اعلان 1 اعلان 1 اعلان 1 اعلان 1 اعلان 1 اعلان 1


أطرف موقف ,,,,, في مدرستك ,,,مع زملائك ,,,مع أبناءنا الطلاب

الموضوع في 'الملتقى العام' بواسطة فواز الزيادي, بتاريخ ‏2009-05-25.


  1. فواز الزيادي

    فواز الزيادي تربوي جديد عضو ملتقى المعلمين

    123
    0
    0
    ‏2009-01-13
    بسم الله الرحمن الرحيم


    المعلمين والمعلمات لهم تجارب في حياتهم العملية وبالتأكيد,هناك مواقف طريفة مرت عليهم.

    أرجو من الجميع المشاركة ,بعيدا عن هموم قضيتنا.

     
  2. ماجد السلمي

    ماجد السلمي تربوي مميز عضو مميز

    1,778
    0
    0
    ‏2008-02-07
    معلم
    طالب ضيع اسمه

    حاولنا معه بكل الطرق

    بعد أكثر من نصف ساعة تذكر اسمه
     
  3. الزعيم***

    الزعيم*** تربوي جديد عضو ملتقى المعلمين

    271
    0
    0
    ‏2009-01-29
    معلم
    طالب بصف خامس مدري سادس يسئله معلم التاريخ عن الامارت وكم فيها اماره

    الطالب يجاوب ويقول 1- دبي
    2- الشارقه
    3- سما دبي (طلع الطالب راعي قنوات فضائيه)
     
  4. ابو يارا

    ابو يارا تربوي جديد عضو ملتقى المعلمين

    61
    0
    0
    ‏2008-07-16
    معلم
    طالب في ورقة الامتحان كاتب اسمه وشاطب عليه وراجع كاتبه مرة ثانية مادري وش كان كاتب اصلا



    طالب سالني يوم من الايام قال انت وش تشتغل يا استااااد قلت له وانا اظنه يستهبل عسكري واكتشفت انه كان صادق بسؤاله لما دلع لسانه وقال العسكري راتبه شوي والغريب انه تفاجأ لما عرف اني مدرس
     
  5. معلمه مع وقف التنفيذ

    معلمه مع وقف التنفيذ تربوي جديد عضو ملتقى المعلمين

    131
    0
    0
    ‏2009-01-27
    انا الموقف اللي حصل كان لي مو للطالبات...مره كان عندي الحصه الرابعه وبعد مابديت اشرح الدرس طقت طالبه الباب وفتحته وهبيت فيها قلت ماشاء الله عليك توك تجين ؟؟ماراح اسمح لك بالدخول ! قالت انا من الفصل الثاني بس جايه استعير اقلام سبوره لأبلا فلانه!!! لقطت وجهي والبنات ماتوا ضحك...
     
  6. الأعرابي

    الأعرابي تربوي جديد عضو ملتقى المعلمين

    1,623
    0
    0
    ‏2009-05-10
    عندما كنت أدرس في قرية ما وكان الموضوع الذي ندرسه يدور حول النظافة وأهميتها للصف الرابع الأبتدائي.

    صحت بالطلاب وقلت لهم بالحرف الواحد:

    لا أحد يداوم ألّا وهو" متروش" كل يوم، ان بغيت الصبح قبل ما تجي للمدرسة ولّا

    بالليل أهم شي تجي " متروش ".

    رفع أحد الطلاب الذي كان عن يميني إصبعه ، وقال:

    حتى بالإختبارات يا استاد !!!!!!!!!!!!!!!!!!!!!
     
  7. السراج

    السراج تربوي جديد عضو ملتقى المعلمين

    51
    0
    0
    ‏2008-01-18
    معلم
    قبل اسبوع يعني الاسبوع الفائت ضيعت يوم الاحد ضنيته يوم السبت وعلى طول رحت صف ثالث ثانوي وانا عندي ثاني المهم خلصت الحصة ، رحت للصف الثاني فوجدت معلم الرياضيات تاخر قليلا في الشرح ومن باب الدعابه قلت له ياخي رتب وقتك رد علي وقال : أنت اللي رتب جدول ترا عندك ثاني وانا عندي ثالث الحصة الأولى و الحصة الثانية أنا عندي ثاني وانت عندك ثالث
    <<<<<<<<<<<<<<<< طاح وجهي ... صرفته :36_1_53[1]::36_1_53[1]::36_1_53[1]:
    قلتله انت اللي غلطان أصلا ليه تتأخر في الشرح وزع وقت الحصة
    هههههههههههههههههههههه
    ومر الموقف بسلام لأن التبديل مشى بس اللي قهرني طلاب ثالث مفهين رايحين معي :36_1_17[1]::36_1_17[1]:

    والسلام ختام
     
  8. ابو السعد

    ابو السعد تربوي جديد عضو ملتقى المعلمين

    23
    0
    0
    ‏2009-05-16
    انامره اول ماتعينت على طريق الرياض وش طفشان قافله معي المهم دخلت الفصل من التفكير في الديره واهلها لا خدمات ولاغيره المهم قال الطالب الي في الصف اليمين ممكن يا استاذززززز انا كنت افكر ماني بحوله قمت وطالعت في الطالب الي في اليسار وقلت انا اقول لا احد يتكلم وصفعت الولد كف قال موانا ياستاذ ذالك ولقت وجهي
     
