اعلان 1 اعلان 1 اعلان 1 اعلان 1 اعلان 1 اعلان 1


قصة مسيحية فلة :)

الموضوع في 'ملتقى إستراحة الأعضاء' بواسطة أبلة إنجليزي, بتاريخ ‏2009-08-31.


  1. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    في احد ايام رمضان المبارك كنت ماخذة اجازة من الصيام,و خلصت صلاة الفجر ..وذهبوا افراد العائلة كلٌ إلى مرقده كما أعتقدت
    هم راحوا لغرفهم من هينا ..وانا انطلقت للمطبخ من هيناك
    أخذت لي فيمتو و شبس و طلعت لغرفة التلفزيون مبتهجة

    وبينما أنا في خضم البلع والقحن والكركرة على مسلسل كوميدي كنت اتابعه وداخلة جووو
    الا وينفتح الباب واشوف وجه كذا >>>>>>>>>>>

    ويطلع أخوي " يونس " -طالب في المرحلة المتوسطة يميل الى الامتلاء يملك عيون عسلية و حواجب كحلية - كان يونس في أشد الدهشة والانبهار والتعجب حتى ظننت انه قد يموت بسكتتن قلبية

    يونس : ماصمتييييييييييييي !!!!!!!

    أنا وفي يدي كأس مليء بالثلج وكيس شبس كبر وجه أخوي يونس : ليه أنت صايم ؟؟

    يونس : وجع ..من جدك تسألين هالسؤال ؟

    أنا بكل ثقة وبجاحة: والله انت بعد سألني نفس السؤال

    يونس: والله انتي اللي جالسة تبلعين وتشربين موب انا

    ممممممم شفت الولد ماعنده نية يفهم ,استوعبت انه يااما انه كان غايب في درس الفقه منهج سادس ابتدائي ..يااما ان مدرسهم طمر الدرس , ولا وش ذا الدلاخة

    ومافيه مجال أصير ناسيه وأنا مجهزة العدة,كاس ثلج وسترو ومنقيه الشبس اللي أبيه

    المهم قلت في نفسي والله لو يموت مااعلمه انا عن ذا العلوم..مو لهالدرجة انا وسيعة صدر
    فما كان مني الا اني فجأة قلت له

    : اسمع بقولك سر بس بذمتك لايدرون امي وابوي ولا احد ,أوعدني ماتعلم احد وانك تحفظ سري هذا لين أموت.. ان مت علم اهلي ,عاد خلاص مايقدرون يسوون لي شي


    واللللللللللللللللللللللللللله ماأقول لأحد ..اقسم بايات الله وبالقران والكعبة وجعلي اموت اني مااقول لااحد اذا علمتيني < خرجت هذه الكلمات من أخي يونس بحماس مشبع بالسعابيل المتناثرة التي لامست وجهي


    :أجل شف بصراحة أنا مسيحيــــــــة

    :لا والله !! قولي قسم بالله


    :انا مسيحية ولا أقدر أحلف لان ديني غيركم < عشت الدور على طول
    بس بقولك القصة يمكن تخف روعتك شوي
    وتقدر تتفهمني و تحتويني وتحتضني (حسيتني بخرب الولد)


    القصة ومافيها .. أني انا يوم كنت صغيرة ,ترى أهلي ماكانوا مهتمين فيني زيك, كانوا بس يخلوني
    عند التلفزيون ويروحون يتمشون..تعرف انا اول طفل لهم وامي وابوي كانوا توهم صغار وطايشين
    و طفرانين ببعض وانا حسوني دخيلة بينهم
    ماادري ليه جابوني بسرعة اذا هم مايبغوني
    فجأة شفت عبرة خنقت يونس ذو القلب الكبير وهو يتابع بصمت وفضول وغباء

    طيب ليش أجل تلبسين عبااااااية !! وانتي منتيب زينا < قاطعني أخي يونس بكل دلاخة

    رديت بنفس النبرة الكسيرة : حتى الفلبينيات يلبسون عباية..انا كنت البسها زيهم احسبها يونيفورم لسعوديات

    ورجع من جديد بسؤال أذكى قليلا من السابق : طيب ماعلموك المدرسة الاسلام ؟!!!

