اعلان 1 اعلان 1 اعلان 1 اعلان 1 اعلان 1 اعلان 1


مركز الإشراف يقول لي : أدفع من جيبك .. وكد علينا

الموضوع في 'ملتقى حقوق المعلمين والمعلمات' بواسطة Mr.X, بتاريخ ‏2009-10-12.


  1. Mr.X

    Mr.X تربوي جديد عضو ملتقى المعلمين

    705
    0
    0
    ‏2009-01-12
    معلم
    تسابقني الضحكة وأنا أكتب الموضوع

    العام الماضي وصلنا تعميم من المركز بالرفع بأسماء المعلمين المميزين في برمجة وتطوير مواقع الإنترنت .. بدون ذكر السبب

    رفعت باسمي وقلت يمكن أفتك من التدريس والاقي منهم توجيه لمجال آخر يناسب اهتمامي .. ولعلهم بدأوا يفكرون بالمعلم

    بعد اسبوع اتصلوا على المدرسة وقالوا أرسلوه عندنا .. ويوم وصلتهم لقيت مرشح آخر وكان عددنا اثنين فقط .. تتوقعون التعاميم والاستدعاءات هذي كلها كانت عشان إيش ؟!!

    يقولون سلمكم الله إن المشرفين مالهم جدول يضبط زياراتهم الميدانية ويبغون فاعل خير من المعلمين يتبرع ويبرمج لهم الموقع :D .. الشركات ماراح تخاطبهم تحت خمسين ألف لو يطلع النخل في روسهم .. لأنهم جهة حكومية ومشروع خاص


    طيب وش الفايدة لي كمعلم ؟؟ يقولون نفرغك كل يوم أربعاء ثلاثة أسابيع .. وليته تفريغ صدقي .. اليوم المفرغ فيه تروح توقع بالمركز هههههه:confused::confused:

    أخوكم بصراحة يبغا الخروج من جو المدرسة بأي شكل .. خاصة آخر السنة العام الماضي النفسية دمار فقلت لهم باسوي لكم البرنامج بس اليوم تبع التفريغ ماني جايكم .. وتم الاتفاق :36_7_8[1]:


    يعلم الله كنت أواصل باليومين على البرنامج .. وكل شوي اتصالات وتعديلات .. واحذف هذي وسوي هذي ... وشيل ابوك حط أبوك .. حتى انتهى العام الدراسي ولازلنا في تعديلاتهم وإضافاتهم


    الآن مع بدء الدراسة كلموني .. وقالوا خلاص ارفع الموقع هل هو جاهز ؟؟ قلت جاهز مايحتاج

    بس انتم ادفعوا حق الدومين وحق الاستضافة للسيرفر بالإضافة للدعم الفني وعمل النسخ الاحتياطي الدوري مبلغ 1500 ريال كل ست شهور بس

    من بكرة يكلمني واحد منهم .. ويقول صعبة ندفع .. ومانقدر وميزانيتنا ماتسمح .. وحسيت من كلامه زي اللي يقول تراك تحاول تلعب علينا والمبلغ أنت اللي بياكله

    من الآآآآآآخر .. يبوني أرفع الموقع على حسابي وبدون مقابل .. وهم يستفيدون وأخوكم زي الشؤون الاجتماعية لهم !!!!


    سبحان الله العظيم ... أقسم بالله رغم ماعملته لم أجد منهم كلمة ( شكرا )

    وفوق كذا أطلع أنا الملزوم بالحق وأنا اللي ناوي يسرقهم !!!!!


    بعد اللي صار اتخذت قراري بالامتناع عن تسليم البرنامج أو رفعه .. حتى يضمن لي المركز شروطي التالية :
    حفظ الحقوق البرمجية باسمي
    منع نسخ البرنامج أو توزيعه على أي مركز إشرافي آخر إلا على شكل نسخة يتم بيعها عن طريقي
    تشفير البرنامج .. فلا يستطيع المركز الاستفادة من خدمات البرنامج الإضافية إلا عن طريقي


    وأيقنت بأن المعلم لدينا والله مظلوووووم ويستخف بحقه أقرب مسؤول منه .. وأي مبادرة أو تعاون من المعلم لا يراها المشرف أو موظف الوزارة إلا إلزاما يجب على المعلم القيام به .. والمعلم اللي يحرجهم مرة يزتون عليه شهادة تقدير يسكتونه بها ويدفونه راجع على مبزرته بالمدرسة


