اعلان 1 اعلان 1 اعلان 1 اعلان 1 اعلان 1 اعلان 1


"..يـــمــ...ـه .."

الموضوع في 'ملتقى بــوح الأقــلام' بواسطة قليلا من الانصاف, بتاريخ ‏2009-11-15.


  1. قليلا من الانصاف

    قليلا من الانصاف تربوي جديد عضو ملتقى المعلمين

    1,271
    0
    0
    ‏2009-02-05
    معلم
    [​IMG]
    [​IMG][​IMG]




    يمه علامك ردي الصوت تكفين
    ......................ردي علي الصوت لا تذبحيني

    اصرخ وانادي واتبع الصوت صوتين
    ......................يمه ويمه لين باح الكنيني

    قالوا علامك لاتخلي المصلين
    .....................بوسط الجنايز مايجوز الونيني

    امك خذوها من رجوه المصلين
    ......................شف دارها مابين رمل وطيني

    خذاني الهاجس وانا بين نارين
    .......................قبل آصله مابين شك ويقيني

    استغفر الله ليه ياحظي الشين
    ......................حتى المنيه ماتبيها تجيني

    يمه حياتي ارهنه بين كفين
    ......................كفينك اللي عطفها محتويني

    يمه حياتي لو تساوي ملايين
    .......................فدوه ..وفدوه مابقى من سنيني

    يمه وداعك زود الهم همين
    .......................هم يروح وهم بعده يجيني
    يمه وداعك زود الهم همين
    ......................هم يروح وهم بعده يجيني,,!
    ****



    [​IMG] يـــمـــه ..
    تكفين اسمعيني ...
    يمـه بسألك شي ..
    جاوبيني ..
    هو صحيح اللي مات
    داخل القبر يصير حي ...؟؟؟
    يــمـــه ...
    أسمع أنــا صوتك ..
    كل يوم اسمعه ..
    واذا حاكيتك هاوشوني ..
    قالوا انسي ..
    روحي يالله العبي .... !!
    يمه تعالي ارجعي ...
    والله خلاص بسمع كلامك ..
    ما اخرب العابي ..
    وان قلتي يالله ..
    روحي نامي ..
    أروح حتى ماتزعلي ..
    يمه تكفين ارجعي ..
    اليوم حطت لي المديره ..
    نجمه من فوق جبهتي ..
    يمه سمعتها تقول..
    مسكينه هالبنت صارت يتيمه ..
    قالت لها ابله منيره ..
    مسكينه توها صغيره ..
    وش كانوا يقصدون ..؟
    يمكن عشاني صرت عاقله ..
    ولا عشاني دايم اسرح
    يمه مريولي توسخ ..
    ماكان قصدي اوسخه ...
    بس تذكرت انك تقولي ..
    بعد شهرين..
    بشتري لك لبس ثاني ..
    يمـه تعالي اشتري ...
    يمـه عرفتي مها ..؟
    صديقتي اللي معي ..
    زاعلتني ..
    تقول ماصرت انا اضحّـكها
    راحت تدور غيري
    عشان تلقى احد يونسهـا
    يــمــه
    يالله خلاص لاتمزحي
    يالله قومي
    تعالي معي للبيت ارجعي
    يمه يمممه
    نسيت شي ..
    بقولك ترى بيتنا صار فاضي ..
    ماحد يجينا ..
    وكل اللي فيه انا واخواني ..
    ليه وين اقاربنا ..؟؟
    وين خالتي ..
    اللي كانت تجينا ...
    يمممه قوومي يالله تعالي ..
    تكفين يالله تعالي ..
    ماودي ارجع لحالي
    والله خايفه ..
    ترى امس جيتك ..
    مارديتي ..
    حسبتك نــايمه ..
    أو اقولك ..
    خلاص خلاص ..
    انا بجيك بكرى ..
    اذا راحوا من هنا الناس ..
    تكفين يمه بكرا اصحي ..
    تكفين يمه بكرا ارجعي ..
    ****




    [​IMG] يمه تعبت اركض عبث في عالمٍ كله جحود
    اطرد ورا حلمٍ بعيد اشقيت نفسي في رجاه

