اعلان 1 اعلان 1 اعلان 1 اعلان 1 اعلان 1 اعلان 1


يوم في حياة عضو/ة

الموضوع في 'الملتقى العام' بواسطة أبلة إنجليزي, بتاريخ ‏2009-11-15.


  1. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي

    صباح الخيرات والليرات

    كح كح جيتكم
    يوم في حياااااتي 27/11

    << داخلة بقوة

    المهم والله ياالربع يومياتي ماتستاهل اسميها يوميات يعني لاتتحمسون واجد
    ماعندي الاالدجة بصراحة يعني للحين النظام ظارب عندي نوم ودوام ونت فقط
    حتى المدرسة مسحوب علي ابو ابو ابوها
    هع هع هع <<<لاعبة بحسبة الإضطراري باقي لي يوم وااااحد :(

    اصحي متي ماطرت لي وارقد متي ماجاني النوم << ابوك يالشرح

    اليوم صحيت بدري على شان عيووون تهآآآآويل وعلى شان عيونكم
    وكاني بأبدأ يومي معكم
    بسم الله
    قبل شوي صليت الفجر..
    وجلست أحوووس أبي ألبس وأتجهز للمطرررسة << :)

    ثمن تجهزت ورنيت على السواق على شان يفززز ويجهز السيارة يوصلني

    طبعآآ ودكم تعرفون وش نوع سيارتي بس أبشروووا بانزل صورة لها

    وهذي سياااارتي



    كخخخخخخخخخخخخخخخخخخخ

    أمزح يؤؤؤؤؤ أنا وش نزلت لكم

    هذي هي



    [​IMG]








    أم الرجة شفتوا وشلون تلخبطت
    من زود حماسي

    المووهيم هذي صور ألتقطها للجسر اللي أعبرة<<حلوووة أعبرة
    وأنا رايحة المدرسة أمس لجل عويناتكم باحطها لكم
    وهذا هو

    [​IMG]

    <<<ياحبي لكم تصدقووون بسرررررررعة
    والله اي صوووورة قدامي أنسخ وأضيف ولا يهم وش هي ..

    عمومــآآآ أنا بأطلع
    وبأروح مطرررررستي
    لأن شكلي تأخرت
    والشووووارع حيل زحمـة
    عاد أكيد لمن أوصل بألقى المديرة والطاقم الإداري والمعلمات والطالبات كلهم على باب المدرسة يستقبلوني :)
    لايغركم تراني مهمة حييييييل :)
    وجدولي حق اليوم
    عندي اليوم 3 حصص أهمها عند العلة سادس أبتدائي الله يعدي هالغثاء على خير
    وعندهم تقووويم في الحروووف نطق وكتابة بيخلص الترم وأنا أنحت مع a b c الشرهة على اللي يختار قسم مامنة فايدة :(


    أن صار عندي وقت دشيت من جوالي في المدرسة وكملت معكم

    .....أنتظروني في البارت الثاني

    أبلة إنجليزي
    بررررررررب
    ]
     
    آخر تعديل بواسطة المشرف: ‏2009-11-15
  2. دكتــ عتيبه ـوور

    دكتــ عتيبه ـوور تربوي جديد عضو ملتقى المعلمين

    7,523
    0
    0
    ‏2008-12-13
    تيتشر
    ننتظر باااقي يووومك :)
     
  3. teacher2006

    teacher2006 أبــو فهـد .. عضو مميز

    9,954
    0
    0
    ‏2008-09-12
    teacher
    حياك الله مشرفتنا المتألقة
    أبلة إنجليزي
    بانتظار اكمالك لبقية اليوم
    دمت بود
     
  4. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    بقية يومي :)

    هذاني دشيت مرة ثانية
    وحاليآ بمطرستي << :)

    مشكور يابو فهد عالتعديل وأزعجناك عالصبح بس من زود الصرقعة خبصت :)


    نرجع نكمل أول ماوصلت المطرررسة
    مثل ماتوقعت
    يوم جيت إلا والكل ينتظرني واقفين عند الباب..
    والمديرة ماسكة دفتر الحضووور والوكيلة ماسكة القلم وينتظرون أوقع على شان يسكرون الخط,,,<<ماأدري وش فيهم مستعجلين مع اني واصلة بدري :)

