اعلان 1 اعلان 1 اعلان 1 اعلان 1 اعلان 1 اعلان 1


قالت لي بصوتهآ الحزين وصيتي اخواااااااانك انتبهي عليهم وخذي بالك منهم (كارثة جدة)

الموضوع في 'الملتقى العام' بواسطة عطر الكون, بتاريخ ‏2009-12-10.


  1. عطر الكون

    عطر الكون مراقبة إدارية مراقبة عامة

    15,600
    8
    0
    ‏2009-01-17
    كل يوم نتعلم شيء جديد
    السلام عليكم ورحمه الله وبركاته ..!

    للكاتبه . مشاعر جنوني ..

    بداية قصتي مأسأه ونهايتها مأآآآسي .

    بكل بساطه احكي قصتي ومن القصه بداخلها قصص ..!


    قصة كآرثة جدة وضحايآها مع العيد الأضحى العظيم ..

    كآنت أمطآر عآتية متلها متل أي منطقة بتجيهآ أمطآر ..
    بس قدرة قآدر طلعت هالمرة الأمطآر اقوى مما تخيلنآ ..
    وقبل كل شي نعرف ان ربنآ على كل شي قدير ..
    صآرت هالكآرثه في صبآح يوم الأربعآء بتآريخ 8/12 / 1430هـ


    بدآيتهآ غيوم وهوىء بآرد ونظيف ونقي وجو خيآآآآآآآآآآآل ..
    الكل حب هالجو وحآب يطلع يتمشى متله متل أي شخص فأي بلد ..


    واحنا ممن ضمن هالاشخآص وهالناس اللي حبوا الجو ..
    وقلنا بنطلع نتمشى مع ماما وبابا واخواني ..
    ماما قالت انا بطلع مع ولدي وانتم الحقوني مع ابوكم ..
    عشان بتروح قبلنا وتكتشف المكان والاوضاع هي واخوي وخآلآتي قبلنآ ..
    فتصل عليها بابا وسالها عن الجو وقالت مرة روعه وعندنا مطر خفيف عند البحر ..
    وانا واخواتي وبنات عمتي فرحنآ بالخبر وقلنا لبابا يلآ نلحقهم ونكلم خالي وبنات خالي ..
    ونشيل فطورنآ معنآ عشان نتونس اكتر واكتر ..
    وكنآ مبسوطين مرررة مع الجو والسيارات والامطار يعني بصرآحة كآن المنظر رووووووووعه ..


    ولحقنآ ماما وشفنآها وكانت مبسوطه فينا وكنا نضحك من ورا شباك السيارة ..
    كنا متجهين ع البحر ..


    بس لقينآه زحمة مرررة ..
    فماماقالت خلينا نروح استرآحتنآ ..
    وبابا قال طيب ..
    واحنا راجعين من الخط السريع .. فجأة !!
    اتصل صاحب خالي عليه وقاله إلحقني السيل وصلني وغطى علي ..
    وكنا قلقانين عليه وخالي قال انا بروح له ..


    وبعدين واحنا عند الجآمعه وقف علينا الخط ..
    وجلسنا سآعتين ننتظر ...


