اعلان 1 اعلان 1 اعلان 1 اعلان 1 اعلان 1 اعلان 1


يوم ضاقت .. قلت وينك يالفرج؟

الموضوع في 'ملتقى بــوح الأقــلام' بواسطة مدى النسيان, بتاريخ ‏2009-11-17.


  1. مدى النسيان

    مدى النسيان عضوية تميّز عضو مميز

    3,561
    0
    36
    ‏2009-07-08
    ارتكاب النسيان ..
    يوم ضاقت ..
    قلت وينك يالفرج ..؟
    قال : جيت ..
    وشفت حولك ألف صاحب ..
    وخفت أسبب لك حرج !!


    إرتكيت ..
    بس وين اللي يشيل الحِمل وينه ..
    وين ذاك اللي ذخرته للظما قطرات .. وينه ؟
    وين أبو الفزعات عني .. ما قدرت ألقاه وينه ؟
    من لمحني فوق كفّ الموج .. فضّ
    وكسَّر ألواح الرجا بيني وبينه !!

    حزّ نفسي ..
    غصّ في حلقي ..
    ورضّ كل ضلعٍ لي معاه .. وغضّ عينه !!
    يحسب إني مِتّ همّ ..
    ولا درى إني حيّ لكن ..
    مِتّ من خنقة يدينه !!

    يالفرج ..
    صاحبي ما شفت زوله ..
    من فقدته فيوم شِدَّه ..
    بس.... لو جاني على قلعة عيوني ..
    حالف إني ما أردَّه ..
    والمودَّه يالفرج .. هيِّ المودَّه ..
    صاحبي .. مالي بصدَّه ..
    صاحبي .. روحي عرينه ..
    ولو نصاني والنواصي عشب قبري ..
    والله إني غصب لآحيا ........ ثم أعينه !!

    إرتكيييييييييت .. وطحت ..
    والجلمود .. ناخ .
    آآآآه يا كذب الليالي البيض ..
    آآآآه يا ظلم السباخ ..
    من مشاها ولا وراه زنود تبري الكبد .. داااااااااخ .
    يا كثر ما خيِّبتّ .. ظنّ اللبيب ..
    ويا كثر ما غيِّبتّ .. وجهٍ قريب ..
    ويا كثر ما شاف منها ..
    صافي النيَّه .. وشاخ .

    إرتكيييييييييييييت ..
    و أثر ظِلِّي ما يمون ..
    و أثرني كومة طعون ..
    من غلاة أصحابها .. ما قدرت أقول : آآآآخ .

    لي مبادي ..
    وصاحبي .. لوجار منه الجور .. عادي
    وصاحبي .. لو هو قتل ذكراي .. عادي
    وصاحبي .. لو هو بِخل بِرضاي .. عادي
    وصاحبي ..
    يبقى العزيز الناصع اللي له ودادي

    ودام أنا ستره وثوبه ..
    صاحبي .. ما أقول : عنه أبداً ، وتوبه ..
    يا هلا به ..
    وبعيوبه ..
    وبذنوبه ..
    يا هلا .
    إن وصلني .. ياهلا .
    وإن قطعني .. يا هلا .
    صاحبي وإلا فلا .
    والغلا نعمة كريم ..
    وساقها لكلّ الملا .

    ويالفرج .. حاول تحبّ .
    دام لآهل الأرض ربّ .
    ولو تشوف .. أصحاب واجد حول قلبي ..
    لا تعاندّ .
    السواعدّ من سراب !
    والحصايدّ من يَـباب !
    والشِعرّ .. كذَّاب !

    خلّ فِتَّال الشوارب .. عن يمينك ..
    ولا تخاف من الحرج .. لو قيل وينك ؟
    كلّهم مثلي تراهم .. باالنهاية ..
    طالبينك .. طالبينك .. طالبينك .. يالفرج !!
    ويوم ضاقت ..
    قلت وينك يالفرج ؟
    قال : جيت ..
    وشفت حولك ألف صاحب ..
    وخفت أسبب لك حرج




    د.صالح الشادي
     
  2. سيسرا

    سيسرا موقوف موقوف

    397
    0
    0
    ‏2009-10-10
    والله ، وتمدّنا ..
    وصرنا مانعَـْرف الشاي ..
    إلا بثلج !! .
    وكن الشاي مزروع بشوارعنا ..
    وكن الناس تمشي في شوارعنا ..مع الإترنج .

