اعلان 1 اعلان 1 اعلان 1 اعلان 1 اعلان 1 اعلان 1


@ بندر بن سرور متنبى الشعر النبطى قصائد!!@

الموضوع في 'ملتقى بــوح الأقــلام' بواسطة نايف البلوي, بتاريخ ‏2009-06-18.


حالة الموضوع:
مغلق
  1. نايف البلوي

    نايف البلوي تربوي مميز عضو مميز

    2,680
    0
    0
    ‏2009-05-19
    موظف حكـومي

    البارحه زل اكثر الليل واعي ........... سهران واللي راقدِِِِ مادرى بي
    أشري وابيع بحسبةِ ماتباعي . .......... خطرِِِ من التفكير راسي يشيبي
    تحسّني كلمة خطاة ألدناعي ... .......... اللي ينم بغيبتي وش يبي بي
    يستر عيوبِ ماسترها القناعي ............ مسترِ عيبه ويحكي بعيبي
    لوكان مازوّد علينا ذراعي ........... ولاقدّمنا باج الطريق الصعيبي
    ماغير بين مفصلات الجزاعي .......... طول السنه عن عشقته مايغيبي
    وان كان في البندق معاشه قطاعي .......... والا انثبر بين أملته والقليبي
    والامشى بامر الحليله واطاعي .......... يطيب له ولاعلى غير طيبي
    وان كثر مالك صرت رجل اجتماعي .......... لوكنت بالماضي تعصر الزبيبي
    حطوك رجلِ وزوّدوا فيك باعي .......... ناسِ تعصر الضرع تبغى الحليبي
    وان قل مالك جيت من غير داعي .......... تجلس بدون فراش كنّك غريبي
    افواههم وسط المجالس وساعي .......... وأزين حصيلك قول كلمة يهيبي
    في فيّة الجدران دايم مقاعي .......... مخطين درب الوارده والعزيبي

    الشاعر :
    بندر بن سرور العتيبي رحمه الله

    الله من عين طرقها صواديف 0000 عميت ويبسن بالعروق الصخافي
    شفت الوزا بالعين من عرض ماشيف 0000 شفته وغيري من فطن له وشافي
    وقت تغير فيه حتى العواصيف 0000 جا في عواصيف الرياح اختلافي
    شره قناطير وخيره مقاطيف 0000 يفطن له اللي يرضع الديد غافي
    كم واحد جاله زمانه على الكيف 0000 واغترته نفسه يبا الجود وافي
    يطلع مطاليع العلا بالسواليف 0000 بين العذارى عد روحه سنافي
    يفرح بهرج بالقفى يكره الضيف 000 قتات والقتات بالنار هافي
    يعلق قصيره علقة النار باليف 0000 عي ولد عي زنوده ضعافي
    ان رخصت الحذوه توفي عن الحيف 0000 وان غليت الحذوه مشى اللاش حافي
    يرقد ويلحق والدينه تخاليف 0000 دايم ومرقد ميت النار دافي
    هو مادرى ان الجود يبغى تكاليف 0000 سهر الليالي مقبلات مقافي
    يبغى يدين للعطايا مغاريف 0000 ويبغى رجول ماتمل الوقافي
    والصبر بنحور السنين الشواحيف 0000 اللي قساها مثل حد الرهافي
    مايقدرون الجود سود الآطاريف 0000 مشاركة بيض النساء بالحافي
    يقدر عليه اللي حكم نجد بالسيف 0000 واودع مباغيض القبايل ولافي
    عبدالعزيز اللي يبث المصاريف 0000 يجدع قناطير الذهب بالفيافي
    يمشي على دربه جموع مراديف 0000 نو تحدر ماه والجو صافي
    يشدي لواقيط الزبيدي بعد ريف 000 ومما كسى البيدا تفيد الضعافي



    الشاعر: بندر بن سرور العتيبي رحمه الله
    خبيث التجارهـ
    لا والله الا طولن بالوقوفي 000 عيا يحملهن خبيث التجارهـ
    بفلوسنا ياعبيد ماش معروفي 000 متى نجي ياعبيدمع خشم صاره
    ياراكب من فوق صاف البلوفي 000 مقعد امبير الزيت نيم الحراره
    فراق مابين القلوب الولوفي 000 فرت كما وبل السحايب غبارهـ


    ------------
    شيب الفلاحي

    بديت ذكر اللي بسط سبع بوتاد 0000 واللي رفع سبع بليا عمدها
    والكار للي صار غيث للآجواد 000 لاقبلها صارت ولامن بعدها
    زايد على كل العرب بالوفاء زاد 0000 ساق المراجل لين وقف عددها
    حلحيل حلو مر زراع حصاد 0000 كبد يداويها وكبد لهدها
    ولي عجوز من ورى شط بغداد 0000سمت على شيب الفلاحي ولدها
    تبغاه يطلع مثل زايد ولافاد 0000 ماكل من هاز الطويله صعدها
    ياشيخ انا جيتك على غير ميعاد 0000 من خوف روحي لايجيها وعدها

