اعلان 1 اعلان 1 اعلان 1 اعلان 1 اعلان 1 اعلان 1


→♡ فراق أهل الجنوب ← ♡

الموضوع في 'ملتقى بــوح الأقــلام' بواسطة teacher2006, بتاريخ ‏2009-06-14.


حالة الموضوع:
مغلق
  1. teacher2006

    teacher2006 أبــو فهـد .. عضو مميز

    9,954
    0
    0
    ‏2008-09-12
    teacher
    فراق أهل الجنوب




    وعيني اللي كل ما ذعـذع مـن الغـربي هبـوب
    يحلا لهـا لـون الغـروب اللـي يـذوب قبالهـا
    ويا ويل حالي كل مـا يحلالهـا لـون الغـروب
    تطري لـي الريـم اللعـوب وسالفـة ترحالهـا
    وعز الله اني كل ما تطـري لـي الريـم اللعـوب
    حرمت امد ايدي على حاجـة وانـا مـا اقوالهـا
    من سافرت ريم الفلا صديت عـن كـل الـدروب
    ما هـو قصـور بالعـذارى بـس ذيـك لحالهـا
    من فارقتني ما خطف قلبي من الحـور محبـوب
    ولا لقيـت الجـادل اللـي تستـحـق احيالـهـا
    لأن القلوب ان ما وفت لأحبابها مـا هـي قلـوب
    والعشره اللي ما تـرد الـروح مـا نسعـى لهـا
    إما الوفى اللي يستر الرجّـال مـن كـل العيـوب
    والا الجفى اللي يستر عيوب العرب فـي رجالهـا
    ما اقسى من فراق الجنوب الا فراق اهل الجنـوب
    ويلي على اللي كـل مـا تزعـل تشـد رحالهـا

    اللي مذيـره العتـب لا شبـت بصـدري شبـوب
    عييـت اراضيهـا وهـي عيـت تطـول بالهـا
    كانت معي مثل النصيب يحدني مـن كـل صـوب
    كانـت دروبـي مـن متاهـات الظلال ظلالهـا
    كانت هروبـي لا شعـرت انـي بحاجـه للهروب
    كانت سماي اللـي ليـا ضاقـت علـي ألجالهـا
    ليه اتحدانـي وانـا فـي كـل الاحـوال مغلـوب
    ليـه حرمتنـي مـن قهـر عذالـي وعذالـهـا
    ليـه اتجاهلنـي وانـا لانـي جبـان ولا كـذوب
    ليه ارخصت دمعي وانا اللي مـا بكيـت الا لهـا
    ما ترحم اللي له سنه كأنه على النـار محطـوب
    مـا هزهـا دمـع الفقيـد اللـي بكتـه أطلالهـا
    ما خافت تهدم السنين اللي بنتنـا طوب..طـوب
    ما فكرت تشفـق علـى حالـي وترحـم حالهـا
    قولوا لها لـو مـا تـذوب انـا بخليهـا تـذوب
    قولوا لها لو مـا عنـت لـي مستعـد اعنالهـا
    إليا ادمحت لي هالخطا بدمح لهـا كـل الذنـوب
    وإن جابت الحسنى معي تبشـر بعشـر أمثالهـا
    أفرش لها صدري وطن وأجمع لها ضلوعي شعوب
    وأرقى لها المكانه اللي مـا حـد(ن) يرقـى لهـا
    إن كاني مخطي فأنا مانـي خلـيّ مـن العيـوب
    الذنـب يغفـر والبشـر تجـزى بقـدر أعمالهـا
    البعد قاسي والفـراق يضيـق الصـدر الرحـوب
    وانــا تعـبـت ادور الحيـلـه وارد احتالـهـا
    قولو لها ترجع ترا ماني علـى الحـزن مغصـوب
    وإلا ترا نذر(ن) علـي انـه ماهـو ب أشوالهـا
    إمـا تجنـب هالهبـال وتتـرك البعـد وتتـوب
    والا بتبشـر بالهبـال اللـي مـا هـو بهبالهـا
    كافي زعل ترا الظروف مقفله مـن كـل صـوب
    وأنا حملـت مـن الهمـوم انواعهـا واشكالهـا
    يكفيني اني كل ما هبـت علـى صـدري هبـوب
    تحـن عينـي للجـنـوب وتلتـفـت بلحالـهـا
    والمشكلة اني كل مـا حنـت عيونـي للجنـوب
    تطري لـي الريـم اللعـوب وسالفـة ترحالهـا
    وعز الله اني كل ما تطـري لـي الريـم اللعـوب
    حرمت امد ايدي على حاجـة وانـا مـا اقوالهـا




    قصيدة رائعة لـ حامد زيد
     
  2. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    [quote]
    كافي زعل ترا الظروف مقفله مـن كـل صـوب
    [/quote]


    يعطيك العافية
     
  3. هدوء إمرأة

    هدوء إمرأة عضوية تميز عضو مميز

    19,372
    0
    0
    ‏2009-02-02
    مستوره والحمد لله
    ما اقسى من فراق الجنوب الا فراق اهل الجنـوب
    ويلي على اللي كـل مـا تزعـل تشـد رحالهـا


    حقا سعيدة بأن استوقفتني هذه الابيات الرائعة
    ودي وجميل شكري لك سيدي
     
  4. teacher2006

    teacher2006 أبــو فهـد .. عضو مميز

    9,954
    0
    0
    ‏2008-09-12
    teacher
    هدوء إمرأة

    أشكر لك ِ عاطر المرور سيدتي

    دمت ِ كما تحبين
     
  5. ابونوااف

    ابونوااف تربوي جديد عضو ملتقى المعلمين

    57
    0
    0
    ‏2009-01-18
    ما اقسى من فراق الجنوب الا فراق اهل الجنـوب
    ويلي على اللي كـل مـا تزعـل تشـد رحالهـا
     
  6. teacher2006

    teacher2006 أبــو فهـد .. عضو مميز

    9,954
    0
    0
    ‏2008-09-12
    teacher
    شاكر لك كريم المرور أبو نواف

    دمت َ كما تحب
     
حالة الموضوع:
مغلق