    يابنت كوني واقعية ..
    بي صداع ، يحتاج يتبلسم على جالك ..
    ولكن ..
    مو بهذا البنج .. !
    الغنج ساعة وينطفي
    وانا اشتهي عمر يشعلل بي رجاف السرج !
    زمااااا ن عدّت من هنا.. مراكب الإغريق
    وعدّا من هنا ركب المُثنى..
    وعدّوا بيض..
    عدوا زنج.
    العصر ( أذن ) ..
    والغروب يلوّح بكفه تعال..
    واحتال ..
    أضحك على نفسي وأطمنها وأنا أرتج .
    ماعاد في نفسي ظما
    إلا لبوابة سما ،
    أطقها.. وآهج .
    النخل إلى منه كبر..
    ينسى مواعيد المطر..
    والبلبلة والعج !
    روحي بتاريخ السحاب..
    الله معك..
    أنا ب أروح الحج.
    (*)
    ياغبية..
    كل هالأيام مرت..
    وانتي انتي..
    تزرعين الثلج في جمري..
    – بزعمك بانطفي - !
    لا واللطيف اللي لطف
    ماكان زرع اللي زرعتي..
    كان هم ، وضاع فيني..
    دوريه..
    وإن لقيتيه اقطفي.
    إحلمي ..
    لكن وش آخر هالتماهي بالهروب..
    أتحضّنك..
    لكن أحس إنك معي ..
    وإني معك.. بس مختفي ؟!
    غلطان من يحكم على التغريد..
    ماكل تنهيد يلجلج في الحنايا-
    محتفي .
    يا حالمة..
    ماكل من يسكت حليم ..
    ولا كل من زارك وفي.
    (*)
    وش رايك تشقي القناع..
    وتمسحي لطخ الدهان
    وتنزلي من فوق هالمسرح دقيقة ؟
    وش رايك تكوني شعاع
    ينبعث لآخر خيال بعتمتي مرة..
    أو تكوني حقيقة ؟
    مايفرّق هالنسا عن بعضهن..
    غير إنهن يتشابهن في كل شي-
    الا الطريقة ! .
    الصخب والعدل الأعمى..
    والمدينة والضجر..
    نار وحريقة.
    مانبي غصن يبس
    مانبي وجه عبس
    ولا نبي أصلا .. حريقة
    إقربي أكثر من أول
    طفلك المجنون الأول
    جد شيٍ في طريقة.
    بس لين الحين والله ..
    في ظمااااااه
    طايح ولا ابتل ريقه
    ..........
    بللي ريقه .

    د.صالح الشادي
     
  3. مدى النسيان

    مدى النسيان عضوية تميّز عضو مميز

    3,561
    0
    36
    ‏2009-07-08
    ارتكاب النسيان ..





    علاقة عابرة ..
    وفتاة مكابرة ، ورجّال سهل !
    وأنا ياابوجهل مليت .. من هذا الجهل !
    ياليت ترحمني وتقلب وجهك الطيني ..
    وتاريخ الهزل .
    الروح من دنس طهارتها ، دنس ..
    ثم إنكنس من سكة الصدق ، وعلى راسه نزل !
    والدمع لامنّه نزل وأمسى على خد التراب ..
    أصبح وحل !
    مسكين ياالغافي بحضيرة عشق مافيها نخل .
    ومسكين ياللي تلمس الوردة بأحاسيس النحل
    ومسكين ياللي عايش ليومك ..
    ولا به من يلومك ..
    ولا عندك أمل !
    الذل إنك تترك التاج الرفيع ..
    وتلعق غبار النعل !
    والذل إنك ماتشوف من الشموخ إلا الحضيض أوالسهل ..
    والذل إنك ماتكون إلا (فحل ).
    علاقة عابرة ..وفتاة مكابرة .. ورجّال سهل .



    وهذه أيضاً من روائع د.صالح الشادي
    شكراً لسيسرا التواجد هنا
     
  4. رحيل

    رحيل تربوي جديد عضو ملتقى المعلمين

    58
    0
    0
    ‏2009-11-14
    على مقاعد الدراسة
    يالفرج ..
    صاحبي ما شفت زوله ..

