اعلان 1 اعلان 1 اعلان 1 اعلان 1 اعلان 1 اعلان 1


قصة وقصيده

الموضوع في 'ملتقى بــوح الأقــلام' بواسطة عذبة المعاني, بتاريخ ‏2014-12-02.


  1. عذبة المعاني

    عذبة المعاني مراقبة إدارية مراقبة عامة

    24,860
    40
    48
    ‏2009-01-10
    أنثى
    ..............
    قصة وقصيدة
    من الموروث الشعبي لدينا
    الذي يكاد أن يندثر وخاصة القصص المؤثرة
    والموضوع منكم ولكم

    ولكم أرق التحاااياا وأعذبهااا
     
  2. عذبة المعاني

    عذبة المعاني مراقبة إدارية مراقبة عامة

    24,860
    40
    48
    ‏2009-01-10
    أنثى
    ..............
    قصيده ونشيده سامريه محزنه
    وكنا نسمع قصيدة سامرية بالوادي وأهم بيت فيها ولعل هذه الايام تذكرنا السيول به وهو:
    جعل شعب قرص فيه الحبيب ما يسيل
    منهي له هذه القصيدة وما سبب قوله لها ،،،،،،،، والله يا انها حزينه وما كنت اتوقع أنها بهذا الجمال المعنوي والحسي الحزين .....


    ‏​هذي قصيدة قالها
    الشاعر/ فالح بن مبارك آل وحيد الدوسري
    (يرحمه الله ) قبل 75 سنه تقريباً


    وهو من أهالي الهدار التابعة لمحافظة الافلاج ومناسبتها ذهبت زوجته (يرحمها الله)
    مع بعض النساء بغرض جمع الحطب شمال بلدة الهدار في شعيب يقال له الشعب
    وبينما هن منهمكات في جمع الحطب
    إذ وقعت عينها على شجرة مثمرة من شجر الشفلح فحاولت جني ثمارها
    وكان هناك ثعبان بداخلها فانقض عليها فلدغها لدغه أودت بحياتها
    وكان يرحمه الله موجوداً في مدينة الرياض
    بغرض طلب الرزق وكان ذلك قبل توفر السيارات
    وفي أحدالآيام أتاه شخص من أهل الهدار في الرياض
    وقال له أحسن الله عزاءك
    يظن أنه يعلم بوفاتها وهو لا يعلم بالأمر
    فقال عسى ما شر
    فأخبره أن زوجته لدغها ثعبان فماتت فأنشد
    يقول :ـــ

    آه لا ونيتنـا قـام صـدري لـه صليـل
    من سمعني تــالي الليــل جـر بقيــل آه
    آه لو أن آه يا ناس تـبري مـن العليـل
    كان كثرت البكـاء والونيـن اضرمتنـاه
    آه من قلب يشــادي كمـا قلـب الهبيـل
    كل ما قـــالوا تشــالا تزايــد في عنــاه
    آه من حال يشــادي كمـا حال العليل
    كل ماجاله طبيب تعسم في دواه
    آه من دمع تحدر على جيبي هميل
    لو يحدر له على منهل ازروع سقاه
    آه من داب فجعني على ظبي السليل
    ليت منهو حاضره كان يقتله بعصاه
    جعل شعب قرص فيه الحبيب ما يسيل
    جعل رزنات المخايل تعدى من وراه
    جعل شيخ النجم يجعل جبا صبره سحيل
    عسكرت في الجو وأدق من طير السفاه

    وبعد ذلك قام والدها وهو عمه
    وقال ابشر بالعوض وحلف يميناّ ان يزوجه أختها
    وبالفعل زوجه إياها وتوفيت قبل حوآلي الـ 10 سنوات
    وكانت هذه الحادثة منذ ما يقارب الـ 75 عاماَ تقريباَ


     ​



     
  3. عذبة المعاني

    عذبة المعاني مراقبة إدارية مراقبة عامة

    24,860
    40
    48
    ‏2009-01-10
    أنثى
    ..............
    قصة .. الله يشفك من حبة جهم