    :لا كنت أنام في الحصص وفي الاختبارات أغش

    واستطرد في القصة..فلما كبرت وجيت أنت ..حبوك أمي وابوي من كل قلبهم وخافوا من أني انتبه لهالحب أو احسدك عليه فقام أبوي يبي يلهيني بشكل أكبر ..حط لي نت وقال لي هذا لك
    اما هذا لنا "مشيرا بأصبعه المشعر إليك " وخذوك معاهم ورحتوا تتمشون


    يونس >


    المهم صرت أحس فيه سر لازم أعرفه وصرت أدور في هالنت و انتشر هنا وهناك واتبعثر واتبخر واتكور الى ان أخذتني رياح الأقدار الى امراءة تدعى الأم تيريزا

    وقلت لها قصتي واحتوتني واعطتني الحنان اللي حرموني منه اهلي اللي يكرهوني ويحبونك انت

    بعدها صرت أحبها واسميها ماما ..ومع الوقت علمتني المسيحية وقالت اعتنقيها ياابنتي
    واعتنقتها وأهلي مايدرون وللحين مايدرون


    يونس بلم وهو في حيرة وده يرد ولا هوب عارف خاصة انه حس نفسه السبب وتعاطف معاي
    صمت لبرهة وبرهات وفجأة قال
    : طيب ماتفكرين تسلمين ؟


    لا أخفيكم سرا ..جتني ضحكة كبيرررررررررررة الا أني بلعتها لدرجه صبت دموعي وسويت نفسي أبكي,قلت له بصوت مخنوق : بس ماأعرفه ..أنا ماأعرف في هالحياة الا أمي تيريزا

    داخ راسي من كثر الخرط عليه وجاني النوم ..قمت وعطيته كاسي بعد ماشربته كله وقلت خذ رجعه للمطبخ أنا تعبت من الصياح بروح أنام

    @#$%#@#$%@#$%@#$%@


    جاء يوم غد ..وفجأة أسمع شي يخربش تحت باب غرفتي ..حامت كبدي حسبته صارور ..قمت ابشوف مادريت الا كتيب ديني يندعس تحت الباب

    واشوف ..الا عنوانه Islam ???!!

    وافتح الباب بسرعة بشوف من اللي حاطه , الا واسمع صوت باب غرفة يونس يتسكر بقوة

    هههههههههههههههههههههههههههههههههه ياانا ضحكت ضحكة بغت تنكسر شبابيك غرفتي
    خلاص معد استحمل ,هالولد تحفة لازم تنحط في متحف اللوفر ,لعنبوا بليسه وش ذا المخ

    طيب يوم انك بتدعوني ليه جايب لي كتاب دعوة بالانجليزي ,شايفني شغالة ,على باله يوم صرت مسيحية معد افهم عربي ,ماادري ذا الولد مخه وين


    المهم انا عقب هالضحكة نسيت الكذبة ,ولهيت بمشاغل الحياة < مشكلة البزي ومن

    ومر كم يوم , وصدفت ان يونس مر جنب غرفتي وانا لابسة جلالي وأصلي,وأنا أسجد
    مادريت الا بصوت رجول تراكض متجه نحوي ,واجلس من السجود الا ويونس يصيح ويحب راسي

    أنا خلااااااص بفطس من الضحك ,يالله كملت التشهد وسلمت ,الا وياخذني بالاحضان يونس صاحب القلب الكبير

    الحمداللللللللله أسلمتي ,الحمداللللللللله أسلمتي

    ودموعه تتقاطر على كتفي ( ياكثر مايوصخني ذا الولد يابتفال يابدموع ..الله يصبرني )
    بس والله رحمته جاني الصياح صدق ,ماأدري هو أن عشت الدور ولا صياحه صيحني

    ويمر أبوي قدام هالمشهد التراجيدي وينهبل
    وجععععععع خير انهبلتوا ..وش صاير

    ويونس من هول سعادته كب العفش والعشا والقش كله


    بنتك أسللللللللللمت أسلللللللمت


    وللأسف انجلدت بعدها بس عادي التعب عادي مايجي شي عند هالخرطة اللي كبر **** ومشت على يونس الفتى صاحب القلب الكبير هو و كتيبه الدعوي ببروزه عندي و اهدده فيه اذا استبثر علي في المستقبل



    ‏ ‏ مما أعجبني-منقول
    ]
     
  2. لابتي شمر

    لابتي شمر <p><font color="#008080"><span lang="ar-sa">فاضل ا عضو مميز

    225
    0
    0
    ‏2009-05-09
    للأسف معلم
    قصه رووووووووووووووووووووووووووعة
    يا روح الابداع
     
  3. أيمن السلمي

    أيمن السلمي مبدع ومتميز عضو مميز

    5,404
    1
    0
    ‏2008-10-30
    معلم متأهل
    المسكين مصدق وطااااااااااااالعه من قلبه
    حسبي الله عليها من بنيه

    أبلة لايكون إنتي وما تبغي تعليمن
     
  4. قهوة المنتدى

    قهوة المنتدى عضوية تميّز عضو مميز

    5,541
    0
    0
    ‏2009-06-01
    معلم
    يسلموووووا أبلة .......!
    أسلمي و لا يكثر...تر با أعلم.....$#@%
    وسلموووولي على أخوكم أبو قلب كبير..!أمزح
     
