اعلان 1 اعلان 1 اعلان 1 اعلان 1 اعلان 1 اعلان 1


= ..... دحـــيـــم و حــصــيــصــه ..... ( الحلقه 3 ) ..... !!

الموضوع في 'ملتقى إستراحة الأعضاء' بواسطة قهوة المنتدى, بتاريخ ‏2009-09-26.


  1. قهوة المنتدى

    قهوة المنتدى عضوية تميّز عضو مميز

    5,541
    0
    0
    ‏2009-06-01
    معلم
    [​IMG]



    {{ دحـيـــم و حصيصه }}










    ( الــحــلــقــة الــثـالثة )






    .....وجــاء بـاتـسـر.....




    اخذ ابودحيم ابنه دحيم وذهبا الى بيت ابوحصيصه وبعد الانتهاء من الشاهي والقهوه والسواليف البايخة...

    قال ابودحيم : انا جايك يبوحصيصه بموضوع....
    قال أبو حصيصة : امر...
    قال أبو دحيم : حنا طالبين القرب منكم ونبي ايد بنتك..
    قال أبو حصيصة : وش تبون بيد بنتي..؟؟؟...
    قال ابودحيم : ابد والله نبيها تغسل المواعين.... نبي ايد بنتك يعني نزوجها لدحيم ولدي.. ( مهب عصبي أبد ..)...
    قال أبو حصيصة : ايييييييه...ياهلا والله ومسهلا هذي الساعة المباركة.... وحنا ماحنا بلاقين احسن من دحيم علم واخلاق وصلاح (ايه هين بس )...
    قال أبو حصيصة : بس هو جامعي..؟؟....
    قال ابودحيم : ايه هذا هو جاء معي...
    قال أبو حصيصة : وش هي شهاداته...؟؟؟....
    قال ابودحيم : عنده بكالوريوس في تلقيح وخرف النخل وعنده ياطويل العمر ماجستير في سقي الزرع ... وهذاه يحظر دكتوراه في HOW TO MILK A COW....
    قال ابوحصيصه : ما شاء الله خلاص نشاور البنت...

    راح لحصيصه وقال لها: هاه وش رايك...؟...
    قال حصيصه : اييييه يباه ابيه وابي سيقانه...
    وتصفقها امها صفقة(ن) طيحت النص الثاني من الكائنات الموجوده في شوشتها...



    ......وجاء اليوم المنتظر .....

    (( ليلة زواج دحيم وحصيصه ))




    وعندما زفوا دحيم لحصيصه وجلسوا في الكوشة بدت الطقاقات يطقون ويغنون ... عقبها استنزل دحيم وبدأ يناقز ويتنكّس في الصاله ورقص مصري وهو رابط الشماغ على خصره..... حتى رقصت (على وحده ونص)... خلاها (ثنتين ونص)...

    المهم خلص الزواج واستانسوا وانبسطوا....
    وأم حصيصه تدعيلهم يالله يارب تصيرون احسن كابل(ZOUJAIN)...




    ..... لــيــلــة الــدخـــلـــه .....



    دخل دحيم على حصيصه وهو مبسوط وكشرته الى اذانه وسعابيله تقوطر..

    قال : مثاء الخير.... (دحيم وهو يتنكس في العرس طاح وانكسر ضرسه اللي قدام وصار اثرم)....
    قالت : مساء النور والسرور هلا والله... رقصك يزنن ( تسوي دلوعة هي وشوشتها )....
    قال : ماشفتي شي اوريك الشغل الصح الحين ....
    قالت : صكر اللمبات ويالله ورني ....

    وينقز دحيم مثل الغزال ويصكر اللمبات ويرجع ويطب صاروخ على السرير وعلى طول طاح تبويس ومسك شي وجلس يمصمصه..... شوي الا حصيصه تصارخ خلاص خلاص ماقدرانتفس .....
    طلع الدلخ يمصمص خشمها..... عاد حصيصه كانت مزكومه وخشمها كأنه بزبوز ...



    .....بعد يومين من الوناسة وفلة الحجاج ....



    راح دحيم لابوه قال : يباه....
    قال : وحطبه وش تبي..؟؟... زواج زوجناك وش تبي بعد...؟؟...
    قال دحيم : لا بس يباه نبي نروح لندن شهر عسل ....
    قال ابودحيم : وشو..؟؟.... دندن..؟؟... اييييه تروح مع ذنبي ....مابقى الا انت تروح تدندن هناك... رح وانا ابوك المزرعه وتسدح انت وهالمهبوله هناك وفكنا من شرك...




    وذهب دحيم الى المزرعة مكسور الخاطر ***** الخير كالعادة......



    وفي جوٍ من الرومانسية مع زوجته حصيصه وهما في المزرعة وحدهما... ومع اصوات الابقار ونهيق الحمير وصهيل الخيول ورائحة الخرفان... بدأ دحيم وحصيصه يلعبون غميمه وانوار المزرعة كانت مصكرةً..... حتى في النهاية تعب دحيم وداخ ونام...... يوم قام الصبح وأثره نايم تحت ديد البقره وهو مبسوط بالليل على باله انها حصيصه...

    ومرت الايام والشهور والسنين ..... وهم احسن كابل على قولة ام حصيصه .....




    وبعد خمس سنوات من الزواج .....





    يتبع الحلقة القادمة ......








    تنويه : اللي يحب ماتفوته الحلقة الرابعه والأخيره من المسلسل ..
    يرسل إيميله .. ورقم جواله .. ووصف كروكي لبيتهم .. ووصف كروكي
    ثاني لحارتهم اللي فيها بيتهم .. ووصف كروكي ثالث لبيت خاله أخو أبوه ..
    عشان لو ضيعنا بيتهم .. نطب على بيت خاله ..
    وراح يتم إرسال رساله آليه لكل المشتركين بمواعيد بث الحلقه الرابعه
    والأخيره والمثيره بأحداثها الرومانسية والمأساويه في وقت واحد ...
    من المسلسل المدبلج .... دحــيـــم وحــصــيــصــه ....

    مع تحيات إدارة المسلسل

    [​IMG] [​IMG]







    محبكم




    قهوة المنتدى!