اعلان 1 اعلان 1 اعلان 1 اعلان 1 اعلان 1 اعلان 1


قهوة المركاز

الموضوع في 'ملتقى إستراحة الأعضاء' بواسطة سعيد آل شاكر, بتاريخ ‏2014-08-21.


  1. سعيد آل شاكر

    سعيد آل شاكر عضو مجلس إدارة الموقع عضو مجلس الإدارة

    3,369
    4
    38
    ‏2011-04-08
    معلم
    "القهوة"

    اسم يطلق على مشروب مكون من البن كمكون أساسي وعليه بعض الإضافات ..

    ويسمون العامة المكان الذي يجتمع فيه الشباب أو كبار السن لشرب الشاي و "البارد" يعني

    الببسي وما شابهه اسم قهوة ..

    دحين باحول من اللغة العربية للهجات العامية وبأبداً اتكلم من الحجاز

    القهوة دي زي الدكان اللي يتجمع فيه رجال الحارة بعد ما يخلصو من شغلهم ويقفلوا دكاكينهم

    يتكلموا مع بعض وممكن يعقدوا صفقات ويتبادلوا الأخبار والحكاوي والرادي شغال على إزاعة لندن

    والدنيا ماشية ببساطة، زمان مرة ما كان لاززم يككون في القهوة شيشة وكلام من دا ..

    بس اليوم تغير اسم القهوة للكازينو،، اسم جايبنوا من الخواجة وزودوا فيها القنوات الفضائية

    والشيش والسهر لما الصباح ..ودحين القهوة ما صارت تقفل زي أول كان الساعة 10 خلاص

    نص الليل ويصير الوقت مرة متأخر ..

    وكان اللي بيشيش يتخبى ف بيتو ، ويمكن سمعتو "يا أم أيمن جيبي الشيشة"

    في قهوة من أيام زمان ما تغير مكانها قريبة من شارع قابل في جدة القديمة ..

    تأسّرنا مرة بمسميات مصر .. مصر الجديدة ومصر القديمة -- كان عندنا جدة القديمة وجدة الجديدة

    أول ما انبنت العمارية برا السور اللي كان محوط جدة من كل مكان ...

    ولسا راح نحكي ونحكي ...

    ولازم نتبادل الحكاوي ..

    عشان أقولكم كيف أول ما جاء التلفزيون الأبيض والأسود وززكريات المسلسلات البدوية :tears:

    أشوفكم

    " يا أم أيمن هاتي الشيشة" :tongue:
     
  2. الشبح

    الشبح موقوف موقوف

    271
    0
    0
    ‏2011-09-15
    معلم
    اييييييوه يااااااابو ايمن انا جايه وجيبالك معاي
    الشيشه
    يابو ايمن ياحبيي يانور الدنيا كلها اتاخرت عليك
    انتا دنيتي كلها يابو ايمن خذ لي الشيشه
    واشفط من نار قلبي يانور حياتي

    انتا عارف انا مش عايزه
    غير اهتمامك وحبك وهو اللي يبني البيت
    ااااا ازحف وراء ياواد خلين اجلس جنبك

    قايله ليك الاحترام هو الي ما بينا
    وهو الي معيشنا مع بعض
    يااااابو ايمن ااااااشفط ااااااشفط يابو ايمن

    منك يكفيني دخولك عليا بابتسامتك الصافيه
    وحلووووووه وعجباني دخلتك وانتا شايل
    شيكولاته في ايدك يااااابو ايمن

    ااااااه ما انت عودتني دايما اكون حبيبتك ودنياتك
    اشرب اشرب يابو ايمن الشيشه وانفخ دخان نفسك عليا

    ايييييوه

    ايييييوه

    انتا كدا انتا كدا يابو ايمن
    دايمن نكدي نكدي وبتضحك عليا وعلى اي كلمة حب مني
    .
    .
    اصل انت ولا انت هنا ولا عايش معايا ولا شيفني
    انت رايح جاي سفريات وانتا همك مع شلة الأنس
    واخبار اااااادشره في كل الحاره وصلت ياروحي

    معليش معليش يابو ايمن هستحمل ظروفك

    معليش ياولد الغاليه وحبيب الغاليه هستحمل وقتك المشغول

    وهصبر ما انا عارفه انك تعبان رايح جاي انت واسعد
    عشانك هستحمل واستحمل
    كتيييير مادام شايفه في عينك كل الخاينه .... ياخاين

    اشرب يابو ايييمن اشرب شفطه ترووووح ولا ترجع
    .
    .
    .
    مااااال امها داعي هالمشااااركه
    سعيد احس اني ادمجت لا تصدق وتندمج بعد:tongue:
     
  3. سعيد آل شاكر

    سعيد آل شاكر عضو مجلس إدارة الموقع عضو مجلس الإدارة

    3,369
    4
    38
    ‏2011-04-08
    معلم
    دخل المغربية علينا عباس..في يده اليمين الجريدة وفي التانية مهلبية

    هادا عباس كان وكالة الأنباء تبعنا .. يجلس في النص من المغرب إلين العشا ..