    الموووهيم
    لقيت الدنيا هااااجدة ولابوووة ولانفر بالساحة
    ودشيت وسلمت وتقهويت خصوصــآ بعد ماعرفت أن الحصة الأولى لها حول ثمان دقاايز من بدت..
    وفريت كتاب اول متوسط
    وطلعت أقلامي و دفتر المتابعة
    ودشيت الفصل الحصة الثانية وكنا بـ unit 4 lesson 1
    وكان الدرس حليووو ماعلية لان هالوحدة مراجعة للوحدات اللي طافت 1..2..3
    وخلصت حصتي
    وخرجت طبعــآ محاولة بكل جهدي أني أكون ريلاااااااااكس
    على شان حانت ساعة الصفر والحصة الثالثة مع الـ؟؟؟ طالبات سادس
    طبعــآ مسميتهم الصين الشعبية من كثر عددهم
    وأخذت أوراقهم ودشيت وقبل ما أدش أخذت نفس عميق وعدًيت 1..2,,3,,4,,5,,,,,إلى 10
    وهذي طريقة رااائعة لضبط النفس وعدم التهورر
    وقلت أستعنا على الشقا بالله..
    ودخلت و بدأنا بعد أسئلة مملة منهم بتوزيع ورق الأسعــلة وهي سلسلة الأحرف ناقصة وهم يكملون الناقص طبعآ بالترتيب
    ..وماخلصوا لمن طلعت رووحي
    كل وحدة تسأل على حدة:أبلة هذي نكملها ؟
    أنا:إية نكملها ياماما
    اللي جنبها:أبلة هذي نكملها؟
    أنأ: يس ماما نكملها
    اللي قدامهم:أبلة هذي نكملها؟
    أنأ: بقلة حيلة ..,أيوة حبيبتي نكملها
    وتوالت الأسئلة..أقصد نفس السؤال..أبلة هذي نكملهااااااااااااا
    انا في هاللحظة جاتن أم العبيد
    فقدت أعصابي :وقلت أية أية أية أية...<<<إلى مالا نهاية
    نكمــلها :mad:
    واللي تسأل وربي لأخذ ورقتها
    ماصارت
    <<<اللي يدرس هالمرحلة يعرررف حجم معاناتي

    خلصناااا حصتنا وإختبارنا
    ومابغينا نخلص

    وخرجت والأن أنا معكم

    برررررب ولي عودة مرة اخرى
    أنتظروني والله هالله بالردود

     
  5. سمو الروح

    سمو الروح <font color="#0066FF">حكاية قلم </font> عضو مميز

    5,887
    0
    0
    ‏2009-07-27
    تيــتـشــــر
    يوم حافل بالنشااااط والصرقعه :)

    بإنتظاااار الكومبليت ....
     
  6. عطر الكون

    عطر الكون مراقبة إدارية مراقبة عامة

    15,600
    8
    0
    ‏2009-01-17
    كل يوم نتعلم شيء جديد
    الله يقويك ننتظر تكملت يومك ومافيه من صرقعات
    تسلمين أبلة انجليزي
     
  7. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    صباحكم فل
    دكتور عتيبة مشكور عالمرور
    أبو فهد نور موضوعي بوجودكم
    سمو الروح حيآك في متصفحي
    الشريفة ليلى حي الله صقيقتي
    أكيد يوم حافل ومن شوي تفرقع قلم عالطاولة وخرب يديني و هالمرة من جد من جد جاتن أم العبيد لأن وحدة مهملة دوم تنطل أغراضها رامية قلم منتهي عمرة و يوم مسكته بأرمية إلا و هو حايس أبو الدنيا

    الصبر زين :(

    تابعوا ا ا ا ا ا
    خلوكم بالقرب لاتبعدوا :)
     
    آخر تعديل: ‏2009-11-15
  8. إبراهيم أبوعبدالعزيز

    إبراهيم أبوعبدالعزيز عضو سابق في مجلس إدارة الموقع عضو مميز

    5,520
    0
    0
    ‏2008-01-13
    تربوي وكاتب


    نتابع عن كثب

    :)

     
  9. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي

    حيآك يابو عبدالعزيز
    و ‏ عقبال ما نشوف يومياتكم
     
  10. مدى النسيان

    مدى النسيان عضوية تميّز عضو مميز

    3,561
    0
    36
    ‏2009-07-08
    ارتكاب النسيان ..


    غريبة ما اسألوك نكتب أسماااااءنا بالعربي والا بالانجليزي:confused:

    نكتب بالبنسل والا القلم:mad:



    لا تشكي لي أبكي لك .. ناطرين بقية اليوم المصرقع
     
  11. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي

    هع هع ومن قال أنهم ما سألوا نكتب أسامينا بالعربي وإلا بالإنجليش :)
    عاد أنا قلت في نفسي من زين كتابتكم لا كذا نافع ولا كذا ماشي حالة :(

    وقلت على كيفكم على شان أبي أهرب من توابع هالسؤال
    لو قلت بالعربي قال نصهم يؤؤؤ ترانا كتبنا بالإنجليش

    ولو قلت أنجليش قال النص الثاني مانعرف :)

    على شان كذا أشتريت دماغي و جاوبت بدبلوماسية :) خابرة حركات اللكاعة هذي


    تشكرات ابليكيشن وسررت بمرورتس :36_3_12[1]:
     
  12. مدرس ياللأسف

    مدرس ياللأسف تربوي جديد عضو ملتقى المعلمين

    377
    0
    0
    ‏2009-09-22
    وصلتي ل unit 4 !!!

