اعلان 1 اعلان 1 اعلان 1 اعلان 1 اعلان 1 اعلان 1


Crazy Wifes‎

الموضوع في 'ملتقى إستراحة الأعضاء' بواسطة تــهــا111ويــل, بتاريخ ‏2008-03-15.


  1. تــهــا111ويــل

    تــهــا111ويــل تربوي مميز عضو مميز

    6,990
    0
    0
    ‏2008-01-27
    طالبة



    أكيد كل وحده منكم انتوا يالمتزوجين مريتوا ببعض المواقف في سنه أولى زواج..
    هذي بعض المواقف إللي صارت لاخواتنا في الله



    أولاً
    تقول الاخت زياراتها للمطاعم مع اهلها كانت قليله
    المهم اول ايام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت مثلك ابغى منيو.. زوجها تسدح من الضحك وهي تقول احسبها وجبه او طبق معين



    ثانياً
    وحده كان الخجل ذابحها تقول زوجها كان كل يوم يجيب بهالاكل في الفندق وهي البنت مسويه ما تشتهي وما تحب ومن هالكلام وما غير تناظر فيه وهو يلهط بالاكل
    وذاك اليوم بالفندق جا الغدا وكالعاده زوجها سالها يلا يا حياتي تعالي نتغدى قالت لا كل انت بالعافيه انا ما اشتهي وهي مييييييته جوع وشبع الرجال ودق الباب ذاك الوقت المهم زوجها طلع وغاب اشوي وهي قالت في نفسها اكيد انه بيطول وما قدرت تمسك نفسها ومن كثر ماهي جوعانه ماسكه الدجاجه بكبرها وتأكل فيها !!! وفي هذه الاثناء وش صار >>> طب عليها عريس الهنا وهي متلبسه بالجرم المشهود ومقبضه بيدينها الثنتين في الدجاجه والفم مفتوح عالااااااااااااااااااااااخر وقال لها ها اشوفك منتي مشتهيه
    وهي خلاص دوروها مسكينه ما تلقونها



    ثالثاً
    في وحده شعرها دايم يحتاجله سشوار مهو بناعم المهم السشوار اخترب مادري وش صار فيه عاد هي ذكاءها قادها لفكره جهنميه وش سوت
    راحت على طاولت الكوي وانسدحت وهاتك يا كوي بهالشعر
    وبرضه زوجها سوالها صادوه يوم دخل واختنا في الله تكوي منسجمه
    الرجال انهبل على باله تزوج وحده ماهي صاحيه



    رابعاً
    وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل
    وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه
    مير تطير الزيتونه وتصقع وجه الجرسون وهو ياخذ الطلبات
    قام قال عنا في لبنان ناكل الزيتون بايدنا
    عاد مير ما اسكت وأنثبر
    قلت غريبه حنا عنا بالسعوديه نصيدها بالشوكه
    وماسكها زوجي علي للحين كل ما شاف زيتون قال هاه بالشوكه والا بيدك خخخخخخخخ



    خامساً
    وحده تقول انا متزوجه ولد عمي
    و أول ما تزوجنا رحنا بريطانيا منها شهر عسل ومنها هو عنده دوره
    المهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي
    تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار
    قلت ليش طايحه من عينك انا اعرف اختار المهم تقول اخترت طلب محطوط في اطار وحركات
    قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
    تقول قالها طيب ابشري وهو يضحك ويوم جابوا الطلب هو مكرونه وحركات وانا وجبة أطفال !!



    سادساً
    يقولون فيه وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع زوجك أمزحي والعـبي واضحكي معه قالت ما أقدر المهم طولوا عليها بالكلام
    وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع الدرج الا وهو في آخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك يقولون امزحي معه وهذي آخرتها



    سابعاً
    بقولكم اليوم عن وحده اعرفها اول ايام زواجها تقول كنا طالعين واحتجت الحمام مرررررررررره بس مستحيه اقوله وهو شكله ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله ابغى دورة المياه احسن من كلمة الحمام
    تقول وانا ميته من الفشله قلت ابغى اروح لدورة الحمام مادريت الا الرجال يضحك ويقول يا عيني على الاتيكيت



