اعلان 1 اعلان 1 اعلان 1 اعلان 1 اعلان 1 اعلان 1


تزوج الأبــكار مادمــــــــــت شبعــــــــان

الموضوع في 'ملتقى بــوح الأقــلام' بواسطة عوض الحارثي, بتاريخ ‏2008-06-03.


حالة الموضوع:
مغلق
  1. عوض الحارثي

    عوض الحارثي عضو مجلس إدارة الموقع عضو مجلس الإدارة

    4,918
    0
    36
    ‏2008-01-13
    معلم
    ياسامع مني نصيـــــــحة وبرهان *** لشبابها وشيبانها والبخيلين

    خسران ياللي تجمع المـال خسران *** ماتنفعك دنياك والعمر سبعين

    ولدك مرتاح بها وانت شقيــــــــان *** عندك عجوز وجامع لك ملايين

    تجي من اعمالك إلى البيت زهقــان *** تبي قدوع وقهوة وشاهي زين

    تطلب غداك من الفجر وانت جوعان *** قطعة دجاج مثلج ورز بصحين

    زوجتك عجوز كالهزيلة من الضأن *** تلج وتخاصم تقل تطلبك دين

    تشكي ضهرها والمفاصــل وسيقان *** والضغط والسكر مع منطق شين

    وعيال بنتك عندها تقل فيــــــــران *** تخرب كما خرب سد مأرب شياطين

    تكسر فناجيل ودرايش وبيبـــــــان *** صجة ولجة عند وجهك وبزارين

    قم واستعذ بالله من كل شيطـــــان *** اظهر وخل البيت وانص الديايين

    تلقى سماط وكبسه ولــحم خرفان *** من رأس مالك يخصمونه من الدين

    متع حياتك قبل يارثك قطـعـــــــان *** لاشاف جثمانك على القـــبر بكفين

    يأخذ بناتك والمهر منه طفـــــران *** يتهنى بمالك وأملاكك والملايين

    ويفرش له فراشك وبيتك له اسكان *** يتنعم بثروتك وحلالك يامسيكين

    تزوج الأبــكار مادمت شبعــــــــان *** وأم العيال في بيتها والبزارين

    اغنم وخذلك بنت بكر على شـــــأن *** تلقى بساتين ثمرها فيتامين

    وكل مااقبلت تفز ولو انت تعبان *** تعطف عليك وتهمزك بملس اليدين


    رشف العسل بين الشفايا والأسنان *** الله جعل فيها الشفا للمصاخين
    الذ من البارد على كبد عطشــــان *** وأحلى من الوجبة بعد جوع يومين

    همهم وحبحب وارتعش تقل ولهان *** محروم من شوف البنات المزايين

    انسامهن عنبر ومسك وريحــــــان *** من جرب الأبكار عاف ام خمسين

    وإن جاء عجوزه نام عند ام عثمان *** من ذاق لحم الريم عاف البعارين

    يرجع شبابك والمنولن كما كـــــــان *** يدق سلـــف مايبي دف بيــــدين

    تمتع بدنياك حيد العمر فــــــــــان *** اكرم عيالك والرحــم والمساكيـــــن
    لابد من يـــــوم تحزم بالأكفــــــــان *** وتحط في قبر على عمـــــق مترين

    اموالك جمعتها بمساهمات وبنيـــــان *** وتراك مسئول عن الزين والشين

    ينعم بهــــا الـوارث بنات وصبيـــــان *** وعيال بنتك يوم الأحزان فرحـــين

    مالك سوى ماأكلت وأبليت وإحسان *** على الفقير وطعت ربك على الدين

    وصلوا عدد ماعلت الســــحب وديان *** على النبي اللي هـــدانا إلى الدين
     
    آخر تعديل: ‏2008-06-03
  2. اللؤلؤ المكنون

    اللؤلؤ المكنون مشرفة سابقة عضو ملتقى المعلمين

    7,287
    0
    0
    ‏2008-05-17
    ...
    وصلوا عدد ماعلت الســــحب وديان *** على النبي اللي هـــدانا إلى الدين

    اللهم صلي وسلم وبارك على عبدك ونبيك محمد وعلى آله وصحبه

    جميع ابيات القصيدة تعبر عن نكران الرجل وجحوده لسنوات العشرة بينه وبين زوجته .. وحتى عياله وبناته .. وزوج بنته ماسلموا من شر السانه

    مافيها ولابيت الا وقطع جلدهم


    ماعدى البيت الاخير .. ليته اكتفى فيه


    صدق المثل

    شايب وعايب


    .. ابو الحارث ..


