اعلان 1 اعلان 1 اعلان 1 اعلان 1 اعلان 1 اعلان 1


شروط جديده للتسجيل ...صعبه جدا ...حاول تتجاوب

الموضوع في 'الملتقى العام' بواسطة بدر البلوي, بتاريخ ‏2008-01-19.


  1. بدر البلوي

    بدر البلوي المدير العام إدارة الموقع

    15,731
    112
    63
    ‏2008-01-03

    ...
    ...
    ...







    شروط من المشرف العام لأحد المواقع ... لا تفوتكم
    هذى الشروط من المشرف العام لأحد المواقع المشهورة
    بعد ان جائته حالة من الطفش من كثر مشاكل الأعضاء والموقع ....


    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,

    لقد تغيرت شروط التسجيل في المنتدى ....
    وتم تغيير مسمى المنتديات لتواكب مرحلة ما بعد الحرب الباردة

    اعرفوا الشروط زين....وافهموها.... وفتحو عيونكم زين









    واللي ما يبي هالشروط جعل اصبيعاته اللي طقت على الكيبورد للكسر
    ولو ما عليه كلافه يطق راسه باقرب جدار....
    حنا ما نلعب....واللي يبينا حياه الله بيننا....فهمتوا ياالجحلط

    بما ان هذا الموقع موقعي
    فاللي يبي يسجل معنا يوافق على الشروط من ورى خشمه ....
    والشروط هي...

    - اللي يسب اي واحد من الاعضاء

    نبي نجيه وبنربط حواجبه ههههههههه في صدامات الهايلكوس وبنروح ونطعس فيه باقرب طعس...
    همني قايلكم حنا ما نلعب

    2- لما تكتب موضوع خل البقيه يجون ويتميلحون ويتهاوشون
    بس بحدود وخلهم يذبون براحتهم.....
    واللي بيقلبها سب...عز الله ان امه داعيه عليه...
    لاني بخليه يضيع اسمه من كثر ما امحطه بالعجرء.....
    همني قايلكم حنا ما نلعب

    3- اللي بيخربط بالدين ولا بالسياسه....هذا عذابه عذاب..
    وابحجز له على اقرب رحله على طياره ترش الجراد
    وابرقي فيه على ارتفاع 50000 الف قدم وابجدعه على خوص نخله...
    علشان ما يتعود لها همني قايلكم حنا ما نلعب

    4- انتم اعضاء لكم تكتبون بس....
    ولااحد فيكم يسوي لي فيه مراقب مانبي مراقبين.....فهمتوا ولا افهمكم...

    5- الساحه الرياضيه لكم ثنتين ياتكون هلالي يا تكون هلالي
    ...واللي ماهو هلالي لايوطوط فيذاك ساحة ابو جدي وانا حر فيها ولا عندنا ديمقراطيه....
    ولا عمرنا سمعنا فيها وهي وشهي...هي الديمقراطيه حاجه تنوكل

    6- مسموح الذب...والذب هي كلمه اتيه من الذباب وهي فعل مضارع جمع تكسيربسيط...فهمتوا...
    صح ولا ماهو صح...قولوا صح لابارك الله بالساعه اللي جمعة هالخشش فيها...
    واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه عشر....
    ايه تسعطعش...ساحتنا وحنا حرين فيها

    7- ياويلك ويا سواد ليلك لو تعطي احد كلمة الضروس....
    الا عندي سوال ليه سموها كلمة سر...
    ليه ما سموها كلمة خشم ولا ضرس ولا مصران احول قصدي اعور.....
    طبعا قايلكم ساحتنا وحنا حرين فيها

    8- اللي بيسجل باسماء قبايل وعوايل...ولا مخله بالادب....
    هذا بنوديه لا اقرب شيخ وبنكويه مع علاباه...
    وبعدين بناخذه لا اقرب قليب...
    وبنغطسه وبنطلعه...ونغطسه ونطلعه الين مايقول....
    اشهد ان الددسن سياره...واشهد ان الاقلاع ما هو بالشطاره ولا بالمصاله.....
    الاقلاع فن يا هوووووه واشر لي بالمنديل يا هووووه قال انا ماشي....
    اقول لا تكثر بربستكم يا هوووه....وش هالمسكه الغلط.....همني قايلكم ما نلعب...

