اعلان 1 اعلان 1 اعلان 1 اعلان 1 اعلان 1 اعلان 1


راحت حياتي اوراق صغيره (( ورقة المقاضي .. ))

الموضوع في 'ملتقى إستراحة الأعضاء' بواسطة الشفافية, بتاريخ ‏2009-05-29.


  1. الشفافية

    الشفافية تربوي جديد عضو ملتقى المعلمين

    157
    0
    0
    ‏2008-01-14
    معلم
    ورقة المقاضي ..


    ياعالم قسم راحت حياتي اوراق صغيره جيوبي مليانه ..
    كل ظهريه وبعد صلاة العشا

    طيب يازوجتي العزيزه فيه شي اسمه دمج ..

    رئاسة تعليم البنات بكبرها دمجوها ..

    ماتقدري تدمجي ورقة مقاضي الظهر مع ورقة مقاضي الليل
    ونفتك من هالقلق اليومي ..

    المشكلة اني اقرا طلبات مالها داعي بس مجبور اجيبها ..

    دراق / طماط / بقسماط / برغل /

    واخرتها مانلقى على السفره الا كبسه

    وان سوينا نفوسنا كنديين حطينا فجل !
    طيب هالبقسماط والصولجان وبقية الاسامي الصعبه لمين
    طبعاً لخواتك اذا جوا يوم الربوع وانا ياغافل لك الله

    طقني الجوع مع ابو خالد و عبيد و سلطان
    وان سوينا فيها كرم وكاش ارسلنا حسين يجيب حبة بخاري !!
    والمدام مع خواتها يتنعمون من خيري ومن تعبي
    والجري في البقاله مع ورقة المقاضي
    مره سويت فيها ذكي وبعد ماقضيت لزوجتي يوم الربوع

    قلت بروح للشباب ..

    واطب على المدام بدري واحصل خواتها عندها
    وتوهم حاطين العشا ...

    يلعن ام الكارثه اخيرا شفت ورقة المقاضي صدق ..

    لقيتهم حاطين سفره بدايتها في المقلط ونهايتها
    عند ساسكو اللي ورا حلبان !!


    الى درجة انهن حاطين سيكل جنب السفره

    علشان اذا وحده بغت صحن من طرف السفرة

    يمديها تجيبه ..

    لا ولقيت لوحه مكتوب عليها

    ( السلطه 60 كلم )

    مافيه شي ماهوب على السفره ماناقص الا وايت ببيسي ..


    المشكله ان زوجتى تعاملني على اني ابلة تدبير وعندي خبره
    وانا والله ما افرق بين الملوخيه والكزبره


    والمشكلة إنها كتبت لي مره في الورقه كيلو كنافه كذابه
    قسم تروعت وش ذا الكنافه الكذابه ,

    انا ماعرف الصادقه فيهم
    يوم اعرف الكذابه ..

    واروح البقاله مالقيتها اتصلت بصديق قال رح لمحل حلويات ..


    واروح وانسى اسمها واقول لراعي المحل عطني كنافه نصابه ناظرني بأحتقار وعطاني اشكل بدل مايعطيني كنافه ..

    في الاخير رحت عنده وقلت ياخي معليش انانسيت اسمها
    بس انها كنافه ماهيب مضبوطه

    يعني كنافه كافره وبتروح النار ضحك

    قال قصدك كنافه كذابه قلت ايييييييييه ذي ذي ابي منها كيلو ..

    زحمه وكنافه كذابه واخرتها قطعة خبز لاعبين علينا

    وحاطين عليها شيره ..

    وكله كوم ويوم اخذت اختي في المدرسه طريقة

    عمل المكرونه بالبشاميل سرنا يوميا ماغير ناكلها

    الى درجة ان ابوي اضافها في كرت العايله

    لانها صارت جزء من العايله ووحده مننا


    الله يحفظ الوالده ..