    وأهم من هذا كله .. لا صار لهم عندك حاجة ترى جمالتك مردودة عليك .. شف نفسك وحقوقك قبل كل شيء
     
  2. kkaa123

    kkaa123 عضوية تميّز عضو مميز

    ‏2008-06-09
    معلم
    إن أكرمت الكريم ملكته ...
    وما قتل روح الإبداع إلا أمثالهم
    أن تكون مبدع يعني تحمل هما وعملا زائدا
    وأن تكون مبزوط راحة وقلة عمل وراتب مثل المبدع !
     
  3. مشوار

    مشوار تربوي عضو ملتقى المعلمين

    223
    0
    16
    ‏2008-02-09
    lugl
    ومن يصنع المعروف في غير اهله ,,,,, يكن حمده ذما عليه ويندم
     
  4. Rosalind

    Rosalind مشرفة سابقة .. عضو مميز

    506
    0
    0
    ‏2009-09-24
    كلمة مبدع و إبداع غير موجودة في قواميسهم
    وحدها كلمة "أُكرف" تجدها رنانة عندما يذكر مصطلح "المعلم"
     
  5. أمير اللييل

    أمير اللييل تربوي جديد عضو ملتقى المعلمين

    303
    0
    0
    ‏2009-01-31
    معليش تعبك اخذت اجره من الله أكرم الأكرمين
    إنما الأعمال بالنيات


    أما مركز الإشراف فيازين ما سويت فيهم لا تعطيهم شي
    واحفظ عملك يجيك الأزين بإذن الله لا تستعجل

    أبيض وجه يابو عبد الله
     
  6. إبراهيم أبوعبدالعزيز

    إبراهيم أبوعبدالعزيز عضو سابق في مجلس إدارة الموقع عضو مميز

    5,520
    0
    0
    ‏2008-01-13
    تربوي وكاتب


    نصيحة لك

    اعرض برنامجك على جهاز الوزارة

    بواسطة أحد المسئولين بعد أن تقنعه به

    وهناك ربما تجد أذن صاغية ورجل رشيد

     
  7. نبراااس

    نبراااس تربوي عضو ملتقى المعلمين

    713
    0
    16
    ‏2009-01-29
    معلم
    لا غرابة في تصرفاتهم عزيزي والله يعوض تعبك الي راح
     
  8. المهنا

    المهنا تربوي جديد عضو ملتقى المعلمين

    867
    0
    0
    ‏2009-01-14
    معلم مغلوب على امره
    ومن يصنع المعروف في غير اهله ,,,,, يكن حمده ذما عليه ويندم
     
  9. mohamed

    mohamed تربوي جديد عضو ملتقى المعلمين

    98
    0
    0
    ‏2009-01-10
    معلم


    لو غبت هالثلاث ايام كان اوفر لك
     
  10. uisssf

    uisssf تربوي جديد عضو ملتقى المعلمين

    34
    0
    0
    ‏2009-01-13
    معلم
    :36_1_11[1]:
     
  11. ماجد السليمان

    ماجد السليمان عضو شرف مجلس الإدارة عضو مجلس الإدارة

    23,169
    10
    0
    ‏2009-07-11
    معلم
    اللهم اصلح البطانة
     
  12. سيف المراجل

    سيف المراجل تربوي جديد عضو ملتقى المعلمين

    276
    0
    0
    ‏2009-02-12
    يُقال أني معلّم !
    الله يكون بعونك اخوي تصدق تذكرت هالتعميم وما انساه
    كل الخيارات حطيت عليها لا اعرف مع ان عندي خبرة في تطوير المواقع وغيرها
    لكن فضلت ابتعد عنهم لاني عارف ان ما وراهم غير التعب والكرف وجربتهم قبل
    في اشياء كثيرة والعجيب في هؤلاء ان المعلم اذا عمل واجتهد بدل ما يشكرونه
    يزيدون عليه الاعباء واتذكر كان عندنا معلم كثير الغياب والتأخير ويطنش بقوه
    وكنا نأخذ عنه حصص انتظار في حال غيابه وللأسف كل ما يجي فيه برامج في المدرسه نلاقي
    ادارة المدرسة تعفيه من هذه البرامج بحجة انه غير منضبط...الخ
    الغريب ان المعلم المجتهد يضاعف عليه العبء بشكل جنوني وكأنه آلة وما عنده احساس
    بعكس المعلم المطنش اللي فالها على الآخر.
    تصدق ان نفسي تراودني اصير معلم ( مبزوط) لكن ضميري يرفض لأني ابي احلل راتبي !
    دنيا عجيبه وكل شي فيها عجيب
     