    9- قريتوا الشروط ..هاه عجبتكم....فهمتوها...طيب ما عندنا تسجيل هالايام....
    واللي يبي يسجل معنا يرسل لي ايميل على التلفون حقي اللي ماني ذاكره لكم...
    لان الدعوه عناد...واللي براسه حب ما انطحن....تراي ابطحنه له....
    واذا فيه خير يقابلني وين ما بغى عند الصمان ولا ديراب ولا بالشرقيه ولا باي محل....

    10- كلنا عيال قريه وكلن يعرف خيه...

    11- همني قايلكم حنا ما نلعب

    الان اسماء المنتديات بعد التعديل :-

    * منتدى شخبط وخمبق ترى محد لمك.....المنتدى العام سابقا

    * منتدى شاعر في المشمش......المنتدى الشعري سابقا

    * منتدى مواضيع مهناش احد.....منتدى المواضيع الجاده سابقا

    * منتدى معاهم معاهم عليهم عليهم....المنتدى الرياضي سابقا

    * منتدى ياهلال ياهلال ....منتدى الهلاليين سابقا

    * منتدى كن صديقي.....منتدى المواضيع المتميزه
    بالنسبه للبريد ان شاء الله في السنه الجايه زي هالحزه ما حنا حاطينه ..ماعندنا

    بالنسبه للمحادثات....تسان ودكم نسوي لنا طلعة بر على الطبيعه ازين...

    ملاحظه......

    اللي بنكتشف انه رجال مشورب ويكتب باسماء اناثي...
    ولا اناثي تكتب باسماء رجاليه
    هذولي بنخلي خششهم كلمات متقاطعه يصعب حلها.....ويا سرع طيحتهم



    :36_1_1[1]:

    ( اخوتى اخواتى ....مجرد دعابه الله يصلح الحال .....منقول )
     
    آخر تعديل: ‏2008-01-19
  2. رتانيا

    رتانيا مشرفة سابقة عضو ملتقى المعلمين

    4,662
    0
    0
    ‏2008-01-13
    روووعه هذي المنتديات والا بلاش,,,

    بس عزيزنا ساهي فيه مصطلحات مافهمتها ممكن الترجمه لو سمحت,,

    مثل:
    الجحلط - أمحطه بالعجرء - بنكويه مع علاباه - قليب,,,
    ولك تحياتي,,,
     
  3. بدر البلوي

    بدر البلوي المدير العام إدارة الموقع

    15,731
    112
    63
    ‏2008-01-03
    الجحلط ...مجموعه من الشباب ربما عاطلين عن الادب
    امحطه بالعجراء ...اى بعصا كبيره
    بنكويه مع علباه...اسفل الرأس من الخلف
    قليب .....ما فى امل افهمها انا !!!
     
  4. عبــدالله الشــريف

    عبــدالله الشــريف إدارة الملتقى إدارة الملتقى

    3,471
    1
    0
    ‏2008-01-03
    معلم
    هههههههههههههههههههههه
    وش ذا هذا شكله محشش وبايعها


    وشرهتك على الي بيسجل في منتداه
     
    آخر تعديل: ‏2008-01-19
  5. عبــدالله الشــريف

    عبــدالله الشــريف إدارة الملتقى إدارة الملتقى

    3,471
    1
    0
    ‏2008-01-03
    معلم
    أخوي ساهي كلمة قليب تعني بئر الماء قديماً
     
  6. صالح المرزوق

    صالح المرزوق تربوي جديد عضو ملتقى المعلمين

    111
    0
    0
    ‏2008-01-18
    معلم
    هههههههههههههههههه

    في البداية انفجعت قلت هذا المنتدي اسلوبة كذا ؟؟؟

    الله يرجك

    اتوقع اني شفت احد الأخوان اسمه مو صاحي يصلح مشرف عندهم ههههههههههه

    يعطيك العافية
     
  7. الفارس

    الفارس <font color="#0066FF">مشرف سابق</font> عضو مميز

    252
    0
    0
    ‏2008-01-13
    معلم
    والله منتداه شكله فله بس والله منت بسهل يا ساهي صاير مترجم ,,,,,,,,
     
  8. أحمد الغامدي

    أحمد الغامدي مشرف سابق عضو مميز

    444
    0
    0
    ‏2008-01-13
    معلم
    هههههههههه
    الف مليون مبروك على ذا المنتدى حطم الرقم القياسي في عدد الاعضاء
    ولا واحد مسجل هههههههههههه
     
  9. قلم الخواطر

    قلم الخواطر تربوي جديد عضو ملتقى المعلمين

    60
    0
    0
    ‏2008-01-15
    معلم
    شكل هذا المنتدى يشتغل بدون انترنت

    شكرا لك على المداعبة