولا من حظر لـه شدتيـن وضمـه
    كنه ندى الجهمه على أوراق الاعناب
    ملحه شرب سكـره لا فـاض يمـه
    لا من حكى أسهى وأناظره جـذاب
    ولا من تنفـس كـل فلـه تشمـه
    قال اعترف وش فيك ساهي ومرتاب
    يلعن ابو منهو سـرح بـك وعمـه
    تسهى وأنا جنبك ولا تحسب حساب
    لاحول من وقض من الصـدر همـه
    مايدري انه غير عن كـل الاحبـاب
    يشره وانا ساهـي بتقاطيـع فمـه
    مستغربٍ وشلون هالثلـج مـاذاب
    مـاذاب ليـه وجمرتيـنٍ تضـمـه

    @@@


    منقولة


    للشاعر فيصل اللويش الشمري

     
  5. عبدالله الشمري

    عبدالله الشمري أبو دانه عضو مميز

    2,110
    0
    0
    ‏2008-01-13
    معلم مناضل
    @@@ ألف شاعر ينتحر @@@

    @@@


    يا ماشية فوق الزجاج اللي انكسرْ
    من دون جرحك بعمي عيون الظلامْ


    لا عاده الله ألف شاعر ينتحرْ
    من قبل لا يكتبكْ فسطور الغرامْ

    الله وأكبر من هواجيس السفرْ
    لا طالت الغيبة تذكَّرتَ الخصامْ

    يا صادقة بالوعد يا صدق المطرْ
    يا مسافرة بالتيه من فوق الغمامْ

    واللي جعل فيني مثل كل البشرْ
    أخطي وأسامح وأحتمل جرح الكلامْ

    ما جيت لك طامعْ ولا جيتكْ قهرْ
    ما جيت بابكْ غير لعيونك سلامْ

    إن كان صوتي ذنبْ ما ينفع حذر
    وإن كان حرفي هم عن شعري بنامْ

    أبغى أسألك وشلون يبعدنا الضجر
    وانتي وانا دايم مثل ولف الحمامْ ?!

    @@@


    منقولة

    للشاعر والأديب السعودي : إبراهيم الوافي

     
  6. عبدالله الشمري

    عبدالله الشمري أبو دانه عضو مميز

    2,110
    0
    0
    ‏2008-01-13
    معلم مناضل
    @@@ أوجاع شاعر @@@

    @@@

    هيه ياللـي مبتلينـي صـد ّ ... واخطائـك .... كثيـره


    مانشدتك .. وين رحت ؟ .. وليه رحت ؟ . وويش ناوي !


    ماأبي تنشد خفوقـي .. عـن بـلاه ... وعـن مصيـره

    وانت تدري .. حب مثلك .... / سيئ ! ... وكله بلاوي !

    كنت احسب إنـك عشيـر ٍ مابخـص قيمـة .. عشيـره

    لين ماشفت بعيوني ... كيف خيّبت ... / .... الهقـاوي !

    أدري إن الحـظ مايـل ! .. والظـروف اللـي تـديـره

    ماني بقاوي .. عليها .. لو كذبت وقلت ..... : قـاوي !

    رح فمان الجـرح .. ياللـي .. نـاوي ٍ فرصـة أخيـره

    رح وانا ادري راح ترجع .. منكسر / خجـلان / ذاوي !

    رح وانا ادري .. راح اخاوي .. جرح ودمـوع ٍ غزيـره

    واوعدك من بعد .. جرحك ! / لاأحب ... ولا أخـاوي !

    @@@


    منقولة لا أعلم من قائلها

     
  7. عبدالله الشمري

    عبدالله الشمري أبو دانه عضو مميز

    2,110
    0
    0
    ‏2008-01-13
    معلم مناضل
    " أنا قد الحزن "

    @@@

    على كيفـك حبيبـي وخـذ هالدنيـا بمـزح وجـد
    على كيفـك تمـادى فـي عذابـي ليـن تنهــيـنـي

    أنا قد الحزن .. قد الشقـا .. قـد احتمـال الصـد
    أنا وان كـان مـا تـدري يمـوت الـورد بيدينـي

    ولكن لـي رجـا واحـد قبـل مـا دمعتـي تنهـد
    الـى منـك نويـت الجـرح.. أمانـه لا تحاكينـي