    من فقدته فيوم شِدَّه ..
    بس.... لو جاني على قلعة عيوني ..
    حالف إني ما أردَّه ..
    والمودَّه يالفرج .. هيِّ المودَّه ..
    صاحبي .. مالي بصدَّه ..
    صاحبي .. روحي عرينه ..
    ولو نصاني والنواصي عشب قبري ..
    والله إني غصب لآحيا ........ ثم أعينه !!

    mrs.aplication

    كلمات في غاية الروعة والجمال

    سلمت لنا بهذا الإختيار الرائع

    ولا غرابه على الدكتور صالح هذا الإبدااااع


    تقبلي مروري
    دمت بود
     
  5. مدى النسيان

    مدى النسيان عضوية تميّز عضو مميز

    3,561
    0
    36
    ‏2009-07-08
    ارتكاب النسيان ..
    مصافحة لحضور النقاء والجمال

    وبهاء الحضور عندما رافقكِ أيتها الرحيل

    الركن الأدبي إزدان وابتهج لتواجدكِ فيه

    فمرحباً بكِ وبقلمك..

    كوني بالقرب وننتظر مشاركاتك فلا تجعلينا نطيل الأنتظار
     
  6. سيسرا

    سيسرا موقوف موقوف

    397
    0
    0
    ‏2009-10-10
    قالت : ولد مجنون
    قلت : و عآشق(ن) مجنون
    من خلقت الدنيا و مثله ماخلق بالناس مثله
    رغم قسوتهم حنون]~
    أسمر سقته الشمس ماها لين فوّح في مداها و أدهش الليمون
    و أبيض من اوراق السحاب و من عباب الماء و من نبع العيون
    روحه غمامه من سماء
    بوحه ضماء
    نوحه رفيف غصوون
    موزون ..
    لكن لاسمع صوتك تبعثر و إنهمر و إختل فيه الكون
    و محزون ..
    لكنك تنسيه الحزن كل ماحضن طيبك شقاه و هدهده بالهون
    و مفتون ..
    لكن فتنة العاشق مرآتب و من تكوني عشقة إحساسه
    طبيعي لو رفع رآسه وعآشق بمرتبة مجنون
    قالت : ولد مجنون
    قلت : وعآشق(ن) مجنون
    تدرين وش معنى مساء الخير ؟
    تدرين لا طارت من شفاهك من اللي يطير ؟
    عقلي يطير
    و كوكبي يفتر عكس الإعتياد من الطرب و المستحيل يصير
    أمنت بالله القدير
    حلّ الدفى و البرد فارقني و فلّ الزمهرير
    رجعت حيّ و قلت حيّ الورد الأصفر و العبير
    حيّ الصباح اللي تشابك بالمساء حيّ الحرير
    حيّ الحياة اللي طعمها يشبه الجنّه كثير
    قولي مساء الخير ]]آورّق و آنبعث و آكون و لآتسألي وشلون
    مجنون !!
    ومن قولي بربك يسأل المجنون إلآ واحد(ن) مجنون !!
    قالت : ولد مجنون
    قلت : وعآشق(ن) مجنون
    مر(ن) ثلاثين و عليه(ن) من سنيني زود
    وكان العقل موجود
    لكن وش جنيت من العقل و الثقل ومن الليالي السود
    وش فادني صبري و مقطان الحنين اللي سرق عطري سنين و بادني وش زادني ؟
    مازادني إلا جفاف إسمه رشاف المجد
    و المجد زيف إن ماعركته باليدين المجد
    المجد لله في سمااه و في ثراه
    ماغير حُبك مجد
    ياشوق مشغلني معه
    ياطربتي لافزت من أقصى الضلووع آلآشرعه
    انا اتوّجد وجد و ياجعل قلبك مايذوق إلارفيف الوجد
    ياعذبة العنقود ’’
    إشتقت للباروود و إن كان بك مثل إشتياقي فجريني بالتلاقي و إنسفيني جود
    أنا إحترآقي في عيونك كل همي و غاية المقصوود
    و لآهمني هرج الملا خل الملا يحكون
    مجنون !!
    ومن قولي بربك يسأل المجنون إلآ واحد(ن) مجنون !!
    قآلت : شاعر(ن) مجنون


    د.صالح الشادي
    ابلكيشن شكرا لفتح الباب لسماء رفيق الطفوله.
     
