اعلان 1 اعلان 1 اعلان 1 اعلان 1 اعلان 1 اعلان 1


بمناسبة شروط الترشيح الفظيعة لوزارتنا الحبيبة

الموضوع في 'ملتقى حقوق المعلمين والمعلمات' بواسطة مدرسجي, بتاريخ ‏2009-05-02.


  1. مدرسجي

    مدرسجي تربوي جديد عضو ملتقى المعلمين

    7
    0
    0
    ‏2008-02-07
    شروط الترشيح في الوزارة العامرة
    مديري الفاضل بما انك رئيسي المباشر فالله يعينك على
    مديري الحبيب لقد وضعت وزارتك شروط الترشيح للعمل ( وكيل او مدير او مرشد …الخ)
    شروط ما انزل الله بها من سلطان
    شروط ولا واحد منها ينطبق على
    حتي لو كان فيها وظيفة ( فراش ) ما راح تطبق على
    وبما انه لا فرصة لدي سوا ان ابقاء كما انا فقد قررت مايلي

    مديري الفاضل
    - سوف تكون ايام العمل لدي هى 4 ايام فقط واليوم الخامس دبره من عندك
    واذا لم تستطيع ان تدبره فسوف احضر لك التقارير المطلوبه

    - الحصه السابعة لو اشوفها في جدولي راح اشخبط لك وجهك واذا تحديتني و وضعتها لي فدور لك واحد يمسكها لاني ( منحاش ) يعني ماني بجالسلك

    -( الاشراف اليومي ) اقول اللحس كوعك اذا جلستلك في المدرسة اصلا قبل ما يدق جرس الفسحة وانا حاط رجلي

    - ( دفتر التحضير ) اكثر ما كثر الله التحاضير في كل مكان حتى في موقع وزارتك موجود راح اجيبه لك وخله عندك الى اخر السنة يمكن تحتاجة واذا بترسله لي تحصلني في 1/3

    - ( اشراف نهاية الدوام ) ما راح اجلسلك (صاحي انت ) واذا بتسالني راح اقول لك ( نسيت ) انت الغلطان انك ماذكرتني

    - ( الاداء الوظيفي ) حبيبي اعطاك الله ( من 60 الى 90) لو قلت عن ال 60 صدقني راح افقع وجهك واكسر قزاز سيارتك ( الطلاب ماهم احسن مني )

    -( النشاط المدرسي ) عطاك الله يوم الثلاثاء بعد صلاة العشاء في الاستراحة ,غير كذا ما عندي لك شي , غير توزيع الورق ( بلوت )

    - ( الريادة ) لك عشر دقائق منها في الفصل والباقي في غرفة المدرسين

    - ( النقل ) ماني بناقل من المدرسة عاجبتني و مليط عندك الى ان يجيني التقاعد او ينقلونك انت ونقلك اقرب مع حركة التدوير ( كانكم غسيل اموال كل 6 سنين قالعينكم في وادي )

    - ( بداية الدوام ) والله يا حبيبي حسب السهرة اذا خلصت بدري جيتك واذا طولت راح اجيك متى ما شبعت نوم واذا بتجمع ساعات التاخر تراك مسموح

    - ( المسائلة ) ياخوي خذ راحتك وابشر راح اجيب لك ملف كنت واذا تبغاء اوراق طباعة بعد ابشر اجيبها لك وعب في هالملف الي ان تقول بس

    مديري الفاضل وزارتك العامرة والله ماعندها سالفة في وضع هالشروط يعني شخص له عشر سنوات معلم وتجي وتقول له لازم يكون تقديرك الجامعي ( اعلي من المقبول )
    ليش قبلتم به في الوزارة ,هذا الشرط سقط بمجرد قبولكم له يعني عند التوظيف فقط مطلوب
    لا والمصيبة لما شخص يمارس التدريس اكثر من عشر سنوات وتقول له انه غير تربوي وتشترط ان يكون حامل دبلوم تربوي طيب العشر سنوات هذي وش قاعد يسوي ( يقشر بصل)

    مديري الفاضل وزارتك لا تهتم بالغياب لدي المرشحين و لابتاخرهم عن الحضور و لا بعملهم داخل المدرسة المهم ان يكون هذين الشرطين موجدين لديهم غيره ( كله محصل بعضه )

    - حتي الاداء الوظيفي اصبح ليس له اهمية مع وصمة التقدير و الدبلوم
    يعني من يحمل تقدير مقبول او لا يحمل دبلوم تربوي
    محكوم علية بالبقاء كما هو حتي التقاعد

    ( اقول لو انتم صادقين تبغون تطبقون الشروط ليش ماتطبقونها على من هم في مناصب عليا الان
    مدير تعليم – مدير مدرسة رائدة – مشرف تربوي ....الخ )

    اخوك

    مدرسجي