    ترى بعض الكلام اوجع حبيبي مـن كفـوف الخـد
    على قلبي..على روحي..على إحساسي..و على عيني

    وأنـا مـا قلـت هـذا أترجـى منـك عطـف وود
    أنا أقوله لاجـل تعـرف وش اللـي تجهلـه فينـي

    وعلى كيفي أبصبر والصبر لـه فـي النهايـة حـد
    ولامنـه وصـل حده..تأكـد مـا أنـت لاقيـنـي

    أضحـي بالغـلا بجدّي..وأبوجـدّي لآخـر جــد
    وأموت من العطش وأشرب دموعي ليـن تروينـي

    @@@

    منقولة لا أعرف قائلها
     
  8. عبدالله الشمري

    عبدالله الشمري أبو دانه عضو مميز

    2,110
    0
    0
    ‏2008-01-13
    معلم مناضل
    الجوهره وشلون تمشي على القاع !!!

    @@@

    الجوهره وشلون تمشي على القـاع .... حسبي على اللي جابها من بحرهـا
    اثر البني فيهـن تشاكيـل وانـواع.... فيهـن جمـال وفيهـن الله سترهـا
    بعض البني تشري الذهب يوم ينباع....تبيـه يستـر حالـهـا ويعمـرهـا
    وبعض البني مثل الذهب تلمع الماع ....ضاع الذهب من يوم حط بنحرهـا
    والجوهره غطت على كل الاوضاع....وشهي ديانا يـوم تنشـر صورهـا
    والله لو ماتلبـس حجـاب وقنـاع....بتشوف نص الكون يمشـي باثرهـا
    ويمكن يخضع الكون ويصير مطواع....ويمكن تحكم الكون بـس بنظرهـا
    لو طالعت جو محل صار مربـاع....ولو طالعت غيمه تهاطـل مطرهـا
    ولو اشرت يم الكواكب بالأصبـاع....كل الكواكب حولـت مـع قمرهـا
    هذي ثلاث سنيـن عاشـق وملتـاع....والرابعـة تـوي دخلـت بشهرهـا
    وياخوفتي من عين حاسـد وطمـاع....بعـض الاوادم ماتخلـي قشـرهـا
    لا طالـب ٍ دنيـا ولانـي بطمـاع....بس يحرسهـا ربهـا مـن بشرهـا

    @@@

    منقولة قيل لي أنها للشاعر عمير المطيري رحمه الله
     
  9. عذبة المعاني

    عذبة المعاني مراقبة إدارية مراقبة عامة

    24,860
    40
    48
    ‏2009-01-10
    أنثى
    ..............
    رووووووووووعه

    احترت ماذا أختار منها

    سلمت أخي وسلم ذوقك الراقي
     
  10. عبدالله الشمري

    عبدالله الشمري أبو دانه عضو مميز

    2,110
    0
    0
    ‏2008-01-13
    معلم مناضل

    الروعة في مرورك وتذوقك للشعر الجميل


    الله يسلمك ويعافيك أختي

    بالفعل كل قصيدة أجمل من الأخرى
     
  11. رتانيا

    رتانيا مشرفة سابقة عضو ملتقى المعلمين

    4,662
    0
    0
    ‏2008-01-13


    راااائع هذا النقل,,

    ذوق رفيع في اختيار أروع الابيات

    وكل قصيدة أجمل من الثانية معانيها تجبرك على

    قراءتها أكثر من مره,,

    تسلم ذائقتك ياعبدالله
     
  12. عبدالله الشمري

    عبدالله الشمري أبو دانه عضو مميز

    2,110
    0
    0
    ‏2008-01-13
    معلم مناضل
    الروعة في مرورك

    الله يسلمك روتانا ومشكورة على الكلام الجميل
     
  13. أمير اللييل

    أمير اللييل تربوي جديد عضو ملتقى المعلمين

    303
    0
    0
    ‏2009-01-31
    شـكــ وبارك الله فيك ـــرا لك ... لك مني أجمل تحية .
    موفق بإذن الله ... لك مني أجمل تحية .
     
  14. عبدالله الشمري

    عبدالله الشمري أبو دانه عضو مميز

    2,110
    0
    0
    ‏2008-01-13
    معلم مناضل
    العفو يالغالي

    والمعذرة على التأخر في الرد
     
حالة الموضوع:
مغلق