    ----------
    صنايع يهود
    الايانديبي فوق دوج عليه شراع 0000 ما قال انفخ التشريق جاء في مواصيره
    لياهبت العليا وقام العجاج وراع 0000 يهيظك مع السكه تزاوغ معاصيره
    صنايع يهود لايبدل ولا ينباع 0000 يقربك من دار ويبعدك عن ديره
    بعد ما طلعوه مشيك مايبي المرجاع 0000 سمع من وراه الفوج غنت مواطيره
    ليا دق سلفه قام صوته يرج القاع 0000 ماجاه المعاون يشتغل في مساميره
    عطاه اثنين وداس بلآبنص وفاع 000 رزيمه رعد مزن تهلع دناقيره
    خرط له بثالث عقب نشه بعزم وزاع 0000 شتله برابع مايضيع تغاييره
    ليا شال عزمه ريحه أمن مارتاع 0000 مسك مع يمين الخط ويلد لآنبيره
    نص جو سمنه ما يبطنج مع الآرواع 000 منصيه شيخ ماتبطل جزازيره
    على سلم جده مايشاور ضعيف الناع 0000 يدلك بفعله كا ثرات دواويره

    ----------
    حج الجمل

    انا ليامني نويت افتل البيت 0000 فتلت والشعار ماينقضونه
    بينت رأسي للمغني وغنيت 0000 وين انت ياللي مرمسات ديونه
    حج الجمل ياهل المثايل وحجيت 000 والناس راس العبد مايقطعونه
    دوك السويتش وشغل الفرت يابخيت000 وارد حفيز وكاملات فنونه

    ---------------
    عجل على المسجد

    ياكثر يافيحان صبر صبرناه 0000 أمس الشهر عديت باقي أسبوعه
    لاتغبط اللي صار زوده بدنياه 0000 يتبع هوى نفسه وغير طبوعه
    مخطي طريق الحق غاد بعمياه 0000 يجمع وصخ مال زوال نفوعه

    أغبط تقي صار زوده بتقواه 0000 عبد لصوت العبد يرخي سموعه
    يفرح بصوت منادي الحق ناداه 0000 عجل على المسجد بطي ركوعه
    والا ترى الدنيا حدود مسماه 0000 لابد مايقفي وتقفي زروعه

    بندر بن سرور

    رسمتلي مع طلعت الشمس خطه 00 وبليل غيرنا تجاه الخريطه

    اشيل بميزان الروابع وحطه 000 الله من بحرا قطعنا محيطه
    انا الذي قاسيت راحه وشطه 00 وبحلت بيامي وثرها بسيطه
    ما يطلع القرناس من عش بطه 00 والجبو مايحيي النوامي شفيطه
    لاصار من ربعك أقيشر ونطه 00 هز المحاله لين يفرد شريطه
    تراه ما ينفع عساها تلطه 000 خيال دجا مثل عنز الربيطه



    000 000 0000

    فرد عليه النحاوي


    عزاه ياقلبا بلا الروح عطه --- ينقط على معلوق قلبي نقيطه
    من فعلها الآيام شيله وحطه --- اصرف وجمع والليالي محيطه
    كم مرقبن في عالي الرجم أنطه --- لكن على المحوال عسرن هبيطه
    كم خايعأ خالن خلاوي يعطه --- من فوق فرتن يوم تسمع شفيطه
    نوبن ورىثمود ونوبن بقطه ----ونوبن ورى نزوا ونوب بشبيطه

    صبرك على نفسك بدارأ أقشطه --- أخير من شوف ألوجيه البليطه



     
  2. teacher2006

    teacher2006 أبــو فهـد .. عضو مميز

    9,954
    0
    0
    ‏2008-09-12
    teacher
    متصفح أكثر من رائع أخي الكريم نايف

    تقبل مروري
     
  3. دكتــ عتيبه ـوور

    دكتــ عتيبه ـوور تربوي جديد عضو ملتقى المعلمين

    7,523
    0
    0
    ‏2008-12-13
    تيتشر
    بندر بن سرور من عمالقة الشعر .. يؤخذ منه الحكم والامثال

    لاهنت اخوي نايف
     
  4. هدوء إمرأة

    هدوء إمرأة عضوية تميز عضو مميز

    19,372
    0
    0
    ‏2009-02-02
    مستوره والحمد لله
    البارحه زل اكثر الليل واعي ........... سهران واللي راقدِِِِ مادرى بي
    يعطيك العـــــــــــــــــــــــــــــــــافية على الطرح
     
  5. عمر العتيبي

    عمر العتيبي تربوي جديد عضو ملتقى المعلمين

    3,089
    0
    0
    ‏2008-05-25
    معلم
    رحمه الله شاعر فحل والكل يشهد له
    ولايهون بقية اخواننا المعاصرين له
    يسلموا الانامل يالبلوي وبيض الله وجهك
     
  6. Reemal

    Reemal عضوية تميّز عضو مميز

    723
    0
    0
    ‏2008-06-02
    معلمة
    [​IMG]

    موضوووع راااائع ... أخي الكريم نااايف ..


    والشاعر بندر بن سرور ... كما أسلفت - وعن جدارة - ..



    متنبي الشعر النبطي ..



    شكراً لك ..
     
    آخر تعديل بواسطة المشرف: ‏2009-06-19
حالة الموضوع:
مغلق