    يمه احسب ان البشر مثلك حنان بلا حدود
    وان الزمن صدرٍ حنون يضمني لاقلت آه

    يمه انا في داخلي يسكن طفل هادي ودود
    انتي حياته كلها ودنيته وارضه وسماه

    يمه تعبت ارسم امل يمه تعبت ارسم ورود
    يمه ازعجني الطفل في داخلي اسمع بكاه

    يمه تعبت بدنيتي ..دنيا ملامحها برود
    دنيا تسير بلا هدف متشتته بكل اتجاه

    يمه همومي كايده تعزف على لحن البحور
    يمه انا صوره لحزن طال الزمان وما نساه

    يمه انا عنوان قصه مالها اية وجود
    يمه انا جرح المكابر اللي يموت وما شكاه

    يمه انا هذا انا تكفين دمعك لايزود
    يمه دموعك غاليه والكون مايسوى حصاه







    [​IMG]****
    يايمه منتهي جيتك وطالب منك الغفران *** اقبّـل قاعة اقدامك واغسلها بدمعاتي
    يايمه كل مافيني ينادي لك انا ندمان *** طلبتك .. قولي سامحتك وردي لوجهي بسماتي
    انا ادري قلبك الطيب كسرته بصدمة النكران *** غلطت وغلطتي هذي تعيّـر كل غلطاتي
    اشوف الشيب يايمه ترى ماجاء وانا فرحان *** وربي الي رفع ذاتك ونزل للردى ذاتي
    فقدت الراحة من بعدك فقدت الطيبة والتحنان *** بدونك راحتي غاية بيدينك هذي راحاتي
    انا بعدك ولا حاجة انا بعدك ترى عميان *** اشوف ولا اشوف الي يوريني مساراتي
    انا وسيد الشقى والهم من بعدك غدينا اخوان *** يجيب هموم هالعالم ويرميها بمتاهاتي
    صدقتي يوم قلتي لي تدين اليوم بس تندان *** رميتك في بداياتي ورموني في نهاياتي
    انا من شالك بايده ورماك بأسفل البركان *** نخيتيني وطلبتيني ولا حصلتي نخواتي
    مثل ماهنتي بعيوني عليهم قلبي يمه هان *** رموني ومابهم فزعة وانا الدمعات فزعاتي
    يايمه لاتظنيني انا من فعلهم زعلان *** سواد فيك سويته وسوو فيني سواتي
    يايمه يالله ضميني ودفيني بذرى الاحضان *** انا ادري فيك مشتاقه وهمك بس ملاقاتي
    يايمه حيل ضميني ابي ارتاح انا تعبان *** تعبت اهرب من ذنوبي ابي ارتاح بمسافاتي
    ابي اسمع منك اي كلمة لصوتك مسمعي ولهان *** ابسمع يمه وبصوتك اباذكرفيها نشواتي
    اشوفك ساكته يمه ! غفيتي والا انا غلطان *** غفيتي يابعد عمري .. تعبتي من مواساتي ؟
    يايمه طالبك قومي ينادني عيونك شان *** اشوف الموت بعيونك عساها تصير هقواتي
    تعالو يابشر شوفو انا محتار انا تلفان *** انا امي مدري وش فيها انا مدري انا احاتي
    شنو امي انا ماتت !؟ لا لا لا ترى غلطان *** انا امي ماتخليني على حزني ووناتي
    انا امي قلبها طيب ولا يمكن تبكي انسان *** انا امي ماتبكيني ولا تتمنى آهاتي
    يايمه صح مامتي ؟ صح الموت توماحان*** اذا متي انا بعدك ابقضي وين ساعاتي؟
    يايمه قومي يايمه وقولي الموت مهما كان *** انا جيتك وانا ناوي ابمشي فيك جناتي
    تركتيني ومتي ليه ؟ تركتيني وانا ضميان *** ولا مسموح ياوليدي ولا اخذ عنك زعلاتي
    انا جاني وانا المجني وانا المخطي وانا الندمان *** وانا ديني رميته تيه وبعثرته ملفاتي
    وجيت من الهناء مفلس وقلبي من الضنى خسران *** تركتيني على ناري اعدد فيك زلاتي
    ولاني مرضي ربي ولاني تابع الشيطان *** انا بعدك ترى مابين نهاياتي وبداياتي

    يايمه منتهي جيتك وكلي مرتجي غفران *** وشفت الناس تلعني وتحذرني من الاتي


    أعجبتني فنقلتها لكم
    [​IMG]


    __________________
     
  2. عـزف منفرد

    عـزف منفرد عضوية تميز عضو مميز

    6,697
    0
    36
    ‏2009-10-01
    مُـعلـِّمـةٌ
    الله يطول باعمارهم و يخليهم لنا :(


    شكراً
     
  3. مدى النسيان

    مدى النسيان عضوية تميّز عضو مميز

    3,561
    0
    36
    ‏2009-07-08
    ارتكاب النسيان ..
    أمي الحبيبة صباااحك مسك وعود وعنبر

    أمي الحبيبة صباحك شهدٌ مكرر

    أمي الحبيبة قبلة بِرٍ بل منها أعطر




    اللهم احفظ لنا أمهاتنا وارحم الميت منهن

    وارزقنا برهن أحياء وأموات..


    شكراً للشجون هذا النقل الرئع..
    بارك الله فيك .. وننتظر جديدك
     
  4. مذهله

    مذهله مراقبة عامة مراقبة عامة

    7,201
    0
    36
    ‏2009-02-12
    معلمة
    يمه يمممه
    نسيت شي ..

    بقولك ترى بيتنا صار فاضي
    القصيده مره حزينه ما قدرت اكملها الله يرحمك يا أمي والله من غيرك الدنيا ماتسوى