    السلام عليكم ورحمة الله وبركاته



    هلا وغلا في الجميع



    فارس هالقصه من الفرسان الاولين يقاله فيصل الجميلي مشهور


    بالكرم والشجاعة وهو من قبيلة جميلة من بنى هلال


    المهم مالكم بالطويله ابدخل بالسالفه واقول لكم بسم الله



    في زمن الخوف والغارات بين القبايل وقعت هالقصه




    ورد الجميلي فرسه على القليب تشرب وجت عجوز معها بعير اجرب يبي يشرب مع الفرس ولطم الجميلي البعير وقالت العجوز اهب الله يشفك من حبة جهم قام الجميلي وقرب بعيرها وخلاه يشرب من الماء وعطاها جنيه وقال لها علميني منهي جهم اللي تقولين قالت وينك وين جهم هذي ديارها بعيدة عنك ،

    قال اوصفي لي ديارها قامت العجوز ووصفت له وركب فرسه متجه ليما ديار جهم يوم وصلهم وينصى هاك البيت اللي متطرف عن القطين ( مجموعة من بيوت البدو متقاربه ) ولقى هاك الحرمه فيه وقال لها عطيني اشرب وعطته يشرب في ملغى الكلب الله يعزكم ( اناء يحطون فيه ماء للكلب علشان يشرب ) قام وكب الماء وحط فيه مبلغ من المال يوم شافته الحرمه قالت ادخل وشربته ماء وقال لها هذا رمحي وسيفي وفرسي ابحطه عندتس الين ارجع ولا تعلمين احد قالت ما يخالف المهم دخل القطين وقعد يطارد الكلابه اللي فيه يجي حول اربعين كلب ياما طردهن ياما طردنه قالوا اهل القطين من انت قال انا جلال قال الامير ابيك تجمع الجله وتجيبها كل يوم ، المهم صار يجمع الجله ويحطها عند مشب النار في بيت الامير وهو يقعد على نثيلة الرماد ( رماد مجمع وصايرن مرتفع شوي ) راحت الايام ولا هناك رجال يجيب صبوح بنت الامير كل يوم والظاهر انها شافت منه مايريب وقالت لبوها غيره ما ابيه ابي رجال تكانه وتثق فيه قال مهنا الا جلال قالت اجل خله هو اللي يجيب صبوحي كل يوم وصار يجيب لها صبوحها وفي يوم من الايام وهو يمد الصبوح لها طاح فيه شعرة من شعرك انت يا جلال وقامت بنت الامير وقاستها ولا طولها مثل طول شعرها .. قالت ايه هذا جاين يبي شي بس لابد الايام تكشف سره ..

    راحت الايام وقرر الامير الغزو واعدوا له وما خلوا في القطين الا شايب او مره او طفل وبعض الرجال للحراسه ومن ضمنهم جلال .. اثر في روحت الامير وقومه للغزو جاهم قوم غازين وقام من بقى من الرجال بالتصدي لهم لكن كانوا اقوى منهم واكثر عدد المهم انهم اخذوا الحلال كله وساقوه قدامهم .. وقامن الحريم ينخن الرجاجيل ومن ضمنهم جلال قالن وانت يا جلال قال انا ما اعرف اركب الفرس ويوم انه ركب شافته عجوز منهن قالت والله ان هذي ركبت فارس المهم انه خلى وجهه يم قفا الفرس وظهره لوجهها .. ويوم انه ابعد عن القطين وهو اللي يمر على بيت الحرمه اللي اودع عندها رمحه وسيفه واخذهن منها واعتدل على الفرس ولحق الغزاة ويوم انه وصلهم وصار يهددهم انهم يخلون الحلال ويوم انهم شافوه مغير واحد قالوا ما يخسى الا انت وصار يا خذهم مراويس ( رايح جاي ) واللي يعقر فرسه واللي يطعنه المهم انه فك الحلال منهم ولا هاك الرجال من الغازين يوم انه شاف فعل جلال بربعه توزى تحت هاك الشجره .. جلال يوم انه فك الحلال وذبح من ذبح وانحاش الباقين حول عن الفرس ولا يده مليانة دم وحطهاعلى معرقة الفرس ( مثل السرج الحين ) وهو يقول ( حت وانا الجميلي ) سمعه الرجال المتوزي وهو يقول هالكلام ، رجع الحلال وتباشروا والجميلي مر على الحرمه وعطاها سيفه ورمحه وركب على الفرس مثل ما طلع من عندهم وجهه لمؤخرتها وظهره لوجهها .. وصاروا رجال القبيله كلن يقول انا من رجع الحلال ..