    ورقة المقاضي حقتها ماتتغير علشان كذا مانرميها
    انا حاطها في المفضله

    لانها هي نفس الطلبات كل يوم
    بصل/ طماط / رز / دجاج / خبز /

    واذا بغت تسوي نفسها انها عارفة كل شي استبدلت
    البصل بثوم واذا ملينا وبغت تجدد فيها حطت
    الرز قبل البصل

    والخبز قبل الطماط والله اني عشت عمري كله

    وانا نفسي اكل شي جديد وخاصةً ذا اللي يسموه اومليت

    الى درجة اني سكنت في فندق مره علشان لقيت
    في القائمة اومليت مادريت انه بيض !!

    المشكله ماعندهم رحمه ..
    درجة الحراره في عز الصيف الف وانت تناقز
    من محل الى محل وبمعية سموك ورقة المقاضي

    لو تجيب الهايبر بندة كله وتنسى شي بسيط قامت القيامه
    ولازم ترجع وانت اصلاً شرير ولاعمرنا شفنا منك شي يابخييييييييييييل ..


    وياعيني على استخدام التقنيه ..



    ورقة المقاضي صارت من العصر الحجري

    الحين تجيك المقاضي مسج على الجوال

    والله اني ابغا اصيح اذا قريت رسايل جوالي

    ورسايل جوال اخوياي العزوبيه ..

    كل رسايلهم

    ( عندما تشرق شمس يوم جديد اذكرك .. )

    ( كفاني ان جنح الليل يغشاني ويغشاك .. )

    ( الله على الجمس لولا وارد الستين ) << رسالة داخله بالغلط خطيبته بنت واحد شريطي

    وانا تعال شف رسايلي

    ( حليب سريلاك .. )

    ( ارجع بدري نبي مويه )


    ( وانت جاي جب اعواد اسنان )

    اعواد اسنان في نص الليل انتي صاحية !

    وماقطع قلبي ونكد علي حياتي الا اذا طلبوا تسالي ..

    تجيب برنقلز قالوا نبي جحا ..

    تجيب بنكهة الكاتشب قالوا نبي بالخل والليمون ..

    تجيب رقاق الورده قالوا نبي رقاق غوار ..


    تجيب صلصه قالوا نبي ماجي ..



    بس والله صار عندي خبره رابحه
    وانا والله من اول كنت احسب البندوره هي البطاطس !

    مناسبة هالموضوع اني رحت اليوم بعد صلاة الجمعه


    ومعي كالعاده رفيقة دربي ورقة المقاضي
    طولها حوالي 7.12 متر

    ويوم دخلت الهايبربندة والقى زحمه


    وانا اللي تصعب علي نفسي واتمردت وشقيت

    ورقة المقاضي وارسل للمدام رساله اقولها


    اني تمردت وقطعت الورقه ...

    جزاها الله خير تفهمت الموضوع بشكل حضاري
     
  2. $الحنين$

    $الحنين$ عضو مجلس إدارة الموقع عضو مجلس الإدارة

    6,725
    0
    36
    ‏2009-01-19
    معــــــلم
    المشكلة اني اقرا طلبات مالها داعي بس مجبور اجيبها ..


    دراق / طماط / بقسماط / برغل /


    واخرتها مانلقى على السفره الا كبسه
    ههههههههههههههههههههههههههههههههههههه
    صدقت والله

    بس تدري وين الأغراض الي نشتري ولا نشوف

    يسوها وتاكلها ام لارا وام كندا

    والاستاذه ريم(لأن هاذي ما عندها اولاد)

    وغيرهم

    طبعا ذولا الجيران والمسايير وما ادراك ما المسيار
     
  3. اللؤلؤ المكنون

    اللؤلؤ المكنون مشرفة سابقة عضو ملتقى المعلمين

    7,287
    0
    0
    ‏2008-05-17
    ...


    مافي شي بدون مقابل .. تبي زوجه وبيت واطفال بدون ورقة مقااضي .. معصي مايصير ..
    اصلاً المفروض ولي الا مر يكتب من ضمن شروط عقد الزواج .. نموذج لورقة مقاضي قابله للتجديد :36_1_11[1]:

    حسوا بالمسؤلية شوي .. تحملوا اعباء المشتريات .. يعني تبون المدام تطبخ .. وتشتري بعد المقاضي ..!!!