  5. سلافه

    سلافه تربوي جديد عضو ملتقى المعلمين

    57
    0
    0
    ‏2009-06-23
    ههههههههههههههههههههههههههههههه
    لاحول ولاقوة الابالله
     
  6. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    لابتي شمر
    أيمن
    قهوة
    سلافة


    حياكم فيذا
    والفطور عندي اليوم
     
  7. قهوة المنتدى

    قهوة المنتدى عضوية تميّز عضو مميز

    5,541
    0
    0
    ‏2009-06-01
    معلم
    جهزوه وحنا جااايين اليوم
    و عساااكم على القوة ... يا بنت الرجاال.!
    متواعد مع هوااااوي عند البيك
    في مكة بيبلغ علينااا الهيعه........!
     
  8. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    هواوي طيب وحبيب
    أعزمة وهاته معكم



    بس أن شفته معصب أتركة بحالة أخاف حتى أنا ياخذني معكم الهيعة على قولتك :p
     
  9. قهوة المنتدى

    قهوة المنتدى عضوية تميّز عضو مميز

    5,541
    0
    0
    ‏2009-06-01
    معلم
    لعينك أجيبه معنا أذا شفته ما عصب...
    و أن عصب وطيته با السياارة >>> أجل يبلغ علينااا
    بس لأ أوصيك يا أبلة با القهوة و القدوع الطيب << التمر السكري>>
    من الز.........!
     
  10. سمو الروح

    سمو الروح <font color="#0066FF">حكاية قلم </font> عضو مميز

    5,887
    0
    0
    ‏2009-07-27
    تيــتـشــــر
    بنت ذكيه ... بس ولد أفدغ ...

    يسلمووو أبله على النقل الحلووو ... بصرآحه آعجبتني البنت بفطنتها ...
     
  11. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    شرفني مرورك سمو الروح
     
  12. teacher2006

    teacher2006 أبــو فهـد .. عضو مميز

    9,954
    0
    0
    ‏2008-09-12
    teacher
    جتني ضحكة كبيرررررررررررة الا أني بلعتها لدرجه صبت دموعي


    إلا أنا إلي جتني ضحكاااااااااااااات موبضحكة ههههههههههههههه

    شكرا ً لروح الإبداااااااع

    ع الإبداع
     
  13. دكتــ عتيبه ـوور

    دكتــ عتيبه ـوور تربوي جديد عضو ملتقى المعلمين

    7,523
    0
    0
    ‏2008-12-13
    تيتشر
    ههههههههههههههه يسلمو ابلتنا
     
  14. فيصل الجهني

    فيصل الجهني المشرف العام عضو مجلس الإدارة

    5,862
    0
    36
    ‏2008-07-07
    معلم
    [​IMG]يا حرتي ما ردوا علي

    [​IMG] جوعتونا متى الأذان
     
  15. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    تيتشر 2006 حياك ودوم الضحكة


    دكتور عتيبة << شرفني مرورك




    أقول هواوي تراي مالي علاقة بأبو غلا و قهوة هالمارقين العصاة <<< :p‏ بديت أخربط
    وأن الهيعة ماترد خذ رقمها الجديد 900 :p‏ ‏ :p
    ‏<‏<<الله يعوضنا جميعآ في قهوة و أبوغلا ومعهم هواوي



    وحياكم أنت وضيوفك
    و ضيف الأجواد يعزم صح لسانك




    ‏<‏<< ماشفنا تعليقك على القصة
     
  16. ضحوي آل الحارث

    ضحوي آل الحارث تربوي مميز عضو مميز

    4,676
    0
    0
    ‏2008-05-29
    English Teacher
    اوما الام تريزا ذي لحالها

    لاهنتي
     
  17. فيصل الجهني

    فيصل الجهني المشرف العام عضو مجلس الإدارة

    5,862
    0
    36
    ‏2008-07-07
    معلم
    ما تشوفين ذالمجرم روعنا ونسينا نرد:36_19_1[1]:

    والله وش عاد اقول ما خلو فيني عقل مير يسلمووو قصة ابداع بس ياليت عندي اخو مثله كان فله
     
  18. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    ههههههه
    هواااوي هالحين قهوة صار مجرم :) ولا بعد مروعكم

    الله يهداكم بس لو دريت ما سويت العفو في لعبة السجن
     
  19. قهوة المنتدى

    قهوة المنتدى عضوية تميّز عضو مميز

    5,541
    0
    0
    ‏2009-06-01
    معلم
     
  20. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    حياك ياقهوة وحيا دور الغايب عنا من مدة