    وإحنا نلف كراسينا حوله .. وعيوننا تقول هات الجديد .. هههه الغريب إنو أول ما يدخل من باب القهوة

    نسكت كلنا .. وننتظر يقراها لنا من الصفحة الأولى لما الأخيرة ..

    طبعاً فيه مين همو السياسة وأخبار حرب مصر .. كانت مشاكل ديك الأيام الله لا يعيدها

    وفيه من همو أخبار الطرق والشوارع والبناء والتجارة .. بس يوصل عباس الورقة اللي فيها الرياضة

    تعال شوف الطربقة .. كان الموجودين هناك اتحادي أو أهلاي ...طبعاً ما كان فيه زمان شيء اسمو الاهلي

    كان اسمو الثغر وغيروه .. بس لما كانت فيه مباراة جدة القديمة تفضى تقريباً وكلها تلاقيها في ملعب الصبان

    هدموه دحين مدري نسيوه ..

    كان بعد كل مباراة يجي كلام كتير ... في القهوة بس نبقى حبايب ولا تفرقنا الكورة ..

    المهم عباس دا .. الشاي حقو على حساب القهوة كأنو الصحفي حقهم ...

    وأحلى شاي للمثقف عباس ... دحين بس اكتشفت أنو يا دوب يفك الخط

    حنرجع من تاني ...

    بس فين حقون الرياض ما يقولوا عن كلامهم في القهاوي و المجالس واالممرات والشرقية الخبر والدمام

    والجنوب ...

    كلكم تعالوا وادونا حكاويكم ... ايش تستنوا يللا

    :)
     
  4. سعيد آل شاكر

    سعيد آل شاكر عضو مجلس إدارة الموقع عضو مجلس الإدارة

    3,369
    4
    38
    ‏2011-04-08
    معلم
    رجعنا للمركاز وحكاوي القهاوي

    تتزكروا عباس ...

    المسكين كان فيه واحد في القهوة ولا فيه مخلق يحبو ... اسمو سرور

    المهم داك اليوم لما جاء عباس وخبرتكم كيف كان يقرا وكدا ..

    قام سرور شبكوا بعين الله وكيلك ... كان راكب ع الدباب حقو كفرتين

    ورايح لبيتو وفجأة انقلب .. وتكسرت روجولو .. وتنوم في باب شريف ..

    ما كان يومها عندنا الا دي المستشفى ...

    بعد ما اتشافى عباس عرف أنو سرور قال داك اليوم : وهوا كيف يقرا دا ...

    صار بطل عباس من القراية قدام الناس ...

    ومن يومها اتقفلت وكالة الانباء حقنا ..

    هههه زاد كرهنا لسرور من يومها ..
     
  5. عذبة المعاني

    عذبة المعاني مراقبة إدارية مراقبة عامة

    24,882
    40
    48
    ‏2009-01-10
    أنثى
    ..............
    ماشاااء الله مركاااز رائع الله يسعدكم يااارب
     
  6. الفيروز -

    الفيروز - عضوية تميّز عضو مميز

    4,074
    0
    0
    ‏2012-12-08
    .........
    ما احد يقدر يدخل المكان ريحته شيشه

    والله نسيت مسلسل بابا فرحان لحد ما دخلت ذا الموضوع

    تقولون حلقه من حلقاتة






    -
     
  7. نايل

    نايل موقوف موقوف

    3,730
    0
    0
    ‏2011-07-05
    مثلكم
    هاد المركاز راح يكولوه شااااان كبير
    اتزكرو كلامي <<<سروور اشتغل
    .
    .
    موضوع خفيف لطيف وراح يكون عمييييق
    .
    .
    اضافة
    .
    .
    كانت القهاوي تتبع المهن
    قهوة لبنائين قهوه لنجارين قهوة لسواقين
    وماقصر سعيد فتح قهوه للمعلمين
    انا بحجز كرسيين شريطي فيها
    وهي بتكون مركازي
    .
    .
    راجعين راجعين .. مو كل حاره فيها طهمجي
    وانا طهمجي حارتكم:tongue:
     
  8. (أنثى من زجـــــــــــاج)