  7. سيسرا

    سيسرا موقوف موقوف

    397
    0
    0
    ‏2009-10-10
    ما يهمك ؟
    ومن متى كانت سواليفي تهمك ؟
    ومن متى كانت عباراتي تهمك ..
    ومن متى كان الشعر ولا انا حتى انا اهمك
    اكتشفت اليوم اني كنت ماضي
    كنت شاعر يحترق يملا حياة انسان فاضي
    واكتشفت ان الهوى ماهو بدمك
    كان شي من الوهم كان افتراضي
    يعني في تعبير سطحي
    كان سطحي
    كان ممكن ينتهي ..
    او ما يهمك ؟
    كان .. يعني العرش ما عاد بمحله
    يعني دور لك مكان
    يعني كل اللي حصل غلطة زمان
    يعني شفلك تاج غير وصولجان
    يعني مالك حق تشكي
    يعني مالك حق تبكي
    يعني غيب بهالعجاج ولا تبان
    كان وعند الناس يعني كان
    يعني موجود له ابعاد وحقيقه
    له كيان
    يعني نيران وغضب ريح حريقة
    غضب وعنفوان
    وعندك انتي كان
    كلمه من بعض ما قال فمك
    يعني من ذاك الكلام
    اللي يعدي بسلام
    لا يهمك عندك انتي والله اني ما ضعفت
    بس عندي الحب من طبعي ضعيف
    حبي ياللي فيه من قلب اعترفت وغيره
    اوهام تخاف ولا تخيف
    لا تقولي يا لطيف
    شاعرك لو جاع يخبز من الم جوعه رغيف
    شاعرك لو شاف ضيف يصير عند الضيف ضيف
    شاعرك وبل ورفيف
    شاعرك من وين ما رحتي وليف
    شاعرك من وين ما جيتي وليف
    شاعرك حريف
    اقصد انه لا نوى الصعبه كسرها
    واقصد ان قذيلتك يعرف شعرها
    لمها ياما
    ولو يبغى يلمك
    بعد هذا ما يهمك ؟
    استويتي وصار لك عنقود ؟
    يغري الارض ويفجر ضماها
    استويتي وصرتي اشهى من عروق الذكريات
    ومن صباها
    استويتي ؟
    بس من ويت ارتويتي ؟
    من سقى روحك حياه ورعاها
    من وصل فيك النجوم وتباها
    من هذاك اللي على صدره غفيتي
    من يكون ؟
    الله واكبر !!
    كيف عنه ما دريتي
    استويتي وبان لي وجه الحصاد
    ااه يا وجه الحصاد
    ااه يا ذاك الشحوب اللي تلاطم بالسواد
    ااه يا ذيك الخدود اللي يصفعها الرماد
    ما وفت
    او ما وفيتي
    ما يهمني
    ومن يقول ان الوفى همي
    ارحلي ماني بيمك
    ارحلي كانك تبين .. لا يهمك
    من متى كانت سواليفي تهمك
    ومن متى كانت عباراتي تهمك ..
    ومن متى كان الشعر ولا انا حتى انا اهمك