  9. فواز الزيادي

    فواز الزيادي تربوي جديد عضو ملتقى المعلمين

    123
    0
    0
    ‏2009-01-13

    ههههههههههههه:36_1_50[1]: مسح الولد ,,,عسى ابوه عنده غيره هههههههه
     
  10. فواز الزيادي

    فواز الزيادي تربوي جديد عضو ملتقى المعلمين

    123
    0
    0
    ‏2009-01-13
    ماجد السلمي ,,,الزعيم,,,أبويارا,,,معلمة مع وقف التنفيذ,,,الأعرابي,,,السراج,,,أبو السعد

    شكرا لكم من القلب , على مشاركتم وعلى إدخالكم السرور على قلبي:36_9_4[1]:,,,بس أكيد عندكم غيرها كثير ,,,لا تبخلوا علينا:36_13_6[1]:
     
  11. العليل

    العليل تربوي جديد عضو ملتقى المعلمين

    1,092
    0
    0
    ‏2009-01-12
    هي المهنة !
    الموقف محــجـــوز ..
     
  12. معلم ممتاز

    معلم ممتاز تربوي جديد عضو ملتقى المعلمين

    319
    0
    0
    ‏2009-04-13
    معلم
    مره..كان الفصل فوضه صحت في الطلاب..بس ياولد..تكلم ساكت..طبعا قصدي لاتتكلم..وماعرفت معناها الا من ضحك الطلاب..قالوا كيف نتكلم وحنا ساكتين
    ,,,,,,,,,,,,,,,,,,,,,,,,,,,,,,,,,,,,,,,,,,,,,
    مره شرد طالب أول ابتدائي وقابلته بالصدفه عند البوابه..وانا وراه مطارده..وبالصدفه يقابل أخوه اللي تووه وصله المدرسه..ويرجعه مرة ثانيه..أستلمت الدور..جيت أوصله..قال لي الله يدخلك الجنه لا توديني الفصل..قلت أيش تبغى..قال لي أبغى أسولف معاكم في الاداره..قلت له وش عندك..تخيلوا جلس جنبي في الكنب..قال لي ايش عندكم سيارات..يعني أنه بدا السوالف..جاء المدير وحاول فيه ..رفض..قال ابغى صاحبي..يعني أنا بلا فخر..وأخذته ووصلته الفصل..وحنا في الطريق..قال لي وصلني عند صاحبي..في الفصل الثاني..والمضحك..أني لما سألت صاحبه..قلت له:حبيبي هذا صاحبك..قال لا...
    ,,,,,,,,,,,,,,,,,,,,,,,,,,,,,,,,,,,,,
    مره مدرس وطنيه يسأل طالب عن فروع وزارة الداخليه..قال:وزارة الداخليه البريه ووزارة الداخليه الجويه ووزارة الداخليه البحريه..
    ,,,,,,,,,,,,,,,,,,,,,,,,,,,,,,,,,,,
    مره طالب ابتدائي..جاء عليه المدرس خارج من الفصل ومعاه الشنطه..قال له:فين رايح..قال للمدرس:خلاص رايح البيت..قال المعلم:ليش..قال:موعد توم وجيري قررب ولازم أروح
    ,,,,,,,,,,,,,,,,,,,,,,,,,,,,,,,,,,
     
  13. ام نورا 111

    ام نورا 111 عضوية تميّز عضو مميز

    804
    0
    0
    ‏2009-03-16
    معلمة
    موضوع مرره روعه

    المهم مالكم بطوالها

    تعرفون اول يوم بالمدرسه

    البنات الصغار والتمهيدي وما ادراك ما التمهيدي

    صياح وصراخ وتعال شووف انواع الاصوات

    المهم فيه بنت معها امها وممميته من الصياح

    حاولنا فيها بالهدايا والاغرات والام مسكينه ترغب مره وترهب مره

    ومديرتنا ترفع الضغط مرت وشاافت البنت مسوويه زحمه

    المهم قربت منها وقالت ليش ياماما تبكين ما تبين المدرسه؟؟؟ظ قالت لها ايه!

    قالت المديره وهي تقرب اكثر من البنت وصار وجه المديره قدام البنت ليش يا ماما ؟؟

    ما شفنا بعدها االا كف من البنت على وجه المديره

    من هول الموضوع تنحت المديره شووي مو مصدقه قالت شاطره ياماما!!!!!!!!!