    (أنثى من زجـــــــــــاج) مراقبة عامة مراقبة عامة

    3,306
    0
    0
    ‏2011-05-13
    معلمـــة
    روعة كملو ...متابعة بصمت☺
     
  9. كأني هنا

    كأني هنا عضو مجلس إدارة الموقع عضو مجلس الإدارة

    12,898
    12
    38
    ‏2010-05-14
    معلم -وكيل بالواسطه
    دحين...تعني معنى جسيم لي
    خلني يانايل جنبك
     
  10. سعيد آل شاكر

    سعيد آل شاكر عضو مجلس إدارة الموقع عضو مجلس الإدارة

    3,369
    4
    38
    ‏2011-04-08
    معلم
    عيشة مرت زهدي الله يرحمه خطبها توفيق صاحب دكان الخرز على ناصية شارع قابل هناك

    توفيق دا ما فيه مرة عمرت معاه أكتر من سنتين مرة كان يعصب ويضرب ومربي شنب طوله مترين ..

    لما جاها أخوها عزت بيقولها "توفيق خطبك يا عيشة" قالت له " كأني أشم ريحة تريقه في الموضوع ".

    حاول يقنعها بس عيشة ما رضيت وقالت له باربي فاتن وأحلام وعادل

    ما شاء الله كل أولاد عيشة دحين دكاترة عرفت تربيهم
     
  11. سعيد آل شاكر

    سعيد آل شاكر عضو مجلس إدارة الموقع عضو مجلس الإدارة

    3,369
    4
    38
    ‏2011-04-08
    معلم
    فرحان التمرجي تزوج قبل 5 سنوات وربي مارزقه بخلفه ... وهوه راضي بمقادير ربنا وزجته سعدية كمان.. تززوجها بعد

    ما عرفوا كل الناس بقصة حبهم ...وفيوم من الايام جا الاسعاف شايل بنت وولد صاير لهم حادس في طريق مكة،

    وكان معاهم بنت صغيرة مكتوب اسمها في التابعية تهاني، لما وصلوا للمستشفى اللي شغال فيه فرحان، كان

    الراجل ومرته متوفين الله يرحمهم، بس الطفلة "كانت رضيعة" طلعت من الحادس سليمة، قام اللا في

    المستشفى يدوروا على أبو الولد أو اهله وأبو البنت، لما جو أهله قالوا احنا بستلم جثة ولدنا مالنا صلاح

    في مرته ولا بنته ، أصلا اتززوجها بدون رضانا، قام فرحان من طيبته يحاول يقنع جد البنت اليتيمة "تهاني" ،

    وكلم كمان أهل أمها وأخوالها تخلوا عنها وقالوا مالنا صلاح بنتهم، جلس فرحان في ركن، وقال ليه ما أخدها

    أربيها وأكسب أجر مرافقة النبي عليه الصلاة والسلام في الجنة، قام وراح لاهل تهاني وقال لهم أنا باخد البنت

    وأربيها، ماصدقوا خبر قالوا بكيفك احنا مالنا صلاح، قام قللهم بس توقعوا على ورقة ما تطلبوها أبد وتكتبوا رقمكم

    يمكن قلوبكم تحن، كتبوا الورقة وخرجوا أخدوا جسة أبو تهاني وراحوا يغسلوه ويصلوا عليه في الحرم، قام فرحان

    شال تهاني بين يديه ويهززها وهي تبتسم مو دارية إنها يتيمة وأهل أبوها وأمها تخلوا عنها..لكن عوضها ربي

    خير ..

    أخد البنت ووصل البيت، شافته سعدية شايل البنت اتجننت " وي وي : إنتا اتزوجت عليا يا فرحان، وجايب لي

    بنتها لمت عندي،،، دحين تندر إنتا وياها"

    قام جلس على الحنبل اللي في الصالة قال اشبك مستعجلة ما تززوجت ولا شيء، وأنا معقولة ألاقي زيــــك،

    هادي إسمها تهاني أرسلها رب العالمين لنا، يتيمة وقام حكى له الحكاية كلها..

    بس برضو غيرة سعدية مررة قوية ، قالت طيب لما تكبر البنت أخاف تطلع حلوة وتزوجها لازم تصير شيء ليها،،

    قال تمام أنا اوديها عند اختي سعاد ترضعها مع بزرتها سلطان ..قالت أيوا وتصير إنتا خالها ..

    رضعت تهاني من سعاد لما صارت بنتها من الرضاعة خلاص، وجابها فرحان للبيت عنده ويوديها كل شويا لاخته

    حتى ترضعها ويرجعها البيت،،، لما اتفطمت وصارت تعرف تاكل وكدا ..