    د. صالح الشادي
     
  8. سيسرا

    سيسرا موقوف موقوف

    397
    0
    0
    ‏2009-10-10
    (1)
    علاقة عابرة ..
    وفتاة مكابرة ، ورجّال سهل !
    وأنا ياابوجهل مليت .. من هذا الجهل !
    ياليت ترحمني وتقلب وجهك الطيني ..
    وتاريخ الهزل .
    الروح من دنس طهارتها ، دنس ..
    ثم إنكنس من سكة الصدق ، وعلى راسه نزل !
    والدمع لامنّه نزل وأمسى على خد التراب ..
    أصبح وحل !
    مسكين ياالغافي بحضيرة عشق مافيها نخل .
    ومسكين ياللي تلمس الوردة بأحاسيس النحل
    ومسكين ياللي عايش ليومك ..
    ولا به من يلومك ..
    ولا عندك أمل !
    الذل إنك تترك التاج الرفيع ..
    وتلعق غبار النعل !
    والذل إنك ماتشوف من الشموخ إلا الحضيض أوالسهل ..
    والذل إنك ماتكون إلا (فحل ).
    علاقة عابرة ..وفتاة مكابرة .. ورجّال سهل .
    (2)
    ياقليلين الشعور ..
    تعلموا حب الزهور
    تعلموا عشق الزهور
    ولا تقطفوا هذا الرجا الموصول مابين المعاني والعطور!
    النور لو نطفيه بإيدينا عمينا ..
    وأرهبتنا دورنا ببرودها ، وفي وحشة الديجور .
    والحور ..
    هذا الباسق المغرور ..
    دلوع الشجر ..
    لو نقطع غصونه يشين .. ولا يسُر ..
    ولو تمايل من طرب أومن عجب و سرور !
    والتينة اللي عاث فيها الطير ..
    غير التينة اللي ماوصلها غيرك إنت من الطيور !
    والنفس فيها عزة لوتنتهي ..
    أشرف لنا من هالحياة ، القاصيات من القبور .
    ومن تاب تاب الله عليه ..
    ومن غفل .. مايشبه الا الثور !
    وطبيعة الدنيا تدور ..
    وكلنا بالدور ! ولا فيها زعل .
    الحب ماهوب العسل ..
    والحب ماهو موعد وليلة دجل.
    الحب انسان نبيل
    يحلم ولا عمره وصل .
    ماهو علاقة عابرة ..وإلا فتاة مكابرة .. ولا هو برجّال سهل ! .
    (3)
    يامبعدة ..
    ومعربدة فيني ، خيال وطيف ‍
    أنا جار الضحى والضي
    وقلبي حي ..
    ما له بالعتم والحيف !
    وربي ماخلقني مثل زي وزي
    غيمة ، أو سحابة صيف .
    أحب إنك تكونيني ..
    وأكونك شي ..
    ماله وصف أو تعريف !
    إذا زاد الجفاف الميْ
    وإذا زاد الخلاف السيف !
    وبلا هالظن في ربعي‍
    وبلا هالطعن في طبعي
    وبلا تخريف .
    أحبك إيه أحبك إيه أحبك
    ولو تقولي خان ..
    أنا عازف عن القطعان وأهل الزيف!
    ولكن لا وصلني ضيف ..
    أبكرم من وصل ؟
    حتى ولو ماله سوى عيني محل ..
    ولو كنت ما املك من حطام العالمين إلا الغزل ..
    بأسقيه نبعة من غزل
    ماهي علاقة عابرة .. ولاهي فتاة مكابرة .. ولاني برجال سهل

    د.صالح الشادي
     
  9. سيسرا

    سيسرا موقوف موقوف

    397
    0
    0
    ‏2009-10-10
    أفهمك .. وش فيك شايفني غبيّة ؟!
    أو تشوف إني مثل بعض النسا عقلي شوية ؟!
    لا تحاول تستفز انوثتي
    ماآلين وإن لآن الحشى لك أو خضع غصبٍ عليه
    ماآلين غير إن شفت دمعك
    يركع ويسجد على شباك قلبي
    اوعلى عسجد يِدََيه !
    أفهمك .. فنان يطربك الخجل
    لا شفت فجره في الخدود المستحيه .
    و أفهمك .. ياالصايع المغتّر بأمجاد الغزل ..
    ياأبو الغزل والنرجسية !
    وأفهمك عذب النبا على السجيّة
    كن روحك .. مزنة تسقي عروق المهمهية !!
    مرتكي فوق السحاب
    وبارد الأعصاب لكن .. فيك نار الجاذبية .
    وش تبي .. كلمة أحبك ؟؟
    ما أحبك
    بس أموت بكل صوت تغرّده صبح وعشية !
    وش تبي .. كلمة عشقتك ؟؟
    ماعشقتك ..
    لكن إحساسك فدع بي وإفترى باأحلى صبيّة !
    أفهمك .. وأحتاج وقت أستانسك وأثقل عليك ..
    قبل ما تثقل عليّ .
    أفهمك ماني غبية ..!!
    قلت أدري .. بس ما شاالله ذكية !!

    د. صالح الشادي
     
  10. أبو غلا

    أبو غلا عضوية تميّز عضو مميز

    3,049
    0
    0
    ‏2009-03-12
    معلم
    رائع أيها الشادي
    mrs.aplication
    رائعه في ذوقك وطرحك
    لك فائق احترامي وتقديري
     
  11. خالد السلمي

    خالد السلمي عضو سابق في مجلس إدارة الموقع عضو مميز

    10,828
    0
    0
    ‏2008-01-13
    معلم
    كلمات عذبة من شاعر عذب غني عن التعريف

    سلم الشاعر وسلمتِ أختي mrs.aplication

    وسلمت أخي سيسرا على الإضافة
     
  12. مدى النسيان

    مدى النسيان عضوية تميّز عضو مميز

    3,561
    0
    36
    ‏2009-07-08
    ارتكاب النسيان ..


