اعلان 1 اعلان 1 اعلان 1 اعلان 1 اعلان 1 اعلان 1


ثلاث سنين انا مخطط لهذا اليوم يـا بـو سعـود

الموضوع في 'ملتقى بــوح الأقــلام' بواسطة عطر الكون, بتاريخ ‏2009-07-22.


حالة الموضوع:
مغلق
  1. عطر الكون

    عطر الكون مراقبة إدارية مراقبة عامة

    15,600
    8
    0
    ‏2009-01-17
    كل يوم نتعلم شيء جديد
    ثلاث سنين أنا مخطط لهذا اليوم يـا بـو سعـود

    ثلاث سنين أنا مخطط لهذا اليوم يـا بـو سعـود
    تيسّـر حالـي و جاهـز أوفّـي وعـدي بوقتـه

    و فجأه جتني تتعـذر .. تقـول تأخَـرَت لوعـود
    و أنا مستغرب و اسمع كأنـي وعدهـا خنتـه !!

    حسبت إنها تمازحني و تتصنـع جفـا و صـدود
    ضحكت بوجهها من قلب.. مع إنْها بايخه النكتـه

    و قالت أرضى بالواقع .. قلبـي ماهـو المعهـود
    تغير كل شي صوبك .. نصيبي ما أظـن إنتـه !!

    كنت ف يوم محبوبـي و لكـن مـا أظـن نعـود
    وصل من قبل ما توصل .. و أنا ذاك الصبر عفته

    و لكن تكفى صدقنـي و يشهـد ربـي المعبـود
    ترى ما خنتـك بغفلـه .. ولا كلمتـه و شفتـه

    صراحه أهلي قالوا لي بأنه ولـد أصـل و جـود
    و جتني أمه بالصوره .. و بكلمات المـدح اختـه

    سكت و قلت هي فرصه مدام الجود في الموجـود
    و قالوا كل من حولـي علامـات الرضـا سكتـه

    و أنا فكرت دام أمـه و أختـه مـا عليهـم زود
    أكيـد إنـي براضيهـم إذا وافقـت و أختـرتـه


    و أراضي أهلي و أخواني مدام إن الفرح مقصود
    عطيت الناس أنا كلمـه ومعاهـم وقتـي حددتـه

    و لا أقدر اغيرها .. ترى عنـد العـرب منقـود
    أوافق و أعتذر باجر و أقـول الـراي غيرتـه !

    تبي تشرح لي المنقود .. تصدق عاد يا بو سعود؟
    تبيني أقتنع و أرضى بحال ٍ عمـري مـا عشتـه

    أنا ماني بقايلها .. عسـى يفـرش ثراهـا ورود
    بعد ما حطمـت قلبـي و طعـم المـوت جربتـه

    عسى بفستانها أشواك .. و في ثوبه عقارب سود
    و نار ٍ تحرق الكوشـه و تحـرق بيتهـم حتـى

    و موت بليلـة الدخلـه يبـرد حرتـي يـا كـود
    ولا أحس إنهـا بحضنـه يلامـس خـد لامستـه

    علي أهون إذا ماتوا ولا بنفـس السريـر رقـود
    ترى صعـب ٍ علـي أتخيـل اللـي مـا تخيلتـه

    عسى قاع الثرى يقسى و يتحول صخـر جلمـود
    و حفار القبـر يرفـض يسـوي فـوق مقدرتـه

    ترى دفنة عديم الذات تلـوع حتـى كبـد الـدود
    و من خان العهود و مات تعافـه حتـى مقبرتـه

    عسى ربي يجازيهم بحبـل ٍ مـن مسـد ممـدود
    يعلقهـم مـن اطرافـه و فوقـه نـار ٍ و تحتـه


    أنا ماني حقود و شين ولاني مـن نسـل نمـرود
    ومن حط نفسه بوضعي بيقـول اللـي أنـا قلتـه

    مدام الفعل لـه ردة فعـل والله ابشـري بـردود
    بدعـي دامنـي حـي ٍ و بغـرس للدعـا نبتـه