    بعد سنتين مرة تعبت سعدية وحست بدوخة،،، كان فرحان فشغلو مو فاضي، زهمت جارتها أم عفيف،، ألحقيني

    يا أم عفيف ألحقيني،،، زهمت أم عفيف على عفيف وقالت طيران تروح تكلم فرحان دحين ...

    جا فرحان مفجوع !! سلامات سعدية اش فيكي،، قام وقف تكسي وشالها وودها المستشفى كشفت عليها

    الدكتورة وقالت له مبروك يا فرحان مرتك حامل .. وشكلها باثنين ..

    ربي رزقه بتوم ... ودحين كلهم هما وتهاني اللي مهندس واللي دكتور .. حتى تهاني جابت الدكتوراة من أمريكا
     
  12. نايل

    نايل موقوف موقوف

    3,730
    0
    0
    ‏2011-07-05
    مثلكم
    انا ابكيت ياسعيد حرام تهز كياننا بقصص حزينه
    وانت مالك فدموعنا كمل و ازمن كفيل بمسحها
    :icon1366::icon1366:
     
  13. الفيروز -

    الفيروز - عضوية تميّز عضو مميز

    4,074
    0
    0
    ‏2012-12-08
    .........
    ههههههههه ضحتني يا استاذ نائل من قلبي

    هو مو مندمج مع حكاوي الاستاذ سعيد الا انت

    استاذ سعيد من جد هذي الحكاوي حقيقية

    او من نسيج خيالك



    -
     
  14. سعيد آل شاكر

    سعيد آل شاكر عضو مجلس إدارة الموقع عضو مجلس الإدارة

    3,369
    4
    38
    ‏2011-04-08
    معلم

    لا كلها كذب
     
  15. سعيد آل شاكر

    سعيد آل شاكر عضو مجلس إدارة الموقع عضو مجلس الإدارة

    3,369
    4
    38
    ‏2011-04-08
    معلم
    ههههههه

    أمس لقيت عباس عند الفران بعكازو

    قلت له ليه بطلت تجي زي أول

    قال لي يا بويا سرور عدمني العافية ما راح أجي مرة تانية وإن جيت ما راح اتكلم

    أنا ما قلتله أنو سرور راح مع البحارة يصيد سمك ونزل من اللنش وغرق الله يرحمه
     
  16. *جناح الليل*

    *جناح الليل* عضوية تميّز عضو مميز

    956
    13
    18
    ‏2012-08-01
    ذكر
    ............
    سعيد المركاز ساحة كبيرة .. أنت لا تجهلها ... استمر فيه .. ..
     
  17. الدور الثاني

    الدور الثاني تربوي جديد عضو ملتقى المعلمين

    5,019
    0
    0
    ‏2009-05-07
    .......
    بالتوفيق
    موضوع يستحق الاهتمام
    ليتني معكم في المركاز
     
  18. سعيد آل شاكر

    سعيد آل شاكر عضو مجلس إدارة الموقع عضو مجلس الإدارة

    3,369
    4
    38
    ‏2011-04-08
    معلم
    حياكم الله

    أي واحد يتفضل يشارك

    وهو ما في مركاز الا عندنا

    ادونا من اللي عندكم

    نسمع لكم

    وشكرً لكم
     
  19. سعيد آل شاكر

    سعيد آل شاكر عضو مجلس إدارة الموقع عضو مجلس الإدارة

    3,369
    4
    38
    ‏2011-04-08
    معلم
    كنا نفجع الصغار زمان بالنمنم عشان ينامو

    ويا لطيف تلاقي في ركن بعيد شويتين ولد صغير حاط يده على عيونو ويرتجف

    اشبك يا ولدي ؟؟

    يقوم يقول شفت النمنم

    كانت أيام ..

    بس مرة حلوة

    كانت ستّي لما سيدي يشتري البندورة تقوم تقطعها

    وتنشفها في الشمس

    ما كان عندنا تلاجات زي دحين

    وإزا نشفت تقوم تدقها وتطحنها وتحطها في علب

    عشان كل شويا تستخدمها في الطبخ

    وأكلات زمان وآه منها

    كل شي اتغير دحين ...

    بداية تغير حياتنا لما دخل التلفزيون كان أبيض وأسود

    صرنا في المركاز مانتكلم كتير

    إزا جات بعض البرامج

    دحين عندك أكتر من 1000 قناة

    ممكن ما تخليك تطلع من البيت
     
  20. عطر الكون

    عطر الكون مراقبة إدارية مراقبة عامة

    15,600
    8
    0
    ‏2009-01-17
    كل يوم نتعلم شيء جديد
    بصراحة مركاز جميل , وأثبت إنك حجازي بجدارة :icon30:
    يافؤاد ..:clap: