اعلان 1 اعلان 1 اعلان 1 اعلان 1 اعلان 1 اعلان 1


المرجله ياخوي هي طولة البال هي العزم هي الصبر فالضلايم

الموضوع في 'ملتقى بــوح الأقــلام' بواسطة السراب999, بتاريخ ‏2009-12-30.


  1. السراب999

    السراب999 تربوي جديد عضو ملتقى المعلمين

    249
    0
    0
    ‏2009-05-25
    معلم
    إذا المراجل لبسة شماغ وعقال
    قل للعذارى يلبسنّ العمايم

    ما عاد يفرق زول حرمه ورجال
    دام الفعايل تشبه البعض دايم

    المرجله ما هيب كلمه وتنقال
    وتروح ما راحت هبوب النسايم

    وإلا خشونة صوت أو رفع الأثقال
    أو رزة صدور وفعل الزلايم

    ولا هي بعد مفتاح موتر وجوال
    وإلا ردى لسانن حديثه شتايم

    المرجله شيمه عن القيل والقال
    رفيع نفس (ن) حر بالجو حايم

    المرجله عقلٍ وزن وزنه جبال
    ودون العقل وش فرقنا والبهايم

    يا مسندي لو مايل الوقت بي مال
    يا ولد أبويه يا عظيم العزايم

    يا معرب الجدين من العم والخال
    يا نخوة المفزوع وقت الهزايم

    المرجله يا خوي هي طولة البال
    هي العزم هي الصبر فالظلايم

    فيها الكرم عزه دله وفنجال
    فيها الكرامه عن ردى الطبع شايم

    والدين لامنه خذا القلب منزال
    مشى طريق الحق وابليس نايم

    ومن لا عرف ربه في طيب الحال
    لابد وقت الضيق بالهم هايم

    حتى صلاتك مع جماعات ورجال
    في خيرها يا خوي نعم الغنايم

    ولامن نصف ليلك قم صفي البال
    يا عظم أجرك بين ساجد وقايم

    ولا من رفع ربي له كل الأعمال
    حسن الذكر لا قالو فلان صايم

    وخلك شريف القصد يا طيب الفال
    سوء المقاصد فالبيوت الهدايم

    واحذر تبيع النفس في دب الأنذال
    وتتبع خوي إبليس راع النمايم

    النفس خيل لك إذا كنت خيّال
    ومن لا قوى نفسه قوته الهزايم

    ولا صرت ما تدري لو يش أنت رجال
    والله خسارة فيك ذبح التمايم
    ((منقول))
     
  2. kkaa123

    kkaa123 عضوية تميّز عضو مميز

    ‏2008-06-09
    معلم
    المرجله شيمه عن القيل والقال
    رفيع نفس (ن) حر بالجو حايم

    المرجله عقلٍ وزن وزنه جبال
    ودون العقل وش فرقنا والبهايم


    يعطيك العافية على النقل وشكرا لك
     
  3. }{ الصَّرريحـة }{

    }{ الصَّرريحـة }{ تربوي مميز عضو مميز

    27,350
    0
    0
    ‏2009-09-06
    معلمة ع وشك التقاعد
    كلام في الصميــــــــــــم
    وللأسف تكاد تنعدم الرجولة عند بعض شباب اليوم إلا من رحم الله

    شكرا لِنقلك وذوقك الراقي
     
  4. هدوء إمرأة

    هدوء إمرأة عضوية تميز عضو مميز

    19,372
    0
    0
    ‏2009-02-02
    مستوره والحمد لله
    كلام راائع عن الرجوله الحقه

    ونقل مميز ووصف للحااال

    ارق تحيه واعذبها