اعلان 1 اعلان 1 اعلان 1 اعلان 1 اعلان 1 اعلان 1


اللي منتاز بتحرير الخطابات القويه يتفضل مشكورا

الموضوع في 'الملتقى العام' بواسطة أبله كهله, بتاريخ ‏2009-05-24.


  1. أبله كهله

    أبله كهله تربوي جديد عضو ملتقى المعلمين

    438
    0
    0
    ‏2009-05-23
    [​IMG]


    الاخوه والاخوات الكرام

    أحتاج لاستشاره بموضوع يخص وظيفه وبنفس الوقت ودي اكتب خطاب او برقيه بمعنى أصح

    لا احد يحطمني وياخذ الموضوع باستهتار من يجد بنفسه القدره يرفع اصبعه

    والله اني صادقه

    ومحتااااااجه لاحد يرشدني وش أسوي
     
  2. أبله كهله

    أبله كهله تربوي جديد عضو ملتقى المعلمين

    438
    0
    0
    ‏2009-05-23
    لهذي الدرجه فيكم كسل

    لا يكون ملتقى معلمي ومعلمات السودان
     
  3. صــالح العتيبي

    صــالح العتيبي مراقب عام مراقب عام

    4,275
    0
    0
    ‏2008-04-27
    معلم
    الله يوفقك ويحقق طموحك يا كحلة
     
  4. سلمان حمد

    سلمان حمد تربوي جديد عضو ملتقى المعلمين

    28
    0
    0
    ‏2009-02-01
    اذا عندك استشاره بموضوع الوظيفه اطرحيها بموضوعك والكل يدلي بدلوه واخذي الاقرب لنفسك
    مادري ليش هاللفه الطويله اللي مسويتها
    ومن قال انك كذابه عشان تحلفين
     
  5. أبله كهله

    أبله كهله تربوي جديد عضو ملتقى المعلمين

    438
    0
    0
    ‏2009-05-23
    صالح العتيبي اللهم آمين

    ****************
    سلمان الاحمد ليش معصب وش اسوي باسلوبي
    قدر الله عليه واني اكتب كذا واحلف لاني جد صادقه

    موضوعي باختصار

    هل لو اكتب برقيه مو للملك لاي أمير او وزير عن طريق موقع الاتصالات هل تلاقي قبول
    وتاخذ بعين الاعتبار والا نصابين ماتوصل

    ما ابغى اروح اخسر بالنهاية تكون مجرد نصب من الاتصالات

    بس
     
  6. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    هاتي ماعندكـ


    أن كان موضوعتس عام أسدحية فيذا...وأن كان خاص تعالي للخاص ..ولا يصير خاطرتس إلا طيب.
    <<وتخبط على صدرها من الحماس وتكح كحـآ شديدآ

    بس وأنا أختس مالكـ إلا العنجليزية...فيذا ماهنا احد يساعد..

    وأنا قدها وانت بنت أبوي<<<بس عاد لا تلومينا ان ماجاتس شيء العتب موب علي على الأسلوووووب


    تحياتي
    وأنا بالخدمة<<<هالمرة اتحتسى جد الجد
     
  7. أبله كهله

    أبله كهله تربوي جديد عضو ملتقى المعلمين

    438
    0
    0
    ‏2009-05-23
    يا ابلة العنجليزي الله يهب لش رزق

    ان كان اسلوبش بالخطاب بيكون كذيه عز الله انه يقطع الخميره من البيت [​IMG]


    لكن انا فداك وشاكره جدا اهتمامك ومشاركتك

    خلينا نشوف اول شي هل طريقة البرقيات هذي مجديه اذا فيه أمل

    بازبط الخطاب انا وانتي على الخاص لازم نختار الفاظ لها وقع في النفس


     
  8. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    بلا انتي ماتعرفينن تقولين تسذا
    عزالله لو كتبت البرقية بتنحل مشكلتس على طول


    دانا ابلة عنجليزي والأقر على الله صوابعي يتلف بيها الحرير
    والعب بالبيضة والحقر<< تجميع هررررج
     
  9. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    أيش قـــومــك ؟!!!:d

    والله شوفي يا أبله كهل الله يهبلك عافية ..

    البرقية توصل لأي مسؤول بس على حسب المسؤول الي تصوله هو شقردي بخلص موضوعك ماهوب شقردي رددي ياليل مطولك ..

    وسعر البرقية تعتمد على عدد الحروف بالبرقية وكل عناوين المسؤولين مثلي << تكفى يالمسعول أنت

    كل العناوين موجوده عند حقين البرقيات وعلى عليك الا الاتصال على رقم البرقيات 969

    وبالنسبة لخطابك مثل ماقالت الأخت أبله عنجليزي علمينا وشهو وإن شاء الله نسوي الي نقدر عليه ..

    ولا لك الا طيبة الخاطر .. ونسوي لك خطاب إما ينجح موضوعك ولا تدخلين السجن لانه الكلام بيكون قوي وقوي مرره يعني مفردات ما تستخدم الا بمجلس الامن .. ومحكمة العدل الدولية ..

    وأنا جاهز وشدي محزمك ...

    اخذوك بشوشتك وشلوك على قعادة و ودوك يبل حرفة:d

    ترا مانيب من اهل الجنوب بس دعابه :d
     
  10. فيصل الغامدي

    فيصل الغامدي عضوية تميز عضو مميز

    8,412
    0
    0
    ‏2008-08-08
    معلم
    لا يكون شايفتنا موظفين في وزارة الخطابات المدنية
    برتبة كاتب معروض
    المعلم وغير المعلم قارد عن التعبير
    عما يدور في نفسه ويدور في خاطره من رغبة شديدة
    لطلب حاجتة والوصول الى هدفه!
    لا يكون حنا من المشعوذين وانا مدري!!
    ترانا معلمين لا اكثر ولا اقل
     
  11. بدور32

    بدور32 تربوي جديد عضو ملتقى المعلمين

    2,141
    0
    0
    ‏2009-01-29
    معلمه
    :36_1_64[1]: ياكافي
    وراك معصب وشايش روعتني انا مو صاحبة الموضوع
    روق
    لو أنا صاحبة الموضوع كنسلته


    مو صاحي
    اخذوك بشوشتك وشلوك على قعادة و:d
    ودوك يبل حرفة:d

    هههههه امحق من دعابة والله أنكم فعلا الرجال جنس خشن
    واحد معصب وشايش واحد مزحه صعيدي
     
  12. بدور32

    بدور32 تربوي جديد عضو ملتقى المعلمين

    2,141
    0
    0
    ‏2009-01-29
    معلمه
    تفضلي أختي أطرحي موضوعك وتجدين بإذن الله ماتقر به عينك --
     
  13. المحصني

    المحصني تربوي جديد عضو ملتقى المعلمين

    3
    0
    0
    ‏2009-05-23
    أنا لا أدري هل الأمر جد أم هزل ..........................؟ أرجو أن توضح لنا الأخت !!!!
     
  14. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي

    هووووو جد بس دام أني دشيت فية صاااار هززززل:36_1_11[1]:
     
  15. أبله كهله

    أبله كهله تربوي جديد عضو ملتقى المعلمين

    438
    0
    0
    ‏2009-05-23
    انا لله وانا اليه راجعون لازم من الفضايح وانا دوبني مسجله وقلت ابله كهله قصدي اكتاش غير كذا خفت الاداره توقفني لانه المكان خاص بالمعلمين والمعلمات واللي دلني على المنتدى صديقتي معاكم هنا الله يوفقها تيتشره

    اخواني اخواتي انا لجات لكم لانكم خبره بالشحاده والطلايب بحقوقكم من كبار الشنبات

    الحقيقه انا عاطله منذ خمس سنوات وخلاص ما عاد ابغى التعليم ولا منه رجاء ابدا ابدا

    وقدمت على وظائف اداريه بالديوان وعندي رقم الطلب قلت بارسل برقيه لاحدى الجهات الحكوميه وارفق رقم الطلب واستجديهم بالوظيفه

    هل هذا الشي ينفع والا ماله داعي


    **************
    ابلة العنجليزي باكتب البرقيه بس ترى كنت طومريه متعوده على التصريحات الناريه خوفي اكتب خطاب ويزج بي في سجن الحاير ترى البطالة كلت من عقلي حته

    ************
    مو صاحي

    ذكر الله يغطنا
    ما ابغى يبل حرفه يبال منعا احسن
    وشاده المحزم لين تناقزت عيوني وان شاء الله باختصر البرقيه واشوف لي احد يراجعها ويعدلها

    **********************
    فيصل الغامدي
    يطوى قيده ابتداء من يوم غد من السلك التعليمي
    اخوي فيصل بالعكس مايعرف يعبر الا من ذاق الويلات

    ********************

    بدور فديتج
    هذا انا عطيتكم السمنه وشرحت طلبي
    وش رايك

    ******************
    المحصني قسم باله اني جاده وما كتبت عبثا الا ودي اعرف وش اسوي تايهه

    **************


    أشكركم جميعا وكلكم يعلم ان للسان زلات وللقلم سقطات فالمعذره

    ادلوا بسطولكم رغم اني محبطه نوعا ما
     
  16. kkaa123

    kkaa123 عضوية تميّز عضو مميز

    ‏2008-06-09
    معلم
    رزقك الله من واسع فضله
    ومشكلتك يشاركك الكثير فيها رجال ونساء ولن تنفعك إلا دعوة
    فاقتنصي أوقات الإجابة ولعل الله يكتب لك الأجر الكبير فيها
    وأسأل الله تعالى لك ولكل عاطل أن يرزقك الله رزقا حلالا طيبا عاجلا غير أجل...
     
  17. أبله كهله

    أبله كهله تربوي جديد عضو ملتقى المعلمين

    438
    0
    0
    ‏2009-05-23
    ان شاء الله ما اقصر بالدعاء والاستغفار

    ردك يذكرني برد الوالد يتوسط لاولاده ويترك بناته ويقول عليكم بالاستغفار والدعاء

    طيب استغفر وادعي وانا بغرفتي حاطه يدي على خدي

    ماسمعتوا الامرط يقول من ينتظر السماء ان تمطر بالوظائف الحكوميه فسيطول انتظاره [​IMG]

    الله يفرجها


    ماتدرون حياتي ومستقبلي كله متوقفه على وظيفه


    شاكره مرورك وجزاك الله خير على النصيحه
     
  18. اللؤلؤ المكنون

    اللؤلؤ المكنون مشرفة سابقة عضو ملتقى المعلمين

    7,287
    0
    0
    ‏2008-05-17
    ...
    اختي الغالية .. أبله كهله ..

    اهلاً ومرحباً بك معنا في هذا الملتقى الغالي ..

    واسأل الله العلي العظيم ان يرزقك من واسع فضله .. وان يسهل لك جميع امورك .. انه سميع مجيب الدعاء

    بخصوص كتابة الخطابات او البرقيات .. فهذا فن وموهبة لدى البعض .. ويحتاج الى اسلوب وحجة قوويه .. لان الخطابات تخاطب العقول .. ولابد من اتخاذ الاسلوب المناسب في كتابتها

    يتكون الخطاب من عدة اجزاء .. المقدمة .. تحمل عبارات التحية .. والتقدير للمسئول وتكون قليله ولكنها عبارات قوية ومنمقمة

    موضوع الخطاب .. يشرح فيه مقدم الطلب موضوعه بكلمات قصيرة سلسلة مرتبة دون الاسهاب

    الخاتمة .. نوع من الثناء والشكر لله ثم للمسئول اي نوع من المديح

    هذا اجتهاد شخصي مني .. واتمنى ان اخدمك ..

    تحيااااتي لك


    :)
     
  19. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    طيب حاولي تكتبين الخطاب مدري البرقية وإن شاء الله أخوانا المعلمين والمعلمات مايقصرون بيعدلون فيه ويضبطونه ..
     
  20. أبله كهله

    أبله كهله تربوي جديد عضو ملتقى المعلمين

    438
    0
    0
    ‏2009-05-23
    باكتب الخطاب الليله لكن ما باخليه يكون تقليدي والله اني اكره اسلوب الطلبه احس من حقي لكن الله يعيني باكتب وباوجز باللي بقلبي ان ماردوا علي ترى انا أعلنها من هنا بريئه من جنسيتي

    تدرون اني افكر السنه الجايه اقدم على بكالوريوس من جديد باختار ادارة اعمال طبعا بتقولون ليش ما اقدم ماجستير
    ما اقدر لان معدلي مايسمح والماجستير اللي على الحساب لو باقول للوالد بيسفرني مع الشغاله
    لكن يوم قلت له بادرس جامعه من جديد قال مافيها شي
    بس المشكله مايقبلون من مضى على شهادة الثانوي أكثر 5 سنين
    شكلي بارفق هذا الطلب بالخطاب اذا ما فيه توظيف والا تخصصي اللغه العربيه مو مرغوب مستعده أدرس من جديد 4 سنوات واشوف لوين بنوصل مع مملكة الانسانية