    تقبل مروري


    :)
     
  3. عوض الحارثي

    عوض الحارثي عضو مجلس إدارة الموقع عضو مجلس الإدارة

    4,918
    0
    36
    ‏2008-01-13
    معلم
    أسعدني مرورك أختي اللؤلؤ المكنون وشكرا لك على التعليق


    وهذه الأبيات تدل على أن الرجل يستطيع الزواج بأكثر من واحدة وليس أنكار للعشرة كما ذكرتي ولكنهاتحكي حال النساء عندما يكبرن فلا يهتمن بالرجل .
     
  4. سلطان الشريف

    سلطان الشريف إدارة الملتقى إدارة الملتقى

    5,093
    1
    36
    ‏2008-01-03
    معلم
    ابو الحارث قصيده جميله . ولو ان بعض الناس تستفزهم .
     
  5. إبراهيم أبوعبدالعزيز

    إبراهيم أبوعبدالعزيز عضو سابق في مجلس إدارة الموقع عضو مميز

    5,520
    0
    0
    ‏2008-01-13
    تربوي وكاتب
    قاسية هذه الأبيات ،، حتى وإن كان الرجل قادر


    يجب عليه مراعاة زوجته إن لم يكن لأجلها فلأجل فلذات الأكباد



    تحياتي أبو الحارث
     
  6. تــهــا111ويــل

    تــهــا111ويــل تربوي مميز عضو مميز

    6,990
    0
    0
    ‏2008-01-27
    طالبة


    ومين اللي عايفة نفسها تقبل بشايب

    راي ان مؤلف هالقصيده

    ماعنده شي اسمه وفااااء

    زوجته تعيش معاه على الحلوه والمره

    واذا كبرت راح وتزوج عليها بوحده كبر بناته

    عش مع عجوزك واعبدو ربكم احسن لك

    من هاالدنيا الفانية
    وتصير زوجتك في جنة الخلود انشالله اجمل من الحور بأضعاف مضاعفه


    تقبلــ مروريـــ
     
  7. رتانيا

    رتانيا مشرفة سابقة عضو ملتقى المعلمين

    4,662
    0
    0
    ‏2008-01-13
    مسكين ماخذ مقلب في نفسه,,,

    ياااالله يمشي,,, يبغاله تهميز وتكبيس,,,

    رجل في الدنيا ورجل في الآخرة,,,

    ولسا يبغى يتزوج !!!!
     
  8. عوض الحارثي

    عوض الحارثي عضو مجلس إدارة الموقع عضو مجلس الإدارة

    4,918
    0
    36
    ‏2008-01-13
    معلم
    بارك الله فيكم وأسعدني مروركم

    ولكنني أراكم قائمين بحملة على هذا المسكين صاحب القلب الأخضر بسبب هذه القصيدة التى يفكر فيها بالزواج .

    فكيف لو تزوج ؟


    ولكم تحياتي
     
    آخر تعديل: ‏2008-06-04
  9. ابو زيـَــاد

    ابو زيـَــاد تربوي جديد عضو ملتقى المعلمين

    1,329
    0
    0
    ‏2008-03-02
    بصراحه شايب مطنوخ :36_1_11[1]:

    الله يسعده ويرزقه بنت الحلال (البكر ) اللي تسعده :36_3_18[1]:
    ومو شرط تكون سعوديه :36_9_2[1]:
    اذا السعوديات يرفضون هناك من تفضل الشايب السعودي على شاب من بلدها


    الاخوان اللي اعترضوا على زواج هذا الشايب:

    الزواج حق مشروع له ولايمكن انكاره حتى لو زوجته شابه يحق له ان يتزوج
    ولا اعتقد ان زواجه فيه نكران لزوجته العجوز :36_1_1[1]:

     
  10. ام اسيل

    ام اسيل مشرفة سابقة عضو مميز

    2,628
    0
    0
    ‏2008-01-22
    معلمة
    والله اذا اتزوج بترتح زوجته وعياله من شره

    اللي تتزوجه يا عيني عليها كل وقتها بيضيع فى تهميزه وندب حظها

    الله يعطيك العافية اخي
     
  11. رتانيا

    رتانيا مشرفة سابقة عضو ملتقى المعلمين

    4,662
    0
    0
    ‏2008-01-13
    يعني نسيب شبابنا بدون زواج,, وندور للشياب على عرايس,,,

    يحمد ربه اللي تزوج,,,


    ما اختلفنا كل رجل من حقه يتزوج,,,( رجيتونا بهالحق ),,

    بس يكون فيه سبب يخليه يتزوج,,, والا هالزوجه مالها مشاعر ولا أحاسيس,,
     
  12. مشعل

    مشعل عضوية تميّز عضو مميز

    4,905
    0
    0
    ‏2008-03-17
    معلم
    اسمح لي
    ان الشيباان عندنا ما عندهم سااالفة
    اذا شااب ودوه الكتااب


    يا حبيبي اذا ودكم تتزووجوون
    في العشريناات والثلاثيناات
    صك باربع

    اما اذا صاار على اول بووش

    قاال بتزووج بفعل بقوول


    البنت يبغى لها رااعيه خاااصة

    ولكل زماان رجاااله
    احتراامااتي ابو الحااارث
     
  13. رتانيا

    رتانيا مشرفة سابقة عضو ملتقى المعلمين

    4,662
    0
    0
    ‏2008-01-13
    يا سااااااااتر ,,, يا مشعل,,,

    والله مافيكم حيله,,, نفس الأفكار بطرق مختلفة​
    ,,,


    حلووووووووووه,​
    ,,
     
    آخر تعديل: ‏2008-06-04
  14. مشعل

    مشعل عضوية تميّز عضو مميز

    4,905
    0
    0
    ‏2008-03-17
    معلم


    تصدقين

    انا ملاحظ


    شيباننا في السعودية
    اذا تجاوزوا 50 سنه

    يصير عندهم حااله نفسية
    مستعصية الحل


    كلهم بيتزوجوون
    وش خلوا لنا



    ويقول المثل البدونزي

    قالوا لو نافع نفعت اهلك



    يمشي زوجته اللي عاارفته وعارفها
     
  15. العتيبي

    العتيبي <font color="#008080">متميز على الدوام</font> عضو مميز

    391
    0
    0
    ‏2008-05-20
    رتانيا
    زين ليش زعلانه!!!!!!!!!!!!!!!!!!!!:36_11_9[1]:
    لايكون خايفه من شي؟؟؟؟؟؟؟؟؟؟؟؟؟


    مشعل

    ودنا نتزوج بس الفلوس لك عليها شوي:36_1_1[1]:

    اكيد راح يصيبه حاله نفسيه
    وكثر خيره اذا قعد الى الخمسين يعني جامل زوجته 10 سنوات :36_1_1[1]:



    عزيزي هناك فرق بين الطراز القديم 8 سلندر دفع رباعي وبين 4 سلندر دفع امامي

    بصراحه الموديلات الجديده فيها عيوب كثيره تصدق بعضها تنقص واهي جديده
    يعني كل مشوار لازم تزيد علبه وخصوصا اذا المشوار طويل

    الخير واجد :36_1_1[1]: لو كل واحد ياخذ اربع راح يكون فيه فائض​
     
  16. أبو المعاناة

    أبو المعاناة عضوية تميّز عضو مميز

    689
    0
    0
    ‏2008-06-04
    يتزوج عشان التهميز بس
    ويضيع مستقبل البنت
    تقبل مروري
     
حالة الموضوع:
مغلق