    ملينا من الانتظار وبس طالعنا على يسارنا لقينا خط الخدمات معدوم والسيل وصله وقدامنا شفنا الحدث ..
    سيارات ورجال كبار وصغار مسحوبين بالسيل محد قادر يساعدهم لأنهم لو سحبوا واحد يمكن راح ينسحبون الكل ..
    لأن السيل كان قوي وأقوى مما تتصورون ..
    وقتها خفنا وبابا قال لا تخافون دامني معكم ..
    بس ماتوقعنا اللي بيصير .. الموت لاجا مايعرف كبير ولآ صغير ..
    كل شي تحول بتواني ..
    وكل شي صار بلمحة بصر ..
    السيل اللي كان بخط الخدمات وصل لعندنا بلحظة ..
    وقتها ماعرفنا وش نسوي ..
    بابا يصيح انزلوا من السيارة ..
    وشفنا الناس كلهم نازلين من السيارات ..
    والكل يجري وربي وربي كأنه يوم قيامه ..
    االناس بكل اجناسهم قدآمي يجرون ..
    محد قادر يساعد احد ..
    الكل قدامه الموت .. مافي يمه ارحميني ..
    ناس تصرخ باعلى صووووت .. بس محد سامعها غير الواحد الأحد ..
    واحنا ناس منهم ..
    نجري بكل قوتنا .. لين سوور الجآمعه ..
    شفتوا سور الجآمعه وشلوون طويل !!
    بس على طوله قدرنا نطلعه ..
    مدري والله كيف جاتنا قوة وطلعناه ..
    اختي التآنيه قدآمي وبنات عمتي ثنتين منهم..
    وبعدهم اخوي بدر ..
    وطيف اختي عشان جسمهآ صغير قدروا الشباب يطلعوهآ بسرعه ..
    فجيت انا بطلع ماقدرت من ذهول المنظر جاني تبلد ..
    وثقل مو طبيعي ماقدرت اطلع بابا الله يسعده شافني ابكي واصرخ يبي يساعدني بس ماقدر ..
    فإثنين من الشباب ربي يستر عليهم طلعوني وساعدوني بالطلوع ..
    فجلست ع السور ماقدرت انزل اطالع بأختي الكبيرة وخالتي بعد ماقدروا يطلعوا ..
    كلهم يطلبوا مني المساعدة .. وانا متشتته بينهم واطالع بعيون امي وهي بدموعها تطالع فيني ..
    منظر مو رآضي روح عن بآلي ..
    قالت لي بصوتهآ الحزين وصيتي اخواااااااانك انتبهي عليهم وخذي بالك منهم ..
    فصرت اطالع بالعالم اللي حولي ماأدري وش اسوي او وش بيدي اساعدهم ناس صوتها بإذني تصرخ ..
    وناس تموت قدامي .. سيآرآت بعوايلها تتقلب ويشيلهآ السيل متل الورقة ..
    وشباب الغربيه والله ماقصروا اثبتوا وجودهم بصرآحه ..
    سحبوا اختي الكبيرة وخالتي ونزلوني من على السور ..
    وجلسنا نجري والناس تجري معانا والسيل على يسارنا اطالع فيه شايل ناااس وسياراات وقمامات ووسآخآت" الله يكرمكم "
    وناس قدامي تطيح ماتقوم ..
    وربي المسافه كانت طويله واحنا نجريها بس ذهول المنظر ماحسينا بالتعب لأن الكل معنا ..
    وكان معي اخوي واختي الصغار ماسكتهم كان علي ثقل مو طبيعي ..
    كان في سيل قدامي ابي اقطعه ماقدرت سحبني انا واخواني ..
    ذقت المووووت واصرخ باعلى صوت بس مين يسمعني واخواني الباقين يصرخون يبون يساعدوني وبعد مابيدهم شي ..
    سحبنا السيل بأقوى قوته .. كأنه نهر يجري .. مسكت بشجرة بس الشجرة انسحبت معي وبوسط السيل ساعدوني شباب اخذو اخواني الصغار عني .. وقلت لهم خلوني اموت خلآص بس عليكم باخواني ..
    فقال واحد منهم وحتى انتي انشاء الله معهم وسحبني ..
    وربي ماقدرت انسدحت من التعب ع التراب .
    والناس باقي تجري ..
    قلت خلآآآآآص ماعآآآآآآآآآد فيني حيييييييييل ..
    خلوني اموت ..
    جآني اخوي اللي كان مع ماما وجلس يبكي يترجآني يبيني اقوم ..
    واخواني الصغار معي يبكون .. قمت وانا ميته من التعب واجري ..
    لين وصلنا سكن الجآمعه واحنا مهلوكين ..
    البرد كان ذابحنا ابي ادفي اخواني الصغار ابي مكآن يحفظهم وآمآن ..
    فكآن جبنآ شبآك ومن صوت الناس العالي انفتح الشبآك وسألتني وحدة وش فيكم ؟؟
    قلت لها السيل غرقنا وغرق العآلم قالت وش جآيب هالعآلم عندنآ ؟؟ وانتم بيت مين ؟؟ وش ترجعون ؟؟
    وآحد عصب عليها وقال ياحرمة هذا وقته افتحي لنا بيتك ودخلي الصغار قالت معليش !!