    ثامناً
    هذي وحده تقول اول ما تزوجت كنت ادرس وكان يوديني زوجي للجامعه وياخذني ..
    المهم .. انا جالسه انتظره وكنت واقفه في الشارع واشوفه بعد كم سياره .. المهم جلست استـناه
    يوم وصل عندي .. وانا امشي بغنج الا واطيح ذيك الطيحه طراااااااااااااااااااااخ
    جلست على ألارض ما يشوف الا راسي من عند شباكي جالسه اناظره ولا اتحرك ..
    وكان الشارع مليان رجاجيل وبنات
    واركب في السياره وهو ميت من الضحك واجلس اصيح قلت ما تعرف تسمي علي !!



    تاسعا
    وحدة تقول اول ما تزوجت طحت عند باب المطبخ وانهبل زوجي وبسم الله عليك سلامتك حياتي وبعد مرور سنة طاحت بنفس المكان قالها عمى ما تشوفين!



    لاتنسون تعلمونا باللي صار معاكم :36_11_9[1]:
     
  2. ابو زيـَــاد

    ابو زيـَــاد تربوي جديد عضو ملتقى المعلمين

    1,329
    0
    0
    ‏2008-03-02
    هذا التقليد الاعمى لدى الزوجات

    المفروض قبل تكوي تحط مريتو عشان يسهل عليها الكوي

    ليش هو فار عشان تصيده

    اكيد كانت دلوعة ماما وبابا

    الظاهر كانت تقصد هالشي لا والمشكله قامت تطلع دموع التماسيح يعني بالعقل ماتعرف انه اذا طاح ما راح يتكسر

    زين ما قالت دورة الباث روم عاد وقتها تكون قمةالاتيكيت

    اسم الله عليك ياروح امك ياليت تتركون الرشاقه لاهلها

    وهو صادق يعني بالبدايه معذوره جديده بالبيت ولا تعرفه زين لكن بعد سنه وش عذرها؟؟؟؟؟؟​
     
  3. عبــدالله الشــريف

    عبــدالله الشــريف إدارة الملتقى إدارة الملتقى

    3,471
    1
    0
    ‏2008-01-03
    معلم
    خخخخخخخخخخخخخخخخخخخخخخخخخخخخخخ

    مواقف مضحكة

    وبالذات الي تأكل الزيتون بالشوكة .....!!!

    خلوني أتذكر أحد المواقف وعلمكم .....!!
    الي يشوفني يقول متزوج من أيام الحرب العالمية الأولى .... !!
     
  4. تــهــا111ويــل

    تــهــا111ويــل تربوي مميز عضو مميز

    6,990
    0
    0
    ‏2008-01-27
    طالبة
    مشكورين اخوي ابو رغد على المرورر لاخلا ولاعدم من مواقفك

    مشكور ابو زياد دمت بود بس ماقلت لنا وشهو الموقف
     
  5. ابو زيـَــاد

    ابو زيـَــاد تربوي جديد عضو ملتقى المعلمين

    1,329
    0
    0
    ‏2008-03-02
    تهاويل
    اذا كنت متزوج انت بالاول قول الموقف اللي صار معك
    واذا مو متزوج لا تتدخل بشئون المتزوجين :)
     
  6. بدر البلوي

    بدر البلوي المدير العام إدارة الموقع

    15,725
    110
    63
    ‏2008-01-03
    على طارى الشوكه والزيتون !
    معليش انا ناوى اشطح عن الموضوع الرئيس شوى و بقولكم موضوع رفع ضغطى

    يوم من الايام كنت حاط على mbc fm

    وكان فى مذيع ..بايز:)
    بايز مفرده شماليه تعنى ...ما يختشيش على دمه ونيته مش كويسه

    المهم
    اتصلت فيه بنت سعوديه تالى الليل البنت صوتها لك عليه تقل منخرعه ههههه
    طبعا ذا الكلام ايام الاختبارات
    والاخت ناويه تريح وتطلب اغنيه ههههه لاحول
    المهم
    سألها عن الاختبارات !!!
    قالت له انا اليوم فحصى كان تمام ههههههه:(
    وبكره عند ى فحص والله شوى الماده صعبه
    الاخت تسوى نفسها لبنانيه :36_1_1[1]:
    قال ايش قال فحص
    الله لا يبلانا
    ..........................................................
    نداء عاجل إلى ابو زياد
    ترجم ما ذكرته اعلاه :)
    ..........................................................
     
