اعلان 1 اعلان 1 اعلان 1 اعلان 1 اعلان 1 اعلان 1


مهزلــــــه

الموضوع في 'ملتقى بــوح الأقــلام' بواسطة ابو زيـَــاد, بتاريخ ‏2008-07-01.


حالة الموضوع:
مغلق
  1. ابو زيـَــاد

    ابو زيـَــاد تربوي جديد عضو ملتقى المعلمين

    1,329
    0
    0
    ‏2008-03-02






    قصيده للشاعر ناصر القحطاني
    عنوانها مهزله

    للاستماع للقصيده
    إضغط هنا


    تدرين يا حلوة متى العاشق يحس بمهزلة
    لاجاه شي مثل شي قام يحداني حدي

    ما اقسى من دموع اليتيم اليا ذكر ضحكة هله
    ولا يهد من الفراق إلا الفراق السرمدي

    يالوردة اللي في شرايين الحشا متغلغله
    ياروحي اللي لو تبرت مني أختل جسدي

    كونت لك عالم غرام مادخله البلبه
    إلا هدير ينتهي بين الضلوع ويبتدي

    حتى اقرب اصحابي من اللوعه سهيت وقلتله
    يا لاجودي كف العذل مافي العواذيل اجودي

    انا إلي استاهل عناقيد العنب يامدللة
    ليتك دريتي كيف عيني تذكرك في مرقدي

    يا ادنى من الغيم ان تغطرس واطول السمبله
    يا أقرب كثير من الحكي وابعد شوي من الجدي

    إن جيت رحتي مقفيه وإن رحت جيتي مقبلة
    كم مت.. وليا قلتي"أحبك" تجدد مولدي

    دنياي انا لو تجتمع لذاتها في مكحله
    والله ما اشهر لاي عين غير عينك مرودي

    ياذابحتني كل شيء إلا الجفا ما اتحمله
    ياكبر كذبة عزتي لو قلت أببعد وأبعدي

    قلبي لو أغديتيه بالصحراء بليا بوصله
    ماتاخذين إلا وهو لأقصى ضلوعك مهتدي

    وأن خاب ظني وأخر المشوار جاء مثل أوله
    بغمض عيوني وأبحلم وأقهر الحظ الردي

    باحلامنا حتى اخر المريخ نقدر نوصله
    الله..لو نطلع بساط الريح وايديك بيدي


    تخيلي روض من أقصاه أجمل الورد أحمله
    وأهديه لأيدين وظفاير شيخة الورد الندي

    تخيلي نهر بلا احجار تمثنى جدوله
    نبقى على جاله جلوس شوي وشوي نعدي

    تخيلي بيت دفاه من المواجع والوله
    ضحك وسواليف وسهر ومزوح وبساط احمدي

    تخيلي عشق عجزت أستوعبه وأتخيله
    كانه على هالحال ما عز الله أبشري بسعدي

    ياسيدة عشقي وانا راعيه راعي الاوله
    ماهي كثيرة لو تقولين : انت والله سيدي

    ترى الله اللي حط لك ذاك الغلا والمنزله
    وإلا الهوى لا ورث ابوي ولا ذخرته لولدي

    حبيبتي مايقهر الرجال في مستقبله
    إلا الهوى اللي مرة يقبل ومرات يغدي

    حتى الوفا لا زاد عن حده يعود مهزلة
    ياليتني خنتك ولا اللي قام يحداني حدي​
     
    آخر تعديل بواسطة المشرف: ‏2008-07-02
  2. رتانيا

    رتانيا مشرفة سابقة عضو ملتقى المعلمين

    4,662
    0
    0
    ‏2008-01-13


    تصوير رائع بين العشق,,, ونفحات الغرام,,,

    بين الأمل ,,, وأحلام الهوى,,,

    حب جارف ,,, يعرف الصدق,,,و لا يعرف الذبول ,,,

    إختيار جميل ,,, أبو زيــــــاد,,,

    تحياتي,,,,
     
  3. اللؤلؤ المكنون

    اللؤلؤ المكنون مشرفة سابقة عضو ملتقى المعلمين

    7,287
    0
    0
    ‏2008-05-17
    ...
    بيت يغني عن الف بيت

    .. ابو زياد ..

    رااائع هذا الانتقاء ..


    :)
     
حالة الموضوع:
مغلق