    و بسقيها نزيف القلب و دمع ٍ ما رحـم لخـدود
    و تكبر و الثمر ثاري من اللي خاننـي و صنتـه

    أنا نذرٍ علي اكتـب و افجـر هالقصيـد رعـود
    و أسمّع كل بشـر صوتـي عجبتـه ولا زعلتـه

    و أردد للي يسمعني .. إذا حبيت ( حط حـدود )
    أنا حبيت دون حـدود و شـوف اللـي تكبدتـه

    ثلاث سنين أنا ابني و جت ( صوره ) بكل بـرود
    خذت مني شقى عمري و حلم ٍ ( قلت ) حققته !!!

    ثلاث سنين أنا أخطط لهذا اليوم يـا بـو سعـود
    وتوافق من كلام اخته .. و صـوره ( 4 ف 6 )



    راقتـــــ لي
     
  2. هدوء إمرأة

    هدوء إمرأة عضوية تميز عضو مميز

    19,372
    0
    0
    ‏2009-02-02
    مستوره والحمد لله
    نزززززززززززززززف وبوووووووووووووووووح رااااااائع
    قصيده رااائعه احب اسمعها كثير ,,,

    صوررررررره من صووووور الحب المؤلمه
    ونهاااايه حزينه بصراااحه ماتستاااهل هذا الحب ,,,

    دمت بسعاااده يالغلا
     
  3. teacher2006

    teacher2006 أبــو فهـد .. عضو مميز

    9,954
    0
    0
    ‏2008-09-12
    teacher
    جميل و رائع ما اخترت لنا أختنا الشريفة ليلى

    دمت ِ متألقة
     
  4. عوض الحارثي

    عوض الحارثي عضو مجلس إدارة الموقع عضو مجلس الإدارة

    4,918
    0
    36
    ‏2008-01-13
    معلم
    قصيده رااائعة شكرا لك
     
  5. مشعل

    مشعل عضوية تميّز عضو مميز

    4,905
    0
    0
    ‏2008-03-17
    معلم
    أنا ماني بقايلها .. عسـى يفـرش ثراهـا ورود
    بعد ما حطمـت قلبـي و طعـم المـوت جربتـه


    عسى بفستانها أشواك .. و في ثوبه عقارب سود




    حالته حاله
    مسكين

    تصوير رائع لموقف مؤلم

    قصيدة

    متناسقة في كل شي



    استاذه ليلى
    فالك الورد
     
  6. عـبدالله الســلمي

    عـبدالله الســلمي عضوية تميز عضو مميز

    1,978
    0
    0
    ‏2008-01-14
    معلم
    أنا ماني بقايلها .. عسـى يفـرش ثراهـا ورود
    بعد ما حطمـت قلبـي و طعـم المـوت جربتـه


    عسى بفستانها أشواك .. و في ثوبه عقارب سود
    و نار ٍ تحرق الكوشـه و تحـرق بيتهـم حتـى

    و موت بليلـة الدخلـه يبـرد حرتـي يـا كـود
    ولا أحس إنهـا بحضنـه يلامـس خـد لامستـه

    علي أهون إذا ماتوا ولا بنفـس السريـر رقـود
    ترى صعـب ٍ علـي أتخيـل اللـي مـا تخيلتـه

    عسى قاع الثرى يقسى و يتحول صخـر جلمـود
    و حفار القبـر يرفـض يسـوي فـوق مقدرتـه

    ترى دفنة عديم الذات تلـوع حتـى كبـد الـدود
    و من خان العهود و مات تعافـه حتـى مقبرتـه

    عسى ربي يجازيهم بحبـل ٍ مـن مسـد ممـدود
    يعلقهـم مـن اطرافـه و فوقـه نـار ٍ و تحتـه
    أبيات تدل على قسوة من شدة الصدمة
    تسلم يمينك أختي ليلى
     
حالة الموضوع:
مغلق