  7. ابو زيـَــاد

    ابو زيـَــاد تربوي جديد عضو ملتقى المعلمين

    1,329
    0
    0
    ‏2008-03-02
    هلا بساهي
    اشطح على راحتك من يقدر يمنعك اصلا مافي شي احلا من شطحات المشرف العام
    :36_1_1[1]:

    البايز باللغه العربيه تعني قليل حياء

    هههههههههههه
    حتى لو قلت بنت بدون تحديد جنسيه القاري راح يفهم انها سعوديه
    تدري ليش
    لان معظم الاتصالات اللي على الاف ام والقنوات الفضائيه من السعوديه

    طبعا هذي الكلمه اللي كان يقصدها الاخ ساهي
    الفحص:طبعا الفحص عندنا اذا اطلق تعني الفحص الدوري للسيارات
    والحين صار عندنا فحص ثاني اللي هو فحص ما قبل الزواج
    يعني انتبه عزيزي المتزوج تقول لزوجتك ابي اروح اسوي فحص
    والفحص المذكور بالسالفه للي ثقافته محليه هو االامتحان او الاختبار اللي عندنا

    هذي مشكلة البنات عندنا
    متأثرين بلبنان بشكل غير طبيعي
    صدقني البنات عندنا حلوات ومملوحات ومزيونات حتى لو بعضهم يرفع الضغط
    بس اهم شي تبقى على طبيعتها

    للاسف ما يعرفون قيمة انفسهم :(
     
  8. تــهــا111ويــل

    تــهــا111ويــل تربوي مميز عضو مميز

    6,990
    0
    0
    ‏2008-01-27
    طالبة
    مشكور اخوي ساهي على المرور
    وبخصوص ابو زياد انا لوني متزوجة ما كان انتظرتك كان اول وحدة قلت الموقف :36_1_53[1]:
    ومافيها حاجة لو علمونا علشان نتعلم من اغلاطهم وماعاد نتفلسف كثير:36_1_1[1]:
     
  9. ابو زيـَــاد

    ابو زيـَــاد تربوي جديد عضو ملتقى المعلمين

    1,329
    0
    0
    ‏2008-03-02
    هههههههههههههههههههههههههههه
    صارلي اسبوع قاعد ارد على مواضيعك وتو انتبهت انك بنت
    العتب على النظر :36_1_1[1]:

    انتم لا تتفلسفون وخلوكم على طبيعتكم​
     
  10. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    مواقف طريفة ومشكلة بنات اليوم تسوي فاهمة وبنفس الوقت تخجل حتى من بعض مفردات كلامها وتشوف الزوج كبييييييييييييييير بعيونها وأنه فاهم كل شئ وقابلي بعد سنتين تدف العربية بالسوق والمسيكين وراها وحارمته ما يشخص ولا يلبس نظارة الا من رحم ربي شوف الفرق بين السعودي قبل وبعد الزواج !!!!
     
  11. رتانيا

    رتانيا مشرفة سابقة عضو ملتقى المعلمين

    4,662
    0
    0
    ‏2008-01-13

    حلوووووووووووووووووه يابو زياد...

    :36_1_1[1]:
     
  12. وفا

    وفا تربوي جديد عضو ملتقى المعلمين

    31
    0
    0
    ‏2008-02-06
    معلمه
    تهاويل يسلمو ع الموضوع

    ومع اني مو متزوجه بس بطقطق معاك في موضوعك بماانه عندي نفس الصفه وهي الاقتباس والاستماع من سوالف صديقاتي وصديقات امي وجاراتنا وصديقات جاراتنا وخوات جاراتنا وحريم الحاره والحاره اللي جنبنا وحريم المخطط واللي ورى الحديقه واللي على الشارع >> عشان تعرفون اش كثر احب السوالف والمواقف :36_1_1[1]:


    هذي ياحبيبتي وحده بليلة زواجها طلعت مع عريسها من القاعه وبتروح الفندق تقريبا الساعه 2,30المسيكينه من كثر الحياء ماتقدر تتنفس يسمعها اللي صار انها شرقت بريقها وقامت تكح وتكح وتكح وترمي العقد والعيون تروح حمر والرجال يحسب المره تحتظر قام يلفلف بها بذا الشوارع :36_5_11[1]:

    يدور سوبر ماركت والا محطه يجيب لها ماء



    الثاني وحده جالسه بالكوشه واول ماوصل العريس وقفت له
    وهو عاد يبي يتميلح قدام الحريم >> حتى وهو عريس مايخلي
    قام قرب منها يعنني بقول لك كلام والبنت تدوخ وتميل على جنب وجتها اختها تسندها >>تكفون لاتميلحون والناس ماهم في حالكم


    الثالث وحده سوت لها كوافيرتها تسريحه الاخت شعرها قصير مرررره وعشان تضبط التسريحه قامت الكوافيره تركب فيها وتحشي شي باروكه وشي خيوط صوف
    انبسطت والناس انبهروا فيها وتسريحتها والعريس راحت عيونه عشر من الوناسه
    المهم سهرت وخلصت وجت تبي تفك الباروكه
    والعريس لازال مسبل العوينات في عروسه :36_3_1[1]:
    وهي تفك تفك وبالاخير خذت المشط وعدلت الشعر الاصلي
    التفتت لعريس الغفله
    الاهو مبقق عيونه ويقول كل ذا باروكه وانا اللي من اول ماشفتك افكر واقول
    ياترى وش طول هالجديله ؟؟؟
    كسر خاطرها وقررت تطول شعرها عشانه



    تقبلوووووو طقطقتي ومرووووري
     
  13. تــهــا111ويــل

    تــهــا111ويــل تربوي مميز عضو مميز

    6,990
    0
    0
    ‏2008-01-27
    طالبة

    مشكورة اختي وفا على المرور :36_1_1[1]:
    ايه هذي الردود اللي تبرد القلب
    ولاهانوا اخواني الباقين بس وربي شي يوسع الخاطر استنى منهم مواقف محد اعطاني بس ينتقدوني :36_1_53[1]:

    على العموم مشكورة اخت وفا واخواني الباقين لايهونون ودمتم بود
     
  14. ابو زيـَــاد

    ابو زيـَــاد تربوي جديد عضو ملتقى المعلمين

    1,329
    0
    0
    ‏2008-03-02
    وصلني هالايميل وتذكرت موضوع الاخت تهاويل
    :)


    وحده دخلت ملحقهم وكان مافيه
    احد وكل اللمبات مفتوحه والمكيفات مشغله
    دخلت وبدت تهاوش .. ليه الاسراف ؟ ليه العيال
    يطلعون ويخلون كل شي مفتوح وسكرت اللمبات والمكيفات وهي تنافخ وتدهر ..
    طبعاً كان فيه صديق اخوها جالس و مايع على الكنب من الروعه
    يقول مدري وش اللي دخلت علي و بدت تهاوش
    ومن كثر ماهي تهاوش ما انتبهت ان فيه احد
    بالمجلس .. طبعاً اسبوعين الا الولد خاطبها ..
    بعذره اهم شي اقتصاديه
    تخيلوا يسألونه وش اللي عجبك فيها اول ماشفتها .؟

    يقول تسكر اللمبات بلياقه







    وحده تقول : يوم الشوفة الشرعية طلب مني ابوي
    البس عشان زوجي يشوفني
    تقول انا مستحيه مره وماودي ..
    قلت لأبوي لا يبه مااقدر انا ماكله بصل اليوم
    قال ليه وش ناويه تسوين !






