اعلان 1 اعلان 1 اعلان 1 اعلان 1 اعلان 1 اعلان 1


[]شاب يخطب بنت عمه ~ قصيده فكاهيه []

الموضوع في 'ملتقى بــوح الأقــلام' بواسطة !¤~`][الشامخ][`~¤!, بتاريخ ‏2009-05-28.


حالة الموضوع:
مغلق
  1. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    سبحان من يرزق بتوع الملاييـن*** الرازق اللي ما يخيب الرجـا بـه

    لي عم عنده معـرضٍ للصواليـن ***أموت واعرف بس من وين جابـه

    وإذا سألته قـال بعـت الدكاكيـن***ما يدري إني ما هضمت الإجابـة

    الشاهد إني رحت له قبـل يوميـن***في قصره العامـر ودقيـت بابـه

    قال أرحب أرحب عدّد ورد البساتين***يا مرحبا باللـي لفـا يـا هلا بـه

    قلت البقا عـدّ النفـل والرياحيـن ***يا شيخ شمل أهل الكرم والذرابـه

    قال اسلم الله يحفظك لي من العين***وآمر أوامر حضرتـك مستجابـة

    قلت الصراحة طالبٍ قرب غاليـن*** ودي تزوجنـي كريمتـك يـابـه

    ثنّى وقال أهليـن والله وسهليـن***والكون ترخص لجل عينك رقابـه

    لكن ترا عندي شـروط وقوانيـن***قلت اشرط اشرط يا حبيب الغلابـة

    قال أولاً مهر العروسـة ثمانيـن***غير الرسوم وغير حق العصابـة

    والثانية عمك يبي منـك سبعيـن***رسم الأبـوّة والنسـب والقرابـة

    وأم العروسة حقها منـك ستيـن***عشانها ست الحسـن والمهابـة

    وإخوانها كلن يبي منـك خمسيـن***عداً ونقـداً تنـدرج فـي حسابـه

    وخواتها الخمس عطهن من ثلاثين***عشان تتوثـق عـروق النسابـة

    وتجيب طقم عيار واحد وعشرين***وخاتم من الماس المصفى ترابـه

    وأكياس متروسة كعوب وفساتيـن***ألوانهـا وأشكالهـا مـا تشابـه

    وموتر بسواقـه وفيـلا بدوريـن***أثاثهـا مـن بطرتـه ينحكـى بـه

    واحجز لنا قاعة بقصر السلاطيـن***واحجز بهـا رقاصتيـن وربابـه

    هذي الشروط اللي على بالي الحين***وذكرني اللي ما حسبنـا حسابـه

    قلت اذكر الله يا عـدو المساكيـن***واستغفـره لا يبتلـيـك بعـذابـه

    الظاهر إنك منت عارف أنا ميـن ***أنا لو أرقى فـوق متـن السحابـه

    ما جبت حتى نص درزن مواعيـن***واضحك بكيفك واعتبرهـا دعابـة

    شروطكم هذي شـروط المجانيـن***شروطكم شغـل ابتـزاز ونهابـه

    شروطكم تقصم ظهـور البعاريـن***شروطكـم همّـن وغـم وكآبـه

    شروطكم والله سيوف وسكاكيـن***تذبح بنات المجتمع مـع شبابـه

    وين الرضا والعطف واليسر والليـن***اللي ذكرهـا الله بمحكـم كتابـه

    وين الصفات اللي أمرنا بها الديـن **وين اختفى نهج النبي والصحابـة

    يا عم جعل اللي خلقنا من الطيـن**يرد عقلك مـن خطـاه لصوابـه

    ويجعل نصيبي عند غيرك قل آمين**ويحسن عزا الصابر ويجزل ثوابه

    قال أنت لو فكرت تفكير صاحيـن***ما شفت في مجمل شروطي غرابه

    حنا بعصـر العولمـة والمزاييـن *** ماهوب عصر الفلسفة والخطابـة

    الناس تسعى للرتـب والنياشيـن***وأنت اهتمامك بالشعـر والكتابـة

    والشعر ما ينفعك لو هو دواويـن***ما دام جيبك مثـل بيـت الخرابـة

    يا بوك لا تسمع كلام المصاخيـن***واسأل مجرب عاش في وسط غابه

    قلت الله أكبر يا محـرر فلسطيـن ***من يسمعك يحسبك ذيـب الذيابـه

    تراك شايب رأس مالـك رياليـن ***والبنت ما تسوى جنـاح الذبابـة

    قال انقلع مالت على وجهك الشين****لا عاد أشوفـك عندنـا يالزلابـه

    قلت ابشر أبشر لكن الباب من وين**وأقفيت من عنده على صوت بابـه
     
  2. Reemal

    Reemal عضوية تميّز عضو مميز

    723
    0
    0
    ‏2008-06-02
    معلمة
    الظاهر إنك منت عارف أنا ميـن ***أنا لو أرقى فـوق متـن السحابـه


    ما جبت حتى نص درزن مواعيـن***واضحك بكيفك واعتبرهـا دعابـة

    كلمات ظاهرها الدعابة ..


    وبين ثنياها تصوير لواقع مؤلم ...

    أسأل الله أن يغني الشباب من فضله ....

    وأن يصلح حال أمتنا .... آآآآآمين .

    أيها الشامخ ستضل دائماً شامخاً بفكرك وقلمك ...

    بورك فيك .
     
  3. العــطااا

    العــطااا عضوية تميّز عضو مميز

    2,506
    0
    0
    ‏2008-09-07
    معلم
    راااااااااااائعه يالشامخ

    يعطيك العافيه
     
  4. شمعة الم

    شمعة الم عضوية تميّز عضو مميز

    522
    0
    0
    ‏2009-03-11
    بدون
    سطور مميزة سلمت انامل من خطها وابدعها هنا

    دمتم قلما ينبض بروعته

    تقبلوا مني فائق التحية والاحترام
     
  5. اللؤلؤ المكنون

    اللؤلؤ المكنون مشرفة سابقة عضو ملتقى المعلمين

    7,287
    0
    0
    ‏2008-05-17
    ...
    اللي بالقدر يطلعه الملاس <<< مدري وش دخل المثل :36_11_9[1]:

    اللي ابي اقوله انه بالاخير طلع على حقيقته .. مدري وش ذنب البنت المسكينة يقول عنها كذا ..:36_1_1[1]:
     
  6. نغم ح ـساس

    نغم ح ـساس عضوية تميز عضو مميز

    8,597
    9
    36
    ‏2009-05-06
    معلمة ريآض أطفآل ~
    قصيدة فكاهية تلامس مشكلة غلاء المهور لدى بعض العائلات..!!

    شكراً لـ ذوقك شامخ ..,,
     
  7. أبو فيصل السبيعي

    أبو فيصل السبيعي عضو مجلس إدارة الموقع عضو مجلس الإدارة

    3,554
    0
    0
    ‏2008-01-03
    معلم
    قال انقلع مالت على وجهك الشين****لا عاد أشوفـك عندنـا يالزلابـه
    هو والله الزلابة

    الحمد لله قد تزوجنا والا علوم

    حلوة يالشامخ
     
  8. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة

    اشكر لك طيب المرور
    لا هنتي
     
حالة الموضوع:
مغلق