    بعدها ما ادري وش الي صاار لاني ما قدرت امسك نفسي من الضحك وحبيت ها البنت من يومها

    لانها عبرت عن الي نفسي اسوويه
     
  14. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    موضوع رائع
    يترك مساحة للتعبير عما في النفس بطريقة التعبير الحر باسلوب ساخر


    اصعب موقف مر علي
    لمن وصلت المدرسة ادور شماغي وما الاقيه طبعا اجدعه بالسيارة ع طول


    18 كم الدوام عن البيت
    بجنوب الرياض

    واخذ من الحارس شماغ بدون طاقية وعقال من سنة جدي
    يوم وعدا
    بس ما راح انسى اليوم هذا
     
  15. بدور32

    بدور32 تربوي جديد عضو ملتقى المعلمين

    2,141
    0
    0
    ‏2009-01-29
    معلمه
    فكرة الموضوع مره حلوه تغير جو
    عندي طالبه من الصعيد طازجه 100% وممتازه ماشاء الله تبارك الرحمن
    أول مادرستها بإول ثانوي
    كإنها توها جايه من الصعيد
    قامت تجاوب على السبورة فكنت اسالها وتجاوب؟
    تقول آآآه ياستازه بلهجة الصعيد مسكت نفسي
    المره الثانيه سالتها عن خطوة الحل جاوبت وقلت بعده آآآه يستازة بصي دلوقيت
    بعدها ماقدرت امسك نفسي من الضحك عجزت
    حسيت أني بمسلسل صعيدي الله يسعدها
    -------------------
    وانا طبعي شديد ة مع الطالبات وعندي قوانين خاصه
    أن الطالبه ماتتطلع عند الباب ولا توقف واللي تخالف لها عقاب
    المهم مره جيت ولقيت راس طالبه طالع وجسمها داخل الفصل تناظر من جاء وشفتني ماسمعت إلا قربعه
    جيت
    وقلت فلانه وش مطلعك عند الباب وقلت والله ماطلعت قسمن باللي خلقني
    بس طلعت رويسي
    ضحكت وقلت لا تعليق
     
  16. meme

    meme تربوي جديد عضو ملتقى المعلمين

    931
    0
    0
    ‏2009-01-23
    مُطـــرسه
    خخخخخخ عليكم مواقف !!

    اخر موقف حصل لي محرج وليس مضحك !!

    معلمتين سويت لهم مقلب من قبل وردوه لي اليوم

    تخيلوا استدرجني الى دورات المياه اعزكم الله الحصه السادسه

    وحاصروني بزاويه " وهات يااااااااااااامويه

    لين صرت تقولون سمكه طالعه من ماء !!

    طبعا المشكله هالحين الطالبات لاطلعوا وشافوني !!


    لا وانا عاااااااد اللي ماأسمح بالمخالفات هههههههه


    ولايردني الا عباتي و عالنقل قبل انتهاء الوقت !!


    أخذت برد حسبي الله ع ابليسهم الا ع الطاري بردها لهن وش اقتراحاتكم ! !
     
  17. بدور32

    بدور32 تربوي جديد عضو ملتقى المعلمين

    2,141
    0
    0
    ‏2009-01-29
    معلمه
    هههههه تستاهلين
    المهم
    سوي لهم مقلب يحرمون بعدها يرشونك
    أشتري قناع يروع المهم خذ وحده من صديقاتك معك
    شوفي في اي فصل هي موجوده
    وخلي اللي معك دق الباب وتناديه ولما تتطلع أطلعليها بالوجه
    كذا موقف ولا بإحلام
    :36_1_11[1]:
     
  18. Reemal

    Reemal عضوية تميّز عضو مميز

    723
    0
    0
    ‏2008-06-02
    معلمة
    ذكرتيني يا ميمي بمقلب سوته إحدى الزميلات بمعلمة ... ( بغت تجيب العيد فيها ) ..

    هالمعلمة - الله يصلحها - خبت - وأنتم بكرامة - جزمت صديقتها في درجها وقفلت عليها في الحصة الخامسة والمعلمة الثانية تحوس وتدور نعالها ... شفتيها يا فلانة ؟!! لا ... وشفتيها يا علانة ؟؟!! ولا .. وهذيك قمت البرااااءة ولا كأنها سوت شي ... المهم جت الحصة السابعة والعالم طلعت وحنا ما لقيناها ( أنا معها وطبعاً ما كنت عارفة بالمقلب ) ... أما أختنا المزيونة نست النعال واللي جابها يوم كلّم زوجها وطلعت ... والضعيفة لا زالت تدور نعالها وإلا يدق زوجها ...وهي تقول يارب كيف أطلع له هاللحين - بزنوبة الحمام - أعزكم الله - ...
    وطبعاً خرجت له متأخرة عليه وعصب عليها وخاصمها وبكت لين شبعت ... ( إذا أنا مت من القهر أجل كيف هي ) ..


    طبعاً ما ودكم تكونون مكان صاحبة المقلب ... اليوم الثاني ... كلنا حقدنا عليها ..
     
  19. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    ميمي
    بدور
    رمال

    الله يكون بعون طالبات تدرسونهم
     
  20. بدور32

    بدور32 تربوي جديد عضو ملتقى المعلمين

    2,141
    0
    0
    ‏2009-01-29
    معلمه
    :36_11_10[1]:
    وش حليلي مع طالباتي
    إلا يفرحتهم فينا ويحمدون ربهم أن ندخل فصولهم ههههههه