اعلان 1 اعلان 1 اعلان 1 اعلان 1 اعلان 1 اعلان 1


أنا والشّغالة والنّظام !

الموضوع في 'الملتقى العام' بواسطة الأعرابي, بتاريخ ‏2009-10-12.


  1. الأعرابي

    الأعرابي تربوي جديد عضو ملتقى المعلمين

    1,623
    0
    0
    ‏2009-05-10
    سوف أسرد قصتي مع الشغالة بشيء من السخرية فتحملونا قليلاً ، كما أني ارغب بمقترحاتكم بخصوص هذه القصة.
    القصة بدأت عندما قرأت عن أحد المكاتب في الرياض ، وبأنه يوجد لديه عمالة منزلية للتنازل ، كلمت صاحب المكتب ،وأخذت تفاصيل الشغالة وركزت على عمرها فقال لي بالحرف الواحد : تاصل الاربعين أو تقصر عنه شوي.
    إتفقنا على إني أرسل له 6000ريال نص قيمة التنازل والباقي إذا نجحت بالتجربة ، ومدة التجربة أسبوع كله تمام ، هاتفني الرجل وقال سوف تصل لحائل مع الفجر " نسيت لا أقول لكم هالحكي صار ليلة العيد القريب" ،ويوم جت الساعة الرابعة والنصف صباحاً توجة للنقل الجماعي ، وإذ بالباص "توه" وقف ، توجة لسائق الباص وقبل ما آصل له دق الجوال فرفعته وعلم هو بأني صاحب الشغالة ، يوم شفت الشغالة ياوالله إن أمي معه عده بنت أم خمس طعش ، صديق هذي شغالتك السواق يقوله ، رددت في نفسي " هذي والله لقطت غليص"، الشغالة معه شنطة و"باغه" سألته من باب اللقافه ، وش موجود بهذه" الباغة" ردت وقالت : حبوب عشان قلب أنا فيه تكليف!!!!!! هذي والله أمهن توه عاد كملت شغالة ومريضة بالقلب!
    ما أطوله عليكم جاء من باكروكلمت الرجال صاحب المكتب ، وقلت هالشغالة ما أبيه ، المرأة كبيرة ومريضة قلب وحنّا بيتنا كبير ، قال تامر أمر بس أنا هالحين مانا بالرياض، لكن ياجا يوم الخميس أرسله ولا يكون خاطرك ألا طيب، يابطاك يا يوم الخميس، الشغالة أثناء هذا الوقت "تقل" ضيفه، المدام وأمي يرغفنن من الخبز ، وهي ما عليها ألا تاكل ، بعد نص نهار تغسل له ماعون والنص الآخر منجضعه!!! إييييييييه.
    جاء يوم الخميس وعطيته حقه المكتوب بالعقد وخذيته للنقل، دندنته خليليه وأنا وأنا بابا هذا حق مكتب بس فيه يضرب وياخذ فلوس حق أنا ، قلت فلوسك "غيبيهن" وهي تصفطهن ياما غدن تقل علك ، وديته للنقل وقصيت تذكرة له ونويت الشر، أركبته وعطيته جوازه وأوراقه وتمنيت لو هي تنحاش علشان يعرف أن الله حق ولا يكذب على هالعالم، هاتفت المكتب وقلت الشّغالة الساعة 9 مساءً عندكم ، يوم جت الساعة 10 ياوالله يدقون علي ويقولون الشغالة ما نزلت بالمحطة، قلت بقلبي "إيه" تعذرت وقلت يمكن الباص تعدى للدمام،جاء من بكره ودقيت على راعي المكتب الفوس يابناخي وينهن؟؟؟ قال إليا هالحين وحنّا ندور الشغالة ما حصلناه ، لكن بكره هن بحسابك ، زين جاء من باكر مافيه شيء" وهذاك يوم وهذا بداله" وبالأخير أدق عليه ولا يرد يا ليل الليل ، شغلت السيارة ورحت للرياض وجيت المكتب وواجهة رفيقي الفلوس يابو محمد ، وهو يقوم يمطع لي من هالأيمان ، وإن حقك محد ماكله وإن الفلوس راح تجيك ، ووالله ثم والله لو إن فلوسك عندي ما تمشي ألا إنت ماخذهن لكني ما أملك الا 400 ريال ورانن إياهن "بالسفط"، رجعت بخفي حنين من هالروحه وزود على خفي حنين إلتهب حلقي وصخنت ، قلت توه صحيح كملت ، كان هاللي بي إنفلونزا الخنازير!!!!! وأنا امر صيدلية وآخذ أقوى مضاد والحمد لله عدّت " هالصخنه" علىخير.
    هالحين أبي أستشيركم أنا أشكي الرجال لأن معي سند قبض يوضح إني أرسلت له نص المبلغ والباقى على نجاح التجربة.
    ولّا يقدر يلوي النّظام ويطالبن ببقية المبلغ ، وحجته إنه ما إستلم شغالته ، وإني أنا السبب بهروب هذي الشغالة وإني خسرته مبلغ 9000ريال!!!!
    بالعربي أسكت وأصبر "ياما" يتفضل علي بإعطائي حقي ، ولّا أشكي وأتحمل النتائج ، التي يمكن يخرج لنا بها النّظام!
     
  2. ضحوي آل الحارث

    ضحوي آل الحارث تربوي مميز عضو مميز

    4,676
    0
    0
    ‏2008-05-29
    English Teacher

    .
    على حسب
    بس اقول عط الرجال فرصه
    وتابعه يوميا مكالمــــــــــــــات
    ورسائـل بس اهم شي لا يخلص علاجها وهي مفركهـ

    .

    الله يعينك

    .
     
  3. ابو اليارا

    ابو اليارا تربوي جديد عضو ملتقى المعلمين

    177
    0
    0
    ‏2009-08-31
    معلم
    أنا أقول أصبر إلين ما يتفضل صاحب المكتب ويعطيك قريشاتك ,, ولا تنسى أن أصحاب المكاتب لهم طرق ملتوية لقلب النظام ولو شكيتة راح يقلبها عليك بحجة أن الشغالة ما رجعت له ,, ويمكن يطالبك ببقية المبلغ بعد ..
    وكان الله في عونك أخي الأعرابي ..
     
  4. صدى الذكريات

    صدى الذكريات تربوي جديد عضو ملتقى المعلمين

    21
    0
    0
    ‏2009-03-05
    معلمه
    انا من رايي انك تشتكي و تتحمل ما يحصل وانشالله ما يحصل الا كل خير عشان يتادبوا ما يجبوا ناس مريضه لانك لو سكت انت وغيرك راح يتمادوا بالعبث اصحاب المكاتب واحضار خدامات معاقات ومريضات الله ينتقم منهم
     
  5. سمو الروح

    سمو الروح <font color="#0066FF">حكاية قلم </font> عضو مميز

    5,887
    0
    0
    ‏2009-07-27
    تيــتـشــــر
    أنا اشوف إنك تكلم صاحب المكتب وتقول له

    معاك مهله أسبوعين عشان تدبر الفلوس ..

    وإلا بأشتكيك ... وإذا ماعطاك شي بعد الأسبوعين

    إنقز لأقرب مركز وحرر شكوى ضده وصدقني راح يدقدق لك دراهمك ..

    لأن أنت ماعليك مسؤووليه دامك قصيت تذكرة للشغاله وركبت هي الباص ... خلاص تبقى مسؤولية الباص وسواقه ...

    وتماكن الوقت لايروح عليك .... وتزحلط فليسااااتك ..
     
  6. الأعرابي

    الأعرابي تربوي جديد عضو ملتقى المعلمين

    1,623
    0
    0
    ‏2009-05-10
    يعني رايك يا ضحوي إني ما أستعجل وأشكي ، ويعلم الله إن ما قصّرت معه لا بالرسايل ولا بالمكالمات ، لكن الرجال "مرتكي" على شي ولا هو بهامه إتصالي ورسايلي ليه ما أدري!
     
  7. الأعرابي

    الأعرابي تربوي جديد عضو ملتقى المعلمين

    1,623
    0
    0
    ‏2009-05-10
    هذا والله اللي مخوفن يابو اليارا ، ولا أزيدك من الشعر بيت دورين يوم واجهة الرجال ، طلّع ورقة يقول هذي موجودة عند النقل الجماعي ما تركب الشغاله ألا به وفيها المرسل والمستقبل وتعطى لسائق الباص!!!!!!!!!!!!!!!
     
  8. الأعرابي

    الأعرابي تربوي جديد عضو ملتقى المعلمين

    1,623
    0
    0
    ‏2009-05-10
    بس أخاف يا صدى إنه يلوي النّظام ، ويقول عند القاضي إن هالرجال إللي هو أنا تسبب بخسارته لهالشغالة وأنا هالحين أبي أطالبه ببقية المبلغ ، وبدل ما أحصل فلوسي أصير مديون للرجال ب6500 ريال هن بقية المبلغ !!!!!!!!!!!!!
    مشاكل.
     
  9. الأعرابي

    الأعرابي تربوي جديد عضو ملتقى المعلمين

    1,623
    0
    0
    ‏2009-05-10
    المشكله يا سمو إن النّظام غير واضح ، وله دهاليز أنا والغشماء مثلي لا نعلمها ، لكن أصبر أسبوعين والله يكتب اللي فيه الخير.
     
  10. ۝ مرافئ ساكنــــه ۝

    ۝ مرافئ ساكنــــه ۝ تربوي جديد عضو ملتقى المعلمين

    136
    0
    0
    ‏2009-09-07
    ههههههههههههههههههههههههههههه
    اقول تعوذ من الشيطان وخل الدراهم تدحدر لاتلحقها أختها
     
  11. teacher2006

    teacher2006 أبــو فهـد .. عضو مميز

    9,954
    0
    0
    ‏2008-09-12
    teacher
    ليش ما تعرض مشكلتك ع
    مكتب العمل ؟
    كان الله في عونك
     
  12. الأعرابي

    الأعرابي تربوي جديد عضو ملتقى المعلمين

    1,623
    0
    0
    ‏2009-05-10
    تهقين ، يعني بس أسكت وأقول " يمال الله يعوض الله"!
     
  13. الأعرابي

    الأعرابي تربوي جديد عضو ملتقى المعلمين

    1,623
    0
    0
    ‏2009-05-10
    مالهم علاقه يا تيشر ، لأن من 20000 ريال وتحت عند المحكمه المستعجله ، ومازاد عن هذا المبلغ لو ريال واحد عند الكبرى، ومشكلتي مع الرجل فلوس ، ماهي تأخير بالإستقدام ومماطله ، الظاهر كذا ولّا انا ما جيت مكتب العمل والعمال.