    واحد ليلة العرس كاشخ على زوجته موديها اوتيل خمس نجوم
    يقول اول ماوصلنا رحت الريسبشن عطاني كرتين.. ورحت للغرفه انا والمدام ..
    يقول المشكله اول مره اروح مكان زي كذا يحسبهم بيعطونه مفتاح ..
    يقول جلست نص ساعه عند الباب ماعرفت استخدم الكروت اللي هم معطيني ..
    المشكله كاشخ بشت وحركات واخرتهانص ساعه عند الباب .
    ياعزتي للعروس تلقون ماعت التسريحه ههههههههههههه
    يقول الموقف صعب تفشلت من الحرمه وهي واضح انها ملت ..
    وفجأه يطلع واحد جنبنا من غرفته قالت لي زوجتي على طووول اسأل هذا يمكن يعرف
    ( من حومة الكبد صارت تمون بسرعه ) الله يلوم اللي يلومك ياختي
    يقول سألته وفتح لي الباب عن طريق الكرت ..
    ما انتهت السالفه يقول اول مادخلنا السويت مافيه نور
    يقول جلست ادور افياش الكهرب بهالظلما وماغير اتلمس الجدران ..
    والمدام واقفه بالظلما والاخلاق صفر تلقونها تقول وش الله قردني بهالقروي
    لين قالت له زوجته شف الكرت الثاني اللي عطوك اياه يمكنه حق النور
    حطه في محل الكرت اللي عند الباب .. قلت لا هذا يمكن حاطينه عشان
    نحط فيه الكرت ومايضيع < حتى بالظلما غبي
    يقول المهم حطيت فيه الكرت الثاني واشتغل النور
    ماتسوى هالكشخه كان حجزت لك شقه مفروشه
    ولا ياخي كان خذت لك لفه بالاوتيل قبل بيومين عشان تتعود










    عروس توها صباحية عرسها طبعاً شي اكيد مستحيه
    كانوا يتقهوون الصباح .. وزوجها يمد لها التمر
    وهي تاكل وطبعا من كثر ماهي مستحيهماتقدر ترمي العبس ( النواة - الفصم ) قدامه .. صارت تبلعها
    وكل مايمد لها تمره تستحي ترده وماغير تبلع من هالعبس
    اخرتها راحت المستشفى .. ياختي وش هالحيا اللي مدري وش يبي
    بصراحه رومنسيه من نوع اخر .. اجل تاكلين عبس .. عنز مب عريّسه










    وحده تقول يوم جا زوجي يشوفني كنت جالسه معه في امان الله
    مادريت الا دخل عمي ! وبعدين شوي شوي دخلوا اخواني وكلهم
    مبحلقيييييين عيونهم فيني يعني منظر غريب مو مستوعبين ..
    تقول استحيت مره وقمت هجيت يوم وصلت للباب لقيته مسكر
    تذكرت ان امي قافلته عشان مااطلع بسرعه ورحت اركض للباب الثاني
    وعمي واخواني يضحكون علي
    طيب الحين عمها واخوانها وش يبون !
    استغفر الله بعض الناس عاهات
    البنت خلقه بتستحي من نفسها شلون يجون الشعب كلهم








    واحد يقول ليلة عرسي انا جالس بزاوية وزوجتي بزاويه ..
    اكلمها ماترد علي كله من الحيا
    يقول اسألها ماتجاوب .. اقول هه ولا هه و انكت عليها ..
    البنت ساااااكته مافيه امل ترد وتناظر الارض
    يقول قلت مافيها حيله خلني اسكت انا بعد ..
    وجلسنا فتره هدوووء جداً مالنا صوت
    وكانوا اخوياه بيمزحون معه قاموا رموا حجر على الشباك
    .. يقول فجأه كذا وحنا هادين ضربت حصاة على الشباك بقوه
    .. من الروعة زوجتي خافت ونطت عندي .. الخوف مليح
    اهم شي انه طلع للشباك قال : ثانيه ثانيه ياشباب
    الحين اصدقاه باللهي هذا مزح ! ياخف دمكم الصعايده انعم منكم







    وحده تقول يوم جيت اطلع خلاص بروح مع زوجي
    كنت بشيل التاج من راسي عشان البس عبايتي ..
    تقول التاج مثبت مره ماقدرت اشيله
    زوجي شافني تأخرت ومير يجي يشوف وش السالفه
    والله يسلمه مد لها يد المساعده
    تقول مسك التاج ومعطه ذيك المعطه لين نتف شوشتي
    حاس التسريحه وحاس الغره وخربت الكشه ..
    هههههه تخيلوه بس وهو متحمس يشيل التاج تلقونه مايدري اصلا وشو

    بيقول وش جاب المجاول لراستس