اعلان 1 اعلان 1 اعلان 1 اعلان 1 اعلان 1 اعلان 1


تبي تعرف حكاية عشق وبنت حيل لعّابه

الموضوع في 'ملتقى بــوح الأقــلام' بواسطة !¤~`][الشامخ][`~¤!, بتاريخ ‏2010-01-04.


  1. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    ذبحني هالسؤال أرجوك .. قل لي بس وش جابه
    دخيلك ليه تتعمد مع ضحكك تبكّيني

    من البارح .. تعيد هالسؤال وتطرق أبوابه
    وعلى نفس الطريق اللي تجي منه .. توديني

    يا أخي وش تبي مني ؟؟ وحزني ويش تلقى به
    يهمك إيش في هذا ؟؟ عذابي وإنخلق فيني

    تبي تعرف حكاية شاعر .. جمهوره أحبابه
    تبي تعرف يصفق ليه .. جمهوري .. ويحييني

    لأن الشعر عندي .. ماهو بس أوراق وكتابة
    ولاني من فراغ أكتب .. وأبي تكثر دواويني

    تبي تعرف شاعر ليه ؟؟ هاك الشعر وأسبابه
    تبي تعرف مكاني وين ؟؟ رتّبها وتلاقيني

    فقر مال .. وفقر حال .. وفقر حيلة .. وطلابه
    وفقر حظ كريم .. أمدّ له كفي ويعطيني

    (فقر) .. إيه الفقر يعني ضياع العمر وركابه
    (فقر)يعني فقر يعني عذاب وضيم ماليني

    ورأس الفقر ورأس الجوع وعمر طارد أسرابه
    وحق الدرهم اللي مانوى مرة يخاويني

    رضعت الويل من صغري ولبست الحزن وثيابه
    على شط الشقى مولود .. وهمّي كان يرويني

    تقطّع وجهي وجفني ب ناب الفقر ومخلابه
    ولكني عزيز النفس ولو أحتاج تغنيني

    كساني ثوبي المشقوق وبين الناس أزهى به
    وكل يلتفت يمي .. يظن ب تنكسر عيني

    حشا ما تنكسر عيني وأنا اللي وقته يهابه
    عزاي إني فقير صارت النظرات ترميني

    عيون الناس تطعني .. وكل يغرس حرابه
    وبعض عيون أقدرها وبعض عيون تدميني

    وش اللي مابعد قلته .. وتبغى تعرف إعرابه
    مضت ساعات أتكلم وإنت بس توحيني

    تبي تعرف حكاية عشق وبنت حيل لعّابه
    تبي تعرف عن أسباب الجفاء مابينها وبيني

    تخيل جتني وقالت ( فمان الله يا بابه )
    تشرفنا بمعرفتك ويا الله لا تأذيني

    وأنا أعشقها ثمان سنين وهي تلعب وكذابة
    تسلي نفسها فيني ونيّتها تخليني

    تبي تعرف حكاية قبر وطفلة تسكن ترابه
    تبي أقول لك مظلوم ودم الطفلة بيديني

    تبي تعرف وش الغربة ومن اللي طوّل غيابه
    تبي أحكي .. قبل أعوام .. بالتفصيل أنا ويني ؟؟

    تبي أحكي عن الزاهد وعن ذنبه في محرابه
    دخيلك ما أقدر أتكلم .. خلاص أرجوك .. أعفيني

    قسم بالله في صدري مدينة تلفح ترابه
    مدينة ساكنة قلبي وغابتها شراييني

    دخيلك سكّر الموضوع وشف لك شيء تسلى به
    أنا منك ألاقيها أو ألقاها من سنيني


    دمتمـ بود



     
  2. سريع2

    سريع2 تربوي مميز عضو مميز

    1,169
    0
    0
    ‏2008-08-12
    معلم
    كساني ثوبي المشقوق وبين الناس أزهى به
    وكل يلتفت يمي .. يظن ب تنكسر عيني


    حشا ما تنكسر عيني وأنا اللي وقته يهابه
    عزاي إني فقير صارت النظرات ترميني

    عيون الناس تطعني .. وكل يغرس حرابه
    وبعض عيون أقدرها وبعض عيون تدميني





    مراقبنا العزيز الشامخ
    قصيدة رائعة تجلت فيها روح الرجولة للشاعر ومدى معاناته وعدم اكتراث الناس بذلك .
    تقبل مروري وتحيتي وجل احترامي
     
  3. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة

    يتجلى الابداع فيما خطه بنانك
    وطيب مرورك


    لا هنت اخي سريع
     
  4. مدى النسيان

    مدى النسيان عضوية تميّز عضو مميز

    3,561
    0
    36
    ‏2009-07-08
    ارتكاب النسيان ..
    قصيدة رائعة ..
    رغم حزنها وألمها .. إلا أن كلماتها حكَت ما في نفس الشاعر من أوجاع ..وأرغمتنا ع الانصات
    كل الشكر أخي عبدالعزيز
    دمت كما تحب
     
  5. رنووودي

    رنووودي عضوية تميّز عضو مميز

    3,529
    0
    0
    ‏2009-01-25
    معلمة وافتخر
    رائعه بروعة حضورك
    أمسكت قلمي وبدات اجمع حروفي المتناثره
    وبدأت اسطر لك بـكلماتي المتواضعه
    رداً يليق بك
    ولكن عجزت حروفي ان تقف امام
    شموخ حرفك استاذي
    فقد داهمني الصمت والعجز
    فاعذر صمتي
    امام جمال حرفك وروعة اختياااااااااارك

    دمت بود
     
  6. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة

    الشكر لمرورك بمتصفحي

    دمتي مبدعة
     
  7. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة



    [​IMG]

     
  8. }{ الصَّرريحـة }{

    }{ الصَّرريحـة }{ تربوي مميز عضو مميز

    27,350
    0
    0
    ‏2009-09-06
    معلمة ع وشك التقاعد
    أبيات رائِعة وجميلة رغم ألمهااا
    صح لسـآنك ولسـآن قائلهــآ..
    الله يعطيــــك العافيـه على الطرح الراقـــــــــــــي