    مرحباً بك أستاذ بوغلا

    والأروع هو مرورك من هنا ..

    لا هنت
     
  13. إبراهيم أبوعبدالعزيز

    إبراهيم أبوعبدالعزيز عضو سابق في مجلس إدارة الموقع عضو مميز

    5,520
    0
    0
    ‏2008-01-13
    تربوي وكاتب


    صالح الشادي شاعر مميز

    شكراً ابلكيشن هذه الذائقة

     
  14. مدى النسيان

    مدى النسيان عضوية تميّز عضو مميز

    3,561
    0
    36
    ‏2009-07-08
    ارتكاب النسيان ..


    العذب هو مرورك أخي أستاذ خالد .. ومن هو مثلك فعلاً غني عن التعريف

    لا عدمنك..
     
  15. مدى النسيان

    مدى النسيان عضوية تميّز عضو مميز

    3,561
    0
    36
    ‏2009-07-08
    ارتكاب النسيان ..
    البلـد ..
    يا كثر ما فيها أحزان ..
    والسهر سلوة حيارى ..
    والعذاب إنسان ..
    إشرقي من عتمة الظلما وكوني
    صبح يرتاح بعيوني
    وشمس ريانه حنان
    علميني أبجديات الهروب
    من الغروب ولحظة الفقدان .
    آه .. .. ..
    يا صعب هذا الزمان !…………
    وين أولِّـي ..؟
    ما بقى لي غير وجهك
    جيت ألوذ بنور وجهك
    من عبوس أهل الزمان..!
    جيت أقول إني تعبت من السفر
    بين الصور !
    وإني ضجرت من الضجر
    ومعانق الجدران ..
    وجيت أقول إني هزمني البرد
    وإن الوجد كايد ، والأمل خوّان!
    وجيت أقدم لك قصايد ورد لكن
    نصفها حزنه يفوح ..
    ونصفها ذبلان ..!
    جيت ابنسى .. .. صدقيني ما بقى
    فيني جلد ..
    ومحد من الهم خالي ..
    وكل خالي ما خلا من ها النكد !
    والبلد/ يا كثر ما فيها من أحزان
    اقصري صوت (المسجِّل) ..
    سكتيه اللي قضى عمره يدّجل
    ضحكتك ..!
    ياني شغوف لجلجلتها ..جلجليها ..
    واتركي الدنيا تجلل
    واعزمي الفرحة
    وخليها تعجّل بالوصول !
    الأغاني كذبة إنسان يعاني
    وشيء ثاني
    لا تظنيها مواني
    ولا تعديها ولا ربع الحلول !
    والطرب ، أنتي طرب كلك
    دخيلك موّجي ظلك
    وقولي كيف أفلك ..
    وإن جمعتك .. علميني وش أقول ؟
    تلمذيني ..
    لعنة (الأستاذ ) من حولي طفت ضوّي ..
    وتوّي بأول فصول التأمل والذهول !
    والخطاوي في حذر ،
    تنسل بي وسط اندهاشي
    والعقل مشلول ..!………..
    يل دليل اللي غدا منه الدليل ..
    إقهري ها المستحيل ..
    وانفضي عن كاهلي حمل المسافة
    ولا تخليني كذا مثل الذليل ..
    وكان في قلبك حنان ..
    طالبك/ لا تتركيني في مهب الحزن
    وأوجاع الزمان
    إغسليني من غثا الأيام بشوية وفا
    ودوّري لي في ظروفك عن مكــان
    وعن أمان ..
    وغيبيني في تضاريس المشاعر
    في مناخات الجسد ..
    لو دقايق تحسبيها ، أو ثواني بالعدد
    وبعدها ما أبي أحد ..
    غيرك .. ولا غيرك أحبه للأبد ..
    والبلد / يا كثر ما فيها من أحزان



    د.صالح الشادي
     
  16. مدى النسيان

    مدى النسيان عضوية تميّز عضو مميز

    3,561
    0
    36
    ‏2009-07-08
    ارتكاب النسيان ..

    إبراهيم أبوعبدالعزيز

    الشكر لك ولتواجدك في هذا المكان

    دمت كما تحب..
     
  17. مشعل

    مشعل عضوية تميّز عضو مميز

    4,905
    0
    0
    ‏2008-03-17
    معلم
    الله يفرجها

    شكرا لك ابلكيشن

    شكرا سيسرا

    الف شكر صالح الشادي