    المهم الامير وصله من وصله يخبره ان قطينهم تعرض للغزو ورجع هو والرجال اللي معه وهم في طريقم لقوا الرجال اللي توزى تحت الشجره واخذوه معهم .. وقالوا له وش صار قال لهم هذا ماصار وهذا ما صار وجانا فارس ما ندري منهو وذبح من ذبح وانحاش من انحاش وانا واحد منهم ويوم انه حس ان ما فيه احد حول عن فرسه وحط كفه على معرقة الفرس وقال حت وانا الجميلي .. قال الامير الجميلي؟ وين حنا وين الجميلي ؟ الجميلي بعيد ... قال الامير عندنا معرقة الفرس اللي مقاس يده على اليد اللي فيها يصير هو من فك الحلال ، قاموا رجال القبيله كل يحط يده على المعرقه وما طلع منهم ولا واحد قالوا ما بقي احد الا جلال قال الامير جلال قم حط يدك .. قام وحط يده على المعرقه وقال ( حت وانا الجميلي شبري على شبر الرجال يزيد ) قام الامير وقال الله ياخذك فشلتنا في عمرك وش خلاك تسوى اللي سويته قال لو جيتكم وانا الجميلي كانوا عطيتوني اللي ابي ابس ابي اللي انا جاين علشانها تشوف فعايلي قال اطلب يالجميلي قال ابي جهم قال جتك ، قال الليله قال ابوها الليله ،
    تزوجها وجابت له ولدين وصار يعلمهم على الطراد والفروسيه الين كبروا وصار ت عمارهم 13 و 12 ،

    المهم في ويوم من الايام كان قاعد عند الدلال يتقهوا ولاه يسمع المشاطه تمشط شعر جهم وضيعت المفرق ( مخيط يفرقون به الشعر )ولاه تحت فخوذ جهم قالت ( وزاه اللي اذهل الجميلي عن اهله ) وتذكر الجميلي اهله وولده وزوجته وكفى الدله وراح يحطب وجا الامير وسال عن الجميلي قالت جهم انه سمع كلام المشاطه وكفى الدله وراح يحطب راح له الامير ويوم جاه قال تذكر الحر اهله قال اي والله يا طويل العمر قال تراك مرخوص يالجميلي تاخذ عيالك وحرمتك وتلحق باهلك ، ويوم انه نوى السفر قام الامير وعطاه حمول واباعر وحلال ومشى الجميلي هو وزوجته وعياله الفرسان اللي كل واحد منهم مثل ابوه وازود بالظفر والشجاعه ويوم انهم قربوا لقطين الجميلي قال لعياله نوخوا وانا بدخل العرب ولا تجون الين ارسل لكم ..

    دخل وجى يروي بعيره ولقى ولده عند القليب يروى بعارينه قام الجميلي يدوه لبعيره ويوم ان بعض البعارين سمعت صوته حنت عرفته عقب هالسنين كلها الولد استنكر وجى لمه وقال لها اللي شافه وانها كانت تحن يوم سمعت صوت الرجال كأنها سامعتن صوت ابوي قالت امه وين ابوك مات من زمان يا ولدي لكن اعزم الرجال وخل وجهه يم سنا النار ابشوفه وسوى مثل ما قالت امه لكن انها ما عرفته وقالت لولدها ابوك له عاده بشرب اللبن تعال من وراه وقل له سم ان كانه ابوك يبي يقول كفيت السم ويبي يمد يده من وراى راسه وايخذ منك الطاسه ويشرب بنفس واحد الين تطق جبهته .. قام الولد وسوى مثل ماقالت امه ويوم انه عطاه الطاسه وقاله سم قال كفيت السم واخذها من ورى راسه وشرب الين طقت الطاسه جبهته قامت الام وقالت هذا ابوك هذا ابوك قام الولدوسلم على ابوه وقال من طول الغيبات جاب الغنايم يابوي وانت ما جبت الا بعير قال جبت حلال يغطي عين الشمس بس جوني حنشل واخذوه .. قال الولد ابشر يبوي والله ان نرده اسمحلي اروح اخبر عماني والعرب .. خبرهم وطلعوا يبون الحنشل يوم انهم فاضوا على الولدين وامهم قال الجميلي هذولا اللي اخذوا حلالى قال الولد هذولا؟ قال نعم بس ابيك انت اللي تفك الحلال ما بي احد غيرك قال ابشر يبوي وصاه ابوه انه ما يذبح احد ولا يعوره وان كان لا بد يخليها في الفرس ماهي في الولد والمهم قام الولد يبي يفك الحلال من الولدين وصار بينهم مطارد والكل منهم انهك الثاني ويوم انه شاف هالولدين شجعان مثله واقوى ضرب فرس واحد منهم بالرمح ولاه طايح من الفرس قام الجميلي وقال بس هذولا اخوانك وهذي امهم وقال كلمته