    وانا جالس للحين احوس في unit 2 والطلاب زعلانين يقولون ليه مسرع
     
  13. أيمن السلمي

    أيمن السلمي مبدع ومتميز عضو مميز

    5,404
    1
    0
    ‏2008-10-30
    معلم متأهل
    ابلة قلبتي علي المواجع

    أنا بغرفة لوحدي << واسطة:36_15_8[1]:
    لكـن يووووم مامسكت إنتظار في كمن فصل
    ذقت العافيـة بسبايبهم:36_1_35[1]:
    وش أقول وش أخلي

    هــذا غــير الإشراف
    والله ولا كني بحضيرة غنم:36_11_14[1]:
    غــير اللي يتناقزون من فوق السلالم كأهم قـــرود:36_6_7[1]:

    الله يعيننا ويعينك
    وننتظر مزيدك
     
  14. * أبو عبدالملك *

    * أبو عبدالملك * عضوية تميّز عضو مميز

    7,861
    0
    0
    ‏2009-04-23
    مــعــــلّــــم
    [frame="7 90"]
    موضوع يعود بنا لهم يضحك وهم يبكي .. لمن أراد أن يغير مزاجه ..

    شكرا مراقبتنا .. وننتظر ..
    [/frame]
     
  15. تــهــا111ويــل

    تــهــا111ويــل تربوي مميز عضو مميز

    6,990
    0
    0
    ‏2008-01-27
    طالبة
    من يبغى الدح مايقول اح
    من قالك تدخلين هالقسم يعني خلصت الاقسام
    طيب كان ريحتي عمرك ودخلتي رياض اطفال يقولون ولا اسهل منه خخخخخخخخ
    واحمدي ربك عند اطفال مايجونك طحوش ومايفهمون ولا كانهم درسوه في المتوسط
    بعدين تراك فكوك هم كلهم على بعضهم مايجون الا 25 طالبة وش هالدلع
    اخ ليتني مديرتك ياشيخة كان اتعمد اقفل الخط
    واحط يدي على خصري واترقص لك بنص عين واقوك
    عسى ماتعبتي حبيبتي
    وانادي لك الوكيلة تشيل شنطتك وانادي الفراشة تصب لك قهوة وتقول طال عمرك
    اجل تجين متاخرة وتعطلين البنيات وين البواب عنك ماقفل الباب عليك والا بوابكم داج يدخل كل من هب ودب
    طيب نفترض كنتي ارهابية وبتدخلين المدرسة وينه هو مايجي يحمي البنات لازم تشتكينه علشان يقضب ارضه ويقابل شغله
    يعني انتي اخذتي من وقتهم 8 دقايق لو انا منهم كان اشتكيك واقول هي ماتفهمنا ويروح 8 دقايق
    من حقنا نفهم فيها حرفين ع الطاير خخخخخخخخخ

    اااااااااااااخ بس لو ولوني عليك ياشخة خخخخخخخخخخخ
    بكفر فيك بخليك من تدق الخراش جنبك الا وانتي فازة مثل الاسد هع

    المهم اخلصي علي بباقي اليوم
    تراي اتحرى المحشات خخخخخخخ
     
  16. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    سلامــــــــــــــــــات
    خير إن شاء الله متى بتمشي في المنهج
    ترا باقي لك ست وحدات وأقل من شهرين بعد العيد..شكلكم بتكملون في الفصل الثاني :)
    والله يالرجال أنكم فللللللة مادري من وين جايب توزيع المنهج ,, ؟؟؟؟



    عقبال يا أيمن ماتصير تيتشر بحق وحقيق ... قول أمين
    الموووهيم شد حيلك وتخرج على شان تدبس من جد :)
    حيآآآآكـ فيذا وأنتظرني


    الله يابووو عبدالملك الله يذكرك بالشهادة
    موضوع هم يضحك وهم يبكي من أحـــــــــــــــــــــــــلى مواضيعي
    له مكانة بنفسي
    ذكرتنا به مشكوووور أخي
    وحيآك في يوميات عضو/ة ونستنى يومياتكم
    كووووولكم ماحد جبر بخاطر حبيبة قلبي تها111ويل ...وينكم ما كملتوا موضوعها ؟؟


     
  17. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    والله ....... ويتشرط
    عمومـــآ أنا بأكمل
    ولاني بحاشة فيتس
    مهما كان أنتي بمقام أختي الكبيرة :36_15_8[1]:
    والرجة اللي فيتس مو منتس
    للسن أحكام
    :36_11_14[1]:

    أمززززززززززززززززززززززززززززح ترى
    لاتاكليني
    أمززززززززززح

    ياكلمة ردي مكانتس
    وتابعي معنا:36_3_5[1]:
     
  18. رنووودي

    رنووودي عضوية تميّز عضو مميز

    3,529
    0
    0
    ‏2009-01-25
    معلمة وافتخر
    ياحبيلتس

    والله اعطيتنيني امل لاني مغرزه بالحروف مع حبايب قلبي والله انهم اهووووووووون من الطحووووووووش

    يالله كملي شوقتينا يلشيخة الزين
     
  19. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    البارت الثالث
    طبعــآ انا الان بالبيت,,,<<<لا تحسبوني لسة بالمطرررسة :p
    خلصت الحصص
    بعد حصة سادس إبتدائي
    ماعاد فية شيء يستاهل الذكرررر :)
    ماغير قبل لاآركب سيارتي الا والمديرة والمدرسات والطالبات واقفات بالباب
    يودعونن بمثل ماأستقبلت به الصباح من حفاوة وتقدير :)


    بعد مارجعت البيت على الساعة وحدة وشوي
    تغديت ..وشبعت ..وأفتريت في النعمة,, الحمدلله تبون تعرفون وش أكلت ماعندي مانع
    ((كبسة دجاج )) وكان برضوا فية كبسة لحم الوالد ما ياكل دجاج <<حركتات
    عاد لا تفكرون أنا بنتغدى ورء عنب وتبولة وفتوووووش <<< معصي عائلة سعودية يعني الغدى كبسة بأي شيء لو حبكت ضبااااان (تسمع فيها دايم )<<يارب تديم النعمة وتكرمها
    <<حاولت اليوم أني أمارس جميع الطقوووس من دوام وأكل ونوم بترتيب <<على شان أحوز على رضى وستحسان الجميع وتعرفون وش قد انا مثالية
    <<هين بس :p
    ثمن ويش ويش ؟؟ إي ثمن أنخمدت
    كان ودي اكمل معكم
    بس ما قدرت اغالب النوم لانه غلبني :)
    وصحيت على الساعة خمس العصررر
    وووووواااااااي تأخرت على الصلاة ..
    وصليت
    ولقيت القهوة جاهزة برى
    وخلق الله متقهوين
    وداجين ماأدري وين
    تقهويت بلحالي لأن فاتني موعد اللمة مع أخواني<<<يعني قلك نضامية وبيتوتية وتهتم باللمات هع هع


    وجلست أضيع وقت بين جريدة<<<يااااآآآآآآاااا قدمي
    وتلفزيون
    وكملت رواية بالجوال <<< حركات بزارين
    بس وش السواة أنا أحب القراءة والروايات بشغف غرررريب
    هالروايه بين يدي لها أسبوع عيت لاتخلص
    وإلا بالعادة أخلصها من يومين (اسم الرواية ....وإلا بلاش على شان ماتصير دعاية:) )
    الموهيم كاهي اوشكت على النهاية باقي لي فصل وشوي


    ومارست كل وسائل التسلية ماعدا طبعآ النت <<بكيفي كذا مابغيت أدش أبي أجمع احداث وااااجدة



    وكاني الأن معكم
    ورديت على اللي علقوا على الموضوع
    وأستااااااااااااانست واجد برد تها111ويل ,,,هين بس :(

    ولسة جالسة أحوس بأختبار لصف أول ثانوي بكرة بإذن الله بأختبرهم
    وأن صار شيء مهم في بقية يومي دشيت وأضفتة
    بس لا تحمسووون واجد
    لأن مثل ماقلت لكم أحداثي خربوووطية غير مهمة ,,بس الشكوى لله لازم نلتزم باليوم المحدد ووعدنا بتهاويل
    وأنتم شفتوا بعينكم..هذا وأنا رديت وهي ماكلتني بقشوري ////////<<<<<أصلآ مالي قشوور بس تسذا يقولونها
    عاد بالله تخيلوا لو ما وفيت بوعدي؟؟ وش تسوي <<< جريمة أكيد:36_1_17[1]:

    وهذي وهي صقيقتي وبمكانة أختي وتسوي فيني تسذا
    بالله أنصحوها <<<< تهيء تهوء تهيء تهوء
    بربرت واجد

    يالله برررررب

    ولي عودة بإذن الله
     
    آخر تعديل: ‏2009-11-15
  20. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي


    ياهلا ومسهلا

    تو مانور موضوعي

    حي الله رنودي من بعد غيبة

    :36_1_2[1]:


    أي بأعطيتس أمل ومنال وتهاني وكل الطالبات :)

    كلنا مغرزين بالحروووف
    والناااااس مفحطــــة :d