    هنا احنا وقفنا طالعت وش هالناس اقولك سيل غرقنآ ونبي منك المساعدة تقولين معليش ..

    ورحنآ لبيت تآني فتحوآ لنآ اسرة أجنبية ضيفونآ وجلسونآ عندهم ....

    بابا اتصل يبي يطمن علينا انا واخواني وقال لنآ إن امكم توفت..

    بسبب الإهمآآآآآآآآآآآل رآحت أغلى النآآآآس ..
    اللي كآنت بحيآآآآتي,,, صديقه واخت وام واب وكل شي ..


    ونآس بعوآيلهآ رآآآآآآآآآآحت .. ونآس ضآعت ..


    وناس للحين مفقودين جثث تحت الترآآآآآآآآآب تحللت ومحد قآدر يوصلها ..

    وهذآآآآ كله شوووووووية من اللي شفته وصآر لجدة وشعبهآ ..
    ومآ خفيآ أعظم ...}


    وعلى فكرة اللي شفنآهم احنا وقسم بالله يمكن فووووق 2000 شخص متوفي .. هذا بس اللي احنا شفنآه .. غير البآآقي ..
    وغير اللي تحت الترآآآب ..



    وكله كوووم وبحيرة المسك بكوم ..
    ادعوا لنآ بالرحمة ..





    حسبي الله ونعم الوكيل على كل مسؤول هآآمل ..

    ** بدون تصريف ميآه ذهبت اروآآآآآح البشر ..


    منقول الله المستعان
    رحم الله الأموات
    وحسبنا الله على من كان السبب
     
  2. خالد السلمي

    خالد السلمي عضو سابق في مجلس إدارة الموقع عضو مميز

    10,828
    0
    0
    ‏2008-01-13
    معلم
    رحم الله الأموات الشهداء

    قصة مؤثرة جدًا

    وهناك من القصص الأخرى المحزنة

    مشكورة أختي ليلى

    والله يعطيك الف عافيه
     
  3. عوض العسيري

    عوض العسيري عضوية تميّز عضو مميز

    1,714
    0
    0
    ‏2009-01-27
    معلم
    الله المستعان ... و لا حول و لا قوة إلا بالله

    و أتوقع أن القضية ستمر مرور الكرام...
     
  4. مشعل

    مشعل عضوية تميّز عضو مميز

    4,905
    0
    0
    ‏2008-03-17
    معلم
    الله المستعان
     
  5. عوض الحارثي

    عوض الحارثي عضو مجلس إدارة الموقع عضو مجلس الإدارة

    4,918
    0
    36
    ‏2008-01-13
    معلم
    حسبنا الله على من كان السبب
     
  6. عذبة المعاني

    عذبة المعاني مراقبة إدارية مراقبة عامة

    24,873
    40
    48
    ‏2009-01-10
    أنثى
    ..............
    الله المستعان
    رحم الله الأموات
    وحسبنا الله على من كان السبب
     
  7. teacher2006

    teacher2006 أبــو فهـد .. عضو مميز

    9,954
    0
    0
    ‏2008-09-12
    teacher
    رحم الله الأموات

    نحسبهم شهداء عند الله
     
  8. نايف البلوي

    نايف البلوي تربوي مميز عضو مميز

    2,680
    0
    0
    ‏2009-05-19
    موظف حكـومي
    رحم الله الأموات الشهداء

    قصة مؤثرة جدًا

    وهناك من القصص الأخرى المحزنة

    مشكورة أختي ليلى

     
  9. الرويس

    الرويس مشرف سابق عضو مميز

    1,082
    0
    36
    ‏2009-01-01
    معلم
    ما اقول غير حسبي الله على الظالم