اعلان 1 اعلان 1 اعلان 1 اعلان 1 اعلان 1 اعلان 1


برقية عاجلة إلى العساف (وزير المالية) ,,,,,,,,, أنصحك بعدم القراءة

الموضوع في 'ملتقى حقوق المعلمين والمعلمات' بواسطة أبو جاسـر, بتاريخ ‏2009-06-26.


  1. أبو جاسـر

    أبو جاسـر تربوي جديد عضو ملتقى المعلمين

    3
    0
    0
    ‏2009-01-16
    أبشرك يا وزير الغفلة الأسعار مضبوطة


    والمواد الغذائية متوفرة
    ما نقصنا بس إلا الخبز يرفعون سعره لاتراهم رفعوه أمس
    وخذ عندك بعض الأسعار
    قشطة المراعي صارت 4 ريال
    حبة المظبي 22 ريال
    الكفرات أرتفعت 30%




    الأدوية 25%



    تخيل


    جبن كرافت والمراعي السائل أرتفع

    طيب وش نسوي لبزارينا المشكلة يقدرون الكرافت السائل مع الصامولي




    يعني وش نفطر الطحين زاد والبيض زاد حتى الشابورة

    والإيجارات أرتفعت
    وقسايم المرور زادت





    الحمدلله على النعمة أمن وآمان

    الله لا يغير علينا
    حتى رز أبو كاس أرتفع
    لا وأزيدك من الشعر بيت رزمة الكراث والبصل صارت بريالين
    شفت شلون حنا بنعمه
    ****​





    في كلمة راس ؟؟؟

    ما ودك.. تنزل رواتبنا شوي..؟؟؟
    عشان.. نبني للأردن 70 ألف وحده سكنيه ثانيه!!!
    ونعطي لبنان مليار ونص دولار!!!
    ونرسل لمصر المعونة السنويه!!!
    ونرسل أعانة لساوث كالوراينا ونبني لهم مرة ثانية مثل أرامكو السعودية في نيوأورلينز!!
    اللي مازادت موظفينها شئ بس ترسل عيال الأجانب
    يدرسون ويتعالجون في أحسن الجامعات والمستشفيات وتتبرع لأمريكا بأكثر من مليارين غير بناء 2500 وحدة سكنية للمساكين




    ****

    تعرف ماشاء الله حنا..؟؟؟
    من كثر الفلل التمليك..؟؟؟
    الناس صارو يأجرون ببلاش






    ممكن طلب نقص عمرك.. أبي سلف 12000 ريال لأخر العطلة نبغى الفقع مبطين عن الفقع !!!

    يافقع قلبي فقعاه؟؟؟
    عندي دين أسدد فيه لي سنه ولا خلص.. كل شهر 500 ريال
    الله يرحم حالنا والله..
    ****​





    ابشرك قصر عمرك

    قبل فترة حطم سعر برميل البترول الرقم القياسي وصار يباع بـ 99 دولار
    ورصيدي أيضا حطم الرقم القياسي في نفس اليوم وصار فيه 10ريال





    الحمد لله شفت كيف أنا بخير والشعب بخير

    اللة يرحم زايد والعمر زايل اللي قال عز شعبك يعزك




    ****​



    اطمنك قبل كم يوم صرنا نسوي رجيم

    تعرف اللحم ما عاد نعرفه عقب ماذبحنا الكرم ألحين الواحد معاد عنده عشان يعزم
    حتى الدجاج ما عاد نأكله
    صرنا رشيقين
    تسمع بالكرش ما عاد نشوفها
    تسمع بالبطن اللي لاصق في الظهر
    يوووووه في كل مكان نشوفه





    ****​






    أبشرك نقص عمرك الشعب تطور

    أستبدل البكاء بطعم الملح؟؟؟
    ببكاء بطعم الدم؟؟؟
    آآآآآآآآآآآآآآه يا حلو مذاقه
    ودك تجربه؟؟؟
    أنا أقولك وشلون؟؟؟
    انتظر لين منزلك يخلص منه حليب الأطفال!!!
    والبامبرز عشان تطلع الريحة صح وتعرف معنى الحياة
    نظف جيبك من الفلوس؟؟؟
    نم ومخباك فاضي؟؟؟
    خل زوجتك تصحيك من النوم قبل الفجر
    وتقولك أن طفلك ما عنده حليب
    دق الشماغ ولف على جيرانك
    دور سلف.. علشان تشتري حليب لطفلك
    الجميع بيطردك لأنهم طفارى كلهم





    أنس أنك وزير وأرجع للبيت

    بتدخل على أنغام بكاء طفلك
    عندها ستحتقر نفسك وأنت عاجز عن إشباع طفلك
    عندها ستلعن اليوم اللي أنولدت فيه
    عندها ستلعن اليوم اللي أنولد طفلك وصرت مسؤول عنه؟؟؟
    عندها ستضمه وستبكي من القهر
    ستنزل دموعك وتحس بطعم الدم في حلقك
    وتستغفر ربك لأن الجوع كافر والطفره طق أصبع وهبال على خبال والنتايج قريبة !!!
    سوف يكثر الفساد والطمع والسرقة في عز النهار والقتل والقوي ياكل الضعيف
    ****
    نقص عمرك يوم حنا صغار وش كانوا يقولون لنا
    كانوا يقولون الرجال ما يبكي
    عيب تطلع دموعه
    صرنا نصيح عادي
    البكاء صار ملازم لنا
    والسبب كومة لحم (أطفال ونساء) في رقبة الواحد
    يبكي لأنه عاجز عن توفير الحياة الكريمة لهم
    ****​





    بس ودي أقولك شي قبل ما أروح وأصيح

    تدري وش معنى الرجل يبكي قدام زوجته وأطفاله
    معناها تسقط كل قيم الرجولة والوطنية اللي تعلمناها في طفولتنا
    معناها إحساس المرأة بالأنكسار وعدم الأمان
    معناها خنوووووع ما بعده خنووووع للظروف القاسية اللي وضعنا فيها
    معناها أمور كثيرة ما راح تفهمها..







    ياويلك من ربي لو كنت السبب



    وياويل من كان السبب