    وبالاخير وين بتروح هالمقاضي .. في كرشك انت وياااه :36_1_1[1]:

     
  4. سٍلطٍِْـٍِـٍِانہ الہرٍياض

    سٍلطٍِْـٍِـٍِانہ الہرٍياض تربوي جديد عضو ملتقى المعلمين

    672
    0
    0
    ‏2009-04-07
    ههههههههههههههههههه يعطيك العافيه ايوالله درجه الحراره 50 تقول مقاضي ههههههه
     
  5. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    الشفافية

    والله بعد ما خلصت وما بغيت اخلص من الرسالة ادور كلمة منقول


    ما لقيتها


    ما شاء الله عليك المام شامل
    وبحث مستفيض:36_1_11[1]:
    من دبلة الكبد وتكرار الماساة



    مقاضي


    كلمة يكرها الرجل
    مو بخل ولا ما عنده وقت


    ولكن
    كما اسلف اخينا




    ذكرتني
    بمطعم

    يقول انتم السعوديين ما تعرفون غير الكبسة
    انواع الماكولات مما لذ وطاب والعصائر الطبيعية


    ويقول الزبون وش عندكم
    وخمس دقاق اعدد له

    قال
    عطني حبة ونص مع الرز وبيبسي عائلة:36_1_10[1]:


    اوووووووووووووووووووووووووووم التحطيم يا شيخ:36_1_47[1]:

    ممنوع استغلال هذه القصة لصف حواء
     
  6. الشفافية

    الشفافية تربوي جديد عضو ملتقى المعلمين

    157
    0
    0
    ‏2008-01-14
    معلم
    يعطيك العافية الحنين على المرور بعدين وش هالجيران والمساير كان الله في عونك





     
  7. الشفافية

    الشفافية تربوي جديد عضو ملتقى المعلمين

    157
    0
    0
    ‏2008-01-14
    معلم
    مافي شي بدون مقابل .. تبي زوجه وبيت واطفال بدون ورقة مقااضي .. معصي مايصير ..
    الزوجة الناجحة هي التي تدبر حالها في ظل الازمة الاقتصادية الحالية :36_3_18[1]:


    اصلاً المفروض ولي الا مر يكتب من ضمن شروط عقد الزواج .. نموذج لورقة مقاضي قابله للتجديد :36_1_11[1]:
    والله من زين العوم عند كتابة العقد كل الي يبون تم
    اهم شرط تكمل الدراسه ههههههه>>>>> وهي اقتصاد منزلي يعني خسارة اول وتالي

    حسوا بالمسؤلية شوي .. تحملوا اعباء المشتريات .. يعني تبون المدام تطبخ .. وتشتري بعد المقاضي ..!!!
    وبالاخير وين بتروح هالمقاضي .. في كرشك انت وياااه :36_1_1[1]:
    حلو وين تروح !! في بطون السحالي والباقي للقطط
    الله يكون في عون الزوج اخرتها حبة مع رز في الاسترحة :36_1_50[1]:
     
  8. teacher2006

    teacher2006 أبــو فهـد .. عضو مميز

    9,954
    0
    0
    ‏2008-09-12
    teacher
    يعطيك العافية على ما تفضلت به ... مقاضي أشكال و ألوان

    و آخرتها كبسة كبسة

    تقبل مروري
     
  9. الشفافية

    الشفافية تربوي جديد عضو ملتقى المعلمين

    157
    0
    0
    ‏2008-01-14
    معلم

    يعطك العافية على المروور وقياس الضغط الحراري
     
  10. الشفافية

    الشفافية تربوي جديد عضو ملتقى المعلمين

    157
    0
    0
    ‏2008-01-14
    معلم


    تحياتي لك ياااالشامخ
    الشكرك على المرور والمشاركة