  13. المفتاح

    المفتاح تربوي جديد عضو ملتقى المعلمين

    305
    0
    0
    ‏2009-04-05
    معلم
    بيني وبينك أنت بعد طالبهم مبلغ خيالي

    يعني بالله عليك 3000 ريال سنوي حق استضافة ودومين !!!


    300 ريال عند احسن شركة استضافة (وكحد اقصى 300)


    الحق حق وماراح اجاملك
     
  14. white_angel

    white_angel عضوية تميّز عضو مميز

    1,583
    0
    0
    ‏2008-01-12
    معلم
    معلم عندنا نفس سواتك ولكن الحق يقال ( وعدوه ) إنهم بيعتبرونها له اوفر تايم واشوفهم يدقون عليه دايم ولكن ما أدري وش صار عليه ولا سألت لعدم الإحراج

    ألي أعرفه إنهم يغثونه حتى بالإجازة

     
  15. ابو عبدالله999

    ابو عبدالله999 مشرف سابق عضو مميز

    3,527
    0
    0
    ‏2008-06-19
    مدرس
    لاحول ولا قوة الا بالله
    أين الأمانة ،،، أعطوا الأجير أجره قبل أن يجف عرقه
    حسبنا الله ونعم الوكيل
     
  16. ابوالبنات

    ابوالبنات تربوي جديد عضو ملتقى المعلمين

    1,258
    0
    0
    ‏2008-05-25
    معلم

    هذا هو القرار الصحيح ولا تتنازل عنه قدر أنملة .

    وإذا ميزانيتهم ما تسمح فقلهم ماعندي مانع إنكم ترشحوني دورة إرشاد لمدة فصل كامل وبعد مباشرتي فيها ومضي مدة لا تقل عن شهر بالدورة أعطيكم البرنامج
    (((مع حفظ حقوقي الفكرية )))كاملة بدون نقص وذالك بسجيل البرنامج بإسمك ولا يتم نسخه أو التعديل عليه أو بيعه إلا من خلالك . في هذي الحال يستاهلو ال1500 ريال مو كثيره على مشرفينا الأعزاء.

    وفي حال تحججو لك بالأمانة الي هم في أبعد نقطة عنها .....

    فالزم رأي ..
     
  17. حبحر حار

    حبحر حار تربوي جديد عضو ملتقى المعلمين

    262
    0
    0
    ‏2008-01-23
    معلم
    تكفى اررررسل موضوعك على بريد الوزير وبريد النائب..

    خلهم يشوفون وش قاعد يسوي المعلم وآآآآآآآآآخرتها يقولون له ادفع...!!!!!
     
  18. * أبو عبدالملك *

    * أبو عبدالملك * عضوية تميّز عضو مميز

    7,861
    0
    0
    ‏2009-04-23
    مــعــــلّــــم

    :36_1_11[1]::36_1_11[1]::36_1_11[1]:
     
  19. يارب عفوك

    يارب عفوك تربوي جديد عضو ملتقى المعلمين

    468
    0
    0
    ‏2009-02-14
    اصلا عليك الشرهة يوم تعطيهم وجه ليه ماقلت اسويه لكم بمبلغ بقدر تعبك .
     
  20. Mr.X

    Mr.X تربوي جديد عضو ملتقى المعلمين

    705
    0
    0
    ‏2009-01-12
    معلم


    هذا هو الحاصل مع الأسف




    ووجهك يا أمير الليل .. والعمل جالس أتفاوض مع مركز إشرافي آخر لشراء نسخة منه .. وخلهم يدورون شي بلاش


    والله يابو عزيز ماشفنا شي يشجع للتوجه إلى الوزارة .. لكن مايمنع أمر عليهم ألأيام القادمة وسأخبركم بردهم



    شرفني مروركم