    (( رمح الجميلات في فرسهم ))
     
    آخر تعديل: ‏2014-12-02
  4. عذبة المعاني

    عذبة المعاني مراقبة إدارية مراقبة عامة

    24,860
    40
    48
    ‏2009-01-10
    أنثى
    ..............
  5. عذبة المعاني

    عذبة المعاني مراقبة إدارية مراقبة عامة

    24,860
    40
    48
    ‏2009-01-10
    أنثى
    ..............
    لجوّ جوّ إن كان بعض العرب جوّ


    شطر من قصيدة تداوله الكثيرون عبر رسائل الجوال أو المنتديات، وقد قام البعض من شدة إعجابه بهذه الأبيات بعمل شيلة للأبيات الثلاثة الأولى فقط من القصيدة دون أن يعرف أحد لمن هذه الأبيات، وقمنا في مدارات بالبحث عن قائلها وتوصلنا له وهو الشاعر: عبدالله بن مناحي بن شتوي السبيعي، حيث ذكر عبدالله أنّه قال هذه الأبيات في عام 1417 تقريباً عندما كان في رحلة بريّة مع زملائه في منطقة بين حائل والقصيم في منطقة تدعى «شري»، وعن مناسبة هذه القصيدة يقول عبدالله: إنّه كان ينتظر بعض زملائه وكان الجوّ بديعاً خلابا وعندها أنشد أحد الذين كانوا معه بيتاً للشاعر هذال بين شعيفان السودة السبيعي يقول فيه:

    البارحة في جوّ واليوم في جوّ

    يا زين جوّ البارحة في خيالي

    وعندها أنشد عبدالله بن مناحي القصيدة لإعجابه بالبيت السابق وقال فيها :




    الجوّ جوّ إن كان بعض العـرب جـوّ
    وإن كـــان مـــا جــونــي فــــلا زان جــــوّي
    والأرض خـضــرا والـسـمـاء كـلـهـا نـــوّ
    والعـشـب فــي وســط الفـيـاض مـتــروّي
    يـا مـحـلا عـقـب المـطـر شـبّـة الـضـوّ
    فــنــجــال بــــــن ٍ يــنــعــش الـــلـــي مـــســــوّي
    فــــي حــضــرة الــلـــي بـالـمـراجــل تــربـــوّ
    صـغـيــرهــم بـالـطــيــب مــــــا هــــــو يـــنــــوّي
    درب المراجـل مـا يبـي لـيـت مــع لــوّ
    ولا يـــــبــــــي رجــــــــــــل ٍ لــــوجــــهــــه يــــــلــــــوّي
    ما سووا الأصحاب يا صاحبي سوّ
    ولا كـــل مـــن تـغـبـى الـمـخــاوى يــخــوّي
    هــذا حـصـان وقـيـل عــن ذاك يــا بــوّ
    هــــــــــذا بـــــنــــــى بـــيــــتــــه وهـــــــــــذا يـــــطــــــوّي
    يـــا عـاشــق الأولـــى بـعـزمـك لـهــا قــــوّ
    عــشـــانـــهـــا خـــــلــــــك لــــعــــزمــــك مــــــقــــــوّي
    واللـي عــن المـاضـي بلحـظـة تنـاسـوّ
    فــــي جــوّهـــم وأنـــــا بـغــلــوي فـــــي جـــــوّي

    للأستماع
    http://www.youtube.com/watch?v=GNdQdeqS4RY