اعلان 1 اعلان 1 اعلان 1 اعلان 1 اعلان 1 اعلان 1


مشجع نصراوي يتوعد الهلال يوم الاربعاء عبر قصيدة نبطية

الموضوع في 'الملتقى العام' بواسطة صقر 99, بتاريخ ‏2008-03-31.


  1. صقر 99

    صقر 99 <font color="#008080">مميز وقدير</font> عضو مميز

    256
    0
    0
    ‏2008-03-02
    معلم
    ربي مميز نادي النصر فالكون
    الشمس صفراء والسماء دوم زرقا

    مطابقه بالوصف والفعل واللون
    مهما تغيب تعود تسطع وتبقا

    له ماضي(ن) كل البشر عنه يدرون
    وله ماضي(ن) أصفى من الغير وأنقا

    أصدح بها وأقول وأنتم توّحون
    له ماضي(ن) مثبوت ماهوب سرقا

    وله عادت(ن) مهما يغيب ويقولون
    دايم بناره يحرق الخصم حرقا

    ياما عطانا أمجاد ولحون وفنون
    (( يطرب لها فوق الغصن طير ورقا ))

    وإذا نزل كل الجماهير يقفون
    رمز الوفاء مابينهم شبه طرقا

    جمهورهم ذويق واعي ويوفون
    على الحلو والمر في كل ملقا

    لا والله إلاّ عاد وإبليس ملعون
    ونبا نشوف أفراح (وحلوق شرقا)

    ويوم الربوع إن كان عشتو تشوفون
    العالمي فوق المنصات يرقا

    يبا يسر عيون ويبكي عيون
    وتشوف بعض الناس بالدمع غرقا

    ويعود فارس نجد والحب مكنون
    ويسطع شعاع الشمس غرب(ن) وشرقا

    وموج البحر من ضربة الشمس مضمون
    ومابين عالِ الكون والقاع فرقا
    http://www.alweeam.com/news/news.php?action=show&id=3143
    أخوكم / شامخ
     
  2. للتميز عنوان

    للتميز عنوان تربوي جديد عضو ملتقى المعلمين

    34
    0
    0
    ‏2008-03-20
    ايه هين يالنصر
     
  3. أبو فيصل السبيعي

    أبو فيصل السبيعي عضو مجلس إدارة الموقع عضو مجلس الإدارة

    3,554
    0
    0
    ‏2008-01-03
    معلم
    بعد قصيدته بمناسبة التأهل .. ( شاعر النصر ) يكتب قصيدة جديدة بمناسبة تحقيق البطولة


    ناصر الحمدان ( الوئام ) الرياض :
    عاود مشجع نادي النصر السعودي الكرة مرة اخرى وكتب قصيدة جديدة بمناسبة حصول فريقه المفضل على كأس بطولة الأمير فيصل بن فهد - يرحمه الله - .

    وكان الشاعر ( شامخ ) قد كتب قصيدة - نشرتها الوئام - ولاقت تفاعلاً في الاوساط الرياضية بمناسبة تأهل فريق النصر للنهائي الكبير أمام غريمه نادي الهلال وتوعد الشاعر خلاها بتحقيق الانتصار وهو ماتم بالفعل وصدقت توقعاته .


    قصيدة الشاعر شامخ بمناسبة حصول نادي النصر على بطولة كأس الأمير فيصل بن فهد ( يرحمه الله )


    يا اعصاب شامخ هدي الوضع وارجوك
    خلاص يكفي شدة أعصاب وش فيك

    قلبي وعقلي باركوا لك وهنوك
    والعين تدمع ما قدرنا نهديك

    أحلى بطولة زفها النصر وأهدوك
    يستاهلون الكاس والشعر والشيك

    مبروك يانصر البطولات مبروك
    يالعالمي كل البطولات تبكيك

    تلعب بروح وفن والباص محبوك
    خطه وتشكيله والأهداف تكتيك

    ماخابو اللي فالمدرج تحروك
    ولا خاب منهو خلف شاشتك يغليك

    جمهورك اللي أخلصوا لك وحبوك
    يستاهلون اليوم كل التباريك

    لك عادة(ن) مهما تغيب وتباطوك
    ترسل لهم عبر البطوله تهانيك

    ياللي على نغمات هولي ينادوك
    وأنا على هولي ياهولي أناديك

    يافارس الأمجاد والشمس سموك
    يالعالمي ياعز منهو يواليك

    يالعالمي مشيت خصمك على الشوك
    يالعالمي ياشر منهو يجافيك

    وين التحدي ناد منهم تحدوك
    متبخره كل السوائل بـ أراضيك

    مادام شمسك تخترق كل مصكوك
    أنا اشهد إنك فوق محد(ن) يساويك

    يا اعصاب شامخ هدي الوضع وارجوك
    خلاص يكفي شدة أعصاب وش فيك

    أخوكم / شامخ
    جدة